அருண் மாதேஸ்வரன் இயக்கத்தில் தனுஷ் நடிக்கும் படம் கேப்டன் மில்லர். அந்த படத்தில் முக்கிய கதாபாத்திரத்தில் நடிக்க கன்னட சூப்பர் ஸ்டாரான சிவராஜ்குமாரிடம் கேட்டிருக்கிறார்கள் என தகவல் வெளியானது.இந்நிலையில் இது குறித்து சிவராஜ்குமார் கூறியிருப்பதாவது,இயக்குநர் அருண் மாதேஸ்வரன் பெங்களூருவுக்கு வந்து என்னை சந்தித்து கதை சொன்னார். 40 நிமிடத்தில் கதையை சொல்லினார். அவர் கதை சொன்னதை கேட்டபோதே காட்சிகளை பார்த்த அனுபவம் ஏற்பட்டது. என் கதாபாத்திரம் பற்றி தற்போதைக்கு எதுவும் சொல்ல முடியாது.

ஆனால் எனக்கும், தனுஷுக்கும் இடையேயான உறவை ரசிகர்களால் உணர முடியும். நான் தனுஷின் தீவிர ரசிகன். அவரின் அனைத்து படங்களையும் பார்த்திருக்கிறேன். தனுஷிடம் நான் என்னை பார்க்கிறேன்.

குறும்புத்தனம், நண்பர்களிடம் அவர் பழகும் விதம், அவர் என்னை போன்றே இருக்கிறார், இல்லை நான் அவரை போன்று இருக்கிறேன். எங்களுக்கு இடையே ஒற்றுமை உள்ளது.

எனக்கு தனுஷ் மீது தனி பிரியம் உண்டு. அதனால் அவருடன் சேர்ந்து நடிக்கும் இந்த வாய்ப்பை நான் மிஸ் பண்ண விரும்பவில்லை என்றார்.

கேப்டன் மில்லர் தவிர்த்து சூப்பர் ஸ்டார் ரஜினிகாந்தின் ஜெயிலர் படத்திலும் முக்கிய கதாபாத்திரத்தில் நடிக்கிறார் சிவராஜ்குமார். ஜெயிலர் படத்தை நெல்சன் திலீப்குமார் இயக்கி வருகிறார் என்பது குறிப்பிடத்தக்கது.