தமிழக வெற்றிக் கழக தலைவர் விஜயின் அரசியல் பயணத்திற்கு ஆந்திர துணை முதல்வர் பவன் கல்யாண் வாழ்த்து தெரிவித்துள்ளார்.

தவெக முதல் மாநாடு

நடிகர் விஜய்யின் தமிழக வெற்றிக் கழகத்தின் முதல் அரசியல் மாநாடு நேற்று விக்கிரவாண்டியில் நடைபெற்றது.

இந்த மாநாட்டிற்கு தமிழ்நாடு முழுவதும் இருந்து தொண்டர்கள் வருகை தந்துள்ளனர்.

இதனைத்தொடர்ந்து, தவெக தலைவர் விஜய் கட்சி கொள்கைகளை அறிவித்தார். இதற்கு பல கட்சிகளின் தலைவர்கள் வரவேற்பு தெரிவித்துள்ளனர்.

இந்நிலையில், ஆந்திர துணை முதல்வர் பவன் கல்யாண் விஜயின் அரசியல் பயணத்திற்கு வாழ்த்து தெரிவித்துள்ளார்.

வாழ்த்து கூறிய பவன் கல்யாண் 

பவன் கல்யாண் அவரது பதிவில், “துறவிகள் மற்றும் சித்தர்களின் பூமியான தமிழ்நாட்டில் ஒரு அரசியல் பயணத்தைத் தொடங்கியதற்காக நடிகர் விஜய்க்கு எனது மனமார்ந்த வாழ்த்துக்கள்” என்று பதிவிட்டுள்ளார்.