பிரபல காமெடி நடிகரும், சினிமா ஸ்டண்ட் மாஸ்டருமான கோதண்டராமன் உடல்நலக்குறைவால் காலமானார்.

தமிழ் சினிமாவில் ஸ்டண்ட் மாஸ்டர்களில் ஒருவர் கோதண்டராமன். 

கடந்த 25 ஆண்டுகளாக தமிழ் சினிமாவில் பல்வேறு திரைப்படங்களில் பணியாற்றியுள்ளார்.

முன்னணி நடிகர்களின் படங்களில் ஸ்டண்ட் மாஸ்டராக வேலை பார்த்த கோதண்டராமன் பல படங்களில் துணை வில்லனாகவும் நடித்துள்ளார்.

மேலும், இவர் பகவதி, திருப்பதி, கிரீடம், வேதாளம் படங்களில் நடித்துள்ளார்.

2012ல் சுந்தர் சி இயக்கத்தில் வெளிவந்த “கலகலப்பு” திரைப்படத்தில் காமெடி நடிகராக கோதண்டராமன் நடித்துள்ளார்.

இப்படத்தில் சந்தானத்துடன் இணைந்த “பேய்” என்கிற கதாபாத்திரத்தில் நடித்து காமெடியில் அனைவரையும் சிரிக்கவைத்திருப்பார்.

இந்நிலையில், 65 வயதான கோதண்டராமன் உடல்நலக்குறைவு காரணமாக சென்னை பெரம்பூரில் உள்ள அவரது இல்லத்தில் காலமானார்.

கோதண்டராமன் மறைவுக்கு திரையுலக பிரபலங்கள் பலரும் இரங்கல் தெரிவித்து வருகின்றனர்.