தமிழக மாவட்டம் தென்காசியில் மகன் இறந்த துக்கம் தாங்காமல், தந்தை தனது உயிரை மாய்த்துக் கொண்ட சம்பவம் சோகத்தை ஏற்படுத்தியுள்ளது. தென்காசியின் செங்கோட்டை பகுதியைச் சேர்ந்தவர் செல்வகுமார். இவர் ஓடும் ரயிலில் இருந்து குதித்து உயிரை மாய்த்துக்கொள்ள முயன்றார். எனினும் காயங்களுடன் உயிர்தப்பிய அவரை மீட்ட ரயில்வே பொலிஸார், தென்காசி அரசு மருத்துவமனையில் அனுமதித்தனர்.

ஆனால், வீடு திரும்பிய செல்வகுமார் மீண்டும் உயிரை மாய்த்துக்கொள்ள விஷம் குடித்து இறந்தார். அவரது உடலை மீட்ட பொலிஸார் பிரேத பரிசோதனைக்கு அனுப்பி வைத்தனர். 

மேலும் இச்சம்பவம் குறித்து விசாரணை நடத்தி வருகின்றனர். கடந்த மாதம் செல்வகுமாரின் 8 வயது மகன் அசோக், பாடசாலையில் மதிய உணவை சாப்பிட்ட பின் வாந்தி, மயக்கம் ஏற்பட்டு பரிதாபமாக உயிரிழந்தார்.

மகனின் இறப்பினால் சோகத்தில் மூழ்கியிருந்த செல்வகுமார் இந்த விபரீத முடிவை எடுத்ததாக தெரிய வந்துள்ளது.