இந்தியாவின் ஒடிசா மாநிலத்தில் மாந்திரீகம் என்ற பெயரில் சாமியார் ஒருவர் பெண்ணின் தலையில் டஜன் கணக்கான ஊசிகளை ஏற்றியுள்ளது அதிர்ச்சியை ஏற்படுத்தியுள்ளது.

அதிர்ந்து போன மருத்துவர்கள்

ஒடிசா மாநிலத்தை சேர்ந்த 19 வயது ரேஷ்மா என்ற பெண்ணின் தலையில் சாமியார் ஒருவர் 77 ஊசிகளை ஏற்றியுள்ளார்.

தாயின் மறைவுக்கு பிறகு மனதளவில் பாதிக்கப்பட்ட ரேஷ்மா, இது தொடர்பாக சாமியாரை நாடிய போது, அவர் இவ்வாறு செய்துள்ளார்.

இதனால் கடுமையான தலைவலியை அனுபவித்த ரேஷ்மா இறுதியில் மருத்துவமனையை நாடியுள்ளார். அப்போது அவரது தலையில் 77 ஊசிகள் ஏற்றப்பட்டு இருப்பதை கண்டு மருத்துவர்கள் அதிர்ச்சி அடைந்தனர்.

கிட்டத்தட்ட 4 ஆண்டுகளுக்கு பிறகு இந்த உண்மை தெரியவந்ததை தொடர்ந்து, பொலிஸார் அந்த சாமியாரை கைது செய்து இருப்பதுடன், வேறு யாரேனும் இதுப்போன்று பாதிக்கப்பட்டுள்ளனரா என்பதை பொலிஸார் விசாரித்து வருகின்றனர்.