மித்ரன் ஜவஹர் இயக்கத்தில் தனுஷ் நடித்துள்ள படம் திருச்சிற்றம்பலம். இந்தப் படத்தில் பாரதிராஜா, பிரகாஷ் ராஜ், ராஷி கன்னா, நித்யா மேனன், பிரியா பவானி ஷங்கர், முனிஷ்காந்த், அறந்தாங்கி நிஷா உள்ளிட்ட பலர் நடித்துள்ளனர். நடிகை ரேவதி கேமியோ அப்பியரன்ஸ் கொடுத்துள்ளார்.

பாஸிட்டிவ் விமர்சனம்

இன்று ரிலீஸ் ஆன இப்படம் ரசிகர்கள் மத்தியில் நல்ல வரவேற்பை பெற்றுள்ளது. முதல் நாள் முதல் காட்சியிலேயே படம் பாஸிட்டிவான விமர்சனங்களை குவித்து வருகிறது. மிடில் கிளாஸின் எமோஷன்களை இயக்குநர் அழகாக காட்சிப்படுத்தியிருக்கிறார் பாராட்டுக்களை குவித்து வருகின்றனர் நெட்டிசன்கள்.

ஹேஷ்டேக்ஸ்

குறிப்பாக நித்யா மேனன் நடிப்பு பெரிதும் பேசப்பட்டு வருகிறது. ஒன்றரை வருடங்களுக்கு பிறகு தியேட்டரில் வெளியாகியுள்ள தனுஷின் படம் என்பதால் ரசிகர்கள் தியேட்டரை தெறிக்கவிட்டு வருகின்றனர். இதேபோல் சமூக வலைதளங்களிலும் #Thiruchitrambalam #Dhanush #NithyaMenen #Anirudh என ஹேஷ் டேக்குகளை ட்ரெண்ட் செய்து ரணகளப்படுத்தி வருகின்றனர்.

தெறித்து ஓடும் தனுஷ்

இந்நிலையில் நடிகர் தனுஷ் தியேட்டரில் இருந்து நடிகையுடன் ஓட்டம் பிடிக்கும் வீடியோ வெளியாகியுள்ளது. அதாவது சென்னை ரோஹினி தியேட்டரில் நடிகர் தனுஷ் முதல் நாள் முதல் காட்சியை நடிகை ராஷி கன்னாவுடன் பார்த்தார். ஷோ முடிந்ததும் ரசிகர்கள் திரண்டதை பார்த்த நடிகர் தனுஷ், ராஷி கன்னாவுடன் வேக வேகமாக ஓட்டம் பிடித்தார். ஆனாலும் அவரை ரசிகர்கள் சூழ்ந்து கொண்டனர். இந்த வீடியோ தற்போது வைரலாகி வருகிறது.