தமிழக வெற்றி கழகத்தின் மாநாடு நடைபெற்று முடிந்த நிலையில் ராதிகா சரத்குமார் வாழ்த்து தெரிவித்துள்ளார்.

ராதிகா பேட்டி

கடந்த ஒக்டோபர் 27 -ம் திகதி அன்று தமிழக வெற்றி கழகத்தின் மாநாடு விக்கிரவாண்டியில் பிரம்மாண்டமாக நடைபெற்று முடிந்தது. இந்த மாநாட்டில் லட்சக்கணக்கான தொண்டர்கள் கலந்து கொண்டனர்.

மாநாடு குறித்து நடிகை ராதிகா சரத்குமார் செய்தியாளர்களிடம் பேசுகையில், “தமிழக வெற்றி கழக தலைவர் விஜய்க்கு வாழ்த்துக்கள். மக்களுக்கு நல்லது செய்ய வேண்டும் என்று யார் நினைத்தாலும் மகிழ்ச்சி. அவரவர் கொள்கைகளை முன்னெடுக்கின்றனர்.அவர் ஒரு பெரிய நடிகர் என்பதையும் மீறி அரசியலுக்கு வந்திருப்பது ஆச்சரியமாக உள்ளது. அவரை சிறு வயதில் இருந்தே எனக்கு தெரியும். அதிகமாக பேசமாட்டார். ஆனால், மாநாட்டில் வேறு ஒரு விஜயை பார்ப்பது போல இருக்கிறது.

தமிழக வெற்றிக் கழக கட்சியின் கொடியின் வண்ணமானது சமத்துவ மக்கள் கட்சி கொடியின் வண்ணம் தான். அதனை விஜய் பயன்படுத்துவது மகிழ்ச்சி தான்.

பாஜகவை தாக்குவதற்கு விஜய் யோசித்து பேசுவார் என நினைக்கிறேன். அவருடைய கண்ணோட்டம் வேறு” என்றார்.