விஜய்யால் தமிழக அரசியலில் சாதிக்க முடியாது என்று ரஜினியின் அண்ணன் சத்திய நாராயணா செய்தியாளர்களுக்கு பேட்டி அளித்திருப்பது பரபரப்பை ஏற்படுத்தி உள்ளது.

கடந்த பிப்ரவரி மாதம் தமிழக வெற்றிக்கழகம் என்ற அரசியல் கட்சியை தொடங்கிய விஜய் சமீபத்தில் தனது கட்சியின் மாநாட்டை பிரமாதமாக நடத்தி அனைத்து கட்சிகளையும் அசர வைத்தார் என்பதை ஏற்கனவே பார்த்தோம். இந்த நிலையில் வரும் 2026 ஆம் ஆண்டு தேர்தலில் திமுக கூட்டணிக்கு எதிராக ஒரு பிரம்மாண்டமான கூட்டணியை அமைத்து தேர்தலிலும் அவர் சாதனை செய்வார் என்று அரசியல் விமர்சகர்கள் கருத்து கூறி வருகின்றனர்.

இந்த நிலையில் ரஜினி உள்பட பல திரையுலக பிரபலங்கள் விஜய்யின் அரசியல் வருகைக்கு வாழ்த்து தெரிவித்துள்ள நிலையில், ரஜினியின் சகோதரர் சத்யநாராயணா அளித்த பேட்டியில், ’கமல் போல் விஜய்யும் முயற்சி செய்கிறார், முயற்சி செய்து பார்க்கட்டும், ஆனால் தமிழக அரசியலில் விஜய்யால் சாதிக்க முடியாது. தமிழகத்தில் கண்டிப்பாக விஜய்யால் ஜெயிக்க முடியாது” என்று கூறியுள்ளார்.

விஜய்க்கு ரஜினியே வாழ்த்து கூறியுள்ள நிலையில் ரஜினியின் அண்ணன் பேட்டி பெரும் பரபரப்பை ஏற்படுத்தி உள்ளது.