நயன்தாராவின் திருமண வீடியோ Netflix ஓடிடி தளத்தில் வெளியாகி உள்ள நிலையில், அதில் மூன்று நொடிகள் கொண்ட காட்சியை பயன்படுத்தியதற்காக தனுஷ் தரப்பில் 10 கோடி ரூபாய் கேட்டு நோட்டீஸ் அனுப்பப்பட்டிருந்ததாக நயன்தாரா ஆதங்கத்துடன் குற்றம்சாட்டி இருந்தார்.

இதனை அடுத்து அவர் மூன்று பக்க கடிதத்தை தனது சமூக வலைத்தளத்தில் பதிவு செய்துள்ள நிலையில் அந்த பதிவு தற்போது இணையத்தில் வைரல் ஆகி வருகிறது.

இந்நிலையில் இயக்குனர் விக்னேஷ் சிவன் தனது இன்ஸ்டாகிராம் பக்கத்தில் சர்ச்சைக்குள்ளான அந்த காட்சியை பகிர்ந்து, “இந்த சிறிய காட்சிக்கு தான் 10 கோடி ரூபாய் கேட்டார்கள், அதை இங்கே இலவசமாக பாருங்கள். அன்பை பரப்புங்கள் சார்” என்று தனுசை மறைமுகமாக விமர்சனம் செய்துள்ளார்.

இந்த விவகாரம் கோலிவுட்டில் பெரும் பரபரப்பை ஏற்படுத்தி உள்ளது.