சின்னத்திரை நடிகை பவித்ரா ஜெயராம் என்பவர் இன்று நடந்த சாலை விபத்தில் மரணம் அடைந்திருக்கும் செய்தி ரசிகர்களுக்கு கடும் அதிர்ச்சியை ஏற்படுத்தி இருக்கிறது. கர்நாடகத்தை சேர்ந்த நடிகை பவித்ரா ஜெயராம் தற்போது தெலுங்கில் Trinayani என்ற தொடரில் நடித்து வருகிறார். தமிழில் வரும் மாரி என்ற தொடரின் தெலுங்கு ரீமேக் தான் அது.

ஆந்திராவில் இன்று காரில் குடும்பத்துடன் பவித்ரா சென்றுகொண்டிருந்தபோது கார் கட்டுப்பாட்டை இழந்து சாலை தடுப்பில் மோதியது. அப்போது பின்னால் வந்த பஸ் போதியத்தில் கார் நொறுங்கியது.

விபத்தில் சம்பவ இடத்திலேயே பவித்ரா ஜெயராம் மரணம் அடைந்தார். உடன் காரில் இருந்த மூவர் காயங்கள் உடன் மருத்துவமனையில் இருக்கின்றனர். பவித்ரா ஜெயராம் மரணம் தெலுங்கு மற்றும் கன்னட சின்னத்திரையில் கடும் அதிர்ச்சியை ஏற்படுத்தி இருக்கிறது.