உதயநிதி ஸ்டாலின் துணை முதலமைச்சர் பொறுப்பை ஏற்றதும் அவர் முதல் கையெழுத்தை எதில் போட்டார் என்பது குறித்த விபரம் வெளியாகியுள்ளது. 

உதயநிதியின் முதல் கையெழுத்து

சென்னையில் நேற்று முதலமைச்சர் கோப்பைக்கான மாநில விளையாட்டு போட்டியை தொடங்கி வைத்தது குறித்து துணை முதலமைச்சர் உதயநிதி ஸ்டாலின் பேசினார்.

அவர் பேசுகையில், “முதலமைச்சர் கோப்பை 2024ம் ஆண்டுக்கான மாநில அளவிலான போட்டிகளை தொடங்கி வைத்ததில் நான் மகிழ்ச்சி அடைகிறேன். இந்த போட்டியில் கலந்து கொள்வதற்காக தமிழ்நாடு முழுவதிலும் இருந்து வந்திருப்பதை பார்க்கையில் உங்களின் உற்சாகம் என்னை பற்றி கொள்கிறது.

நான் துணை முதலமைச்சரான பிறகு நான் முதலில் கையெழுத்திட்ட முதல் கோப்பு இந்த முதலமைச்சர் விளையாட்டு போட்டிக்கானது தான்.

இதற்கான நிதியை ரூ.82 கோடியாக உயர்த்துவது தொடர்பான கோப்பில் தான் முதல் கையெழுத்திட்டேன் என்பதை பெருமையுடன் கூறி கொள்ள விரும்புகிறேன்” என்றார்.