தமிழக வெற்றிக் கழகத்தின் முதல் மாநாட்டில் விஜய் திமுக அரசை மேக்கள் விரேத அரசு என சாடினார். அவர் பேசியதாவது, நாங்கள் கூட்டமாக குடும்பமாக சேர்ந்து கூட்டணி சேர்ந்து ஏமாற்ற வந்த கூட்டம் அல்ல. கொள்ளை அடிக்க வந்த கூட்டம் அல்ல. அதிகாரத்தை கையில் வைத்துக் கொண்டு தங்களுக்கு அடிப்பணியாதவர்களை பகை தீர்க்க வந்த கூட்டம் அல்ல. பக்கா பிளானோட பப்ளிக் பப்ளிக் இன்ட்ரஸ்ட்டோட வந்த கூட்டம்.

ஏதோ சோசியல் மீடியாவில் கம்பு சுத்த வந்த கூட்டம் அல்ல. சமூகத்திற்காக வாளேந்தி நிற்கும் கூட்டம். இது மாஸ் கூட்டம். பணத்திற்காக வந்த கூட்டம். அல்ல நல்ல நோக்கத்திற்காக வந்த கூட்டம். அல்லு சில்லு வைத்து இந்த அவதூறு பரப்புவது ஏ டீம் பீ டீம் என பொய் பிரச்சாரம் பண்ணி இந்த படையை வீழ்த்தலாம் என்று மட்டும் கனவு கனவில் கூட நினைத்து பார்க்க வேண்டாம்.

இங்கு இருப்பவர்கள் மட்டும் தான் எங்களின் சொந்த பந்தம் என்று நினைக்க வேண்டாம். இவர்கள் தான் நம் தோழர்கள் என்று முடிவுக்கு வந்து விடாதீர்கள். நம் உறவு சொந்தம் நட்பு எல்லாம் இன்னும் இருக்காங்க. இங்கு வர முடியாமல் தமிழ்நாடு முழுக்க இருக்கிறார்கள். மற்ற மாநிலங்களில் இருக்கிறார்கள். உலகம் முழுவதும் இருக்கிறார்கள். நமக்காக ஒரு முடிவோடு காத்திருக்கிறார்கள். இவர்கள் எல்லாம் சேர்ந்ததுதான் நம் வகையறா.

இங்கு யாராவது வந்துவிட மாட்டார்களா எதாவது செய்திட மாட்டார்களா என்ற ஏக்கத்தோடு இருக்கிறார்கள். 2026 ஆம் ஆண்டு அந்த நாளை தேர்தல் ஆணையம் அந்த தேதியை குறிக்கும் போது தமிழக வெற்றி கழகத்திற்காக தமிழ்நாட்டில் உள்ள ஒவ்வொரு மக்களும் தங்களின் ஒற்றை விரலால் போடும் அணுகுண்டு எல்லாவற்றையும் மாற்றும். இங்கு ஒரு கூட்டம் ஒரே கொஞ்ச காலமாக ஒரு பாட்டை பாடி கொண்டிருக்கிறது.

யார் அரசியலுக்கு வந்தாலும் அவர்கள் மீது ஒரு நிறத்தை பூசி விட்டு பூச்சாண்டி காட்டிக் கொண்டு மக்களை ஏமாற்றி கொண்டிருக்கிறார்கள். ஆனா இவங்க மட்டும் அண்டர் கிரவுண்ட் டீலிங் போட்டு, தேர்தல் நேரத்தில் அறிக்கை சவுண்டு எல்லாம் விட்டுக் கொண்டு இருப்பார்கள். இவர்களுக்கு எப்போது பார்த்தாலும் பாசிசம் பாசிசம் பாசிசம் அவ்வளவுதான்..

ஒற்றுமையாக இருக்கும் நம் மக்கள் மத்தியில் சிறுபான்மை பெரும்பான்மை என ஒரு பிரிவினையை ஏற்படுத்தி ஃபுல் டைம் ஆக ஒரு சீன் போடுவதை வேலையா போச்சு. அவங்க பாசிசம் என்றால் நீங்கள் என்ன பாயாசமா? நீங்களும் அவர்களுக்கு கொஞ்சமும் சளைக்காதவர்கள் தானே.. மக்கள் விரோத ஆட்சியை திராவிடம் மாடல் ஆட்சி என்று கூறி மக்களை ஏமாற்றுகிறீர்கள்.

அதனால் இனிமே உங்களை எதிர்ப்பவர்களுக்கு இந்த நிறத்தை பூசுறது அந்த நிறத்தை பூசுறதுன்னு என்னதான் நீங்க மோடி மஸ்தான் வேலை செய்தாலும் ஒன்னும் நடக்கப் போவதில்லை. நாங்க இப்பவும் சொல்றோம் நாங்கள் முடிவு செய்துள்ள இந்த கலரை தவிர வேறு எந்த கலரும் எங்களுக்கு பூச முடியாது. இங்கு கோட்பாடு பிறப்பால் அனைவரும் சமம் என்பதுதான். இந்த நாட்டையே பாழ்படுத்தும் பிளவுபட்ட அரசியல் செய்பவர்கள் தான் தமிழக வெற்றி கழகத்தின் முதல் எதிரி. அடுத்து திராவிட மாடல் என்று கூறிக்கொண்டு தந்தை பெரியார் பேரறிஞர் அண்ணா பெயர்களை வைத்து தமிழ்நாட்டை சுரண்டி கொள்ளை அடிக்கும் ஒரு குடும்ப சுயநல கூட்டம் தான் நம்மோடு நம்முடைய அடுத்த எதிரி. அரசியல் எதிரி என ஆவேசமாக பேசினார் விஜய்..