விஜய் தேவரகொண்டா மற்றும் சமந்தா நடிப்பில் உருவாகி வரும் குஷிபடத்தின் பர்ஸ்ட் முதற்கட்ட படப்பிடிப்பு நிறைவு பெற்றுள்ளது.சமந்தா மற்றும் விஜய் தேவரகொண்டா இருவரும் ‘குஷி’ படத்திற்காக இணைந்துள்ளனர். 

இந்தப் படத்தை சிவ நிர்வாணா இயக்குகிறார். மைத்ரி மூவி மேக்கர்ஸ் நிறுவனம் இந்தப் படத்தைத் தயாரிக்கின்றனர். இந்தப் படத்திற்கு ஹ்ரிதயம் படத்தின் இசையமைப்பாளர் ஹேஷம் அப்துல் வஹாப் இசையமைக்கிறார்.

ஜெயராம், சச்சின் கெடகர், முரளி ஷர்மா, லக்ஷ்மி, அலி, ரோகிணி, வெண்ணிலா கிஷோர், ராகுல் ராமகிருஷ்ணா, ஸ்ரீகாந்த் ஐயங்கார், சரண்யா ஆகியோரும் இந்தப் படத்தில் முக்கியக் கதாபாத்திரத்தில் நடித்துள்ளனர். 

விஜய் தேவரகொண்டா மற்றும் சமந்தா இருவரும் ஜோடி சேர இருப்பதால் படத்திற்கு எதிர்பார்ப்பு எகிறியுள்ளது.இராணுவ பின்னணியில் அமைக்கப்பட்ட காதல் கதைக்களத்தில் ரொமான்டிக் காமெடி ஜானரில் உருவாகிறது. காஷ்மீரில் இந்தப் படத்தின் படப்பிடிப்பு நடைபெற்று வருகிறது. 

இந்நிலையில் படக்குழுவினர் காஸ்மீரில் முதற்கட்ட படப்பிடிப்பை நிறைவு செய்துள்ளனர். மேலும் படக்குழுவினருடன் சமந்தா மற்றும் விஜய் தேவரகொண்டா ஜோடி காணப்படும் புகைப்படங்களும் இணையத்தில் வைரலாகி வருகின்றன. 

இந்தப் படம் தெலுங்கு, தமிழ், கன்னடம் மற்றும் மலையாளம் ஆகிய மொழிகளில்டிசம்பர் மாதம் 23-ம் தேதி இப்படம் வெளியாக இருப்பதாகவும் தெரிவித்துள்ளனர்.