சென்னை பழைய வண்ணாரப்பேட்டை கெனால் தெரு பகுதியில் வசித்து வரும் டீ மாஸ்டர் காமராஜ்(22). இவர் நேற்று பணி முடித்து இரவு வீட்டிற்கு வந்ததும், சார்ஜரில் மாட்டியபடி செல்போனில் பேசிக் கொண்டிருந்துள்ளார். அப்போது திடீரென காமராஜ் மீது மின்சாரம் பாய்ந்ததில் அவர் சம்பவ இடத்திலேயே உயிரிழந்தார். தகவலின் பேரில் வந்த வண்ணாரபேட்டை போலீசார் காமராஜின் உடலை கைப்பற்றி பிரேத பரிசோதனைக்காக அரசு ஸ்டான்லி மருத்துவமனைக்கு அனுப்பி வைத்தனர். மேலும் இதுகுறித்து வழக்குப்பதிவு செய்து போலீசார் விசாரணை மேற்கொண்டுள்ளனர்