Breaking News

சினிமா

November 9, 2024 at 7:54 pm

தமிழ் சினிமாவில் அதிக சொத்து வைத்துள்ள ஜோடி யார் தெரியுமா?

Teadmin
Quick Share

தமிழ் சினிமாவில் ஒன்றாக படங்களில் நடித்து பின் காதல் ஏற்பட்டு திருமணம் செய்து கொண்டு தற்போது வரை மகிழ்ச்சியாக வலம் வரும் ஜோடிகள் பலர் உள்ளனர். குறிப்பாக, சூர்யா-ஜோதிகா, நயன்தாரா – விக்னேஷ் சிவன், அஜித் – ஷாலினி ஜோடிகளை கூறலாம். இதில், மிகவும் பிரபலமான மற்றும் ரசிகர்கள் மத்தியில் கவனம் ஈர்த்த ஜோடி என்றால் அது சூர்யா மற்றும் ஜோதிகா தம்பதி தான்.

இவர்கள் இருவரும் ‘பூவெல்லாம் கேட்டுப்பார்’ என்ற படத்தில் முதன் முதலாக ஜோடியாக நடித்தனர். பின், மீண்டும் ‘காக்க காக்க’ படத்தில் ஜோடியாக நடித்த போது நெருக்கம் ஏற்பட்டு இருவரும் காதலிக்க தொடங்கினர்.

இருப்பினும், வீட்டில் அனுமதி கிடைக்காமல் பெரும் காத்திருப்புக்கு பிறகு கடந்த 2006 – ம் ஆண்டு திருமணம் செய்து கொண்டனர்.

இன்றும் ரசிகர்களுக்கு பெரும் எடுத்துக்காட்டாக விளங்கும் இந்த ஜோடி கோலிவுட்டில் பணக்கார ஜோடியாகவும் வலம் வருகின்றனர்.

இவர்களின் சொத்து மதிப்பு ரூ. 537 கோடி. இதில், சூர்யாவின் சொத்து மதிப்பு ரூ. 206 கோடி என்றும் ஜோதிகாவின் சொத்து மதிப்பு ரூ. 331 கோடி என்றும் சொல்லப்படுகிறது.

November 6, 2024 at 11:27 am

யூடியூபர் இர்ஃபான் தொப்புள் கொடியை வெட்டிய விவகாரம்.., விளக்கம் கேட்டு மருத்துவருக்கு ந...

Teadmin
Quick Share

இர்ஃபான் தனது மனைவியின் பிரசவத்தின் போது தொப்புள் கொடியை வெட்டிய விவகாரத்தில் விளக்கம் கேட்டு மருத்துவருக்கு நோட்டீஸ் அனுப்பப்பட்டுள்ளது. 

விளக்கம் கேட்டு நோட்டீஸ்

பிரபல யூடியூபர் இர்ஃபான், தனது மனைவியின் பிரவசத்தில் அறுவை சிகிச்சை அறையில் மனைவியின் தொப்புள் கொடியை வெட்டும் வீடியோவை வெளியிட்டுள்ளார்.

இந்த விவகாரம் தொடர்பாக தமிழகத்தின் சுகாதாரத்துறை அமைச்சர் மா.சுப்பிரமணியன் கூறுகையில், “இச்சம்பவம் தொடர்பாக இர்பான் மன்னிப்பு கேட்டாலும் விடமாட்டோம்.

இந்த விவகாரத்தில் மருத்துவ சட்ட விதிகளை இர்பான் மீறியுள்ளார். சட்ட ரீதியாகவும், துறை ரீதியாகவும் நடவடிக்கை தொடரும்” என்று கூறியிருந்தார்.

அதன்படி, சம்மந்தப்பட்ட மருத்துவமனையின் சேவை 10 நாட்களுக்கு முடக்கப்பட்டுள்ளது. மேலும், 50,000 ரூபாய் அபராதமும் விதிக்கப்பட்டது.இதையடுத்து, யூடியூபர் இர்ஃபான் தொப்புள் கொடி விவகாரம் தொடர்பாக வருத்தம் தெரிவித்து மருத்துவத்துறைக்கு கடிதம் அனுப்பி இருந்தார்.

தற்போது, இச்சம்பவத்தில் குழந்தையின் தொப்புள் கொடியை வெட்டுவதற்கு அனுமதியளித்த மருத்துவரிடம் விளக்கம் கேட்டு தமிழ்நாடு மருத்துவ கவுன்சில் நோட்டீஸ் அனுப்பியுள்ளது.  

November 6, 2024 at 11:20 am

ரோலக்ஸ்’ படத்தை உறுதி செய்த சூர்யா.. பிரபல தயாரிப்பு நிறுவனத்துடன் ஒப்பந்தமா?

Teadmin
Quick Share

சூர்யா நடிப்பில், லோகேஷ் கனகராஜ் இயக்கத்தில் ’ரோலக்ஸ்’ என்ற ஒரு திரைப்படம் உருவாக இருப்பதாக கடந்த சில மாதங்களாக செய்திகள் வெளியாகி கொண்டிருந்த நிலையில், சமீபத்தில் சூர்யா இந்த தகவலை உறுதி செய்திருப்பதாக தகவல் வெளியாகி உள்ளது.

‘கங்குவா’ படத்தின் ப்ரமோஷன் பணிகளில் விறுவிறுப்பாக இருக்கும் சூர்யா, சமீபத்தில் நடந்த நிகழ்ச்சியில் பேசும்போது, ’ரோலக்ஸ்’ படத்தை அவர் உறுதி செய்துள்ளார். விஜய் நடித்து வரும் ‘தளபதி 69’ படத்தை தயாரிக்கும் கேவிஎன் நிறுவனம், தன்னுடன் இணைந்து ஒரு படத்தை உருவாக்க முடிவு செய்ததாகவும், விரைவில் ஒரு மிகப்பெரிய படம் குறித்த அறிவிப்பு வரும் என்றும் தெரிவித்துள்ளார்.

அனேகமாக இந்த படம், சூர்யா மற்றும் லோகேஷ் கனகராஜ் இணையும் ’ரோலக்ஸ்’ படமாக இருக்கலாம் என்று எதிர்பார்க்கப்படுகிறது. கடந்த 2022 ஆம் ஆண்டு வெளியான ‘விக்ரம்’ திரைப்படத்தில் கடைசி பத்து நிமிடங்களில் ’ரோலக்ஸ்’ என்ற கேரக்டரில் சூர்யா நடிப்பில் அசத்தினார் என்ற நிலையில், அந்த கேரக்டரை வைத்து ஒரு முழு படமாக எடுக்க ஐடியா இருப்பதாக லோகேஷ் கனகராஜ் பல பேட்டிகளில் கூறியிருந்தார்.

அந்த வகையில், லோகேஷ் மற்றும் சூர்யா இருவருமே கேவிஎன் நிறுவனத்துடன் ’ரோலக்ஸ்’ படத்திற்காக ஒப்பந்தம் செய்திருப்பதாக கூறப்படுவதால், ரசிகர்கள் மத்தியில் பெரும் எதிர்பார்ப்பு ஏற்பட்டுள்ளது.

November 6, 2024 at 11:17 am

தமிழக பாஜக தலைவர் தம்பி அண்ணாமலைக்கு நன்றி.. கமல்ஹாசன் வைரல் பதிவு..!

Teadmin
Quick Share

கமல்ஹாசன் தயாரிப்பில் சிவகார்த்திகேயன் நடிப்பில் உருவான ’அமரன்’ திரைப்படம் தீபாவளி விருந்தாக வெளியாகி நல்ல வரவேற்பு பெற்ற நிலையில் தமிழகம் முதல்வர் மு க ஸ்டாலின் இந்த படத்தை பார்த்து பாராட்டினார் என்பதை ஏற்கனவே பார்த்தோம். இந்த நிலையில் தற்போது தமிழக பாஜக தலைவர் அண்ணாமலை இந்த படத்தை பாராட்டி தனது சமூக வலைதள பக்கத்தில் பதிவு செய்துள்ள நிலையில் அதற்கு கமல்ஹாசன் நன்றி தெரிவித்துள்ளார்.

’அமரன்’ படம் குறித்து அண்ணாமலை கூறிய போது, ‘அமரன்’ படத்தை பார்க்கும் வாய்ப்பு கிடைத்தது. படத்தில் ராணுவ வீரர்கள் நேர்மை, வீரதீரம், தைரியம் போன்ற முக்கிய அம்சங்கள் சிறப்பாக காட்டப்பட்டுள்ளது. மக்களை பாதுகாப்பதற்காக ஒரு வீரர் தன்னலமின்றி தியாகம் செய்யும் போது, அந்தத் தியாகத்தின் பின்னால் ஒரு குடும்பத்திற்கு ஏற்படும் இழப்பு எவ்வளவு பெரியது என்பதும் நெகிழ்வாக விவரிக்கப்பட்டுள்ளது.

மேஜர் முகுந்த் வரதராஜனின் வாழ்க்கை பல தலைமுறைகளுக்கும் ஊக்கமூட்டும் ஒரு கதையாகும். இந்தப் படத்தை உருவாக்கிய கமல்ஹாசனுக்கு மனமார்ந்த நன்றி. எனக்கு தோன்றுவது, இந்தப் படம் நாட்டுக்காக தங்கள் உயிரை அர்ப்பணித்த வீரர்களுக்கு மற்றும் அவர்களை இழந்த குடும்பங்களுக்கு ஒரு உண்மையான மரியாதையும் அஞ்சலியும் ஆகும்.

அண்ணாமலையின் இந்த பதிவுக்கு பதில் கூறிய கமல்ஹாசன் கூறியபோது, ‘தமிழக பாஜக தலைவர், தம்பி அண்ணாமலை அவர்கள் அமரன் திரைப்படம் அவருக்கு ஏற்படுத்திய உணர்வலைகளை நெகிழ்ச்சியுடன் பகிர்ந்துள்ளார். அவருக்கு என் நன்றி.

November 6, 2024 at 11:13 am

நடிகர் மாதவன் வீட்டிற்கு திடீர் விசிட் அடித்த அஜித்.. ஒரே கொண்டாட்டம்..!

Teadmin
Quick Share

நடிகர் மாதவன் வீட்டிற்கு தல அஜித் திடீரென சென்ற புகைப்படம் தற்போது இணையத்தில் வைரலாகி வருகிறது.

மாதவன் மற்றும் அஜித் குடும்பங்கள் ஏற்கனவே நட்புறவில் உள்ள நிலையில், துபாயில் மாதவன் தனது வீட்டில் தீபாவளி கொண்டாட்டத்தை ஏற்பாடு செய்திருந்தார். இந்த விழாவில் மாதவனின் குடும்ப நண்பர்கள், உறவினர்கள் வருகை தந்திருந்தனர்.

இந்நிலையில், திடீர் விசிட் ஆக இதில் அஜித் கலந்து கொண்டார். இது குறித்த புகைப்படம் இணையத்தில் வைரலாகி வருகிறது. ஏற்கனவே, கடந்த சில நாட்களுக்கு முன்பு, ஷாலினி தனது சமூக வலைதள பக்கத்தில் மாதவனை நேரில் சந்தித்த புகைப்படத்தை பதிவு செய்து, “என்றென்றும் புன்னகை” என்று கேப்ஷன் ஆக பதிவு செய்திருந்தார் என்பதை பார்த்தோம்.

அந்த புகைப்படமே இன்னும் வைரலாகி வரும் நிலையில், தற்போது மாதவனை அஜித் சந்தித்த புகைப்படமும் வைரலாகி வருகிறது என்பது குறிப்பிடத்தக்கது.

November 6, 2024 at 11:09 am

தனுஷின் ‘இட்லி கடை’ படத்தை பார்த்த பிரபலம்.. முதல் விமர்சனம் இதோ..!

Teadmin
Quick Share

தனுஷ் நடித்த ‘இட்லி கடை’ படத்தின் 40 நிமிட காட்சிகளை தான் பார்த்ததாகவும், மிகவும் சூப்பராக இருப்பதாகவும் பிரபலம் ஒருவர் சமீபத்தில் பேட்டி அளித்துள்ள வீடியோ இணையத்தில் வைரல் ஆகி வருகிறது.

தனுஷ் நடித்து இயக்கி வரும் ’இட்லி கடை’ என்ற படத்தின் படப்பிடிப்பு கடந்த சில மாதங்களுக்கு முன் தொடங்கப்பட்ட நிலையில், தற்போது படப்பிடிப்பு இறுதி கட்டத்தை நெருங்கி உள்ளதாக கூறப்படுகிறது.

இந்த நிலையில், இந்த படத்திற்கு ஜிவி பிரகாஷ் இசையமைக்கும் நிலையில், அவர் சமீபத்தில் அளித்த பேட்டியில், ’இட்லி கடை’ படத்தின் 40 நிமிட காட்சிகளை பார்த்ததாக குறிப்பிட்டுள்ளார்.

’இட்லி கடை’ படம் ஒரு ரூரல் படம்; ’அசுரன்’ உள்பட சில படங்களில் அவருடன் நான் பணியாற்றி இருக்கிறேன், ஆனால் ’இட்லி கடை’ படத்தில் இவருடைய கேரக்டர் மிகவும் சூப்பராக இருக்கும். படம் 40 நிமிடங்கள் நான் பார்த்தேன்; எனக்கு தனுஷ் போட்டு காட்டினார். படத்தின் படப்பிடிப்பு முடிக்க உள்ள நிலையில், முடிவடையும் நிலையில் உள்ளது.

நிறைய படங்களில் எமோஷனல் இல்லாமல் இருக்கும் நிலையில், மிகவும் முக்கிய அம்சமான எமோஷனலை தனுஷ் அவர்கள் சரியாக புரிந்து கொண்டு, இந்த படத்தில் புகுத்தி உள்ளார். ’திருச்சிற்றம்பலம்’ படம் போலவே, இந்த படமும் ரசிகர்களுடன் கனெக்ட் ஆகும் அளவுக்கு ஒரு படமாக இருக்கும் என்றும் அவர் கூறினார்.

தனுஷ், நித்யா மேனன், ஷாலினி பாண்டே உள்ளிட்ட பலர் நடித்து வரும் இந்த படத்தை வொண்டர்பார் பிலிம்ஸ் நிறுவனம் தயாரித்து வருகிறது. கிரண் கெளசிக் ஒளிப்பதிவில், பிரசன்னா ஜிகே படத்தொகுப்பில் ஜிவி பிரகாஷ் இசையில் உருவாகி வரும் இந்த படம் அடுத்த ஆண்டு வெளியாகவுள்ளது.

November 6, 2024 at 11:04 am

இதுமாதிரி கேள்விகள் கேட்பதை நிறுத்துங்கள்: சமந்தா கோபம்..!

Teadmin
Quick Share

நடிகை சமந்தா உடல் எடையை கூட்ட வேண்டும் என்று ரசிகர் ஒருவர் கருத்து கூறிய நிலையில் இப்படியான கேள்விகளை தயவு செய்து நிறுத்துங்கள். இது 2024 ஆம் வருடம்; ஒவ்வொருவரையும் அவர்களாகவே வாழ விடுங்கள் என்று கோபமாக பதில் அளித்துள்ளது பரபரப்பை ஏற்படுத்தி உள்ளது.

தமிழ், தெலுங்கு திரை உலகின் முன்னணி நடிகைகளின் ஒருவரான சமந்தா, இன்ஸ்டாகிராமில் பிரபலம் என்பதும், அவ்வப்போது இன்ஸ்டாவில் ரசிகர்கள் கேட்கும் கேள்விக்கு பதில் அளித்து வருகிறார் என்பது தெரிந்தது.

அந்த வகையில், சமீபத்தில் அவர் ரசிகர்களுடன் உரையாடிய போது, ஒரு ரசிகர் “தயவு செய்து இன்னும் கொஞ்சம் உடல் எடையை கூட்டுங்கள்” என கூறியிருந்தார். அதற்கு சற்று கோபமாகவே வலைதள பதில் அளித்த சமந்தா, “உடல் எடை குறித்து மீண்டும் மீண்டும் கேள்வி கேட்கிறீர்கள்; நான் மிகவும் கட்டுக்கோப்பாக உடலை வைத்திருக்க ஆன்டி- இன்பிளாமெட்ரி டயத்தில் உள்ளேன்.

குறிப்பிட்ட எடையில் நான் இருக்க வேண்டும்; ஏனெனில் எனக்கு இருக்கும் மயோசிட்டிஸ் நோய் அப்படிப்பட்ட தன்மை கொண்டது. எனவே, மற்றவர்களை குறித்து மதிப்பிடுவதை தயவு செய்து நிறுத்துங்கள். அவர்களை அவர்களாகவே வாழ விடுங்கள்; இது 2024 ஆம் வருடம்” என்று பதிவு செய்துள்ளார்.

November 6, 2024 at 10:59 am

முகுந்த் வரதராஜன் சாதியை படத்தில் காண்பிக்காதது ஏன்?’அமரன்’ இயக்குனர் விளக்...

Teadmin
Quick Share

தீபாவளி அன்று வெளியான சிவகார்த்திகேயன் நடித்த ‘அமரன்’ திரைப்படம் முகுந்த் வரதராஜனின் வாழ்க்கை வரலாறு திரைப்படம் என்ற நிலையில், அந்த படத்தில் அவருடைய ஜாதியை மறைத்து காட்டியது ஏன் என சமூக வலைதளங்களில் கேள்வி எழுப்பப்படுகிறது. இந்த கேள்விக்கு இயக்குனர் ராஜ்குமார் பெரியசாமி பதிலளித்துள்ளார்.

தமிழகத்தைச் சேர்ந்த ராணுவ வீரர் மேஜர் முகுந்த் வரதராஜனின் வாழ்க்கை வரலாற்றை அடிப்படையாக கொண்ட ‘அமரன்’ திரைப்படம் உலக அளவில் 150 கோடிக்கு அதிகமாக வசூல் செய்ததாக செய்திகள் வந்துள்ளன. இந்த நிலையில், முகுந்த் வரதராஜன் பிராமண சமூகத்தை சேர்ந்தவர் என்ற நிலையிலும், ’அமரன்’ படத்தில் அவரது ஜாதி அடையாளப்படுத்தப்படவில்லை என்று குற்றம் சாட்டப்படுகிறது. ஏற்கனவே இதே போன்ற ஒரு குற்றச்சாட்டு ’சூரரை போற்று’ படம் வெளியான போதும் எழுந்தது குறிப்பிடத்தக்கது.

இந்த நிலையில், ’அமரன்’ திரைப்படத்தின் வெற்றி கொண்டாட்ட நிகழ்வில் பேசிய இயக்குனர் ராஜ்குமார் பெரியசாமி இதற்கான விளக்கத்தை அளித்துள்ளார். முகுந்த் வரதராஜன் மனைவி இந்து எங்களிடம் ’முகுந்த்தை தமிழராக அடையாளப்படுத்த, தமிழ் சாயல் கொண்ட நடிகரை பயன்படுத்துங்கள் என்றும், அதேபோல் முகுந்துக்கு இந்தியன், தமிழன் என்ற அடையாளம் மட்டுமே போதும் என்றும் அவர்கள் தெரிவித்தனர். எந்த சூழ்நிலையிலும் முகுந்த் தன்னை இந்தியன் என்று தான் முன்னிலைப்படுத்தியுள்ளார் என்றும், அதனால் தான் அவரது சமூகம் குறித்த காட்சிகள் படமாக்கப்படவில்லை என்றும் கூறினார்.

இது முகுந்த் வரதராஜனை கொண்டாட எடுக்கப்பட்ட திரைப்படம் என்பதால், அவர் எந்த சமூகத்தைச் சேர்ந்தவர் என்பது முக்கியமில்லை. அவரை ஜாதி வாரியாக பிரிக்க வேண்டிய அவசியமும் இல்லை. அதையும் தாண்டி, சக்கரா விருது பெற்ற முகுந்த் வரதராஜனின் பணிக்கும் தியாகத்திற்கும் ‘அமரன்’ திரைப்படம் மரியாதை செய்துள்ளது என்று அவர் கூறினார்

November 6, 2024 at 10:18 am

குழந்தைகள் முன்பு மீண்டும் கணவரை திருமணம் செய்த நடிகை சன்னி லியோன்!

Teadmin
Quick Share

ஒரு காலத்தில் ஆபாச நடிகையாக ஒரு மாதிரியான படங்களில் நடித்து உலகளவில் பேமஸ் ஆனவர் சன்னி லியோன். அந்த தொழில் பிடிக்காமல் ஒரு கட்டத்துக்கு மேல் தனக்கான அங்கீகாரம் வேண்டும் என நினைத்து சன்னி லியோன் மும்பைக்கு வந்து செட்டில் ஆனார். ஹிந்தி படங்களில் நடித்து வந்தவர் இப்போது தென்னிந்திய படங்களில் நடித்து வருகிறார்.

கடந்த 2011ம் ஆண்டு டேனியல் வெப்பர் என்பவரை சன்னி லியோன் திருமணம் செய்துகொண்டார்.

நிஷா கவுர் எனும் பெண் குழந்தையை தத்தெடுத்து வளர்த்து வந்தார். பின் வாடகை தாய் மூலம் கடந்த 2018ம் ஆண்டு இரு ஆண் குழந்தைகளுக்கு தாயானார்.

இந்த நிலையில் நடிகை சன்னி லியோன் தனது குழந்தைகள் முன்பு கணவரை மீண்டும் திருமணம் செய்துகொண்டுள்ளார். அந்த புகைப்படங்களை இன்ஸ்டாவில் பதிவிட அனைவரும் வாழ்த்து கூறி வருகின்றனர்.

November 6, 2024 at 10:16 am

கோலாகலமாக நடந்த பிக்பாஸ் புகழ் விக்ரமன் திருமணம்!

Teadmin
Quick Share

பிக்பாஸ் தமிழ் 6வது சீசன் மூலம் பெரிய அளவில் பிரபலமானவர் விக்ரமன். இந்நிகழ்ச்சிக்கு முன் விக்ரமன் சீரியல் கூட நடித்திருக்கிறார், ஆனால் அது கொடுக்காத ரீச் பிக்பாஸ் அவருக்கு கொடுத்திருந்தது. பிக்பாஸ் முடிந்து நிறைய படங்கள் நடிப்பார் என்று பார்த்தால் சர்ச்சைகளில் தான் அதிகம் சிக்கினார்.

அவர் ஒரு பெண்ணை ஏமாற்றி அவரிடம் இருந்து பண மோசடி செய்ததாக அந்த பெண் அவர் மீது வழக்கு தொடர்ந்து இருந்தார். பின் அந்த பிரச்சனை அப்படியே முடிவுக்கும் வந்தது.

இந்த நிலையில் விக்ரமன் குறித்து ஒரு சந்தோஷ செய்தி வெளியாகியுள்ளது. அதாவது பிக்பாஸ் புகழ் நடிகர் விக்ரமனுக்கு திருமணம் முடிந்துள்ளது.

தன்னுடைய இன்ஸ்டா பக்கத்தில் திருமண புகைப்படங்களை பதிவிட அதற்கு ரசிகர்கள் வாழ்த்து கூறி வருகிறார்கள். பிக்பாஸ் பிரபலங்கள் ரச்சிதா மற்றும் ஷிவின் ஆகியோரும் விக்ரமன் திருமண நிகழ்வில் கலந்து கொண்டுள்ளனர்.

November 5, 2024 at 12:47 pm

நீளமான கூந்தலுக்கு ஐஸ்வர்யா ராய் செய்யும் விஷயம்!

Teadmin
Quick Share

உலக அழகியாக என்றும் இந்திய மக்களின் குறிப்பாக தமிழ் மக்களால் கொண்டாடப்படுபவர் நடிகை ஐஸ்வர்யா ராய். கடைசியாக தமிழில் பொன்னியின் செல்வன் படத்தில் நந்தினியாக நடித்திருந்தார், அதிலும் அவரது நடிப்பிற்கு நிறைய பாராட்டுக்கள் கிடைத்தது. இப்போதும் அவரிடம் நிறைய படங்களை ரசிகர்கள் எதிர்ப்பார்க்கிறார்கள், ஆனால் அவர் பொறுமையாக கதைகள் தேர்வு செய்து நடித்து வருகிறார்.

அழகுக்கு பெயர் போன நடிகை ஐஸ்வர்யா ராயின் அடத்தியான நீளமான முடிவுக்கு என்ன செய்கிறார் என்ற விவரம் வெளியாகியுள்ளது.

உச்சந்தலையில் மசாஜ் செய்வதை தினசரி வழக்கமாக ஐஸ்வர்யா ராய் பின்பற்றுகிறார். அச்செயல் ரத்த ஓட்டத்தை அதிகரித்து முடி வளர்ச்சியை தூண்ட உதவுகிறது. அவுகோடா மாஸ் ஐஸ்வர்யா ராய் அதிகம் நம்பும் ஒரு டிப்ஸ்.

அவரது தினசரி உணவு முறையில் புரதச்சத்து உணவுகள் அதிகளவில் இடம்பெறக்கூடம்.

தினமும் 8 முதல் 10 கிளாஸ் தண்ணீர் குடிப்பதை ஐஸ்வர்யா ராய் வழக்கமாக வைத்துள்ளார், இச்செயல் ரத்த ஓட்டத்தை மேம்படுத்தி கூந்தர் ஆரோக்கியத்தை காக்க உதவுகிறது.

தனது தலைமுடி வளர்ச்சிக்கு அதிகம் ஐஸ்வர்யா ராய் இயற்கை பொருள்களையே பயன்படுத்துகிறாராம்.

November 5, 2024 at 9:59 am

அடுத்து பாலிவுட்டில் மாஸ் காட்டப்போகும் சூர்யா!

Teadmin
Quick Share

இயக்குனர் சிறுத்தை சிவா இயக்கத்தில் சூர்யா முதல் முறையாக நடித்துள்ள திரைப்படம் கங்குவா. இப்படத்தை ஸ்டூடியோ க்ரீன் நிறுவனம் தயாரித்துள்ளது. பிரம்மாண்ட பொருட்செலவில் எடுக்கப்பட்டுள்ள இப்படத்தில் சூர்யாவுடன் இணைந்து பாலிவுட் நட்சத்திரங்களான திஷா பாட்னி மற்றும் பாபி தியோல் நடித்துள்ளனர்.

ரூ. 300 முதல் ரூ. 350 கோடி வரையிலான பட்ஜெட்டில் உருவாகியிருக்கும் இப்படத்தின் மீது ரசிகர்களுக்கு பெரும் எதிர்ப்பார்ப்பு உள்ளது. வரும் 14 – ம் தேதி வெளிவரும் இந்த படத்தின் புரமோஷன் பணிகள் தீவிரமாக நடைபெற்று வருகிறது.

இந்நிலையில், நிகழ்ச்சி ஒன்றில் சூர்யாவிடம் அவர் பாலிவுட் என்ட்ரி குறித்து கேள்வி எழுப்பப்பட்டது. அதற்கு, ” ஏற்கனவே ‘சூரரைபோற்று’ படத்தின் ஹிந்தி ரீமேக் படமான ‘சர்பிரா’ என்ற படத்தில் கெஸ்ட் ரோலில் நடித்து விட்டேன்.

அதை தொடர்ந்து, தற்போது ‘கர்ணா’ என்ற படத்தில் நடித்து வருகிறேன். இப்படத்தின் படப்பிடிப்பு நடைபெற்று வருகிறது. அதன் பின், மாறுப்பட்ட கதை களத்தில் நடிக்க என்னை நான் தயார் செய்து வருகிறேன்” என்று தெரிவித்துள்ளார்.




You cannot copy content of this Website