திருமணமான ஒன்றரை வருடத்தில் பச்சிளம் குழந்தையின் அம்மா தூக்குப்போட்டு தற்கொலை…
கோவை இடையர்பாளையம் அருகே உள்ள நெல்லி அம்மன் கோவில் வீதியைச் சேர்ந்தவர் கார்த்தி. இவரது மனைவி ரத்திகா(வயது20). இவர்களுக்கு கடந்த ஒன்றரை வருடங்களுக்கு முன்பு திருமணம் நடந்தது. இந்த நிலையில் ரத்திகாவிற்கு கடந்த 12 நாட்களுக்கு முன்பு பெண் குழந்தை பிறந்தது.
சம்பவத்தன்று வீட்டில் தனியாக இருந்த ரத்திகா அறையில் உள்ள மின்விசிறியில் தூக்குப்போட்டு தற்கொலை செய்து கொண்டார்.
இதை பார்த்த அக்கம் பக்கத்தினர் இதுகுறித்து துடியலூர் போலீசாருக்கு தகவல் தெரிவித்தனர். உடனடியாக போலீசார் சம்பவ இடத்திற்கு விரைந்து வந்து தற்கொலை செய்துகொண்ட ரத்திகாவின் உடலை மீட்டு கோவை அரசு ஆஸ்பத்திரிக்கு பிரேத பரிசோதனைக்கு அனுப்பிவைத்தனர். மேலும் அவர் எதற்காக தற்கொலை செய்து கொண்டார் என்பது குறித்து வழக்கு பதிவு செய்து விசாரணை நடத்தி வருகின்றனர். திருமணமான ஒன்றரை வருடத்தில் இளம்பெண் தற்கொலை செய்து கொண்டதால் ஆர்.டி.ஓ. விசாரணை நடந்தி வருகிறார்.
சூலூர் அருகே உள்ள பீடம்பள்ளி வ.ஊ.சி.வீதியை சேர்ந்தவர் மருதாசலம். இவரது மனைவி புவனேஸ்வரி(57). சம்பவத்தன்று கட்டிலில் படுத்திருந்த இவர் நிலை தடுமாறி கீழே விழுந்தார். இதில் பலத்த காயமடைந்த அவரை வீட்டில் இருந்தவர்கள் மீட்டு கோவை அரசு ஆஸ்பத்திரியில் சேர்த்தனர். அங்கு அவருக்கு டாக்டர்கள் சிகிச்சை அளித்து வந்தனர். இருப்பினும் அவர் சிகிச்சை பலனின்றி உயிழிந்தார்.இது குறித்து சூலூர் போலீசார் வழக்குப்பதிவு செய்து விசாரணை நடத்தி வருகிறார்கள்.
