Breaking News

சென்னை

September 13, 2022 at 12:24 pm

சென்னையில் பரவும் ப்ளூ வைரஸ் காய்ச்சல்!! பெற்றோர்களே குழந்தைகளை பத்திரமாக பாத்துக்கோங்க...

Teadmin
Quick Share

வைரஸ் காய்ச்சல்களில் ப்ளு வகை வைரஸ் காய்ச்சல் பொதுவாக செப்டம்பர், அக்டோபர் மாதங்களில் அதிகளவு பரவுவது உண்டு. கடந்த 2 ஆண்டுகளாக கொரோனா வைரஸ் தாக்கத்தால் பொதுமக்கள் தங்களை தனிமைப்படுத்திக் கொண்டதாலும், முகக் கவசம் அணிந்ததாலும் இத்தகைய வைரஸ்கள் தாக்கம் இல்லாமல் இருந்தது. ஆனால் தற்போது கொரோனா அச்சுறுத்தல் விலகி உள்ள நிலையில் முகக்கவசம் உள்ளிட்ட தடுப்பு நடவடிக்கைகள் அனைத்தையும் பொது மக்கள் கைவிட்டு இருப்பதால் மீண்டும் வைரஸ் காய்ச்சல்கள் தலையெடுக்கத் தொடங்கி உள்ளன.

அந்த வகையில் தற்போது சென்னையில் ப்ளு வைரஸ் காய்ச்சல் வேகமாக பரவத் தொடங்கியுள்ளது. கடந்த சில தினங்களாக இந்த காய்ச்சலுக்கு பாதிக்கப்படும் சிறுவர்கள், மாணவர்கள் எண்ணிக்கை அதிகரித்து உள்ளது. இதனால் இருமல், காய்ச்சல் பிரச்சினைகளுடன் அரசு மருத்துவ மனைகளுக்கு வரும் குழந்தைகளின் எண்ணிக்கை கணிசமாக அதிகரித்து வருகிறது.

பொதுவாக ப்ளு வைரஸ் காய்ச்சல் குழந்தைகளைத் தான் அதிகம் பாதிக்கும். ஜலதோஷம், மிக அதிக காய்ச்சல், விடாமல் ஏற்படும் இருமல் ஆகியவை ப்ளு வைரஸ் காய்ச்சலின் அறிகுறியாகும். இதற்கு ஏற்கனவே தடுப்பூசி உள்ளது. என்றாலும், ப்ளு வைரஸ் பாதிக்கும் பட்சத்தில் மிகவும் கவனமாக இருக்க வேண்டும் என்று டாக்டர்கள் அறிவுறுத்தி உள்ளனர். ப்ளு வைரஸ் காய்ச்சல் ஏற்பட்டால் அது சுவாச மண்டலத்தைதான் அதிகமாக தாக்கும். இதனால் இருமல் இருந்து கொண்டே இருக்கும். பொதுவாக உடல் வலி, தலைவலி, சோர்வு, தொண்டை வறட்சி, வாந்தி ஏற்படுதல், வயிற்று வலி போன்றவையும் ஏற்படக் கூடும்.

பொதுவாக ப்ளு வைரஸ் காய்ச்சல் குழந்தைகளைத் தான் அதிகம் பாதிக்கும். ஜலதோஷம், மிக அதிக காய்ச்சல், விடாமல் ஏற்படும் இருமல் ஆகியவை ப்ளு வைரஸ் காய்ச்சலின் அறிகுறியாகும். இதற்கு ஏற்கனவே தடுப்பூசி உள்ளது. என்றாலும், ப்ளு வைரஸ் பாதிக்கும் பட்சத்தில் மிகவும் கவனமாக இருக்க வேண்டும் என்று டாக்டர்கள் அறிவுறுத்தி உள்ளனர். ப்ளு வைரஸ் காய்ச்சல் ஏற்பட்டால் அது சுவாச மண்டலத்தைதான் அதிகமாக தாக்கும். இதனால் இருமல் இருந்து கொண்டே இருக்கும். பொதுவாக உடல் வலி, தலைவலி, சோர்வு, தொண்டை வறட்சி, வாந்தி ஏற்படுதல், வயிற்று வலி போன்றவையும் ஏற்படக் கூடும்.

ப்ளு வைரஸ் காய்ச்சல் ஏற்படுபவர்களுக்கு சளி தொல்லை இருந்து கொண்டே இருக்கும். எனவே காய்ச்சல், இருமல் இருப்பவர்கள் பக்கத்தில் செல்லும்போது முகக்கவசம் அணிந்துகொண்டு சென்றால் ப்ளு வைரஸ் தாக்கத்தில் இருந்து தப்பிக்க முடியும்.

September 7, 2022 at 1:26 pm

தந்தை திட்டியதால் வாலிபர் தற்கொலை !!மகன் இறந்த துக்கம் தாங்காமல் தாயும் தற்கொலை செய்து ...

Teadmin
Quick Share

வியாசர்பாடியில், தந்தை திட்டியதால் விரக்தியடைந்த பட்டதாரி வாலிபர், தற்கொலை செய்து கொண்டார். மகனை இழந்த சோகத்தில், அவரின் தாயும் துாக்கிட்டு தற்கொலை செய்து கொண்டார்.

சென்னை வியாசர்பாடி, கரிமேடு, 2வது தெருவைச் சேர்ந்தவர் ரகுநாதன், 53; இவர் ஆயிரம் விளக்கு பகுதியில் ‘பிரின்டிங் பிரஸ்’ வைத்துள்ளார். இவருக்கு இளவரசி, 50, என்ற மனைவியும், சுசில், 21, என்ற மகனும் உள்ளனர். பி.காம்., பட்டதாரியான சுசில், எம்.கே.பி.நகர் மற்றும் சேலைவாயல் பகுதிகளில், நடன பள்ளியில் மாஸ்டராக வேலை பார்த்து வந்தார். இவர் பல நாள், நடன பள்ளியில் இருந்து வீட்டிற்கு, இரவில் தாமதமாக வந்துள்ளார். இதனால், ரகுநாதன் சுசிலை கண்டித்து வந்தார்.

நேற்று முன்தினம் இரவும், இதுபோல சுசிலை கண்டித்துள்ளார். இதனால் மனமுடைந்த சுசில், நேற்று மாலை வீட்டின் அறையில் இருந்த மின்விசிறி கொக்கியில் துாக்கிட்டு தற்கொலை செய்து கொண்டார். அவரை உடனடியாக, பெரியார் நகர் அரசு மருத்துவமனைக்கு கொண்டு சென்றனர். அங்கு அவரை பரிசோதித்த மருத்துவர்கள், ஏற்கனவே இறந்துவிட்டதாகத் தெரிவித்தனர்.

மகன் இறந்த துக்கம் தாங்காமல், அவரின் தாய் இளவரசி அழுது கொண்டே, மருத்துவமனையில் இருந்து வீட்டிற்கு வந்துள்ளார்.சிறிது நேரத்தில் அவரும், மகன் துாக்கிட்டு தற்கொலை செய்து கொண்ட அதே மின் விசிறியில் துாக்கிட்டு தற்கொலை செய்து கொண்டார். எம்.கே.பி.நகர் போலீசார், இருவரது உடல்களையும் கைப்பற்றி, பிரேத பரிசோதனைக்கு ஸ்டான்லி மருத்துவமனைக்கு அனுப்பி வைத்து விசாரிக்கின்றனர்.மகன் இறந்த சோகத்தில், தாயும் தற்கொலை செய்து கொண்ட சம்பவம், அப்பகுதியில் பெரும் சோகத்தை ஏற்படுத்தியுள்ளது

September 6, 2022 at 11:03 am

சென்னையில் பயங்கரம்! மனைவி கண் முன்னே சரமாரி தாக்குதல்.. பிரபல ரவுடி கொலை

Teadmin
Quick Share

திருவான்மியூரில் மனைவி கண் முன்னே ரவுடி கொடூரமாக வெட்டிக் கொலை செய்யப்பட்ட சம்பவம் அதிர்ச்சியை ஏற்படுத்தி உள்ளது.

இவர் நேற்று மாலை தனது மனைவியுடன் வீட்டின் அருகே உள்ள காவல் குடியிருப்பு பகுதியில் நடந்து சென்று கொண்டு இருந்தார். அப்போது அங்கு இரு சக்கர வாகனத்தில் இருவர் வந்தாக கூறப்படுகிறது.

ஹெல்மெட் அணிந்து வந்த அந்த மர்ம நபர்கள், ரவுடி ஓலை சரவணனை சரமாரியாக வெட்டி உள்ளனர். மனைவி கண் முன்னே நடந்த இந்த கொடூர சம்பவத்தில் ஓலை சரவணன் அங்கேயே சரிந்து விழுந்தார். 

ஓலை சரவணனை கொலை செய்த அவர்கள், உடனடியாக அங்கிருந்து தப்பியோடிவிட்டனர். தனது கணவர் கண் முன்னே படுகொலை செய்யப்பட்டதைப் பார்த்து அதிர்ந்து போன, ஓலை சரவணன் மனைவி இது குறித்து திருவான்மியூர் போலீசாருக்கு தகவல் கொடுத்தார். அதன்படி சம்பவ இடத்திற்கு விரைந்த வந்த போலீசார், உடலை கைப்பற்றிப் பிரேதப் பரிசோதனைக்காக ராயப்பேட்டை அரசு பொது மருத்துவமனைக்கு அனுப்பி வைத்தனர். சம்பவ இடத்தில் இருந்த சிசிடிவி காட்சிகளைக் கைப்பற்றி கொலையாளிகளைத் தேடி வருகின்றனர்.

கொலை செய்யப்பட்ட ஓலை சரவணன் சமீபத்தில் தான் வழக்கு ஒன்றில் இருந்து சிறை சென்று வெளியில் வந்துள்ளார். இவர் மீது கொலை வழக்கு உள்ளிட்ட பல வழக்குகள் உள்ள நிலையில், முன் பகை காரணமாக இவர் கொலை செய்யப்பட்டு இருக்கலாம் என்ற கோணத்தில் போலீசார் விசாரணை செய்து வருகின்றனர்.

September 6, 2022 at 7:14 am

எச்சரிக்கை செய்தி!!செல்போன் செயலி மூலம் பல லட்சங்களை இழந்த இளைஞர்! சிக்கிய 37 வயது பெண்...

Teadmin
Quick Share

தொழில்நுட்பத்தை பயன்படுத்தி நடந்த பலே மோசடி.

செயலி மூலம் லட்சக்கணக்கான பணத்தை ஏமாற்றிய பெண்

தொழில்நுட்பத்தை பயன்படுத்தி பெண்ணொருவர் செய்துள்ள பணமோசடி அம்பலமாகியுள்ளது.

சென்னையைச் சேர்ந்த சந்தோஷ்குமார் என்பவர் காவல்துறை ஆணையர் அலுவலகத்தில் பரபரப்பு புகார் மனு ஒன்றை கொடுத்தார். அதில், நான் சியாமளா என்ற பெண்ணிடம், சாட்கரோ என்ற செல்போன் செயலி மூலம் பேசி வந்தேன்.

அந்த பெண் கம்ப்யூட்டர் நிறுவனம் ஒன்றில் வேலை பார்ப்பதாக தெரிவித்தார். தான் வேலை பார்க்கும் கம்பெனியில் கேண்டீன் நடத்த அனுமதி பெற்றுத்தருவதாக அந்த பெண் தெரிவித்தார். 

அதற்கு ரூ.56 லட்சம் முன்பணம் கேட்டு பெற்றார். ஆனால் அந்த பெண் கேண்டீன் நடத்த அனுமதி எதுவும் பெற்றுத்தராமல் ரூ.56 லட்சம் பணத்தையும் மோசடி செய்துவிட்டார். உரிய நடவடிக்கை எடுத்து நான் ஏமாந்த பணத்தை மீட்டுத்தர வேண்டும் என குறிப்பிட்டிருந்தார்.

இந்த புகார் மனு மீது மத்திய குற்றப்பிரிவு பொலிசார் வழக்குப்பதிவு செய்து விசாரணை நடத்தினார்கள். சந்தோஷ்குமாரிடம் நூதன முறையில் ரூ.56 லட்சம் மோசடி செய்த பெண்ணின் உண்மையான பெயர் பிரியா (37) என்றும், அவர் கோவா மாநிலத்தில் வசிப்பதும் தெரியவந்தது. 

பொலிசார் அங்கு சென்று பிரியாவையும், அவரது மோசடிக்கு உடந்தையாக செயல்பட்ட சக்திவேல் (41) என்பவரையும் கைது செய்து சென்னை அழைத்து வந்தனர். பிரியா இதே போல செல்போன் செயலி மூலம் 10 பேரிடம் பண மோசடியில் ஈடுபட்டது தெரியவந்துள்ளது.

இது தொடர்பாக விசாரணை நடக்கும் நிலையில் பல திடுக்கிடும் தகவல்கள் வெளியாகும் என எதிர்பார்க்கப்படுகிறது.  

September 5, 2022 at 10:21 am

கல்லூரி திறந்த முதல் நாளிலேயே மாணவி உயிரிழந்த சோகம் !!கதறும் குடும்பம்….

Teadmin
Quick Share

சென்னை வேப்பேரி பகுதியில் வசிப்பவர் சர்மா. இவரது மனைவி சீமா சர்மா. சர்மா தங்கசாலை பகுதியில் மருந்து கடை நடத்தி வருகிறார். இவர்களது மகள் ரோஷிணி சர்மா (வயது 19) வேப்பேரி நெடுஞ்சாலையில் உள்ள ஜெயின் பெண்கள் கல்லூரியில் பி.காம். 3-ம் ஆண்டு படித்து வந்தார். 

நேற்று கல்லூரி திறந்த முதல் நாளில் மாணவி ரோஷிணி காலை 8 மணிக்கே கல்லூரிக்கு வந்து விட்டார். ஆனால் கல்லூரி வகுப்பறைக்கு போகவில்லை. படிக்கட்டு அருகில் மயங்கிய நிலையில் தலையில் பலத்த அடிபட்டு அவர் கிடந்தார். அதைப்பார்த்த கல்லூரி பேராசிரியை ஒருவர் கூச்சல் போட்டு மற்றவர்களை அழைத்தார்.

மாணவி ரோஷிணி ஆம்புலன்ஸ் வாகனத்தில் ஏற்றப்பட்டு, அரசு பொது மருத்துவமனைக்கு கொண்டு செல்லப்பட்டார். ஆனால் அவர் வழியிலேயே பரிதாபமாக இறந்து போய் விட்டார். அவரது வாயில் முன்பக்க பற்கள் உடைந்து காணப்பட்டது.

தலையில் அடிபட்டு ரத்தம் கொட்டிய நிலையில் இருந்தது. மாணவி ரோஷிணி படிக்கட்டில் உருண்டு விழுந்து தலையில் அடிபட்டு இறந்ததாக தகவல் தெரிவிக்கப்பட்டது. இதுபற்றி தகவல் கிடைத்ததும் வேப்பேரி உதவி கமிஷனர் அரிக்குமார், இன்ஸ்பெக்டர் வேலு, சப்-இன்ஸ்பெக்டர் மகாலிங்கம் ஆகியோர் கல்லூரிக்கு விரைந்து சென்று விசாரணை நடத்தினார்கள். 

மர்ம சாவு சட்டப்பிரிவின் கீழ் வழக்குப்பதிவு செய்யப்பட்டது. ரோஷிணி காயம் பட்டவுடன் ஆஸ்பத்திரியில் சேர்க்கப்பட்டிருந்தால் உயிரை காப்பாற்றி இருக்கலாம் என்று சொல்லப்படுகிறது. அவர் அடிபட்டு கிடந்ததை தாமதமாகவே பேராசிரியர் பார்த்ததாக தெரிகிறது. கல்லூரி திறந்த முதல் நாளிலேயே நடந்த இந்த சோகம் பெரும் பரபரப்பை ஏற்படுத்தி உள்ளது. மாணவியின் பெற்றோர் கதறி அழுத காட்சி நெஞ்சை உருக்குவதாக இருந்தது

September 4, 2022 at 5:23 pm

சாலையோரத்தில் கிடந்த மூட்டை! சென்னையை உலுக்கிய பயங்கர சம்பவம்

Teadmin
Quick Share

சென்னையில் தொழிலதிபரை கொன்று பிளாஸ்டிக் பையில் போட்டு வீசிய கொடூரம்

தொழில் போட்டி காரணமாக இந்த கொலை நடந்துள்ளதா என பொலிசார் விசாரணை 

சென்னையில் தொழிலதிபரை கொலை செய்து, பிளாஸ்டிக் பையில் அடைத்து வீசப்பட்ட சம்பவம் பெரும் அதிர்ச்சியை ஏற்படுத்தியுள்ளது.

சென்னை ஆதம்பாக்கம் பகுதியைச் சேர்ந்த பாஸ்கர் என்பவரது மகன் தனது தந்தையை காணவில்லை என பொலிசில் புகார் அளித்தார்.

இந்த நிலையில் சின்மயா நகர் பகுதியில் பிளாஸ்டிக் பை ஒன்று கட்டப்பட்டு சாலையோரம் கிடந்தது. தூய்மை பணியாளர்கள் அந்த மூட்டையை திறந்து பார்த்தபோது அதிர்ச்சியடைந்தனர்.

அதில் நபர் ஒருவரின் உடல் கை, கால்கள் கட்டப்பட்டு கிடந்தது. உடனடியாக இதுகுறித்து தகவல் அறிந்த பொலிசார் அங்கு விரைந்தனர். பிளாஸ்டிக் பையை கைப்பற்றி பார்த்தபோது அதில் இறந்து கிடந்தது காணாமல் போன தொழிலதிபர் பாஸ்கர் என்பது தெரிய வந்தது. 

அதனைத் தொடர்ந்து பாஸ்கரின் உடல் பிரேத பரிசோதனைக்கு அனுப்பி வைக்கப்பட்டது. பின்னர் சிசிடிவி காட்சிகளைக் கொண்டு விசாரணை மேற்கொண்டு வரும் பொலிசார், தொழில் போட்டி காரணமாக இந்த கொலை நடந்துள்ளதா அல்லது பணம் பறிக்கும் நோக்கில் அவர் கடத்தி கொலை செய்யப்பட்டாரா என்கிற கோணத்தில் விசாரணையை தீவிரப்படுத்தியுள்ளனர். இந்த சம்பவம் சென்னையில் பெரும் பரபரப்பை ஏற்படுத்தியுள்ளது.   

September 2, 2022 at 10:11 am

சென்னை வேளச்சேரி பகுதிகளில் பரபரப்பு… 4,400 போதை மாத்திரைகள், 90 போதை டானிக்குகள...

Teadmin
Quick Share

சென்னை வேளச்சேரி பகுதிகளில் போதை மாத்திரைகள் அதிகளவில் விற்பனை செய்யப்படுவதாக போலீசாருக்கு புகார்கள் வந்தன. அதனடிப்படையில், அடையாறு துணை கமிஷனர் மகேந்திரன் உத்தரவின் பேரில் கிண்டி உதவி கமிஷனர் சிவா மற்றும் வேளச்சேரி காவல் ஆய்வாளர் சந்திரமோகன் கொண்ட தனிப்படையினர் வேளச்சேரி பகுதிகளில் ரோந்து பணிகளில் ஈடுபட்டனர். 

அப்போது தமிழ்நாடு வீட்டு வசதி வாரியம் குடியிருப்பு பகுதியில் சந்தேகிக்கும்படி 5 பேர் இருப்பதாக போலீசாருக்கு தகவல் கிடைத்தது. இதையடுத்து போலீசார் சென்று அந்த 5 பேரை மடக்கிப் பிடித்தனர். அவர்களை விசாரித்ததில் முன்னுக்குப் பின் முரணாக பேசினர். அவர்கள் வைத்திருந்த பையை சோதனை செய்தபோது, அதில் 4,400 மாத்திரைகள் மற்றும் 90 டானிக்குகள் இருந்தன. வலி மற்றும் சளி போன்றவற்றிற்காக வழங்கப்படும் இந்த மருந்துகளை போதை மருந்துகளாக மாற்றி அந்த பகுதியில் விற்பனை செய்ததை கண்டுபிடித்தனர். 

வேளச்சேரியைச் சேர்ந்த ஜானகிராமன், முனீஸ்வரன், பாலுசாமி, சுல்தான் அலாவுதீன், நரேஷ் ஆகியோரை போலீசார் கைது செய்தனர். மேலும் விசாரணையில் சுல்தான் அலாவுதீனும் நரேசும் மருத்துவ பிரதிநிதிகளாக வேலை பார்த்து வருவதும் இவர்கள் மருந்துகளை மருந்தகங்களுக்கு சப்ளை செய்யாமல் அவற்றை போதை மருந்துகளாக மாற்றி கள்ளத்தனமாக விற்பனை செய்து வந்ததும் தெரிய வந்தது.

August 29, 2022 at 12:39 pm

செல்போன் திருடிய இளைஞரை தலையில் கல்லை போட்டு கொன்ற நண்பர்கள்

Teadmin
Quick Share

சென்னை புளியந்தோப்பு பகுதியைச் சேர்ந்தவர் அப்பு (24). இவர், தண்டையார்பேட்டை இளைய முதலிதெரு மேம்பாலம் பகுதியை சேர்ந்த கைலாசம் தெருவைச் சேர்ந்த மகேஷ் (29), வைரமுத்து (24) ஆகியோருடன் தங்கி இருந்தார். இவர்கள் மீது காவல் நிலையங்களில் சிறு சிறு திருட்டு, வழிப்பறி உள்ளிட்ட வழக்குகள் உள்ளன. 

கடந்த 2 வாரங்களுக்கு முன்பு நண்பர்கள் அனைவரும் வழக்கம்போல் மேம்பாலத்துக்கு அடியில் படுத்து தூங்கினர். அப்போது மகேஷின் செல்போனை அப்பு திருடிவிட்டார். இதையறிந்த மகேஷ், தனது செல்போனை திருப்பி தரும்படி கேட்டார். அதற்கு அப்பு, “செல்போனை தர முடியாது. உன்னால் என்ன செய்ய முடியுமோ? செய்து கொள்” என்று கூறிவிட்டார். இதனால் ஆத்திரமடைந்த மகேஷ், தனது நண்பர் வைரமுத்துவுடன் சேர்ந்து நேற்று முன்தினம் இரவு 10 மணியளவில் மாட்டுவண்டியில் தூங்கிகொண்டிருந்த அப்புவை கீழே தூக்கி போட்டு, அருகில் கிடந்த பெரிய கல்லை அவரது தலையில் போட்டுவிட்டு தப்பி ஓடிவிட்டனர். 

இதில் ரத்த வெள்ளத்தில் உயிருக்கு போராடிய அப்பு, ஸ்டான்லி மருத்துவமனையில் சிகிச்சை பலனின்றி நள்ளிரவில் பரிதாபமாக உயிரிழந்தார். இந்த கொலை வழக்கு தொடர்பாக புதுவண்ணாரப்பேட்டை போலீசார் வழக்குப்பதிவு செய்து மகேஷ், வைரமுத்து இருவரையும் கைது செய்து விசாரித்து வருகின்றனர்.

August 28, 2022 at 2:14 pm

பெசன்ட்நகர் வேளாங்கண்ணி ஆலய விழா: வாகன ஓட்டிகளுக்கு முக்கிய அறிவிப்பு

Teadmin
Quick Share

சென்னை பெசன்ட்நகர் அன்னை வேளாங்கண்ணி ஆலய வருடாந்திர திருவிழா நாளை (திங்கட்கிழமை) தொடங்குகிறது. இதையொட்டி மக்கள் அதிகம் கூடுவார்கள் என்பதால் அன்றைய தினம் மதியம் 12 மணி முதல் இரவு 9 மணி வரை போக்குவரத்தில் சில மாற்றங்கள் செய்யப்படுகின்றன. 

அதன் விவரம் வருமாறு, திரு.வி.க. பாலம், எஸ்.வி.படேல் சாலையில் இருந்து பெசன்ட் அவென்யூ வழியாக பெசன்ட் நகர் பஸ் நிலையம் நோக்கி செல்ல விரும்பும் வாகனங்கள் ஆவின் பூங்காவில் இருந்து தடைசெய்யப்பட்டு, எல்.பி. சாலை வழியாகச் செல்ல அனுமதிக்கப்பட்டுள்ளது. 

7-வது அவென்யூ மற்றும் எம்.ஜி.ரோடு சந்திப்பில் இருந்து அன்னை வேளாங்கண்ணி தேவாலயம் நோக்கி வரும் வாகனங்கள் செல்ல அனுமதிக்கப்படாது. எம்.எல். பூங்காவில் இருந்து மாநகர பஸ்கள், பெசன்ட் அவென்யூ வழியாக பெசன்ட் நகர் பஸ் நிலையத்தை நோக்கி செல்ல அனுமதிக்கப்படாது. 

மேற்கண்ட வாகனங்கள் ஆவின் பூங்கா, எல்.பி சாலை வழியாக, எம்.ஜி. சாலை, பெசன்ட் நகர் 1-வது பிரதான சாலை வழியாக சென்று இலக்கை அடையலாம். * பெசன்ட்நகர் பஸ் நிலையத்திலிருந்து திருவான்மியூர் மற்றும் அடையாறு சிக்னல் நோக்கிச் செல்லும் மாநகர பஸ்கள் சாஸ்திரி நகர் 1-வது அவென்யூ மற்றும் எல்.பி. சாலை வழியாக சென்று இலக்கை அடையலாம்.

August 27, 2022 at 3:07 pm

திருமண ஆசை காட்டி ஏமாற்றிய பேஸ்புக் காதலன்! இளம்பெண் தூக்கிட்டு தற்கொலை…

Teadmin
Quick Share

திருமண ஆசை காட்டி ஏமாற்றியதால் இளம்பெண் தூக்கிட்டு தற்கொலை

பேஸ்புக் மூலம் ஏற்பட்ட பழக்கத்தில் ஏமாற்றமடைந்த இளம்பெண் எடுத்த அதிர்ச்சி முடிவு

சென்னையில் பேஸ்புக் காதலன் திருமண ஆசை காட்டி ஏமாற்றியதால், இளம்பெண் தூக்கிட்டு தற்கொலை செய்துகொண்ட சம்பவம் பரபரப்பை ஏற்படுத்தியுள்ளது. 

சென்னை ஜமீன் பல்லாவரத்தை அடுத்த பச்சையம்மன் நகரைச் சேர்ந்த கல்லூரி மனைவி கீர்த்திகா. இவர் கடந்த மூன்று ஆண்டுகளுக்கு முன்னர் பேஸ்புக் மூலமாக சுதீஷ் என்ற இளைஞருடன் அறிமுகமாகியுள்ளார்

நட்பாக பழகி வந்த இருவரும் காதலிக்க தொடங்கியுள்ளனர். இந்த நிலையில் திருமணம் செய்துகொள்வதாக கூறி சுதீஷ் ஏமாற்றியதாக கூறப்படுகிறது. இதனால் மனமுடைந்த கீர்த்திகா தனது வீட்டில் தூக்கிட்டு தற்கொலை செய்துகொண்டுள்ளார்.

இதுகுறித்து தகவல் அறிந்த பொலிசார், சம்பவ இடத்திற்கு விரைந்து வந்து மாணவியின் உடலை கைப்பற்றி பிரேத பரிசோதனைக்கு அனுப்பி வைத்தனர்.

மேலும், கீர்த்திகா தற்கொலை செய்து கொண்டதற்கான கடிதம் மற்றும் அவரது அண்ணனுக்கு அனுப்பிய ஆடியோ பதிவு ஆகியவற்றை கைப்பற்றிய பொலிசார் விசாரணை மேற்கொண்டு வருகின்றனர்.  

August 26, 2022 at 10:18 am

எலான் மஸ்க்கோட ஐடியா என்கிட்டயும் இருந்துச்சி. 13 வயதில் ரோபோ. சாதனை படைத்த சென்னை சிறு...

Teadmin
Quick Share

சென்னையை சேர்ந்த பிரித்திக் என்ற 13 வயது சிறுவன் கோவிட் காலத்தில் இணையம் மூலமாக டெக்னாலஜியை கற்றுக்கொண்டு தற்போது 

பொதுவாக ரோபோக்கள் வெறும் சொல்கின்ற கட்டளையை நிறைவேற்றும் இயந்திரமாக மட்டுமே பயன்படும். ஆனால் ஒரு 13 வயது சிறுவன் மனித உணர்வுகளோடு இருக்கக்கூடிய ரோபோ ஒன்றை உருவாக்கி டெக் உலகை ஆசிரியப்படுத்தியுள்ளார். 

அப்துல் கலாம் தான் என்னோட ஹீரோன்னு ஆரம்பிச்சி எலான் மஸ்க் போல வரணும்னு சொல்லிருக்காரு பிரதிக். நல்லா இருக்கிங்களா என்று புன்சிரிப்புடன் பேச துவங்கிய பிரதிக்கின் சிறப்பு பேட்டி நமது சமயம் தமிழ் நேயர்களுக்காக.

நிருபர் : உங்களை பற்றி சொல்லுங்கள் பிரதிக் 

பிரதிக்: என்னோட பெயர் பிரதிக் . நான் கேஆர்எம் பப்ளிக் பள்ளியில் 9வது படிக்கிறேன். எனக்கு வயது 13 ஆகிறது. சிறு வயதிலிருந்தே சாப்ட்வேர் மற்றும் டெக்னாலஜி மேல எனக்கு ஆர்வம் இருக்கு. எப்பவும் டெக்னாலஜி வளர்ச்சி மேல ஆர்வமா இருப்பன். என்னுடைய அல்டிமேட் இலக்கே ஒரு ராக்கெட் லான்ச் பண்ணனும். என்னோட குடும்பத்த பொறுத்தவரைக்கும் அம்மா அப்பா முடிந்தளவு என்னோட முயற்சிகளுக்கு ஆதரவு கொடுத்து உதவி செய்வாங்க. அதே போலதான் பள்ளிலயும் எந்த சந்தேகம் கேட்டாலும் உடனே தீர்த்துடுவாங்க. எது தேவைனாலும் உடனே செஞ்சி கொடுத்துடுவாங்க.

August 25, 2022 at 6:57 pm

வடசென்னையை வாட்டி வதைக்கும் நச்சு காற்று! 300கும் மேற்பட்டவர்களுக்கு நுரையீரல் பாதிப்பு...

Teadmin
Quick Share

சென்னை திருவொற்றியூர், எண்ணூர், மணலி பகுதிகளில் உள்ள தொழிற்சாலைகளில் அடிக்கடி நச்சு வாயு கசிவு ஏற்படுகிறது. இதன் காரணமாக இந்த பகுதிகள் உள்பட வட சென்னையில் வசிக்கும் மக்கள் தொடர்ந்து பாதிக்கப்பட்டு வருகிறார்கள். இந்த 3 பகுதிகளிலும் நச்சு வாயுவை வெளிப்படுத்தும் 24 நிறுவனங்களில் இருந்து அடிக்கடி நச்சு வாயு கசிகிறது. இந்த நச்சு வாயு காற்றில் கலப்பதால் காற்றும் நச்சாகிறது. இதை சுவாசிக்கும் பொதுமக்களுக்கு ஆஸ்துமா, நுரையீரல் பாதிப்பு அதிகரிக்கும் அபாயம் உள்ளது.

திருவொற்றியூர், எண்ணூர், மணலி பகுதிகளில் வசிக்கும் பொதுமக்களுக்கு கடந்த ஜூலை மாதம் 7-ந்தேதி கியாஸ் கசிவு ஏற்பட்டது போன்ற உணர்வு தென்பட்டது. அந்த பகுதிகளில் உள்ள அனைத்து வீடுகளிலும் இதை பெண்கள் உணர்ந்தனர். நள்ளிரவு மற்றும் அதிகாலையில் மழை பெய்யும் நேரங்களிலும், அதிகாலையில் பனி தோன்றும் நேரத்திலும் இந்த வாடை வீசியது. இதுகுறித்து பொதுமக்கள் மாசு கட்டுப்பாட்டு வாரிய அதிகாரிகளிடம் புகார் செய்தனர். 

விசாரணையில் இந்த வாயு கசிவு தொழிற்சாலைகளில் இருந்து ஏற்பட்டது தெரியவந்தது. இந்த வாயு கசிவால் அந்த பகுதியில் வசிக்கும் சிலருக்கு மயக்கம், கண் எரிச்சல், மூச்சுத்திணறல் ஏற்பட்டது. மாசு கட்டுப்பாடு வாரிய அதிகாரிகள் ஆய்வு செய்தபோது மணலியில் உள்ள எண்ணெய் நிறுவனத்தில் இருந்து வாயு கசிவு ஏற்பட்டது தெரியவந்தது. 

இதையடுத்து அந்த நிறுவனத்துக்கு அதிகாரிகள் சென்று விசாரணை மேற்கொண்டனர். அப்போது எண்ணெய் நிறுவனத்தில் சல்பர் ஆக்சைடு அளவுக்கு அதிகமாக சேர்த்ததால் நச்சு வாயு வெளியேறி காற்றில் கலந்து பொதுமக்களுக்கு பாதிப்பை ஏற்படுத்தியது தெரிய வந்தது. இதையடுத்து அந்த நிறுவனத்தில் சல்பர் ஆக்சைடு குறைவாக சேர்க்கப்பட்டது. அதன்பிறகு 2 வாரம் வரை அதே பாதிப்பு இருந்தது. கடந்த 10 நாட்களுக்கு முன்பு அந்த பாதிப்பு குறைந்தது. ஆனாலும் மற்ற நிறுவனங்களில் இருந்தும் அவ்வப்போது அம்மோனியா உள்ளிட்ட வாயு வெளியேறி வருகிறது. 

அங்குள்ள உரத்தொழிற்சாலையில் இருந்தும் அவ்வப்போது நச்சுவாயு கசிகிறது. நேற்று முன்தினம் அதிகாலையில் மழை பெய்ததால் இந்த நச்சு வாயு காற்றில் கலந்து பாதிப்பை ஏற்படுத்தியது. பெரும்பாலும் வட சென்னை பகுதிகளில் இந்த நச்சு வாயுக்கள் காற்றில் கலந்து காற்று மாசுவை ஏற்படுத்தி உள்ளது. மழை, பனி நேரங்களின்போது அதை பொதுமக்கள் உணருகிறார்கள். இதனால் சுவாச பிரச்சினைகள் தவிர கை மற்றும் உடலில் தோல் அலர்ஜி உள்ளிட்ட பாதிப்புகளும் ஏற்படுகின்றன. 

வடசென்னையில் காற்று மாசு அதிகரித்து வருவதால் சென்னை ஸ்டான்லி ஆஸ்பத்திரியில் சுவாச பிரச்சினை, நுரையீரல் பிரச்சினை காரணமாக சிகிச்சைக்கு வரும் நோயாளிகள் எண்ணிக்கை அதிகரித்து வருகிறது. இதுதொடர்பாக சென்னை ஸ்டான்லி மருத்துவமனையின் நுரையீரல் பிரிவு பேராசிரியர் டாக்டர் வினோத்குமார் கூறியதாவது:- 

வடசென்னையை பொருத்தவரை காற்று மாசு அதிகமாக உள்ளது. தொழிற்சாலைகளால் காற்று மாசு ஏற்படுவது ஒரு புறம் இருக்க கட்டிட பணிகள், பழைய கட்டிடங்களை இடித்தல், வாகன பெருக்கம் காரணமாக ஏற்படும் புகை ஆகியவற்றின் காரணமாக காற்று மாசு அதிகரித்து வருகிறது. கொரோனா தொற்றுக்கு முன்பு ஸ்டான்லி ஆஸ்பத்திரியில் சுவாச பிரச்சினை, நுரையீரல் பாதுகாப்பு காரணமாக உள்நோயாளிகளாக சிகிச்சை பெறுபவர்களின் எண்ணிக்கை 150 ஆக இருந்தது. அது தற்போது 300 ஆக அதிகரித்துள்ளது. 

மேலும் கொரோனா தொற்றுக்கு முன்பு ஸ்டான்லி மருத்துவமனைக்கு, சுவாச பிரச்சினை, மூச்சுத்திணறல், நுரையீரல் பாதிப்பு காரணமாக தினமும் 30 பேர் முதல் 40 பேர் வரை வருவார்கள். ஆனால் தற்போது தினமும் 150 பேர் வருகிறார்கள். கொரோனா தொற்றால் முழு அடைப்பின்போது பெரும்பாலான பொதுமக்கள், மாணவ-மாணவிகள் வீடுகளிலேயே முடங்கி கிடந்தனர். அதனால் அவர்களின் நோய் எதிர்ப்பு சக்தி அந்த சூழ்நிலைக்கு ஏற்ப மாறிவிட்டது. 

ஆனால் சில மாதங்களாக அனைவருமே வெளியே வரத்தொடங்கி விட்டனர். இதனால் காற்று மாசு காரணமாக அவர்கள் சுவாச பிரச்சினைகளுக்கு ஆளாகிறார்கள். நுரையீரல் பாதிப்பு காரணமாக வரும் நோயாளிகளுக்கு சிகிச்சை அளிப்பதற்காக ஸ்டான்லி மருத்துவமனையில் நவீன தொழில் நுட்ப கருவிகள் உள்ளன. இதன்மூலம் அவர்களுக்கு தரமான சிகிச்சை அளிக்கப்படுகிறது. இவ்வாறு அவர் கூறினார்.




You cannot copy content of this Website