Breaking News

சென்னை

October 26, 2023 at 7:08 am

பாதுகாப்பான நகரங்களின் பட்டியலில் சென்னைக்கு முதலிடம்!

Teadmin
Quick Share

பாதுகாப்பான மாநகரங்களின் பட்டியலில் சென்னை, இந்திய அளவில் முதலிடத்தையும், உலகளவில் 127-வது இடத்தையும் பிடித்துள்ளது என ஆய்வில் தெரியவந்துள்ளது. லேடன் அடமோவிக் என்பவர் Google நிறுவனத்தில் Software Engineer-ஆகவும், Bosnia-Herzegovina, Banja Luka என்ற பல்கலைக்கழகத்தில் மூத்த உதவி பேராசிரியராகவும் பணியாற்றி வருபவர்.

இவர், செர்பியா நாட்டை தலைமையிடமாக கொண்டு செயல்படும் ‘நம்பியோ’ என்ற தனியார் நிறுவனத்தின் நிறுவனராகவும் உள்ளார்.

இந்த நிறுவனத்தின் மூலம் அவர், உலகின் முக்கிய நகரங்களில் வேலைக்கு செல்லும் பெண்களின் பாதுகாப்பான சூழ்நிலை அடிப்படையில் ஆய்வு நடத்தப்பட்டு முடிவை வெளியிட்டுள்ளார்.

இந்த ஆய்வில் பாதுகாப்பான மாநகரங்களின் பட்டியலில் சென்னை, இந்திய அளவில் முதலிடத்தையும், உலகளவில் 127-வது இடத்தையும் பிடித்துள்ளது.

இந்திய அளவில் பாதுகாப்பான மாநகரங்கள் பட்டியலில் சென்னை முதலிடம் பிடித்திருப்பது சென்னை போலீசாரை பெரும் மகிழ்ச்சி அடைய செய்துள்ளது.

சென்னை போலீஸ் மக்களின் பாதுகாப்பை மேலும் மேம்படுத்த தன்னை அர்ப்பணித்து வருகிறது என்று போலீஸ் கமிஷனர் சந்தீப்ராய் ரத்தோர் பெருமையுடன் கூறியுள்ளார்.

October 22, 2023 at 4:44 pm

ஆயுத பூஜையை முன்னிட்டு சென்னையிலிருந்து 2 நாளில் 3 லட்சம் பேர் பயணம்!

Teadmin
Quick Share

ஆயுத பூஜையை முன்னிட்டு தொடர் விடுமுறையையொட்டி சென்னையில் இருந்து 3 லட்சம் பேர் வெளியூர் பயணம் செய்துள்ளதாக போக்குவரத்துத்துறை தெரிவித்துள்ளார்கள். கடந்த வெள்ளி மற்றும் சனி கிழமைகளில் சென்னையில் இருந்து 5,664 சிறப்பு பேருந்துகள் மூலம், தமிழ்நாட்டின் பல்வேறு பகுதிகளுக்கு 3,00,092 பேர் பயணம் செய்துள்ளதாக போக்குவரத்துத்துறை அதிகாரிகள் தெரிவித்துள்ளார்கள். இன்றும் சென்னையில் இருந்து சிறப்பு பேருந்துகள் இயங்கும் என அறிவிக்கப்பட்டுள்ளது.

September 6, 2023 at 6:30 pm

தாய், பாட்டிக்கு பாலில் தூக்க மாத்திரை: இரவு நேரத்தில் காதலனை வீட்டுக்கு வரவழைத்து மாணவ...

Teadmin
Quick Share

சென்னை முகப்பேர் பகுதியை சேர்ந்த 15 வயது சிறுமி ஒருவர் அப்பகுதியில் உள்ள பள்ளியில் 10-ம் வகுப்பு படித்து வருகிறார். இவரும் மன்னார்குடியை சேர்ந்த வாலிபர் ஒருவரும் காதலித்து வந்துள்ளனர். இந்த நிலையில் மன்னார்குடி வாலிபர் சிறுமியை அடிக்கடி சந்தித்து வந்துள்ளார். இது சிறுமியின் தாய் மற்றும் உறவினர்களுக்கு தெரியவந்ததை தொடர்ந்து அவர்கள் வாலிபரை தீவிரமாக கண்காணித்து வந்தனர். இந்த நிலையில் முகப்பேர் பகுதியில் பள்ளி ஒன்றின் அருகில் வைத்து சிறுமியின் காதலனை உறவினர் ஒருவர் பார்த்துள்ளார். அவர் அந்த வாலிபருடன் சண்டை போட்டு உள்ளார். இதுபற்றி தகவல் கிடைத்ததும் நொளம்பூர் போலீசார் அங்கு விரைந்து சென்று விசாரணை நடத்தினர்.

பின்னர் வாலிபரையும், சிறுமியின் உறவினரையும் போலீஸ் நிலையத்துக்கு அழைத்துச் சென்று விசாரணை நடத்தினர். போலீஸ் விசாரணையில் சிறுமியை இரவு நேரத்தில் சந்தித்து வாலிபர் உல்லாசமாக இருந்து வந்தது தெரியவந்தது.

தனது தாய், பாட்டியுடன் வசித்து வரும் சிறுமி இரவு நேரங்களில் இருவருக்கும் பாலில் தூக்க மாத்திரையை கலந்து கொடுத்து நன்றாக தூங்க வைத்திருப்பது தெரியவந்துள்ளது. இதன் பின்னர் தனது காதலனை வீட்டுக்கு வரவழைத்து உல்லாசமாக இருந்திருப்பதாக போலீசார் தெரிவித்தனர்.

தூக்க மாத்திரைகளை காதலனே சிறுமிக்கு வாங்கி கொடுத்திருப்பதாகவும், செல்போன் உள்ளிட்ட பொருட்களை வாங்கி கொடுத்திருப்பதாகவும் போலீசார் தெரிவித்தனர். இந்த மாத்திரைகளை வீட்டில் ஒரு பையில் போட்டு வைத்திருந்ததாக தெரிவித்த சிறுமியின் உறவினர்கள் அதுபற்றி மருந்து கடையில் கொண்டு போய் காண்பித்து கேட்டபோது தான் அவை தூக்க மாத்திரைகள் என்பது தெரியவந்தது எனவும் போலீசிடம் சிறுமியின் உறவினர்கள் தெரிவித்துள்ளனர்.

இது தொடர்பாக சிறுமியின் காதலனிடம் போலீசார் தீவிர விசாரணை நடத்தி வருகிறார்கள். சிறுமி மீது அவரது உறவினர்கள் சுமத்தியுள்ள இந்த குற்றச்சாட்டு பரபரப்பை ஏற்படுத்தி உள்ள நிலையில் அதன் உண்மை தன்மை குறித்து முழுமையாக விசாரித்த பிறகே அடுத்தக்கட்ட நடவடிக்கையை எடுக்க முடியும் என்று போலீஸ் தரப்பில் தெரிவிக்கப்பட்டு உள்ளது.

August 6, 2023 at 9:06 am

சென்னை பெருங்களத்தூர் ரெயில் நிலையத்தில் பெண்ணுக்கு கத்தி குத்து

Teadmin
Quick Share

சென்னையை அடுத்த பெருங்களத்தூர் ரெயில் நிலையத்தில் தமிழ்ச்செல்வி (52) என்ற பெண்மணிக்கு கத்திக்குத்து தாக்குதல் நடத்தப்பட்டது. இரவில் ரெயிலுக்காக காத்திருந்த தமிழ்ச்செல்வியை அடையாளம் தெரியதா மர்ம நபர் கத்தியால் குத்தி விட்டு தப்பி ஓடியுள்ளார்.

கத்திக்குத்தில் காயமடைந்த பெண் தாம்பரத்தில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று விடு திரும்பினார். இந்த சம்பவம் தொடர்பாக தாம்பரம் போலீசார் வழக்குப்பதிவு விசாரணை நடத்தி வருகின்றனர். மேலும் தப்பியோடிய மர்ம நபரை போலீசார் வலைவீசி தேடி வருகின்றனர்.

August 6, 2023 at 6:46 am

சென்னையில் நடந்த பைக் ரேசிங் போட்டி; 13 வயது ரைடர் மரணம்

Teadmin
Quick Share

சென்னையில் நடந்த சாம்பியன்ஷிப் போட்டியின் போது நடந்த விபத்தில் பெங்களூரைச் சேர்ந்த இளம் பைக் ரைடர் ஸ்ரேயாஸ் ஹரீஷ் உயிரிழந்தார். இது குறித்த தகவல்கள் இதோ.

பைக் ரேசர் ஸ்ரேயாஸ் ஹரீஷ் மரணம்

பெங்களூருவை சேர்ந்த 13 வயது இளம் பைக்கர் ஸ்ரேயாஸ் ஹரிஷ் மோட்டார் சைக்கிள் பந்தயத்தின் போது ஏற்பட்ட பயங்கர விபத்தில் உயிரிழந்தார்.

சென்னையில் உள்ள மெட்ராஸ் இன்டர்நேஷனல் சர்க்யூட்டில் சனிக்கிழமை நடைபெற்ற எம்ஆர்எஃப் எம்எம்எஸ்சி எஃப்எம்எஸ்சிஐ இந்திய தேசிய மோட்டார் சைக்கிள் ரேசிங் சாம்பியன்ஷிப்பின் மூன்றாவது சுற்றில் பெங்களூரைச் சேர்ந்த பைக்கர் ஷ்ரேயாஸ் ஹரிஷ் பங்கேற்றார்.

பந்தயத்தில் ஈடுபட்டபோது விபத்தில் சிக்கி தலையில் பலமாக அடிபட்டார். இச்சம்பவத்தையடுத்து, போட்டி உடனடியாக நிறுத்தப்பட்டது.

ட்ராக்கில் நிறுத்தப்பட்டிருந்த ட்ராமா கேர் ஆம்புலன்ஸில் அவர் அருகிலுள்ள மருத்துவமனைக்கு கொண்டு செல்லப்பட்டார். உடனடியாக அவருக்கு அவசர சிகிச்சை அளிக்கப்பட்டது, ஆனால் மருத்துவமனைக்கு கொண்டு செல்லும் வழியிலேயே அவர் உயிரிழந்தார்.

அனைத்து போட்டிகளும் ரத்து

சிறுவனின் சோகமான சம்பவத்தைத் தொடர்ந்து, சனி மற்றும் ஞாயிற்றுக்கிழமைகளில் திட்டமிடப்பட்ட மீதமுள்ள பந்தயங்கள் மெட்ராஸ் மோட்டார் ஸ்போர்ட்ஸ் கிளப்பால் ரத்து செய்யப்பட்டுள்ளன.

யார் இந்த ஷ்ரேயாஸ் ஹரிஷ்?

ஷ்ரேயாஸ் பெங்களூருவில் உள்ள தனியார் பள்ளி மாணவர். ஜூலை 26, 2010-ல் பிறந்தார். கடந்த காலங்களில் தேசிய அளவிலான பல மோட்டார் சைக்கிள் போட்டிகளில் பங்கேற்று வெற்றி பெற்றுள்ளார். தொடர்ந்து நான்கு முறை தேசிய அளவில் ஏராளமான பந்தயங்களில் வெற்றி பெற்று பைக் பந்தயத்தில் வளர்ந்து வரும் நட்சத்திரமாக புகழப்பட்டார்.

இந்த ஆண்டு மே மாதம் மினிஜிபி இந்தியா பட்டத்தை வென்ற ஷ்ரேயாஸ், ஸ்பெயினில் நடந்த மினிஜிபி பந்தயங்களில் பங்கேற்று, இரண்டு பந்தயங்களிலும் முறையே ஐந்தாவது மற்றும் நான்காவது இடத்தைப் பிடித்தார். இந்த ஆகஸ்ட் மாதம் மலேசியாவில் உள்ள செபாங் சர்க்யூட்டில் MSBK சாம்பியன்ஷிப் 2023-ல் பங்கேற்க அவர் முடிவு செய்துள்ளார். இதற்கிடையில் இந்த சோகம் நடந்துள்ளது.

ஸ்ரேயாஸ் மரணம் மிகப்பெரிய இழப்பு

திறமையான இளம் வீரரை இழந்தது சோகம். தனது அற்புதமான பந்தயத் திறமையால் புதிய அலைகளை உருவாக்கிக்கொண்டிருந்த ஸ்ரேயாஸ் உயிரிழந்தது பெரும் இழப்பு. இந்தச் சம்பவம் காரணமாக இந்த வார இறுதி நிகழ்ச்சியை ரத்து செய்ய முடிவு செய்துள்ளோம் என்று எம்எம்எஸ்சி தலைவர் அஜித் தாமஸ் தெரிவித்தார்.

இந்த ஆண்டில் இரண்டாவது மரணம்

2023-ஆம் ஆண்டில் இந்திய மோட்டார் ஸ்போர்ட்ஸில் இது இரண்டாவது மரணம். மெட்ராஸ் இன்டர்நேஷனல் சர்க்யூட்டில் நடந்த MRF MMSC FMSCI இந்தியன் நேஷனல் கார் ரேசிங் சாம்பியன்ஷிப் 2022-ன் இரண்டாவது சுற்றில் ஒரு விபத்துக்குப் பிறகு பிரபல பந்தய வீரர் கே.இ.குமார் (59) ஜனவரி மாதம் காலமானார்.

August 1, 2023 at 8:55 pm

சென்னையில் வானில் தெரிந்த மர்ம பொருட்களால் பரபரப்பு!

Teadmin
Quick Share

உலகம் முழுவதும் ‘ஏலியன்ஸ்’ என்ற வேற்று கிரகவாசிகள் பற்றிய ஆராய்ச்சிகள் நடைபெற்று வருகின்றன. அமெரிக்காவில் வேற்று கிரகவாசிகள் பயன்படுத்திய வாகனங்கள், அவர்களுடைய உடல்கள் இருப்பதாக முன்னாள் விமானப்படை உளவுத்துறை அதிகாரி டேவிட் குரூஸ் தெரிவித்தார். மேலும் வேற்று கிரகவாசிகளின் வாகனத்தை ஆராய்ச்சியாளர்கள் ஆய்வு செய்து வருவதாகவும் வெளிப்படையாக தெரிவித்துள்ளார். இது உலக நாடுகள் இடையே பரபரப்பை ஏற்படுத்தி இருக்கிறது.

இதுபற்றிய பேச்சு அடங்குவதற்குள், இந்தியாவில் குறிப்பாக தமிழகத்தின் தலைநகர் சென்னை அருகே கடல் பகுதியில் வானில் 4 பறக்கும் தட்டுகள் போன்ற மர்ம பொருட்கள் பறந்தது தொடர்பான செய்தி வெளியாகி பரபரப்பை ஏற்படுத்தி இருக்கிறது. சென்னையை அடுத்த முட்டுக்காடு பகுதியில் கடந்த மாதம் 26-ந் தேதியன்று மாலை 5.30 மணிக்கு ஓய்வுபெற்ற சி.பி.சி.ஐ.டி. போலீஸ் டி.ஜி.பி. பிரதீப் பிலிப் தனது மனைவியுடன் அமர்ந்திருந்தார். அப்போது வானில் ஏதோ மர்மமான பொருட்கள் உலா வருவது போன்று பார்த்துள்ளார். 

பறக்கும் தட்டு தரையில் இருந்து பார்க்கும்போது வானில் இருந்து கண்ணை கவர்ந்து இழுக்கும் வகையில் ஒளிக்கீற்று மட்டும் தெரிந்திருக்கிறது. பிரதீப் பிலிப் உடனே தனது செல்போனை எடுத்து, வானில் ஊர்வலமாக வந்த அந்த பொருட்களை படம் பிடித்தார். 20 முதல் 25 வினாடிக்குள் வானில் தோன்றிய அந்த வெளிச்சம் வடக்கு நோக்கிய வான்பகுதியில் நகர்ந்து திடீரென மறைந்துபோனது. செல்போனில் படம் பிடித்த அந்த காட்சியை அவர் பெரிதாக்கி பார்த்தார். அப்போது, பறக்கும் தட்டு போன்று 4 உருவம் தெரிந்தது கண்டு ஆச்சரியமும், அதிர்ச்சியும் அடைந்தார். 

பறக்கும் தட்டு வடிவிலான அந்த மர்ம பொருட்களின் படத்தை பிரதீப் பிலிப் வெளியிட்டு இருக்கிறார். இதுகுறித்து பிரதீப் பிலிப் கூறுகையில், “நான் படம் பிடித்தது டிரோன் மற்றும் சிறிய விமானம் போன்று இல்லை. ஆனால் அடையாளம் கண்டுபிடிக்க முடியாத வகையிலான ஒரு பறக்கும் தட்டாகவே அமைந்துள்ளது. பறக்கும் தட்டுகள் வானில் பறப்பதாக கேள்விப்பட்டிருக்கிறோம். ஆனால் அதனை படமாக யாரும் பதிவு செய்தது இல்லை. அப்படி இருக்கும்பட்சத்தில் இந்தியாவிலேயே முதல் முறையாக எடுக்கப்பட்ட அடையாளம் தெரியாத பறக்கும் தட்டு இதுவாகத்தான் இருக்கும் என்று கருதுகிறேன்” என்றார்.

பறக்கும் தட்டு தொடர்பான ஆராய்ச்சியில் ஈடுபட்டு வரும் சென்னையைச் சேர்ந்த சபீர் உசேன் கூறும்போது, “இந்தியாவில் பறக்கும் தட்டு பார்த்ததாக பலர் கூறியிருக்கிறார்கள். ஆனால் இதுவரையிலும் யாரும் புகைப்படம் எடுத்தது இல்லை. இந்த புகைப்படத்தை பார்க்கும்போது ஒரே கோணத்தில்தான் 4 பொருட்களும் பறப்பதாக தெரிகிறது. இதேபோன்று 1980-ம் ஆண்டு இங்கிலாந்தில் உள்ள விமானப்படை தளத்தின் மேற்பரப்பில் ஒற்றை விளக்கு எரியும் வகையில் பறந்த மர்ம பொருள் ஒன்று வெடித்து பல்வேறு பகுதிகளில் சிதறி விழுந்தது” என்றார். 

முறையான விசாரணை மற்றும் ஆய்வு நடத்திய பின்னர்தான் முட்டுக்காடு கடல் பகுதியில் பறந்தது பறக்கும் தட்டா? வேற்று கிரகவாசிகள் தமிழகத்தில் வேவு பார்க்கும் முயற்சியில் ஈடுபட்டுள்ளார்களா? வான்வழியாக தாக்குதல் தொடுப்பதற்காக திட்டமிட்டு நடத்தப்பட்ட நாசவேலையா? அல்லது வானில் பறந்தது வித்தியாசமான வகையை சேர்ந்த பறவையா? என்பது உள்ளிட்ட பல்வேறு கேள்விகளுக்கு விடை தெரிய வரும்.

June 19, 2023 at 8:54 pm

27 ஆண்டுகளுக்கு பின்னர்.. ஒரே இரவில் கனமழையால் ஸ்தம்பித்து போன சென்னை

Teadmin
Quick Share

வளிமண்டல மேலடுக்கு சுழற்சி காரணமாக சென்னை உட்பட தமிழகத்தில் பல்வேறு மாவட்டங்களில் கனமழை பெய்து வருகிறார்.

27 ஆண்டுகளுக்கு பின்னர் ஜூன் மாதத்தில் பெய்த கனமழை இதுதான் என தகவல்கள் தெரிவிக்கின்றன.

சென்னை, திருவள்ளூர், காஞ்சிபுரம், செங்கல்பட்டு, வேலூர், ராணிப்பேட்டை மாவட்டங்களில் பள்ளிக்கு விடுமுறை அளிக்கப்பட்டுள்ளது.

1996ம் ஆண்டு மழை காரணமாக ஜூன் மாதத்தில் பள்ளிகளுக்கு விடுமுறை அளிக்கப்பட்டதாம், கிட்டத்தட்ட 27 ஆண்டுகளுக்கு பின்னர் தற்போது விடுமுறை அளிக்கப்பட்டுள்ளது.

வளிமண்டல மேலடுக்கு சுழற்சி காரணமாகவே கனமழை பொழிவதாகவும், தென் சென்னை பகுதிகளில் இயல்பைவிட மூன்று மடங்கு அதிக மழை இருந்ததாகவும் தமிழ்நாடு வெதர்மேன் பிரதீப் ஜான் தெரிவித்துள்ளார்.

கடும் போக்குவரத்து நெரிசல்

நேற்றிரவு முதல் கொட்டிய கனமழையால் சென்னையில் பல இடங்களில் தண்ணீர் தேங்கியுள்ளன, இதனால் கடுமையான போக்குவரத்து நெரிசல் ஏற்பட்டுள்ளது.

இதனைதொடர்ந்து சாலைகளில் உள்ள தண்ணீரை அகற்றும் பணியில் ஊழியர்கள் ஈடுபட்டுள்ளனர்.

இன்றும் காஞ்சிபுரம், செங்கல்பட்டு, திருவண்ணாமலை, கள்ளக்குறிச்சி, விழுப்புரம், கடலூர், மயிலாடுதுறை, நாகை, திருவாரூர், தஞ்சை, திருச்சி, அரியலூர், பெரம்பலூர் உள்ளிட்ட மாவட்டங்களில் கனமழைக்கு வாய்ப்பிருப்பதாக தெரிவிக்கப்பட்டுள்ளது.

விமானங்கள் திருப்பி விடப்பட்டன

மீனம்பாக்கத்தில் 14 சென்டிமீட்டர் அளவுக்கு மழை பெய்ததால் மோசமான வானிலை காரணமாகவும் சென்னை வரவேண்டிய 10 விமானங்கள் பெங்களூருவுக்கு திருப்பிவிடப்பட்டன.

துபாய், அபுதாபி, லண்டனில் இருந்து வந்த விமானங்கள் பெங்களூருவுக்கு திருப்பி அனுப்பப்பட்டது.

மேலும் சென்னையிலிருந்து கிளம்ப வேண்டிய விமானங்களும் தாமதமாக புறப்பட்டு சென்றது.

June 19, 2023 at 9:15 am

தடைகாலம் முடிந்தது: காசிமேட்டில் மீன்வாங்க குவிந்த மக்கள் கூட்டம்

Teadmin
Quick Share

சென்னை : தமிழகத்தில் ஏப்ரல் 15-ம் தேதி தொடங்கிய 61 நாட்கள் மீன்பிடி தடைகாலம் கடந்த 14-ம்  தேதியுடன் முடிந்தது. இதைத் தொடர்ந்து கடந்த 14-ம் தேதி நள்ளிரவே மீனவர்கள் மீன்பிடிக்க கடலுக்குள் புறப்பட்டனர். காசிமேடு மீன்பிடி துறைமுகத்தில் இருந்து சுமார் 800-க்கும் மேற்பட்ட விசை படகுகளில் மீனவர்கள் மீன்பிடிக்க கடலுக்குள் சென்றனர். 

வழக்கமாக வார விடுமுறை நாட்களில் காசிமேட்டில் மீன்வாங்க அதிக அளவிலான மீன்பிரியர்கள் குவிவார்கள். மீன்பிடி தடைகாலம் இருந்ததால் கடந்த 2 மாதமாக காசிமேடு மார்க்கெட் களை இழந்து காணப்பட்டது. இந்த நிலையில் நேற்று மீன்பிடி தடைகாலம் முடிந்து வந்த முதல் ஞாயிற்றுக்கிழமை என்பதால் அதிக அளவிலான பெரியவகை மீன்கள் விற்பனைக்கு வரும் என்று எதிர்பார்க்கப்பட்டது. 

இதையடுத்து நேற்று அதிகாலை முதலே காசிமேட்டில் ஏராளமான மீன்பிரியர்கள் குவிந்தனர். இதனால் மார்க்கெட் முழுவதும் கூட்டம் அலை மோதியது. மீன்விற்பனையும் களை கட்டியதால் மீனவர்கள் மகிழ்ச்சி அடைந்தனர். ஆனால் நேற்று குறைந்த அளவிலான விசைப்படகுகளே கரை திரும்பியதால் எதிர்பார்த்த அளவு பெரியவகை மீன்கள் விற்பனைக்கு வரவில்லை. 

சிறியவகை வஞ்சிரம், சங்கரா, இறால், கடமா, வவ்வால், பாறை, நெத்திலி உள்ளிட்ட மீன்கள் அதிக அளவு விற்பனைக்கு குவிந்து இருந்தது. பெரிய வகை மீன்கள் எதுவும் விற்பனைக்கு வராததால் அசைவ பிரியர்கள் ஏமாற்றம் அடைந்தனர். எனினும் மற்ற வகை மீன்கள் அதிகம் குவிந்து இருந்ததால் போட்டி போட்டு வாங்கிச் சென்றனர். விலையில் பெரிய அளவில் மாற்றம் இல்லை. 

ஆழ்கடலுக்கு செல்லும் விசைப்படகு மீனவர்கள் சுமார் 15 நாட்கள் கடலில் தங்கி இருந்து மீன்பிடிப்பார்கள். எனவே அடுத்த வாரத்தில் பெரும்பாலான விசைப்படகு மீனவர்கள் கரை திரும்புவார்கள் என்று எதிர்பார்க்கப்படுகிறது. அப்போது பெரிய வகை மீன்கள் அதிகளவில் விற்பனைக்கு வரும் எனவும், விலையும் குறையும் என்றும் தெரிகிறது.

May 12, 2023 at 1:23 pm

‘மோக்கா’ புயல்: சென்னை உள்பட 6 துறைமுகங்களில் 2-ம் எண் புயல் எச்சரிக்கை கூண...

Teadmin
Quick Share

வங்கக்கடலின் மத்திய கிழக்கு பகுதியில் தற்போது நிலைக் கொண்டுள்ள ‘மோக்கா’ புயல் இன்று (வெள்ளிக்கிழமை) அதிதீவிர புயலாக மாற வாய்ப்பு உள்ளது. இதன் காரணமாக வங்கக்கடலில் பலத்த சூறாவளி காற்று வீசும் என்று எச்சரிக்கப்பட்டு உள்ளது. தொடர்ந்து அந்தமான் அருகில் மையம் கொண்டுள்ள இந்த புயல் வடக்கு மற்றும் வடகிழக்கு திசை நோக்கி நகர்ந்து செல்ல வாய்ப்பு உள்ளது.

தொடர்ந்து வருகிற 14-ந்தேதி காலை அந்த புயல் வங்கதேசத்தில் உள்ள காக்ஸ்பஜா மற்றும் மியான்மர் நாட்டில் உள்ள சிட்வி நகரங்களுக்கு இடையே கரையை கடக்கும் என்று அறிவிக்கப்பட்டுள்ளது. கரையை கடப்பதற்கு முன்பு அதிதீவிர புயல் சற்று வலு குறைய வாய்ப்பு இருப்பதாக வானிலை இலாக நிபுணர்கள் கணித்து உள்ளனர். 

கரையை கடக்கும்போது 130 கிலோ மீட்டர் வேகத்தில் சூறாவளி காற்று வீசும் என்றும் வானிலை துறை எச்சரித்து உள்ளது. வங்க கடலில் புயல் உருவானதை தொடர்ந்து மீனவர்கள் ஆழ்கடல் பகுதிக்கு மீன்பிடிக்க ெசல்ல வேண்டாம் என்றும் கேட்டு கொள்ளப்பட்டு உள்ளது. 

இந்த நிலையில் புயல் எச்சரிக்கையை தெரிவிக்கும் வகையில் சென்னை, எண்ணூர் காமராஜர், காட்டுப்பள்ளி, தூத்துக்குடி, கடலூர் மற்றும் நாகை உள்ளிட்ட 6 துறைமுகங்களில் 2-ம் எண் எச்சரிக்கை கூண்டு ஏற்றப்பட்டு உள்ளது. இது புயல் உருவாகியுள்ளது என்பதை அறிவிப்பதற்காக ஏற்றப்பட்டு உள்ளது. இதனைத்தொடர்ந்து துறைமுகத்தில் இருந்து கப்பல்கள் வெளியேற்ற வேண்டும் என்பதை தெரிவிக்க ஏற்றப்படுகிறது என்று துறைமுக அதிகாரிகள் கூறினார்கள்.

May 11, 2023 at 12:23 pm

சென்னை உட்பட 9 துறைமுகங்களில் 1-ம் எண் புயல் எச்சரிக்கை கூண்டு ஏற்றம்!

Teadmin
Quick Share

தென் கிழக்கு வங்கக் கடலில் உருவாக உள்ள மோக்கா புயல், 5 கிலோ மீட்டர் வேகத்தில் வடமேற்கு நோக்கி நகர்ந்து, புயலாக தீவிரமடைய வாய்ப்புள்ளதாக வானிலை ஆய்வு மையம் தெரிவித்தது. இந்த நிலையில், தற்போது இந்த காற்றழுத்த தாழ்வு மண்டலம் தீவிரமடைந்து ஆழ்ந்த காற்றழுத்த தாழ்வு மண்டலமாக மாறியுள்ளதால், சென்னை, கடலூர், நாகை, காட்டுப்பள்ளி, தூத்துக்குடி, பாம்பன், எண்ணூர், புதுச்சேரி, காரைக்கால் ஆகிய 9 துறைமுகங்களில் 1-ம் எண் புயல் எச்சரிக்கை கூண்டு ஏற்றப்பட்டு உள்ளது.

குறிப்பாக, புயல் காலங்களில் மீனவர்களுக்கும், கடலில் பயணிக்கும் அல்லது துறைமுகப் பகுதியில் நிறுத்தி வைக்கப்பட்டுள்ள கப்பல்களின் பாதுகாப்பு கருதி அவர்களுக்கு எச்சரிக்கை விடுக்கும் விதமாக கடலோரப் பகுதிகளில் உள்ள துறைமுகங்களில் புயல் எச்சரிக்கைக் கூண்டு ஏற்றப்படுவது வழக்கம். அந்தவகையில் 1-ம் எண் கூண்டு ஏற்றப்பட்டு உள்ளது. 

தற்போது, மீனவர்கள் தங்கள் படகுகளை கரைகளில் பத்திரமாக நிறுத்தி வைக்கும்படி மீன்வளத்துறை சார்பில் அறிவுறுத்தப்பட்டதோடு, கடற்கரை பகுதிகளில் போலீசாரின் பாதுகாப்பு பணி அதிகரிக்கப்பட்டு உள்ளது. 1-ம் எண் எச்சரிக்கைக் கூண்டு ஏற்றப்பட்டால் புயல் உருவாகக்கூடிய வானிலை சூழல் உருவாகியுள்ளது என அர்த்தம். இதனால் துறைமுகம் ஏதும் பாதிக்கப்படவில்லை. ஆனால், சற்றே பலமாக காற்று வீசுவதை அறிவிக்கவே இந்த 1-ம் எண் கொண்ட எச்சரிக்கை கூண்டு ஏற்றப்பட்டு உள்ளது என்று சென்னை துறைமுக அதிகாரிகள் கூறினர். 

இதுகுறித்து மீன்வளத்துறை அதிகாரிகள் கூறுகையில், வங்கக்கடலில் புயல் சின்னம் உருவாக உள்ளதால் கடல் கொந்தளிப்புடன் காணப்படுகிறது. ஆழ்கடல் பகுதியில் காற்றின் தீவிரம் அதிகமாக இருப்பதால் மீனவர்கள் கடலுக்கு செல்ல வேண்டாம் என அறிவுறுத்தப்பட்டு உள்ளது என்றனர்.

May 8, 2023 at 5:19 pm

செல்போனில் பேசிய டீ மாஸ்டர் பலி இனிமே நீங்களும் இப்படி பண்ணாதீங்க….

Teadmin
Quick Share
சார்ஜ் போட்டபடி செல்போனில் பேசிய டீ மாஸ்டர் பலி

சென்னை பழைய வண்ணாரப்பேட்டை கெனால் தெரு பகுதியில் வசித்து வரும் டீ மாஸ்டர் காமராஜ்(22). இவர் நேற்று பணி முடித்து இரவு வீட்டிற்கு வந்ததும், சார்ஜரில் மாட்டியபடி செல்போனில் பேசிக் கொண்டிருந்துள்ளார். அப்போது திடீரென காமராஜ் மீது மின்சாரம் பாய்ந்ததில் அவர் சம்பவ இடத்திலேயே உயிரிழந்தார். தகவலின் பேரில் வந்த வண்ணாரபேட்டை போலீசார் காமராஜின் உடலை கைப்பற்றி பிரேத பரிசோதனைக்காக அரசு ஸ்டான்லி மருத்துவமனைக்கு அனுப்பி வைத்தனர். மேலும் இதுகுறித்து வழக்குப்பதிவு செய்து போலீசார் விசாரணை மேற்கொண்டுள்ளனர்

May 5, 2023 at 11:10 am

பயங்கர விபத்து.. சிறுமி உள்பட 6 பேர் உடல் நசுங்கி பலி!

Teadmin
Quick Share

செங்கல்பட்டு மாவட்டம் மாமல்லபுரம் அருகே அரசு பேருந்து மீது ஆட்டோ மோதியதில் 6 பேர் உயிரிழந்துள்ள சம்பவம் பரபரப்பை ஏற்படுத்தியுள்ளது. சென்னையில் இருந்து புதுச்சேரி நோக்கி அரசு பேருந்து சென்றுள்ளது. இந்நிலையில், கிழக்கு கடற்கரை சாலையில் செல்லும் போது எதிரே சென்னை நோக்கி வந்த ஆட்டோ நேருக்கு நேர் மோதி விபத்தை ஏற்படுத்தியுள்ளது. மேலும், இந்த விபத்தில், 2 பெண் குழந்தைகள் 3 பெண்கள் மற்றும் ஆட்டோ ஓட்டுனர் ஆகிய 6 பேரும் உடல் நசுங்கி சம்பவ இடத்திலேயே பரிதாபமாக உயிரிழந்துள்ளனர். இது தொடர்பாக வழக்குப் பதிவு செய்த காவல்துறையினர் தீவிர விசாரணை நடத்தி வருகின்றனர்.




You cannot copy content of this Website