Breaking News

மாவட்ட செய்திகள்

April 23, 2023 at 9:37 pm

மீன்பிடிக்கச் சென்ற பள்ளி மாணவர்கள் ஏரியில் மூழ்கி பலி!

Teadmin
Quick Share

கடலூர் மாவட்டத்தில் ஏரியில் மீன்பிடிக்கச் சென்ற பள்ளி மாணவர்கள் 2 பேர் ​நீரில் மூழ்கி உயிரிழந்த சம்பவம் சோகத்தை ஏற்படுத்தியுள்ளது. விருத்தாசலம் அருகே உள்ள கிராமத்தைச் சேர்ந்த பள்ளி மாணவர்களான 14 வயது தினேஷ் மற்றும் 8 வயது இன்பராஜும் ஏரியில் மீன்பிடிக்கச் சென்றுள்ளனர். எதிர்பாராதவிதமாக இன்பராஜ் நீரில் மூழ்கிய நிலையில், அவனைக் காப்பாற்ற தினேஷ் தண்ணீரில் குதிதுள்ளார். இருவரும் சம்பவ இடத்திலேயே பரிதாபமாக உயிரிழந்தனர். தகவலறிந்து சம்பவ இடத்திற்கு வந்த காவல்துறையினர் இருவரது உடல்களையும் மீட்டு பிரேத பரிசோதனைக்காக மருத்துவமனைக்கு அனுப்பி வைத்தனர். இச்சம்பவம் குறித்து வழக்குப்பதிவு செய்து தீவிர விசாரணை நடத்தி வருகின்றனர்

April 23, 2023 at 4:11 pm

சென்னை ஐஐடியில் மேலும் ஒரு மாணவன் தற்கொலை!

Teadmin
Quick Share

மகாராஷ்ட்ராவை சேர்ந்த இரண்டாம் ஆண்டு பொறியியல் படிக்கும் மாணவன், சென்னை ஐஐடியில் தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது. சென்னை ஐஐடியில் வேதியியல் துறையில் இரண்டாம் ஆண்டு படிக்கும் மாணவரது உடல் விடுதி அறையில் மீட்கப்பட்டுள்ளது. காவல்துறையினர் இது தற்கொலை எனவும், மேலும் மாணவர் மகாராஷ்ட்ராவை சேர்ந்தவர் எனவும் தெரிவித்துள்ளனர்.

மாணவரது மரணம் குறித்து வெளியிட்டுள்ள அறிக்கையில் ”மாணவரின் மரணத்திற்கு நாங்கள் ஆழ்ந்த வருத்தத்தை தெரிவித்துக் கொள்கிறோம்” என அறிவித்துள்ளனர்.

”எங்கள் பல்கலைக்கழகம் ஒரு நல்ல மாணவனை இழந்து விட்டது, இதற்கான காரணம் இன்னும் அறியப்படவில்லை, பொலிஸார் விசாரணை செய்து வருகிறார்கள். பெற்றோருக்கு தகவல் கொடுக்கப்பட்டுள்ளது” என ஐஐடி மெட்ராஸ் தெரிவித்துள்ளது.

“நிறுவனம் தனது இதயப்பூர்வமான இரங்கலைத் தெரிவிக்கிறது மற்றும் இறந்த மாணவரின் நண்பர்கள் மற்றும் குடும்பத்தினரின் துயரத்தைப் பகிர்ந்து கொள்கிறது. இந்த கடினமான தருணத்தில் மாணவரின் குடும்பத்தின் தனியுரிமையை மதிக்குமாறு நிறுவனம் அனைவரையும் கேட்டுக்கொள்கிறது.

“ஐஐடி மெட்ராஸ் முன்கூட்டியே கண்டறிந்து உதவ அனைத்து நடவடிக்கைகளையும் எடுத்து வருகிறது. மாணவர்கள் மன அழுத்தத்தில் உள்ளனர். இந்த நடவடிக்கைகளை நாங்கள் தொடர்ந்து வலுப்படுத்துவோம்,” என்று ஐஐடி நிறுவனம் கூறியுள்ளது.

இந்த மாத தொடக்கத்தில், ஐஐடி-மெட்ராஸ் பிஎச்டி மாணவர் 32 வயதான தனது அறையில் தற்கொலை செய்து கொண்டார். அவர் மேற்கு வங்கத்தைச் சேர்ந்தவர்.

இதற்கு முன், மார்ச் மாதம், அதே வளாகத்தில் மூன்றாம் ஆண்டு மாணவர் ஒருவர் தற்கொலை செய்து கொண்டார். 20 வயதான அவர் ஆந்திராவை சேர்ந்தவர் ஆவார்.

பிப்ரவரியில், ஐஐடி-மெட்ராஸில் மகாராஷ்டிராவைச் சேர்ந்த ஆராய்ச்சி அறிஞர் ஒருவர் தற்கொலை செய்து கொண்டார்.

April 23, 2023 at 4:05 pm

கோடை மழை -மாடியில் துணி எடுக்கச்சென்ற பெண் இடி தாக்கி பலி…

Teadmin
Quick Share

காஞ்சிபுரம் மாநகராட்சிக்குட்பட்ட திருக்காளி மேடு பகுதியைச் சேர்ந்த மோகனி மனைவி இளவரசி(32), இவர்களுக்கு ஒரு மகன் மற்றும் மகள் உள்ளனர். இந்நிலையில் நேற்று காஞ்சிபுரம் பகுதியில் திடீரென்று கோடை மழை வெளுத்து வாங்கியது. அச்சமயத்தில் இளவரசி வீட்டின் மாடியில் காயபோட்ட துணிகளை எடுக்க சென்றார். அப்போது எதிர்பாராதவிதமாக இடி தாக்கியதில் நிகழ்வு இடத்திலேயே இளவரசி பரிதாபமாக உயிரிழந்தார். தகவல் அறிந்து வந்த தாலுகா போலீசார் உடலை மீட்டு பிரேத பரிசோதனைக்காக அனுப்பி வைத்தனர். இதுகுறித்து வழக்கு பதிவு செய்து விசாரணை மேற்கொண்டுள்ளனர்.

April 20, 2023 at 12:09 pm

ஓரினச்சேர்க்கை: ரூ.75,000 பணம் பறிப்பு!

Teadmin
Quick Share

மணப்பாறை புத்தாநத்ததை சேர்ந்த முருகேசன் மகன் தியாகராஜன். சம்பவத்தன்று மணப்பாறையை சேர்ந்த அறிவழகன், முகமது ரியாஸ், அருண்குமார், யுவராஜ், லியோ பிளாய்டு, செந்தில்குமார் ஆகிய ஆறு பேரும் சேர்ந்து, தியாகராஜனை மது போதையில் மிரட்டி ஓரினச்சேர்க்கையில் ஈடுபட வைத்துள்ளனர். பின்னர் அதனை வீடியோ எடுத்து இணையதளத்தில் வெளியிடுவோம் என மிரட்டல் விடுத்து தியாகராஜனிடம் இருந்து ரூ.75,000 பணத்தை கூகுள் பே மூலம் அபகரித்துள்ளனர். பணத்தை 6 பேரும் பங்கிட்டுக் கொண்டுள்ளனர். இதுகுறித்து தியாகராஜன் அளித்த புகாரின் பேரில் மணப்பாறை போலீசார் வழக்குப்பதிந்து, குற்றவாளிகளை சிறையில் அடைத்தனர்.

April 19, 2023 at 5:41 pm

சென்னையில் 4 மாடி கட்டிடம் இடிந்து விழுந்து விபத்து

Teadmin
Quick Share

சென்னை பாரிமுனை அர்மேனியன் தெரு அருகே உள்ள 4 மாடி கட்டிடம் திடீரென இடிந்து விழுந்து விபத்துக்குள்ளானது. பழைய கட்டிடத்தை புதுப்பிக்கும் பணிகள் நடந்து வந்த நிலையில், இந்த விபத்து நடந்தது. சம்பவ இடத்திற்கு விரைந்த தீயணைப்புப்படையினர் மீட்புப்பணியில் ஈடுபட்டுள்ளனர். உள்ளே பணியாற்றிக் கொண்டிருந்த 8 ஊழியர்களின் நிலை என்ன ஆனது என்ற விவரம் தெரியவரவில்லை. மீட்பு பணிகள் துரிதமாக நடந்து வருகின்றது. இந்த கோர விபத்து குறித்து போலீசார் தீவிர விசாரணை நடத்தி வருகின்றனர். இந்த விபத்து காரணமாக அப்பகுதியில் பெரும் பரபரப்பு நிலவி வருகிறது,

April 18, 2023 at 1:20 pm

ஆன்லைன் செயலியில் கடன் பெற்ற இளைஞர் விபரீதமுடிவு!

Teadmin
Quick Share

ஆன்லைன் செயலியில் கடன் பெற்ற இளைஞர் விடுதியில் தூக்கிட்டு தற்கொலை செய்து கொண்ட வசந்த் கிருஷ்ணகிரி மாவட்டத்தைச் சேர்ந்தவர் என தகவல் வெளியாகி உள்ளது. 

சென்னை, கிருஷ்ணகிரி மாவட்டத்தை சேர்ந்தவர் கிருஷ்ணன். இவர் மத்திய பாதுகாப்பு படையில் காவலராக பணியாற்றி வருகிறார். 

இவருக்கு 2 மகன்கள் உள்ளனர். மூத்த மகன் பெயர் வசந்த். இவருக்கு 22 வயது ஆகிறது. வசந்த் மெக்கானிக்கல் என்ஜினீயரிங் படித்திருந்தார். 

இவர் செங்கல்பட்டு மாவட்டம் பள்ளியகரம் அருகே தனியார் நிறுவனத்தில் பணியாற்றி வந்தார். மேலும் தனியார் விடுதியில் அறை எடுத்து தங்கி தினமும் பணிக்கு சென்று வந்தார். 

இந்நிலையில் அவர் தனது அறையில் தூக்கிட்டு தற்கொலை செய்தார். இதுபற்றி அறிந்தவுடன் போலீசார் விரைந்து சென்று அவரது உடலை கைப்பற்றி விசாரணை பிரேத பரிசோதனைக்காக அனுப்பி வைத்தனர். 

மேலும் இதுபற்றி போலீசார் விசாரைண நடத்தினர். இந்த விசாரைணயின்போது அவர் தனது சிம்கார்டை உடைத்து இருப்பது தெரியவந்தது. 

மேலும் விடுதியில் தங்கியிருந்தவர்களிடம் போலீசார் விசாரணை நடத்தினர். இந்த விசாரணையின்போது வசந்த் ஆன்லைன் செயலி மூலம் கடன் வாங்கியிருந்ததும், அதனை செலுத்த முடியாமல் அவர் தவித்ததும் தெரியவந்தது. 

மேலும் குடும்பத்தினரிடம் இருந்து அவர் அடிக்கடி பணம் பெற்று வந்த நிலையில் தற்போது அவர் தூக்கிட்டு தற்கொலை செய்துள்ளார். 

இதுகுறித்த புகாரின் பேரில் போலீசார் விசாரணை நடத்தி வருகின்றனர். 

ஆன்லைன் செயலியில் கடன் பெற்று திரும்ப செலுத்த முடியாததால் இந்த விபரீத முடிவு எடுத்துள்ளதாக கூறப்படுகிறது.

April 13, 2023 at 7:28 am

சென்னை மக்களே உஷார்…. கோடை வெயில் தாக்கம் வரும் நாட்களில் அதிகரிக்கும்!

Teadmin
Quick Share

தமிழகத்தில் கோடை வெயிலின் தாக்கம் படிப்படியாக அதிகரித்து வருகிறது. ஒரு சில மாவட்டங்களில் மழை பெய்தாலும் கூட வெயில் சுட்டெரிக்கத் தொடங்கியுள்ளது. சில மாவட்டங்களில் இப்போதே 100 டிகிரியை தாண்டி வெயில் கொளுத்தியது. 

சென்னையில் வெயில் தற்போது வறுத்தெடுக்க தொடங்கி உள்ளது. பிற்பகல் 4 மணிக்கு கூட வெயிலின் உஷ்ணம் தாக்கி வருகிறது. வெப்ப அலை கொஞ்சம் கொஞ்சமாக வீசி வருகிறது. அதிகபட்ச வெப்பநிலை 34-35 டிகிரி செல்சியஸ் ஆக இருந்து வருகிறது. 

சென்னை மற்றும் புறநகர் பகுதியில் வெயில் வாட்டி வதைக்கிறது. அக்னி நட்சத்திரம் இன்னும் தொடங்காத நிலையில் ஏப்ரல் தொடக்கத்தில் இருந்து வெப்பம் அதிகரித்தது. 15-ந்தேதிக்கு பிறகு சராசரி வெப்பநிலை உயரும் என்று வானிலை ஆய்வாளர்கள் நம்புவதால் வெப்பம் இன்னும் அதிகமாக இருக்கும் என்று கருதுகிறார்கள்.

கிழக்குப்பகுதியில் இருந்து வரும் ஈரப்பதம் காரணமாக வெப்பம் அதிகரித்து உடலில் வியர்வை அதிகளவில் வெளியேறும் என்று வானிலை ஆய்வாளர்கள் கூறுகின்றனர். கீழ்த்திசை காற்று இல்லாததால் வருகிற நாட்கள் வெப்பமாகவும், வறண்டதாகவும் இருக்கும். பருவத்திற்கு இயல்பான வெப்பநிலை படிப்படியாக அதிகரிக்கும் என்று வானிலை அதிகாரிகள் தெரிவித்தனர். 

வெப்பநிலை 2 முதல் 3 டிகிரி வரை திடீரென உயரலாம் என்று கூறியுள்ளனர். சென்னை வானிலை ஆய்வு மைய இயக்குனர் செந்தாமரை கண்ணன் கூறுகையில், `அடுத்த 4 நாட்களுக்கு வறண்ட வானிலை இருக்கும். 15-ந்தேதிக்கு பிறகு வெப்பநிலை படிப்படியாக அதிகரிக்கும். இது பருவத்திற்கு இயல்பானது.

ஏப்ரல் முதல் ஜூன் மாதம் வரையிலான கோடை காலத்திற்கான அதிகபட்ச வெப்பநிலை சாதாரணமாக இருந்து இயல்பை விட குறைவாக இருக்கும். நுங்கம்பாக்கம் மற்றும் மீனம்பாக்கத்தில் இந்த மாதத்தில் சராசரி அதிகபட்ச வெப்பநிலை 34.5 டிகிரி செல்சியஸ் மற்றும் 36.4 டிகிரி செல்சியஸ் ஆகும்’ என்றார். 

கடந்த திங்கட்கிழமையை விட நேற்று சென்னையில் வெப்பம் அதிகரித்தது. ராயலசீமா மற்றும் தெலுங்கானா வரை வறண்ட வானிலை நிலவுகிறது. வடகிழக்கு காற்று நுழைவதால் அடுத்த 4, 5 நாட்கள் வெப்ப நிலை படிப்படியாக உயரும் என்று தலைமை வானிலை ஆய்வாளர் மகேஷ் கூறினார்

April 12, 2023 at 11:30 am

வந்தாச்சு டக்கரான ‘பீர்’ பஸ் சேவை.. சென்னை டூ புதுச்சேரி சுற்றுலா பயணிகள் ப...

Teadmin
Quick Share

புதுச்சேரி நகர் பகுதியில் எங்கு பார்த்தாலும் விதவிதமான மது கடைகள் மது அருந்தும் வசதியுடன் வாருகள் அமைந்துள்ளன. மேலும் அது பிரசித்தி பெற்ற சுற்றுலா தளமாக விளங்கி வருவதால் தினம்தோறும் ஏராளமான சுற்றுலா பயணிகள் வந்து செல்கின்றனர்.

அதுவும் வார விடுமுறையை கொண்டாட அருகிலுள்ள தமிழ்நாட்டில் இருந்து ஏராளமானோர் வருகை தருவர். அதன் காரணமாக வெள்ளிக்கிழமை மாலை முதல் ஞாயிற்றுக்கிழமை இரவு வரை புதுச்சேரி கடற்கரைகள் சுற்றுலா பயணிகளால் நிரம்பி வழியும்.

சுற்றுலாப் பயணிகளுக்கு புதுப்புது வசதிகள்
அதிலும் குறிப்பாக மது பிரியர்கள் விதவிதமாக பீர்களை வாங்கி குடித்து பொழுதை கழிக்கின்றனர். அவ்வாறு வரும் சுற்றுலாப் பயணிகளின் வசதிக்காகவே பல்வேறு வசதிகள் புதுச்சேரியில் செய்யப்பட்டு வருகிறது. அதுமட்டுமல்லாமல் அடுத்த கட்டமாக உணவு சாப்பிடும் ரெஸ்டாரண்டுகள், பாரம்பரிய வீடுகள் அனைத்திலும் சுற்றுலா என்ற பெயரில் ரெஸ்ட்ரோபார்கள் திறக்க அரசு தாராளமாக அனுமதி அளித்து வருகிறது.

பீர் பஸ் சேவை
அதனைத் தொடர்ந்து தற்போது சென்னையில் இருந்து புதுச்சேரிக்கு மது பிரியர்களுக்காகவே முதல் பீர் பஸ் இயக்கப்பட உள்ளது. வருகிற 22 ஆம் தேதி முதல் இந்த சேவை தொடங்கப்பட உள்ளது. அதற்கான ஏற்பாடுகளை தனியார் நிறுவனம் செய்து வருகிறது.

தலா ஒரு நபருக்கு 3 ஆயிரம் ரூபாய் கொடுத்தால் போதும், பலவிதமான சாப்பாடு வகைகளை சாப்பிட்டுக் கொண்டே புதுவையை சுற்றி பார்த்துவிட்டு அன்றைய தினமே சென்னைக்கு திருப்பி விடலாம். இந்த பீர் பஸ் சேவைக்கான முன்பதிவு தற்போது விறுவிறுப்பாக நடந்து வருகிறது.

இது குறித்து நிறுவன ஏற்ப்பாட்டாளர்கள் கூறியிருப்பதாவது, இந்த பேருந்தை பீர் பஸ் என அழைப்பதால் பேருந்தில் குடிப்பது என யாரும் நினைத்துக் கொள்ள வேண்டாம். ஏனெனில் பேருந்தில் மது குடிக்க அரசு அனுமதி இல்லை.

எனவே புதுவையில் அரசால் அனுமதிக்கப்பட்ட இடத்தில் பேருந்து நிறுத்தப்படும். அந்த இடத்தில் பீர் அருந்த அனுமதிக்கப்படும். 

சென்னையில் இருந்து சுமார் 40 சுற்றுலா பயணிகள் புதுவைக்கு அழைத்துச் செல்லப்பட்டு அன்றைய தினமே மீண்டும் சென்னை திரும்பி விடலாம். அன்றாட பணிகளில் மூழ்கி கிடப்பவர்கள் வார விடுமுறையில் ரிலாக்ஸ் ஆக உற்சாகப்படுத்தி புதுப்பித்துக் கொள்ள இந்த சுற்றுலா உதவும் என தெரிவித்துள்ளனர்.

April 7, 2023 at 1:55 pm

வெயிலின் தாக்கம் அதிகரிக்கும்…சென்னை வானிலை ஆய்வு மையம் கொடுத்த எச்சரிக்கை!

Teadmin
Quick Share

அந்த அறிவிப்பில், “தென் இந்திய பகுதிகளின் மேல் வளி மண்டலத்தின் கீழடுக்குகளில் கிழக்கு திசை காற்றும், மேற்கு திசை காற்றும் சந்திக்கும் பகுதி நிலவுகிறது. இதன் காரணமாக, 07.04.2023 மற்றும் 08.04.2023: தென் தமிழகம் மற்றும் வட தமிழக உள் மாவட்டங்களில் ஓரிரு இடங்களில் லேசானது / மிதமான மழை பெய்யக்கூடும்.

09.04.2023 மற்றும் 10.04.2023: தென் தமிழகம் மற்றும் வட தமிழக உள் மாவட்டங்களில் ஓரிரு இடங்களில் இடி மின்னலுடன் கூடிய லேசானது / மிதமான மழை பெய்யக்கூடும்.

11.04.2023: தென் தமிழகம் மற்றும் வட தமிழக உள் மாவட்டங்களில் ஓரிரு இடங்களில் லேசானது / மிதமான மழை பெய்யக்கூடும்.

அதிகபட்ச வெப்பநிலை:

07.04.2023 முதல் 11.04.2023 வரை: தமிழகத்தில் ஓரிரு இடங்களில் அதிகபட்ச வெப்பநிலை இயல்பிலிருந்து 2 – 3 டிகிரி செல்சியஸ் அதிகமாக இருக்கக்கூடும்.

சென்னை மற்றும் புறநகர் பகுதிகளுக்கான வானிலை முன்னறிவிப்பு:

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 35 டிகிரி செல்சியஸ் மற்றும் குறைந்தபட்ச வெப்பநிலை 27-28 டிகிரி செல்சியஸ் அளவில் இருக்கக்கூடும்.

April 5, 2023 at 12:11 pm

சென்னையில் 5 அர்ச்சகர்கள் நீரில் மூழ்கி உயிரிழப்பு….

Teadmin
Quick Share

சென்னை நங்கநல்லூர் எம்எம்டிசி காலனியில் உள்ள தருமேஸ்வரர் கோவிலில் நடைபெற்ற தீர்த்தவாரி நிகழ்ச்சியில் சுவாமியை குளத்தில் இறக்கி குளிப்பாட்டும் நிகழ்வின்போது 5 அர்ச்சகர்கள் நீரில் மூழ்கி உயிரிழந்த சோக சம்பவம் நிகழ்ந்துள்ளது. 25க்கும் மேற்பட்ட கோவில் அர்ச்சகர்கள் சுவாமியை குளத்தில் இறக்கி குளிப்பாட்டினர். அப்போது ஒருவர் குளத்தில் மூழ்கிய நிலையில், அவரை காப்பாற்ற சென்றவர்கள் அடுத்தடுத்து நீரில் மூழ்கி உயிரிழந்தனர்.

March 29, 2023 at 9:36 pm

சென்னை ஆவடியில் ஜிம் பயிற்சியாளர் ரத்த வாந்தி எடுத்து மரணம்!

Teadmin
Quick Share

சென்னை அடுத்த ஆவடியை சேர்ந்த இளைஞர் ஆகாஷ். 25 வயதாகும் இவர் ஜிம் பயிற்சியாளராக இருந்து வந்துள்ளார். 

இந்நிலையில், ஜிம் பயிற்சியாளர் ஆகாஷ் திடீரென ரத்த வாந்தி எடுத்து உயிரிழந்துள்ளார். இந்த சம்பவம் அதிர்ச்சியை ஏற்படுத்தி உள்ளது. 

மாநில அளவிலான போட்டியில் வெற்றி பெற கடுமையான பயிற்சியில் ஈடுபட்ட அவர், அதிக அளவில் ஸ்டீராய்டு ஊசி செலுத்திக் கொண்டதாக தகவல் வெளியாகி உள்ளது. 

இதன் எதிரொலியால், ஆகாஷின் இரண்டு கிட்னியும் செயல் இழந்த நிலையில் உயிரிழந்ததாக மருத்துவர்கள் தெரிவித்தனர். 

இந்த சம்பவம் தொடர்பாக போலீசார் வழக்குப்பதிவு செய்து மேற்கொண்டு விசாரணை நடத்தி வருகின்றனர்

March 24, 2023 at 11:37 am

சென்னையில் ஜூன் முதல் வீடுகளுக்கு குழாய் வழி ‘காஸ்’ வினியோகம்!

Teadmin
Quick Share

சென்னை அரும்பாக்கம், மூலக்கடை, மாதவரம், கொடுங்கையூர், நொளம்பூர் பகுதிகளில் உள்ள வீடுகளுக்கு, வரும் ஜூன் முதல், குழாய் வாயிலாக, இயற்கை எரிவாயு வினியோகம் செய்வதற்கான பணிகள் முழுவீச்சில் நடக்கின்றன. பொதுத் துறையை சேர்ந்த ‘இந்தியன் ஆயில், பாரத், ஹிந்துஸ்தான் பெட்ரோலியம்’ ஆகிய எண்ணெய் நிறுவனங்கள், வீடுகளுக்கு எல்.பி.ஜி., எனப்படும் திரவ நிலை எரிவாயு சிலிண்டரை வினியோகம் செய்கின்றன.எளிதில் தீப்பற்றாது இந்த காஸ், கச்சா எண்ணெய் சுத்திகரிப்பின்போது வெளியேறும் மூலப்பொருளில் தயாரிக்கப்படுகிறது.

கச்சா எண்ணெய் இறக்குமதியால் செலவினம் அதிகரிப்பதுடன், சுற்றுச்சூழலும் மாசு அடைகிறது.மத்திய அரசு, எல்.பி.ஜி., எரிவாயுக்கு மாற்றாக, இயற்கை எரிவாயு பயன்படுத்துமாறு அறிவுறுத்தி உள்ளது. தரையில் இருந்து பல கி.மீ., ஆழத்தில் இருந்து எடுக்கப்படும் இந்த எரிவாயு, காற்றை விட எடை குறைவானது.குழாயில் எடுத்து செல்லப்படும்போது எதிர்பாராத விதமாக கசிவு ஏற்பட்டாலும், உடனே காற்றில் கலந்து விடும்; எளிதில் தீப்பற்றாது; சுற்றுச்சூழலையும் பாதிப்பதில்லை.

கர்நாடகா, குஜராத், புதுடில்லி உள்ளிட்ட பல மாநிலங்களில் இயற்கை எரிவாயு, சி.ஜி.டி., எனப்படும் நகர வினியோக நிறுவனங்களால் வீடுகளுக்கு குழாய் வாயிலாக வழங்கப்படுகிறது.திருவள்ளூர் மாவட்டத்தில் உள்ள எண்ணுாரில், இந்தியன் ஆயில் நிறுவனம், எல்.என்.ஜி., எனப்படும் திரவ நிலை இயற்கை எரிவாயு முனையம் அமைத்துள்ளது.அந்த முனையத்துக்கு வெளிநாடுகளில் இருந்து, கப்பல்களில் திரவ நிலை இயற்கை எரிவாயு எடுத்து வரப்படுகிறது.இந்த எரிவாயு, வாகனங்களுக்கு சி.என்.ஜி., எனப்படும் அழுத்தப்பட்ட இயற்கை எரிவாயு என்ற பெயரிலும், வீடுகளுக்கு பி.என்.ஜி., என்ற பெயரில் குழாய் வாயிலாகவும் வினியோகம் செய்யப்பட உள்ளது.

எண்ணுாரில் இருந்து துாத்துக்குடி வரை எரிவாயு எடுத்து செல்ல குழாய் வழித்தடம் அமைக்கப்பட்டுள்ளது.தமிழகத்தில் குழாய் வழித்தடத்தில் எரிவாயு வினியோகம் செய்ய, ஏழு நிறுவனங்களுக்கு, பெட்ரோலியம், இயற்கை எரிவாயு ஒழுங்குமுறை வாரியம் அனுமதி வழங்கியுள்ளது.அதன்படி சென்னை, திருவள்ளூரில் இயற்கை எரிவாயு வினியோகம் செய்யும் பணியை, ‘டோரன்ட் காஸ்’ என்ற தனியார் நிறுவனம் மேற்கொள்கிறது.

இந்நிறுவனம், எட்டு ஆண்டுகளில் வாகனங்களுக்கு வினியோகம் செய்ய, 222 சி.என்.ஜி., ஸ்டேஷன்கள் அமைப்பதுடன், 33 லட்சம் வீடுகளுக்கு எரிவாயு வினியோகம் செய்ய உள்ளது.இதற்காக எரிவாயு எடுத்து வர, எண்ணுார், கொசஸ்தலை ஏரி, வீச்சூர், புழல், அம்பத்துார், அசோக் நகர், சைதாப்பேட்டை இடையில், 12, 18 அங்குலம் இரும்பு குழாய் தரையில் 5 அடிக்கு கீழ் பதிக்கப்பட்டு வருகிறது.டோரன்ட் நிறுவனம், தமிழகத்தில் முதல்முறையாக நாகையில் உள்ள சாத்தமங்கை, திருமருகள் கிராமங்களில் 200 வீடுகளுக்கு குழாய் வழித்தடத்தில் எரிவாயு வினியோகம் செய்கிறது.40 ஆயிரம் வீடுசென்னையில் 55 பெட்ரோல் பங்க்குகளில் சி.என்.ஜி., முனையம் செயல்படுகிறது. 

அங்கு வாகனங்களுக்கு சி.என்.ஜி., எரிவாயு வினியோகம் செய்யப்படுகிறது.வரும் ஜூன் மாதம் சென்னையில் அரும்பாக்கம், மாதவரம், மூலக்கடை, கொடுங்கையூர், அருள் நகர், அலெக்ஸ் நகர், நொளம்பூர் உள்ளிட்ட பகுதிகளில் உள்ள வீடுகளுக்கு, குழாயில் எரிவாயு வினியோகம் செய்யப்பட உள்ளது.அடுத்த ஆண்டு மார்ச்சுக்குள், சென்னையில் 40 ஆயிரம் வீடுகளுக்கு எரிவாயு வினியோக திட்டமிடப்பட்டு உள்ளது.

செலவு குறைவு இதன் செலவு 14.20 கிலோ எல்.பி.ஜி., சிலிண்டர் விலையுடன் ஒப்பிடும்போது, 200 ரூபாய் குறையும்.வீடுகளுக்கு குழாய் வாயிலாக தொடர்ந்து காஸ் வினியோகம் செய்யப்படுவதால், ஒவ்வொரு முறையும் முன்பதிவு செய்து, காத்திருக்க வேண்டியதில்லை. பயன்பாட்டு அளவை கணக்கெடுக்க ‘மீட்டர்’ பொருத்தப்படும்.வாடிக்கையாளரிடம் இருந்து ‘டிபாசிட்’ கட்டணமாக 6,000 ரூபாயும், எரிவாயு முன்பணமாக 500 ரூபாயும், இணைப்பு கட்டணமாக 590 ரூபாயும் வசூலிக்கப்படும். அதில், 6,500 ரூபாய், வாடிக்கையாளர் திரும்ப பெறக் கூடியது.

நடவடிக்கை பாயுமா? நாகை மாவட்டம், திட்டச்சேரி பகுதியில், 900 வீடுகளுக்கு குழாய் வழித்தடத்தில் எரிவாயு வினியோகம் செய்வதற்கான கட்டமைப்பு பணிகள் முடிவடைந்து, தயார் நிலையில் உள்ளன.அங்குள்ள எல்.பி.ஜி., காஸ் ஏஜன்சிகள், வாடிக்கையாளர்களை இழக்கக் கூடாது என்பதற்காக, குழாய் வழித்தட எரிவாயு வினியோகம் தொடர்பாக, மக்களிடம் பீதியை கிளப்புவதாக புகார்கள் எழுந்துள்ளன.இதேபோல், மற்ற பகுதிகளிலும் நடப்பதாக கூறப்படுகிறது. எனவே, மக்களிடம் வீண் வதந்தி பரப்புவோர் மீது, அரசு கடும் நடவடிக்கை எடுக்க வேண்டிய அவசியம் ஏற்பட்டுள்ளது.




You cannot copy content of this Website