Breaking News

இந்தியா

November 15, 2024 at 10:57 am

அம்பானி வீட்டு திருமணத்திற்கான ரூ.3.6 லட்சம் சலுகையை நிராகரித்த பெண்!

Teadmin
Quick Share

இந்தியாவின் பெரும் பணக்காரரான முகேஷ் அம்பானியின் ரூ.3.6 லட்சம் சலுகையை பெண் ஒருவர் நிராகரித்ததற்கான காரணங்களை கூறியுள்ளார். முகேஷ் அம்பானியின் மகன் ஆனந்த் அம்பானிக்கும், தொழிலதிபர் வீரேன் மெர்ச்சன்ட்டின் மகள் ராதிகா மெர்ச்சன்ட்டுக்கும் ஜூலை 12 -ம் திகதி ஜியோ வேர்ல்ட் கன்வென்ஷன் சென்டரில் உள்ள பிரமாண்ட வளாகத்தில் திருமணம் நடைபெற்றது. அப்போது, திருமணத்தின் போது எடுக்கப்பட்ட புகைப்படங்களும், வீடியோக்களும் சமூக வலைதளங்களில் ஆதிக்கம் செலுத்தின.

இந்நிலையில், ஆனந்த் அம்பானியின் திருமணம் இந்தியப் பொருளாதாரத்தை எப்படி உயர்த்தும் என்று விவாதிக்க இன்ஸ்டாகிராமர் காவ்யாவிற்கு அம்பானியிடமிருந்து ரூ.3.6 லட்சம் கவர்ச்சிகரமான வாய்ப்பு வந்துள்ளது.

ஆனால், இந்த வாய்ப்பை காவ்யா நிராகரித்துள்ளார். அதற்கான காரணத்தையும் அவர் பகிர்ந்துள்ளார். காவ்யாவின் முதல் காரணம் என்னவென்றால் தனது தனித்துவமான குரலைப் பேணுவதில் அவர் கொண்டிருந்த ஈடுபாடுதான்.

விளம்பர உள்ளடக்கத்தில் இது போன்ற ஆடம்பரத்தை கலக்க விரும்பவில்லை என்றும், அம்பானி திருமணம் போன்ற அதிக விளம்பரப்படுத்தப்பட்ட நிகழ்வுடன் இணைவது எனது பிராண்டின் தனித்துவத்தை சமரசம் செய்யும் என்றும் கூறியுள்ளார்.

அவரது இரண்டாவது காரணம், சமூக-பொருளாதாரம் தொடர்புடையது. ஜியோ இணையக் கட்டணங்களை அதிகரித்துள்ள நிலையில், அம்பானி போன்ற பெருநிறுவன நிறுவனத்தை ஆதரிப்பது போல தெரியும்.

இதனால், தனது பார்வையாளர்கள் பணம் செலுத்தும் விளம்பரங்கள் மற்றும் உண்மையான உள்ளடக்கம் ஆகியவற்றைப் தவறாக புரிந்து கொள்ள கூடாது என்பதற்காகவும், அவர்களின் நம்பிக்கையைப் பாதுகாப்பதற்காகவும் நிராகரித்துள்ளார்.

மூன்றாவது காரணம், ஜாதி, வகுப்பு, பாலினம் மற்றும் மதம் காரணமாக இந்திய திருமணங்கள் பெரும்பாலும் ரத்து செய்யப்படுவதை கூறியுள்ளார். இதுபோன்ற ஆடம்பரமான திருமணத்தை ஊக்குவிப்பது ஒரு கல்வியாளராக எனது மதிப்புகளுடன் ஒத்துப்போகவில்லை. இது தவறாக வழிநடத்துவதாக உணர்கிறது என்று கூறியுள்ளார்.

முழுநேர உள்ளடக்கத்தை உருவாக்குவதற்காக தனது வேலையை விட்டுவிட்டு ஜனவரி 2023 -ல் காவ்யாவின் செல்வாக்குமிக்க பயணம் தொடங்கியது. நைனிடாலில் பிறந்து, டெல்லி மற்றும் மும்பை ஆகிய இரு இடங்களிலும் வசித்த அவரது மாறுபட்ட அனுபவங்கள் அவரது உள்ளடக்கத்தை வடிவமைத்துள்ளன. கல்வியில் உயர் சாதனையாளரான காவ்யா, டெல்லியில் உள்ள லேடி ஸ்ரீ ராம் கல்லூரியில் தனது ஆங்கில ஆனர்ஸ் பட்டப்படிப்பில் 99% மதிப்பெண் பெற்றார்.

பின்னர் மும்பை TISS இல் முதுகலைப் பட்டம் பெற்றார். இவரது தொழில் வாழ்க்கை Pocket Aces இல் தொடங்கியது. அங்கு அவர் அவர்களின் புதிய முயற்சியான Nutshell -யை 20K இலிருந்து 1 மில்லியன் பின்தொடர்பவர்களாக விரிவுபடுத்த உதவினார்.

மேலும் கல்வி உள்ளடக்கத்திற்கான அவரது ஆர்வத்தையும் காட்டினார். ஏறக்குறைய 6,000 விருப்பங்களையும் ஏராளமான கருத்துகளையும் குவித்துள்ள அவரது இடுகை, நம்பகத்தன்மைக்கான அர்ப்பணிப்பை காட்டுகிறது.

November 10, 2024 at 10:02 am

ட்ரம்பிற்காக கட்டப்பட்ட கோயிலில் வழிபாடு செய்த இந்திய கிராம மக்கள்!

Teadmin
Quick Share

அமெரிக்க அதிபர் தேர்தலில் டொனால்டு டிரம்ப் பதவியேற்கவுள்ள நிலையில் இந்திய கிராமம் ஒன்றில் அவரது சிலைக்கு வழிபாடு செய்துள்ளனர். அமெரிக்க அதிபர் தேர்தலில் குடியரசுக் கட்சியைச் சேர்ந்த டொனால்டு ட்ரம்பும், ஜனநாயகக் கட்சியைச் சேர்ந்த கமலா ஹாரிஸும் போட்டியிட்டனர். இதில், டொனால்டு ட்ரம்ப் வெற்றி பெற்றார்.

இந்நிலையில், அமெரிக்க துணை அதிபராக ஜேடி வான்ஸ் தேர்ந்தெடுக்கப்பட்டுள்ளார். சட்டப்படிப்பு படித்து, செனட்டராக பணியாற்றி வரும் ஜேடி வான்ஸ் ஒரு பத்திரிக்கையாளர் ஆவார். இவரது மனைவி உஷா சிலுக்கூரி ஒரு இந்தியர்.

அதாவது, இவருடைய மூதாதையர்கள் ஆந்திராவில் உள்ள கிருஷ்ணா மாவட்டம், உய்யூரு மண்டலம், சாய்புரம் கிராமத்தை சேர்ந்தவர்கள். இதனால், டொனால்டு ட்ரம்பின் வெற்றியை தெலுங்கு மக்கள் பட்டாசு வெடித்து கொண்டாடி வருகின்றனர்.

அந்த வகையில், இந்திய மாநிலமான தெலுங்கானா, ஜங்கான் மாவட்டத்தில் உள்ள கொன்னே கிராம மக்கள் டொனால்டு டிரம்ப்பிற்கு கட்டப்பட்டுள்ள கோவிலில் உள்ள அவரது சிலைக்கு மாலை அணிவித்து வழிபாடு செய்தனர்.

கடந்த 2018 -ம் ஆண்டில் கிருஷ்ணா என்ற இளைஞர் தனது பூஜை அறையில் ட்ரம்பின் புகைப்படத்தை வைத்து வழிபட ஆரம்பித்தார்.

பின்னர், 2019 -ம் ஆண்டில் வீட்டின் முன்பு 6 அடி உயர டிரம்ப் சிலையை அமைத்து பால் அபிஷேகம் செய்தார். இதற்காக அவர் ரூ.2 லட்சம் வரை செலவிட்டுள்ளார்.

இதையடுத்து, கடந்த 2020 -ம் ஆண்டில் கிருஷ்ணா மாரடைப்பால் உயிரிழந்தார். இந்நிலையில், ட்ரம்ப் வெற்றியை கொண்டாடும் வகையில் கிருஷ்ணாவின் உறவினர்கள் அவரது சிலைக்கு மாலை அணிவித்து வழிபட்டனர்.

November 9, 2024 at 8:29 pm

இனி பெண்களுக்கு ஆண் டெய்லர் அளவு எடுக்க கூடாது: இந்திய மாநிலம் ஒன்றில் முடிவு!

Teadmin
Quick Share

பெண்களுக்கு ஆண் டெய்லர் அளவு எடுக்கக் கூடாது என்று உத்தர பிரதேச மாநில மகளிர் ஆணையம் பரிந்துரை செய்துள்ளது. பெண்களுடைய பாதுகாப்பிற்காக தற்போது நடைமுறையில் உள்ள வழிகாட்டு நெறிமுறைகளுடன் கூடுதலாக என்னென்ன சேர்க்கலாம் என்று உத்தர பிரதேச மாநில மகளிர் ஆணையம் உறுப்பினர்கள் விவாதம் செய்துள்ளனர்.

அப்போது, “பெண்களுக்கு ஆண் டெய்லர் அளவு எடுக்க கூடாது என்றும், ஜிம் அல்லது யோகா மையங்களில் பெண்களுக்கு ஆண்கள் பயிற்சி அளிக்கக்கூடாது என்றும்” பரிந்துரைகள் செய்யப்பட்டன.

மேலும், பள்ளி பேருந்துகளிலும், துணி கடைகளிலும் பெண் பாதுகாப்பு அதிகாரிகள் இருக்க வேண்டும் என்று பரிந்துரைகள் வழங்கப்பட்டுள்ளன.

இதுகுறித்து பெண்கள் ஆணையத்தின் உறுப்பினர் கூறுகையில், “கூட்டத்தில் பேசப்பட்ட ஆலோசனைகள் அனைத்தும் தொடக்க கட்டத்தில் தான் உள்ளது.

இந்த பரிந்துரைகள் அனைத்தும் ஒப்புதல் பெறப்பட்டு அரசிடம் சமர்ப்பிக்கப்படும். பின்னர், அதனை அமல்படுத்துவதற்கான நடவடிக்கை மேற்கொள்ளப்படும்” என்றார்

November 9, 2024 at 8:25 pm

காருக்கு ரூ.4 லட்சம் செலவு செய்து நல்லடக்கம் செய்த உரிமையாளர்!

Teadmin
Quick Share

ரூ.4 லட்சம் செலவு செய்து காருக்கு நல்லடக்கம் செய்த நிகழ்வில் சுமார் 1500 -க்கும் மேற்பட்டோர் கலந்து கொண்டனர். இந்திய மாநிலமான குஜராத், அம்ரேலி மாவட்டத்தைச் சேந்தவர் சஞ்சய் பொலாரா. இவர் 12 ஆண்டுகளுக்கு முன்பாக வேகன் ஆர் காரை வாங்கியுள்ளார். இந்த காரை வாங்கிய பின்னர் தனக்கு அதிர்ஷ்டம் ஏற்பட்டதாகவும், சமுதாயத்தில் தனக்கு மதிப்பு ஏற்பட்டதாகவும் பொலாரா கூறுகிறார். இந்த காரால் நல்ல தொழில் வளர்ச்சி ஏற்பட்டு குடும்பமும் வளர்ச்சி அடைந்துள்ளது.

தற்போது, இந்த கார் ஓடாது என்று தெரிந்து அதனை பழைய கடையில் கொடுக்காமல் நல்லடக்கம் செய்து மரியாதை செலுத்தி சமாதி ஏற்படுத்த வேண்டும் என்று நினைத்துள்ளார்.

இதற்காக, சுமார் ரூ.4 லட்சம் செலவு செய்து காரை நல்லடக்கம் செய்துள்ளார். இது தொடர்பான வீடியோக்களும் சமூக வலைதளத்தில் வைரலாகி வருகின்றன.

காரை நல்லடக்கம் செய்வதற்கு பள்ளம் தோண்டப்பட்டு, இறங்குவதற்கு ஏற்ற வகையில் தளம் அமைக்கப்பட்டுள்ளது. இந்த நல்லடக்க நிகழ்ச்சியில் 1500 -க்கும் மேற்பட்டோர் கலந்து கொண்டனர்.

மேலும், கார் புதைக்கப்பட்ட இடத்தில் மரம் நட்டு எதிர்கால சந்ததியினருக்கு தெரியப்படுத்தவுள்ளதாகவும் கூறுகின்றனர்.

அதுமட்டுமல்லாமல், காரின் நல்லடக்க நிகழ்ச்சிக்காக அழைப்பிதழ் அச்சடித்து 2000 பேருக்கு கொடுத்துள்ளனர்.

இந்த அழைப்பிதழில், “எங்களுடைய குடும்பத்தில் இந்த கார் 2006 -ம் ஆண்டு முதல் குடும்ப உறுப்பினராகவே இருந்து வருகிறது. அதிர்ஷ்டத்தை ஏற்படுத்திய இந்த காருக்கு நல்லடக்கம் செய்யவுள்ளோம்” என்று குறிப்பிட்டிருந்தது.

November 5, 2024 at 12:53 pm

மாநிலத்தையே உலுக்கிய துயர சம்பவம்: நிவாரணம் அறிவித்த பிரதமர் மோடி!

Teadmin
Quick Share

இந்திய மாநிலம் உத்தரகாண்ட்டில் பேருந்து பள்ளத்தில் கவிழ்ந்த விபத்தில் 36 பேர் உயிரிழந்தது அதிர்ச்சியை ஏற்படுத்தியுள்ளது. உத்தரகாண்ட் மாநிலம் பவுரி என்ற இடத்தில் பேருந்து ஒன்று 60 பேருடன் ராம்நகர் நோக்கி பயணித்தது. மார்ச்சூலா பகுதியை கடந்தபோது பேருந்து திடீரென கட்டுப்பாட்டை இழந்தது. இதனால் 200 மீற்றர் ஆழமுள்ள பள்ளத்தில் பேருந்து கவிழ்ந்து பாரிய விபத்திற்குள்ளானது. இது குறித்து தகவல் அறிந்த தேசிய பேரிடர் மீட்பு படையினர் மற்றும் பொலிஸார் சம்பவ இடத்திற்கு விரைந்தனர்.

மீட்பு நடவடிக்கையில் ஈடுபட்ட படையினர் காயமடைந்தவர்களை மருத்துவமனைக்கு அனுப்பி வைத்தனர். 

இந்த பாரிய விபத்தில் 22 பேர் சம்பவ இடத்திலேயே உயிரிழந்ததாகவும், ஒருவர் மருத்துவமனைக்கு கொண்டு செல்லப்பட்ட வழியில் அல்மோரா மாவட்ட பேரிடர் மேலாண்மை தெரிவித்தது. 

ஆனால் பின்னர் பலி எண்ணிக்கை உயர்ந்து 36 பேர் உயிரிழந்ததாக தெரிவிக்கப்பட்டது. விபத்தில் உயிரிழந்தவர்களின் குடும்பத்திற்கு பிரதமர் நரேந்திர மோடி இரங்கல் தெரிவித்துள்ளார்.

அத்துடன் நிவாரண உதவியாக உயிரிழந்தவர்களின் குடும்பத்திற்கு தலா ரூ.2 லட்சமும், காயமடைந்தவர்களுக்கு ரூ.50 ஆயிரமும் வழங்க உத்தரவிட்டார்.

November 1, 2024 at 9:46 am

தலையில் கிரிக்கெட் பந்து தாக்கி 15 வயது மாணவி உயிரிழப்பு! பயிற்சியின்போது விபரீதம்

Teadmin
Quick Share

இந்திய மாநிலம் கேரளாவில் 15 வயது மாணவி கிரிக்கெட் பந்து தலையில் தாக்கியதில் உயிரிழந்த சம்பவம் அதிர்ச்சியை ஏற்படுத்தியது. 

கிரிக்கெட் பந்து

மராட்டிய மாநிலத்தைச் சேர்ந்த 15 வயது பாடசாலை மாணவி தபஸ்யா. இவர் கேரளாவின் மலப்புரத்தில் உள்ள கோட்டக்கலில் கிரிக்கெட் பயிற்சியில் ஈடுபட்டார். 

அப்போது எதிர்பாராத விதமாக கிரிக்கெட் பந்து தபஸ்யாவின் தலையில் தாக்கியுள்ளது. இதில் மயங்கி விழுந்த அவர் உடனடியாக மருத்துவமனைக்கு கொண்டு செல்லப்பட்டார். 

பின்னர் அவர் கோழிக்கோட்டில் உள்ள மருத்துவமனைக்கு மாற்றப்பட்டார். ஆனாலும் அவரது உடல்நிலை மோசமடைந்துள்ளது. 

பரிதாபமாக உயிரிழப்பு

அதன் பின்னர் தபஸ்யாவின் குடும்பத்தினர் அச்சிறுமியை மகாராஷ்டிராவுக்கு கொண்டு சென்றுள்ளனர். 

இந்நிலையில் தபஸ்யா சிகிச்சை பலனின்றி பரிதாபமாக உயிரிழந்துள்ளார். 

கிரிக்கெட் பந்து பட்டு சிறுமி உயிரிழந்த சம்பவம் சோகத்தை ஏற்படுத்தியுள்ளது.    

 

October 28, 2024 at 7:19 pm

நீதா அம்பானியின் தங்க, பிளாட்டினம் டீ கோப்பை – அதன் விலை எவ்வளவு தெரியுமா?

Teadmin
Quick Share

கோடீஸ்வரர் முகேஷ் அம்பானியின் மனைவியும் பிரபல சமூக ஆர்வலருமான நீதா அம்பானி ஆடம்பரமான வாழ்க்கையின் மூலம் அனைவரது பேச்சுப்பொருளாகி வருகிறார்.அந்தவகையில் தற்போது முகேஷ் அம்பானியின் மனைவி நீதா அம்பானி காலையில் அருந்து டீ கோப்பையின் மதிப்பு குறித்து தகவல்கள் வெளியாகியுள்ளன.

நீதா அம்பானி அரியவகை டீ கோப்பை

நாட்டில் உள்ள ஒவ்வொரு நபரையும் போலவே தனது நாளை ஒரு கோப்பியுடன் நீதா அம்பானி ஆரம்பிக்கிறார். இவருக்கு ஆடம்பரமான தேநீர் கோப்பையில் தான் டீ வழங்கப்படுகிறது. 

பணக்கார மற்றும் ஆடம்பரமான வாழ்க்கை முறையை வழிநடத்தும் நீதா அம்பானி, தான் பயன்படுத்தும் பாத்திரங்களையும் தனது நிகர மதிப்பிற்கு இணையாக வைத்திருக்கிறார்.

குறித்த டீ ஆனது அவருக்கு ரூ. 3 லட்சம் டீ கோப்பையில் பரிமாறப்படுகிறது.

ஜப்பானின் பழமையான கிராக்கரி நிறுவனமான நோரிடெக் தயாரித்த கோப்பையில் நீதா அம்பானி தேநீர் அருந்துகிறார்.

இந்த பழங்கால டீ செட் ஒவ்வொரு கோப்பையும் ரூ.3 லட்சத்திற்கும் மேல் விலை கொண்டது.

பழங்கால ஜப்பானிய கிராக்கரி பிராண்டின் மொத்த தேநீரின் விலை ரூ.1.5 கோடிக்கு மேல் இருக்கும்.

தேயிலை பெட்டியின் மொத்த விலை ரூ. 1.5 கோடிக்கு மேல் இருக்கும் நிலையில், நீதா அம்பானியின் வீட்டின் ஒவ்வொரு டீக்கப்பின் விலையும் சுமார் ரூ.3 லட்சம் ஆகும்.

ஒவ்வொரு தேநீர் கோப்பையும் சீனாவில் தயாரிக்கப்படுகிறது, மேலும் தங்கம் மற்றும் பிளாட்டினம் பூசப்பட்டிருக்கும்.

நீதா அம்பானி தனது விலையுயர்ந்த மற்றும் தனித்துவமான ஆடைகள் மற்றும் டிசைனர் பாகங்கள் காரணமாக அடிக்கடி செய்திகளில் இருப்பார்.

40 லட்சம் விலை கொண்ட உலகின் மிக விலையுயர்ந்த சேலையின் உரிமையாளரும் ஆவார்.

அவரது மகள் இஷா அம்பானி தனது திருமணத்தில் உலகின் விலையுயர்ந்த லெஹெங்காவை அணிந்திருந்தார், அதன் விலை 90 கோடி ரூபாய் என்பது குறிப்பிடத்தக்கது. 

October 27, 2024 at 12:57 pm

2025 உலகின் சிறந்த சுற்றுலா பயண இடங்கள்: பட்டியலில் 2ம் இடம் பிடித்த புதுச்சேரி!

Teadmin
Quick Share

2025ம் ஆண்டின் சிறந்த பயண இடங்களுக்கான லோன்லி பிளானெட்டின் (Lonely Planet) பட்டியலில் உலக அளவில் புதுச்சேரி இரண்டாம் இடம் பிடித்துள்ளது. அமைதியான கடற்கரை நகரமான புதுச்சேரி, லோன்லி பிளானெட்டின்Lonely Planet) பிரபலமான 2025 சிறந்த பயண இடங்களின் பட்டியலில் இடம்பிடித்து இந்தியாவை பெருமைப்படுத்தியுள்ளது.

ஆண்டுதோறும் வெளியிடப்படும் இந்த பட்டியலில், உலகின் சிறந்த இடங்களை கொண்டாடும் வழக்கம் உள்ளது.

அந்த வகையில் இதில் டாப் இடங்களில் புதுச்சேரி 2ம் இடம் பிடித்துள்ளது. மேலும் புதுச்சேரி இந்த பட்டியலில் இடம்பிடித்த ஒரே இந்திய இடமாகும்.

2025 சிறந்த பயண இடங்கள் பட்டியலில் 30 அற்புதமான இடங்களை நகரங்கள், நாடுகள் மற்றும் பகுதிகள் என வகைப்படுத்தி விரிவாக விளக்குகிறது.

பிரான்ஸின் துலூஸ்(Toulouse) நகரம் நகரங்களின் பட்டியலில் முதலிடத்தைப் பிடித்துள்ள நிலையில், புதுச்சேரி இந்தியாவில் கட்டாயம் பார்க்க வேண்டிய இடமாகத் திகழ்கிறது.

லோன்லி பிளானெட்டின் கூற்றுப்படி, பிப்ரவரி மாதம் புதுச்சேரியைப் பார்வையிட சிறந்த நேரமாகும். குளிர்ந்த, வறண்ட காலநிலை சுற்றுலா, கடற்கரை ஓய்வு மற்றும் கலாச்சார மூழ்கலுக்கு ஏற்றதாக உள்ளது.

எனவே, நீங்கள் 2025-ம் ஆண்டுக்கான உங்கள் பயணத் திட்டத்தை திட்டமிட்டு வருமானால், புதுச்சேரிக்கு செல்லுங்கள்.

முன்னாள் பிரெஞ்சு காலனி நகரமான புதுச்சேரி தனது தனித்துவமான கவர்ச்சியையும் ஐரோப்பிய செல்வாக்கையும் இன்றும் தக்க வைத்துள்ளது.

October 16, 2024 at 11:52 am

வைர வியாபாரியின் செயல்…11,000 வைரங்கள் பதித்து உருவாக்கிய டாடா புகைப்படம்!!

Teadmin
Quick Share

பல ஆயிரம் வைரங்களை பதித்து உருவாக்கப்பட்ட ரத்தன் டாடா புகைப்படம் இன்ஸ்டாகிரா மில் வைரலாகி அது பல லட்சம் இணையவாசிகளின் இதயங்களை வென்று சாதனை படைத்து உள்ளது. 

குஜராத் மாநிலம் சூரத் நகரைச் சேரந்த வைர வியாபாரி ஒருவர் ரத்தன் டாடா மீது பேரன்பு கொண்டவர். ரத்தன் டாடா மறைவுக்கு தனித்துவமான முறையில் அஞ்சலி செலுத்த நினைத்த அவர், 11,000 அமெரிக்க வைரங்களை பதித்து ரத்தன் டாடா உருவத்தை உருவாக்கி அதனை இன்ஸ்டாகிராமில் வெளியிட்டார். இதற்கு, இணையவாசிகளிடையே பெரும் வரவேற்பு கிடைத்துள்ளது. இந்த வீடியோவை இதுவரை 5.5 லட்சம் பேர் லைக் செய்ததுடன், ஆயிரக்கணக்கானோர் தங்களது கருத்துகளை பதிவிட்டுள்ளனர். ரத்தன் டாடா என்ற தன்னிகரில்லா தலைவரை பெருமைப்படுத்த இந்த 11,000 வைரங்கள் போதுமானதாக இருக்காது என்பதை அவர்கள் சுட்டிக்காட்டியுள்ளனர். வேறு சிலர் ரத்தன் டாடாதான் உண்மையான வைரம் என்று கூறி அவரை பெருமைப் படுத்தியுள்ளனர்.

இன்னும் சிலர், அந்த 11,000 வைரம் ரத்தன் டாடா என்ற ஒரு வைரத்துக்கு ஈடாகாது என பதி விட்டு ரத்தன் டாடா மீது தங்க ளுக்குள்ள அன்பை வெளிப்படுத் தியுள்ளனர். தன்னலம் கருதாது பிறர் நலத்துக்காக கோடி கோடியாய் அள்ளிக்கொடுத்து வாழ்ந்து மறைந்த ரத்தன் டாடாவுக்கு இதுவரை இல்லாத வகையில் நெட்டிசன்கள் தங்களது அன்பை, அஞ்சலியை வெளிப்படுத்தி வருகின்றனர்.

October 15, 2024 at 9:09 am

நூறு நாட்களில் 100 மாரத்தான் போட்டிகளில் ஓடிய கனடியர்!

Teadmin
Quick Share

கனடாவின் ஹிப் ஹாப் இசை கலைஞர் ஒருவர் 100 நாட்களில் 100 மாரத்தான் ஓட்ட போட்டிகளில் பங்கேற்று சாதனை படைத்துள்ளார். குறித்த நபர் சுமார் 4200 கிலோ மீட்டர் தூரத்தை ஓடியுள்ளார். மக்கள் மத்தியில் ஆண்களின் உளச்சுகாதாரம் தொடர்பிலான விழிப்புணர்வை ஏற்படுத்தும் நோக்கில் இந்த போட்டிகளில் அவர் பங்கேற்றுள்ளார்.

பிரபல ஹிப்போப் கலைஞர் டிலான் கிங் என்ற 32 வயதான கலைஞரே இவ்வாறு 100 மரதன் ஓட்டப் போட்டிகளில் பங்கேற்றுள்ளார்.

கடந்த ஜூன் மாதம் 17ஆம் திகதி முதல் செப்டம்பர் மாதம் 24 ஆம் திகதி வரையிலான காலப்பகுதியில் அவர் இவ்வாறு நூறு மாரத்தான் ஓட்டப் போட்டிகளில் பங்கேற்றுள்ளார்.

ஆண்கள் தங்களுடைய பிரச்சனைகளை வெட்கமின்றி வெளியே சொல்வதற்கான ஒரு சூழ்நிலை உருவாக்கப்பட வேண்டும் என அவர் தெரிவித்துள்ளார்.

போதைப் பொருளுக்கு அடிமையாக நெருக்கடிகளை எதிர்நோக்கி வந்த கிங் அதிலிருந்து விடுபட்டு மக்களை தெளிவூட்டும் வகையில் தற்பொழுது மாரத்தான் ஓட்ட போட்டிகளில் பங்கேற்ற வருகின்றார் என்பது குறிப்பிடத்தக்கது.

October 14, 2024 at 3:21 pm

உலக பசி குறியீட்டில் இந்தியாவுக்கு கிடைத்துள்ள இடம்!

Teadmin
Quick Share

உலக பசி குறியீட்டில் (GHI) இந்தியா 105-வது இடத்தை பிடித்துள்ளது. 2024ம் ஆண்டுக்கான உலக பசி குறியீடு வெளியாகியுள்ள நிலையில், அதில் இந்தியா 105வது இடத்தை பிடித்துள்ளது. இது தீவிரமாக கவனிக்கபட வேண்டிய பிரிவுக்குள் இருப்பது குறிப்பிடத்தக்கது. கான்சர்ன் வேர்ல்டுவைடு(Concern Worldwide) மற்றும் வெல்டங்கர்ஹில்ஃப(Welthungerhilfe) ஆகிய இரண்டு அமைப்புகளால் வெளியிடப்பட்ட இந்த அறிக்கை, பல நாடுகளில் நிலவும் தொடர்ச்சியான பசி பிரச்சனையை வெளிப்படுத்தியுள்ளது.

இந்த உலக பசி குறியீடு மதிப்பீடானது, பசியின்மை, குழந்தை இறப்பு மற்றும் குழந்தை வளர்ச்சி குறைபாடு ஆகியவற்றை அளவிடும் GHI, நாடுகளை 0 முதல் 100 வரையிலான அளவில் வரிசைப்படுத்துகிறது.

இதில், இந்தியா 27.3 மதிப்பெண்களுடன் 105வது இடத்தை பிடித்து இருப்பதுடன், இந்தியாவில் நிலவும் கடுமையான பசி நிலையை வெளிப்படுத்தியுள்ளது.

பங்களாதேஷ், நேபாளம் மற்றும் இலங்கை போன்ற அண்டை நாடுகள் தங்களது தரவரிசையை மேம்படுத்தியுள்ள நிலையில், இந்தியா தொடர்ந்து “பயங்கரமான” பிரிவில் நீடித்து வருகிறது.

பசியின்மை, குழந்தை வளர்ச்சி குறைபாடு மற்றும் அதிக குழந்தை இறப்பு விகிதங்கள் போன்ற காரணிகளே இதற்கு காரணம் என்று அறிக்கை குறிப்பிடுகிறது.

உலகளவில், 700 மில்லியனுக்கும் அதிகமான மக்கள் தினமும் பசியால் அவதிப்படுகின்றனர், மேலும் கிட்டத்தட்ட 3 பில்லியன் மக்கள் ஆரோக்கியமான உணவை வாங்க முடியவில்லை.

காசா, சூடான் மற்றும் காங்கோ ஜனநாயக குடியரசு போன்ற பகுதிகளில் ஏற்பட்ட போர்கள் உணவு நெருக்கடியை தீவிரப்படுத்தியுள்ளன.

October 13, 2024 at 2:13 pm

இறந்த மகனின் விந்தணுவுக்கு உரிமை கோரும் பெற்றோர்: நீதிமன்றம் வழங்கிய புதிய தீர்ப்பு!

Teadmin
Quick Share

இறந்த மகனின் விந்தணுவுக்கு உரிமை கோரும் பெற்றோரின் மனு மீது டெல்லி உயர்நீதிமன்றம் புதிய தீர்ப்பு ஒன்றை வழங்கியுள்ளது. இந்திய தலைநகரான டெல்லியைச் சேர்ந்தவர் ப்ரீத் இந்தர் சிங் (30). இவருக்கு புற்றுநோய் இருப்பது கண்டறியப்பட்டது. இவர், புற்றுநோய்க்கான கீமோதெரபி சிகிச்சை எடுத்துக்கொள்வதற்கு முன்பாக தனது விந்தணு மாதிரியை உறையவைத்து அதற்கான நிறுவனத்தில் கொடுத்து சேமித்து வைத்துள்ளார்.

ஆனால், சிகிச்சை பலனின்றி ப்ரீத் இந்தர் சிங் உயிரிழந்துள்ளார். இதனால், அவர் சேமித்து வைத்திருந்த விந்தணு மாதிரியை தங்களிடம் ஒப்படைக்க வேண்டும் என்று அவருடைய பெற்றோர் டெல்லி உயர்நீதிமன்றத்தில் வழக்கு தொடர்ந்தனர்.

இந்த வழக்கினை நீதிபதி பிரதீபா சிங் விசாரித்தார். அப்போது அவர், “இறந்த நபரின் விந்தணுவை சொத்தாக பாவிக்க முடியும் என்றும், இந்துமத சொத்துரிமை சட்டத்தின்படி பெற்றோருக்கு மகனின் சொத்தில் முதல் உரிமை உள்ளது என்றும் கூறி இறந்த மகனுடைய விந்தணுவை பெற்றோரிடம் ஒப்படைக்க வேண்டும்” என்று உத்தரவிட்டார்.

இந்த விந்தணுவை பெறும் ப்ரீத் இந்தர் சிங்கின் பெற்றோர், வாடகை தாய் மூலம் குழந்தை திட்டமிட்டுள்ளதாக தெரிகிறது.




You cannot copy content of this Website