Breaking News

இந்தியா

February 8, 2024 at 6:36 am

மதுபோதையால் பறிபோன உயிர்!

Teadmin
Quick Share

இந்திய மாநிலம் கர்நாடகாவில் இளைஞர் ஒருவர் மதுபானம் கேட்டு தகராறு செய்ததால் கல்லால் தாக்கி கொல்லப்பட்டார். கர்நாடக மாநிலம் பல்லாரியை சேர்ந்த கட்டிட தொழிலாளி சுனில். இவர் துமகூருவுக்கு தனது நண்பர்கள் மற்றும் உறவினர்களை காண சென்றுள்ளார். பின்னர் கியாத்தசந்திராவில் உள்ள மதுபான விடுதிக்கு சென்று சுனில் மது அருந்தியுள்ளார். அப்போது குமாரசாமி (28) என்கிற இளைஞரும் அங்கு தன் நண்பர்களுடன் மது அருந்த வந்துள்ளார்.

அவர் சுனிலிடம் பணம் நிறைய இருப்பதை அறிந்து, தனக்கும் தன் நண்பர்களுக்கும் மதுபானம் வாங்கி தரவேண்டும் என்று கேட்டுள்ளார்.

சுனிலும் அவர்களுக்கு மதுபானம் வாங்கிக் கொடுத்துள்ளார். அதன் பின்னர் மாலையில் மீண்டும் அதே மதுபான விடுதிக்கு வந்த சுனிலிடம், மீண்டும் மதுபானம் வாங்கி அருந்தியுள்ளார் குமாரசாமி.

இதனைத் தொடர்ந்து, மூன்றாவது முறையாக சுனிலிடம் சென்று மதுபானமும், சிறிதளவு பணமும் கொடுக்கும்படி குமாரசாமி கேட்டுள்ளார்.

இதனையடுத்து அவரை ரயில் தண்டவாள பகுதிக்கு அழைத்துச் சென்ற சுனில், அங்கு குமாரசாமியை கடுமையாக தாக்கியுள்ளார்.

அத்துடன் கல்லைக் கொண்டு அவரின் முகம், தலையில் பகுதிகளில் சரமாரியாக தாக்கியுள்ளார். இதில் படுகாயம் அடைந்த குமாரசாமி அங்கேயே உயிரிழந்தார்.

இதுகுறித்து தகவல் அறிந்த பொலிஸார் குமாரசாமியின் உடலைக் கைப்பற்றி விசாரணை நடத்தினர். இந்த நிலையில் தப்பியோடிய சுனிலை கைது செய்துள்ள பொலிஸார், அவர் மீது வழக்குப்பதிவு செய்து விசாரணை நடத்தி வருகின்றனர்.

February 1, 2024 at 6:55 am

2023ல் ஊழல் நிறைந்த நாடுகளின் பட்டியல்: இந்தியாவுக்கு எத்தனையாவது இடம்?

Teadmin
Quick Share

2023ம் ஆண்டில் ஊழல் நிறைந்த உலக நாடுகளின் பட்டியல் வெளியிடப்பட்டுள்ளது. செவ்வாய் கிழமை உலகின் ஊழல் நிறைந்த நாடுகளின் தரவரிசை பட்டியல் வெளியிடப்பட்டுள்ளது, இதில் உள்ள பெரும்பாலான நாடுகள் ஊழலுக்கு எதிரான சிறிய அல்லது எத்தகைய நடவடிக்கையும் எடுக்கவில்லை என்பதை சுட்டிக்காட்டியுள்ளது.

டிரான்ஸ்பரன்சி இன்டர்நேஷனல்(Transparency International) வெளியிட்ட 2023 ஊழல் புலனாய்வு குறியீட்டின் (2023 Corruption Perceptions Index) படி, ஊழல் புலனாய்வு குறியீட்டின் உலக சராசரி கடந்த 12 வது ஆண்டாக 43 ல் மாற்றமடையாமல் உள்ளது.

180 நாடுகள் இந்த மதிப்பீட்டில் உட்படுத்தப்பட்ட நிலையில், அதிக ஊழல் நிறைந்த நாடுகள் 0 என்ற மதிப்பு அளவீட்டில் இருந்து சுத்தமான நாடுகள் 100 மதிப்பு என்ற மதிப்பீட்டில் அளவிடப்பட்டுள்ளது. இதில் பங்கு கொண்ட 3ல் 2 பங்கு நாடுகள் 50 மதிப்பெண்களுக்கு கீழ் பெற்றுள்ளனர் என்பது குறிப்பிடத்தக்கது.

ஊழல் குறைவான நாடுகளில் டென்மார்க் 90 மதிப்பெண்களுடன் முதலிடம் பிடித்துள்ளது, இதற்கு இந்த நாட்டில் நல்ல முறையில் செயல்பட்டு வரும் நீதித்துறை முக்கிய காரணமாக பார்க்கப்படுகிறது. இதையடுத்து பின்லாந்து(87), நியூசிலாந்து(85) ஆகிய மதிப்பெண்களுடன் இரண்டாவது மற்றும் 3வது இடத்தை பிடித்துள்ளது.

அதனை தொடர்ந்து சிங்கப்பூர்(84), ஸ்வீடன்(83), சுவிட்சர்லாந்து(82), நெதர்லாந்து(79),ஜெர்மனி(78), என அடுத்தடுத்த இடங்களை பிடித்துள்ளது. உலகின் ஊழல் நிறைந்த நாடுகளின் பட்டியலில் சோமாலியா 11 மதிப்பெண்களுடன் தரவரிசையில் கடைசி இடம் பிடித்துள்ளது, அத்துடன் உலகின் ஊழல் நிறைந்த நாடுகளில் முதலிடம் பிடித்துள்ளது.

இதை தொடர்ந்து வெனிசுலா(13), சிரியா(13), தெற்கு சூடான்(13) மற்றும் ஏமன்(16) ஆகிய மதிப்பெண்களுடன் தரவரிசையில் கடைசியில் பின் தங்கி இருப்பதுடன் மிகவும் ஊழல் நிறைந்த நாடாக உள்ளது.

இந்த தரவரிசையில் இந்தியா 39 மதிப்பெண்களுடன் 93வது இடத்தை பிடித்துள்ளது. இந்தியா கடந்த ஆண்டு 40 மதிப்பெண்களுடன் 85வது இடத்தில் இருந்தது குறிப்பிடத்தக்கது.

அதே சமயம் கடன் மற்றும் அரசியல் நிலையில்லா தன்மை ஆகியவற்றால் பாதிக்கப்பட்டு வரும் பாகிஸ்தான் 29 மதிப்பெண்களுடன் இலங்கை 34 புள்ளிகளுடன் தரவரிசையில் இடம்பிடித்துள்ளனர்.

2023 ஊழல் புலனாய்வு குறியீடு பொதுத் துறை ஊழல் மற்றும் உலக வங்கி, உலகப் பொருளாதார மன்றம், தனியார் இடர் மற்றும் ஆலோசனை நிறுவனங்கள், சிந்தனைக் குழுக்கள் போன்ற 13 மூலங்களிலிருந்து பெறப்பட்ட தரவுகள் மூலம் உருவாக்கப்பட்டுள்ளது.

February 1, 2024 at 6:52 am

“இலங்கை தமிழர்களுக்கும் மகளிர் உரிமை தொகை வழங்கப்படும்” – தமிழக அரசு!

Teadmin
Quick Share

தமிழக முகாம்களில் தங்க வைக்கப்பட்டுள்ள இலங்கை தமிழர் குடும்பத்துப் பெண்களுக்கும் மகளிர் உரிமைத் தொகை வழங்க அரசு முன்வந்துள்ளது. தமிழகத்தில் உள்ள குடும்பத் தலைவிகளுக்கு மாதந்தோறும் ரூ.1000 வழங்கும் கலைஞர் மகளிர் உரிமைத்தொகைத் திட்டத்தை திமுக அமல்படுத்தியது.

அதன்படி கடந்த செப்டம்பர் 15-ம் திகதி முதல் இந்தத் திட்டம் நடைமுறைப்படுத்தப்பட்டுள்ளது. இதன் மூலம் தமிழகத்தில் உள்ள ஒரு கோடியே 15 லட்சம் பெண்கள் மாதந்தோறும் ரூ.1000 உரிமைத் தொகை பெற்று வருகிறார்கள்.

இத்திட்டத்தில் பயன்பெற மேலும் பல லட்சம் பெண்கள் மேல்முறையீடு செய்து காத்திருக்கின்றனர். அதன்படி, மேல்முறையீடு செய்துள்ளவர்களில் சில லட்சம் பேர் தேர்ந்தெடுக்கப்பட்டு அவர்களுக்கும் விரைவில் மகளிர் உரிமைத்தொகை வழங்கப்பட உள்ளது.

இந்நிலையில், தமிழகத்தில் முகாம்களில் வாழும் இலங்கைத் தமிழர்களின் குடும்பத்து பெண்களுக்கும் மகளிர் உரிமைத் தொகை வழங்க தமிழக அரசு முன்வந்துள்ளது.

தமிழகத்தில் 29 மாவட்டங்களில் உள்ள முகாம்களில் 19,487 இலங்கைத் தமிழர்கள் வாழ்ந்து வருகின்றனர்.

அந்தக் குடும்பத்துப் பெண்களுக்கும் மகளிர் உரிமைத்தொகை வழங்கும் வகையில் அவர்களின் வங்கிக் கணக்கு விவரங்கள் தற்போது கோரப்பட்டுள்ளன.

பிப்ரவரி அல்லது மார்ச் முதல், முகாம்களில் வசிக்கும் குடும்பங்களின் குடும்பத் தலைவிகளுக்கும் மகளிர் உரிமைத் தொகை வரவு வைக்கப்படும் என தெரிகிறது.

January 31, 2024 at 6:47 am

இந்தியாவில் பிச்சை எடுப்பதை ஒழிக்க புதிய திட்டம்!

Teadmin
Quick Share

பிச்சை எடுப்பதை முற்றிலும் ஒழிக்க புதிய திட்டத்தை மத்திய அரசு செயல்படுத்தவுள்ளது. இந்தியாவை பிச்சைக்காரர்கள் இல்லாத நாடாக மாற்றும் நோக்கத்தில், பிச்சை எடுக்கும் பெரியவர்கள், குறிப்பாக பெண்கள் மற்றும் குழந்தைகளை இலக்காகக் கொண்டு விரிவான கணக்கெடுப்பு மற்றும் மறுவாழ்வு முயற்சிக்காக நாடு முழுவதும் 30 நகரங்களை மத்திய அரசு அடையாளம் கண்டுள்ளது.

சமூக நீதி மற்றும் அதிகாரமளித்தல் அமைச்சகத்தின் தலைமையில் இந்த திட்டம் செயல்படுத்தப்படும். 2026க்குள் இந்த நகரங்களில் பிச்சை எடுக்கும் Hotspotகளை கண்டறிந்து அவற்றை நிவர்த்தி செய்வதில் இது மாவட்ட மற்றும் நகராட்சி அதிகாரிகளை ஆதரிக்கும்.

அமைச்சகத்தின் இந்த கூட்டுத் திட்டமானது ‘வாழ்வாதாரம் மற்றும் தொழில்களுக்கான விளிம்புநிலை தனிநபர்களுக்கான ஆதரவு’ (SMILE) என்று பெயரிடப்பட்டுள்ளது. வடக்கே அயோத்தியில் இருந்து கிழக்கில் கவுகாத்தி வரையிலும், மேற்கில் திரிம்பகேஷ்வர் முதல் தெற்கே திருவனந்தபுரம் வரையிலும், இந்த நகரங்கள் அவற்றின் மத, வரலாற்று அல்லது சுற்றுலா முக்கியத்துவத்தின் அடிப்படையில் தேர்ந்தெடுக்கப்பட்டுள்ளன.

இந்த திட்டத்தை திறம்பட செயல்படுத்தவும், ஒவ்வொரு கட்டத்திலும் கண்காணிக்கவும், மத்திய அரசு பிப்ரவரி நடுப்பகுதியில் national portal மற்றும் mobile appயும் அறிமுகப்படுத்தியுள்ளது. இந்த App பிச்சை எடுக்கும் நபர்களின் நிகழ்நேர தரவு புதுப்பிப்புகளை வழங்க உதவும். அதனுடன், பிச்சை எடுக்கும் தொழிலில் ஈடுபடும் நபர்களின் தகவல்களை ஒருங்கிணைக்க உதவும்.

25 நகரங்களில் இருந்து செயல் திட்டங்கள் ஏற்கனவே பெறப்பட்டுள்ளன. காங்க்ரா, கட்டாக், உதய்பூர் மற்றும் குஷிநகரில் இருந்து ஒப்புதல் நிலுவையில் உள்ளது. குறிப்பாக Sanchi நகர அதிகாரிகள் தங்கள் பகுதியில் பிச்சை எடுக்கும் சம்பவங்கள் எதுவும் பதிவாகவில்லை. இதனால் சாஞ்சிக்கு பதிலாக வேறு நகரம் தேர்வு செய்யப்பட வாய்ப்பு உள்ளது. மறுபுறம் கோழிக்கோடு, விஜயவாடா, மதுரை மற்றும் மைசூர் நகரங்களில் ஏற்கனவே கணக்கெடுப்பு முடிந்துவிட்டது.

இத்திட்டத்தின் செயலாக்க விவரங்கள் பல்வேறு நிலைகளில் உள்ளன. முதற்கட்டமாக ஒரு கணக்கெடுப்பும், அதைத் தொடர்ந்து அடையாளம் கண்டு பிச்சைக்காரர் மீட்பு மற்றும் மறுவாழ்வு அளிக்கப்படும். மறுவாழ்வின் போது அவர்களுக்கு கல்வி, திறன் மேம்பாடு மற்றும் முக்கிய சமூகத்தில் ஒருங்கிணைக்க வேலை வாய்ப்புகள் வழங்கப்படுகின்றன.

சமர்ப்பிக்கப்பட்ட செயல் திட்டங்களின் அடிப்படையில் செயல்படுத்தும் மாவட்ட மற்றும் நகராட்சி அதிகாரிகளுக்கு நிதி விடுவிக்கப்படுகிறது, இந்த முயற்சியை வெற்றிகரமாக செயல்படுத்த போதுமான ஆதாரங்கள் ஏற்கனவே திரட்டப்பட்டுள்ளன.

January 31, 2024 at 6:40 am

இந்திய ரயில்வே நிர்வாகத்தின் புதிய அறிவிப்பு!

Teadmin
Quick Share

ரயிலில் இனிமேல் லோயர் பர்த் ஒதுக்கீட்டில் இவர்களுக்கு முன்னிரிமை அளிக்கப்படும் என்று இந்திய ரயில்வே நிர்வாகம் தெரிவித்துள்ளது. ரயிலில் Lower Berth ஒதுக்குவதில் இனி விதிமுறைகள் கடைபிடிக்கப்படும் என்று இந்திய ரயில்வே நிர்வாகம் தெரிவித்துள்ளது.

அதன்படி, Lower Berth -ல் கர்ப்பிணி பெண்கள், வயதானவர்கள், மாற்றுத்திறனாளிகள் ஆகியோர்களுக்கு முன்னுரிமை அளிக்கப்படும் என்று தெரிவிக்கப்பட்டுள்ளது.

அதுமட்டுமல்லாமல், Lower Berth -ல் கர்ப்பிணி பெண்கள், வயதானவர்கள், மாற்றுத்திறனாளிகள் இருக்கும் போது Middle Birth -ல் உள்ளவர்கள் 10 மணிக்கு பின் தான் தூங்க செல்ல வேண்டும். அதுவரைக்கும் Lower Berth -ல் உள்ளவருடன் அமர வேண்டும். 10 மணிக்கு முன்னர் Middle berth -ல் உள்ளவர்கள் தூங்க முடியாது.

ஆனால், Lower Berth -ல் உள்ளவர்கள் தூங்க அனுமதித்தால் தாராளமாக தூங்கிக் கொள்ளலாம். இல்லையென்றால் 10 மணி வரை காத்திருக்க வேண்டும் என்று ரயில்வே நிர்வாகம் அறிவித்துள்ளது.

இதனிடையே, Upper Berth -ல் உள்ளவர்களுக்கு எந்தவித பிரச்சனையும் கிடையாது. அவர்கள் எப்போது வேண்டுமானாலும் தூங்கிக் கொள்ளலாம். அதே போல 10 மணிக்கு மேலே லைட்டை எரியவிடக் கூடாது என்றும் கூறப்பட்டுள்ளது. ரயில்வேயின் இந்த அறிவிப்பை பலரும் வரவேற்றுள்ளனர்.

January 29, 2024 at 7:06 pm

புவனகிரிக்கு வரும் குடியரசு துணைத் தலைவர்: மீண்டும் ஒரு சர்ச்சை!

Teadmin
Quick Share

இந்திய நாட்டின் குடியரசு துணைத் தலைவர் ஜெகதீப் தன்கர் திங்கட்கிழமை அன்று காலை தனி ஹெலிகாப்டர் மூலம் சிதம்பரம் நடராஜர் கோவில், பரங்கிப்பேட்டையில் உள்ள பாபாஜி கோயில், புவனகிரியில் உள்ள எல்லையம்மன் கோவில் உள்ளிட்ட இடங்களுக்குச் சென்று வழிபாடு செய்கிறார். இதனைத் தொடர்ந்து சிதம்பரம், புவனகிரி உள்ளிட்ட பகுதிகளில் பலத்த காவல்துறையினர் பாதுகாப்பு பணியில் ஈடுபட்டுள்ளனர்.

இந்த நிலையில் புவனகிரியில் உள்ள எல்லையம்மன் கோவில் பொது கோவிலாகும் இதனை பாஜக பிரமுகரான சீனிவாசன் என்பவர் அந்த இடத்தை ஆக்கிரமிப்பு செய்து வர்மக்கலை சித்த மருத்துவம் உள்ளிட்ட வைத்திய முறைகளை செய்து வருகிறார். இவரிடம் பிஜேபி பிரமுகர்கள் பலர் இங்கு வந்து ரகசியமாக சிகிச்சை பெற்று சென்றுள்ளதாக அப்பகுதியில் உள்ள பொதுமக்கள் கூறுகின்றனர்.இந்த நிலையில் இந்திய குடியரசு துணைத் தலைவர் இந்த கோவிலுக்கு வருவது சர்ச்சையை ஏற்படுத்தியுள்ளது.இதுகுறித்து மார்க்சிஸ்ட் கம்யூனிஸ்ட் கட்சியின் புவனகிரி ஒன்றிய செயலாளர் ஸ்டாலின் கூறுகையில், ”புவனகிரி நகருக்கு துணை ஜனாதிபதி வருகை என்பது வரவேற்கத்தக்கது. பெருமைக்குரியது என்பதில் மாற்றுக் கருத்து இல்லை வரவேற்கிறோம்.அதே நேரத்தில் இந்த கோவிலில் பொதுமக்களை வழிபட விடாமல் தடுப்பதற்கு அப்பகுதியில் உள்ள பொதுமக்கள் எதிர்ப்பு தெரிவித்து வருகின்றனர். மேலும் இந்த கோவிலை ஒட்டியுள்ள 3 ஏக்கர் நிலத்தை இவர் ஆக்கிரமிப்பு செய்து வைத்துள்ளார் என்றும், இந்த கோவிலை உள்ளே யாரும் வழிபட அனுமதிப்பதில்லை என்பதால் சிதம்பரம் சப் கோர்ட்டில் வழக்கு எண் 14 /2020 வழக்கு உள்ளது. வரும் பிப்ரவரி 13ஆம் தேதி இந்த வழக்கு விசாரணைக்கு வருகிறது. துணை ஜனாதிபதி வணங்க வரும் எல்லையம்மன் ஆலயம் ஒருநாளும் பொதுமக்கள் நுழைவதற்கு அனுமதிக்கப்படுவதில்லை.எல்லையம்மன் ஆலயம் உள்ள சொத்தின் மீது வழக்கு நிலுவையில் உள்ள நிலையில் துணை ஜனாதிபதி வருகை என்பது நீதியை நிலை நாட்ட முடியுமா? நீதியை மூடி மறைக்க உதவுமா? என்பதில் சந்தேகம் எழுகிறது. பொதுமக்கள் தெய்வ வழிபாடு செய்ய முடியாத ஆலயம்! பாமரன் நுழைய முடியாத ஆலயத்திற்கு ஒரு வார காலமாக அரசு இயந்திரங்கள் முழு வீச்சில் வேலை செய்வதும் அதற்காக அரசின் பணம் செலவிடப்படுவதும், அரசு ஊழியர்களையும் காவலர்களையும் இரவு முழுக்க தூக்கம் இன்றி வேலை வாங்குவதும் மாவட்ட நிர்வாகத்திற்கும் அரசிற்கும் அழகல்ல.புவனகிரி பகுதியில் மக்கள் குறைகளும் கோரிக்கைகளும் பல இருந்தும் அந்த குறைகளை தீர்க்க நிதி இல்லை என சொல்லும் பேரூராட்சி நிர்வாகம் நெடுஞ்சாலைத்துறை, பொதுப்பணித்துறை ஆகிய துறைகள் தனிநபரின் ஆக்கிரமிப்பு இடத்திற்கு லட்சக்கணக்கில் செலவிடுவது நியாயமா? துணை ஜனாதிபதியின் பாதுகாப்பு என்பது முக்கியமானது அதேபோல் சாமானிய மனிதனின் உயிரும் முக்கியமானது.புவனகிரி நகரில் விபத்துகளை தடுக்க போடப்பட்ட வேகத்தடைகள் அனைத்தும் உடைத்தெறியப்பட்டு அப்புறப்படுத்தப்பட்டுள்ளது. இதனால் இடைப்பட்ட காலங்களில் விபத்துகள் ஏற்பட்டால் யார் பொறுப்பேற்பது. இந்த ஆலயத்திற்கு துணை ஜனாதிபதி வருவதன் மூலம் தனிநபர் வழிபடும் ஆலயம் அரசுடமை ஆக்கப்பட்டு பாமரனும் வணங்கிட வழி பிறக்குமா? அரசு செய்த செலவிற்கும் பணிகளுக்கும் பலன் கிடைக்குமா’ எனக் கூறினார். இதனால் புவனகிரிக்கு குடியரசு துணைத் தலைவர் வருகைக்கு எதிராக சமூக வலைதளத்தில் சர்ச்சை எழுந்துள்ளது.

January 29, 2024 at 7:00 pm

இந்தியாவில் பிச்சை எடுப்பதை ஒழிக்க புதிய திட்டம்!

Teadmin
Quick Share

இந்தியாவில் பிச்சை எடுப்பதை முற்றிலும் ஒழிக்க புதிய திட்டத்தை மத்திய அரசு செயல்படுத்தவுள்ளது. இந்தியாவை பிச்சைக்காரர்கள் இல்லாத நாடாக மாற்றும் நோக்கத்தில், பிச்சை எடுக்கும் பெரியவர்கள், குறிப்பாக பெண்கள் மற்றும் குழந்தைகளை இலக்காகக் கொண்டு விரிவான கணக்கெடுப்பு மற்றும் மறுவாழ்வு முயற்சிக்காக நாடு முழுவதும் 30 நகரங்களை மத்திய அரசு அடையாளம் கண்டுள்ளது.

சமூக நீதி மற்றும் அதிகாரமளித்தல் அமைச்சகத்தின் தலைமையில் இந்த திட்டம் செயல்படுத்தப்படும். 2026க்குள் இந்த நகரங்களில் பிச்சை எடுக்கும் Hotspotகளை கண்டறிந்து அவற்றை நிவர்த்தி செய்வதில் இது மாவட்ட மற்றும் நகராட்சி அதிகாரிகளை ஆதரிக்கும்.அமைச்சகத்தின் இந்த கூட்டுத் திட்டமானது ‘வாழ்வாதாரம் மற்றும் தொழில்களுக்கான விளிம்புநிலை தனிநபர்களுக்கான ஆதரவு’ (SMILE) என்று பெயரிடப்பட்டுள்ளது. வடக்கே அயோத்தியில் இருந்து கிழக்கில் கவுகாத்தி வரையிலும், மேற்கில் திரிம்பகேஷ்வர் முதல் தெற்கே திருவனந்தபுரம் வரையிலும், இந்த நகரங்கள் அவற்றின் மத, வரலாற்று அல்லது சுற்றுலா முக்கியத்துவத்தின் அடிப்படையில் தேர்ந்தெடுக்கப்பட்டுள்ளன.இந்த திட்டத்தை திறம்பட செயல்படுத்தவும், ஒவ்வொரு கட்டத்திலும் கண்காணிக்கவும், மத்திய அரசு பிப்ரவரி நடுப்பகுதியில் national portal மற்றும் mobile appயும் அறிமுகப்படுத்தியுள்ளது. இந்த App பிச்சை எடுக்கும் நபர்களின் நிகழ்நேர தரவு புதுப்பிப்புகளை வழங்க உதவும். அதனுடன், பிச்சை எடுக்கும் தொழிலில் ஈடுபடும் நபர்களின் தகவல்களை ஒருங்கிணைக்க உதவும்.25 நகரங்களில் இருந்து செயல் திட்டங்கள் ஏற்கனவே பெறப்பட்டுள்ளன. காங்க்ரா, கட்டாக், உதய்பூர் மற்றும் குஷிநகரில் இருந்து ஒப்புதல் நிலுவையில் உள்ளது. குறிப்பாக Sanchi நகர அதிகாரிகள் தங்கள் பகுதியில் பிச்சை எடுக்கும் சம்பவங்கள் எதுவும் பதிவாகவில்லை. இதனால் சாஞ்சிக்கு பதிலாக வேறு நகரம் தேர்வு செய்யப்பட வாய்ப்பு உள்ளது. மறுபுறம் கோழிக்கோடு, விஜயவாடா, மதுரை மற்றும் மைசூர் நகரங்களில் ஏற்கனவே கணக்கெடுப்பு முடிந்துவிட்டது.இத்திட்டத்தின் செயலாக்க விவரங்கள் பல்வேறு நிலைகளில் உள்ளன. முதற்கட்டமாக ஒரு கணக்கெடுப்பும், அதைத் தொடர்ந்து அடையாளம் கண்டு பிச்சைக்காரர் மீட்பு மற்றும் மறுவாழ்வு அளிக்கப்படும். மறுவாழ்வின் போது அவர்களுக்கு கல்வி, திறன் மேம்பாடு மற்றும் முக்கிய சமூகத்தில் ஒருங்கிணைக்க வேலை வாய்ப்புகள் வழங்கப்படுகின்றன.சமர்ப்பிக்கப்பட்ட செயல் திட்டங்களின் அடிப்படையில் செயல்படுத்தும் மாவட்ட மற்றும் நகராட்சி அதிகாரிகளுக்கு நிதி விடுவிக்கப்படுகிறது, இந்த முயற்சியை வெற்றிகரமாக செயல்படுத்த போதுமான ஆதாரங்கள் ஏற்கனவே திரட்டப்பட்டுள்ளன.

January 24, 2024 at 6:29 am

கழிவறையில் மாட்டிக்கொண்ட பயணி: மன்னிப்பு கேட்ட முன்னணி விமான நிறுவனம்!

Teadmin
Quick Share

மும்பையில் இருந்து பெங்களூரு செல்லும் SpiceJet விமானம் SG-268ல் பயணி ஒருவர் கழிவறையில் சிக்கிக்கொண்டார். அவர் விமானத்தின் கழிவறையில் அமர்ந்து சுமார் 100 நிமிட பயணத்தை முடிக்க வேண்டியிருந்தது. தற்போது இந்த விவகாரத்தில் விமான நிறுவனம் மன்னிப்பு கேட்டுள்ளது.

அசௌகரியத்தை எதிர்கொள்ளும் எந்தவொரு பயணிக்கும் SpiceJet முழுப் பணத்தையும் திரும்ப வழங்கும். இச்சம்பவம் நேற்று (செவ்வாய்க்கிழமை) இடம்பெற்றுள்ளது.

அதிகாலை 2 மணிக்கு விமானம் புறப்பட்ட பிறகு, பயணி ஒருவர் கழிவறைக்கு சென்றுள்ளார். கழிவறைக்குச் சென்ற பிறகு அந்த நபர் கதவைப் பூட்டிவிட்டார்.

ஆனால் அப்போது கதவு திறக்கப்படவில்லை. விமானத்தில் ஏற்பட்ட தொழில்நுட்ப கோளாறு காரணமாக, அந்த நபர் சுமார் 100 நிமிடம் கழிவறையில் சிக்கிக் கொண்டார். அத்தகைய சூழ்நிலையில், பயணி தனது முழு பயணத்தையும் கழிவறையில் அமர்ந்து பயணிக்க வேண்டியிருந்தது.

ஆனால் அப்போது கதவு திறக்கப்படவில்லை. விமானத்தில் ஏற்பட்ட தொழில்நுட்ப கோளாறு காரணமாக, அந்த நபர் சுமார் 100 நிமிடம் கழிவறையில் சிக்கிக் கொண்டார். அத்தகைய சூழ்நிலையில், பயணி தனது முழு பயணத்தையும் கழிவறையில் அமர்ந்து பயணிக்க வேண்டியிருந்தது.

கழிவறையில் சிக்கிய பயணிக்கு உதவ பணியாளர்கள் அங்கு வந்தனர். பணியாளர்களும் மற்ற பயணிகளும் கதவை வெளியில் இருந்து திறக்க முயன்றனர். ஆனால் அவரது முயற்சிகள் அனைத்தும் வீணாகின.

கையால் குறிப்பு ஒன்றை எழுதி அந்த மனிதனின் தைரியத்தை அதிகரிக்கச் செய்தார். அந்தக் குறிப்பில், ‘ஐயா, நாங்கள் எங்களால் முடிந்தவரை கதவைத் திறக்க முயற்சித்தோம், ஆனால் முடியவில்லை. கவலைப்பட வேண்டாம், இன்னும் சற்று நேரத்தில் நாம் தரை இறங்கி விடுவோம்” என்று குறிப்பிட்டு இருந்தனர்.

மேலும் இந்த குறிப்பில், பயணி கமோடின் மூடியை மூடிவிட்டு அதன் மீது உட்காருமாறும், பொறியாளர்கள் கதவைத் திறக்கும் வரை தன்னைப் பாதுகாத்துக் கொள்ளுமாறும் அறிவுறுத்தப்பட்டார்.

பெங்களூரு கெம்பேகவுடா சர்வதேச விமான நிலையத்தில் அதிகாலை 3.42 மணிக்கு விமானம் தரையிறங்கியதும், பொறியாளர்கள் விமானத்தை அடைந்தனர்.

அப்போது நேரத்தை வீணடிக்காமல் கழிவறையில் சிக்கிய பயணியை வெளியே எடுப்பதற்காக கதவு உடைக்கப்பட்டது. இந்த சம்பவம் குறித்து ஸ்பைஸ்ஜெட் நிறுவனம் இதுவரை எந்த அறிக்கையும் வெளியிடவில்லை. பயணி யார் என்ற விவரமும் வெளியாகவில்லை.

January 24, 2024 at 6:22 am

மணப்பெண் கிடைக்காததால் இளைஞர் எடுத்த விபரீத முடிவு!

Teadmin
Quick Share

திருமணமாகவில்லை என்ற விரக்தியில் இளைஞர் ஒருவர் விஷம் அருந்தி தற்கொலை செய்து கொண்ட சம்பவம் சோகத்தை ஏற்படுத்தியுள்ளது. இந்திய மாநிலமான கர்நாடகா, பெங்களூருவில் விஜயநகர் மாவட்டம் குட்லிகி தாலுகாவைச் சேர்ந்தவர் மதுசூதன்(27). இவர், பல மாதங்களாக தனக்கு மணப்பெண் தேடும் பணியில் ஈடுபட்டு வந்துள்ளார். இந்நிலையில், மூன்று மணப்பெண்களை மதுசூதன் பார்த்துள்ளார்.

ஆனால், நடத்தையின் காரணமாக, அந்த மூன்று மணப்பெண்களும் திருமணம் செய்ய முடியாது என்று கூறியுள்ளனர். இதனால், மதுசூதன் மதுவுக்கு அடிமையானார் எனவும் கூறப்படுகிறது.

அப்போது, அவரது உறவினர்கள் மதுவை நிறுத்திவிட்டு வேலையில் கவனம் செலுத்துமாறு கூறியுள்ளனர் ஆனால், மணமகள் கிடைக்காத விரக்தியில் மதுசூதன் தொடர்ந்து குடித்துள்ளார்.

இந்நிலையில், ஜனவரி 5 -ம் திகதி விஷம் அருந்தி மதுசூதன் மயங்கி விழுந்துள்ளார். அதனை பார்த்த அக்கம் பக்கத்தினர் அவரை மீட்டு மருத்துவமனையில் சிகிச்சைக்கு சேர்த்தனர். அங்கு அவரை பரிசோதித்த மருத்துவர்கள் விஜயநகர் மருத்துவ அறிவியல் கழகத்தில் (விம்ஸ்) சிகிச்சைக்கு அனுப்பி வைத்தனர்.

அங்கு, அவருக்கு தொடர் சிகிச்சைக்கு அளிக்கப்பட்டு வந்தது. இந்நிலையில், நேற்று இரவு மதுசூதன் சிகிச்சை பலனின்றி உயிரிழந்தார்.

இதுகுறித்து வழக்குப்பதிவு செய்த பொலிஸார் அவரின் உடலை மீட்டு பிரேத பரிசோதனை செய்ய அனுப்பி வைத்தனர். இச்சம்பவம் பெரும் சோகத்தை ஏற்படுத்தியுள்ளது.

January 23, 2024 at 10:53 am

2000 ரூபாய் நோட்டுகள் குறித்து ரிசர்வ் வங்கி முக்கிய அறிவிப்பு!

Teadmin
Quick Share

நீங்கள் இன்னும் 2000 ரூபாய் நோட்டை மாற்றவில்லை என்றால், அதை மாற்றப் போகிறீர்கள் என்றால், இந்த செய்தி உங்களுக்கு பயனுள்ளதாக இருக்கும். இந்திய ரிசர்வ் வங்கி 2000 ரூபாய் நோட்டுகள் குறித்து முக்கிய அறிவிப்பு ஒன்றை வெளியிட்டுள்ளது. இரண்டாயிரம் ரூபாய் நோட்டுகளை மாற்றும், டெபாசிட் செய்யயும் வசதி வரும் 22ம் திகதி அன்று இருக்காது என இந்திய ரிசர்வ் வங்கியின் (RBI) தெரிவித்துள்ளது.

அயோத்தியில் உள்ள ராமர் கோவில் திறக்கும் தினமான 22ம் திகதி (திங்கட்கிழமை), பொதுத்துறை வங்கிகள், காப்பீட்டு நிறுவனங்கள் மற்றும் பிராந்திய கிராமப்புற வங்கிகளுக்கு அரை நாள் விடுமுறை என்று மத்திய நிறுவனங்கள் மற்றும் மத்திய தொழில் நிறுவனங்கள் தொடர்பாக பணியாளர் மற்றும் பயிற்சித் துறை உத்தரவு பிறப்பித்துள்ளது.

இந்நிலையில், ரிசர்வ் வங்கி வெளியிட்ட அறிக்கையில், “இந்திய அரசு அறிவித்த அரை நாள் விடுமுறையின் காரணமாக, ஜனவரி 22, திங்கட்கிழமை இந்திய ரிசர்வ் வங்கியின் 19 வெளியீட்டு அலுவலகங்களில் 2,000 ரூபாய் நோட்டுகளை மாற்றும்/டெபாசிட் செய்யும் வசதி இருக்காது” மத்திய வங்கி ஒரு அறிக்கையில் தெரிவித்துள்ளது.

இந்த வசதி ஜனவரி 23 செவ்வாய்கிழமை மீண்டும் தொடங்கும் என்று ரிசர்வ் வங்கி கூறியது.

கடந்த ஆண்டு மே 19-ம் திகதி ரிசர்வ் வங்கி ரூ.2,000 நோட்டுகளை திரும்பப் பெறுவதாக அறிவித்தது.

இதற்காக வாடிக்கையாளர்களுக்கு இந்த நோட்டுகளை வங்கிகளில் டெபாசிட் செய்யவோ அல்லது மாற்றிக் கொள்ளவோ ​​செப்டம்பர் 30-ம் திகதி வரை வசதி செய்யப்பட்டது.

இதையடுத்து, ஜூலை 31ம் திகதி வரை ரூ.3.14 லட்சம் கோடி மதிப்பிலான ரூ.2,000 நோட்டுகள் வங்கிகளுக்கு திரும்பி வந்துன.

தற்போது ரூ.42,000 கோடி மதிப்புள்ள ரூ.2,000 நோட்டுகள் மட்டுமே புழக்கத்தில் உள்ளன. இந்த நோட்டுகளை திரும்பப் பெறுவதாக ரிசர்வ் வங்கி அறிவித்தபோது, ​​ரூ.3.56 லட்சம் கோடி மதிப்புள்ள நோட்டுகள் புழக்கத்தில் இருந்தன.

January 23, 2024 at 10:49 am

அம்பானி-நீதா தம்பதி அயோத்தி ராமருக்கு 33 கிலோ எடையில் தங்க-வைர கிரீடங்கள் கொடுத்தார்களா?

Teadmin
Quick Share

அயோத்தி பால ராமருக்கு ஆசியாவின் மிகப்பாரிய பணக்காரரான முகேஷ் அம்பானியும், நீதா அம்பானியும் பல கோடி ரூபாய் பரிசளித்துள்ளதாக ஊடகங்களில் ஒரு செய்தி உலா வருகிறது. இந்த தகவல் குறித்த உண்மைத்தன்மையை இங்கே தெரிந்துகொள்ளலாம்.

அயோத்தியில் ராமர் கோவில் பிரமாண்ட விழா நேற்று நடைபெற்றது. இந்த விழாவில் நாட்டின் அனைத்து மூலைகளிலிருந்தும் பல VVIPக்கள், திரையுலக நட்சத்திரங்கள், பிரபல தொழிலதிபர்கள், கிரிக்கெட் நட்சத்திரங்கள், சாதுக்கள் ஆகியோர் நேரில் கலந்துகொண்டனர். மேலும், பல பணக்கார தொழிலதிபர்கள் ஸ்ரீராமருக்கு சிறப்பு பரிசுகளை வழங்கினர்.

அதேபோல் தற்போது முகேஷ் அம்பானியும், அவரது மனைவி நீதா அம்பானியும் 33 கிலோ தங்கத்தை பயன்படுத்தி உருவாக்கப்பட்ட 3 கிரீடங்களை அயோத்தி ராமர் கோயிலுக்கு வழங்கியதாக சமூக வலைதளங்களில் தகவல் பரவி வருகிறது.

ஆனால் இந்த விவகாரத்தின் உண்மைத்தன்மை குறித்து ராம ஜென்மபூமி தீர்த்த க்ஷேத்ரா அறக்கட்டளையை பிரபல ஊடகமொன்று தொடர்பு கொண்டு கேட்டபோது, ​​இந்த விவகாரம் உண்மைக்குப் புறம்பானது என்று தெரிய வந்தது.

நீதா உட்பட முகேஷ் அம்பானியின் குடும்பத்தினர் யாரும் இதுபோன்ற அன்பளிப்பை வழங்கவில்லை என்பதை ராமஜன்மபூமி உறுதி செய்துள்ளது. மேலும், கோவிலுக்கு நன்கொடை வழங்கியவர்கள் பட்டியலில் அவரது பெயர் இல்லை என்றும் தெரிய வந்துள்ளது.

ஆனால் இந்த ஆடம்பர விழாவில் நீதா அம்பானி மற்றும் முகேஷ் அம்பானியின் முழு குடும்பமும் ஈடுபட்டது, நீதா அம்பானியும் அவரது கணவர் முகேஷ் அம்பானியும் ஒன்றாக வந்தனர். நிதா அம்பானி தனது வழக்கமான பாரம்பரிய உடையான புடவையில் தனது கணவருடன் வந்து கவனத்தை ஈர்த்தார்.

அவர்களின் மகள் இஷா அம்பானி தனது கணவர் கவுதம் பிரமலுடன் வந்தார். ஆகாஷ் அம்பானியும் தனது மனைவி ஷ்லோகா அம்பானியுடன் இந்த மங்கள நிகழ்ச்சிக்கு வந்திருந்தார்.

மேலும், அயோத்தியில் ராமர் கோவில் திறப்பு விழாவையொட்டி, அம்பானி அடுக்குமாடி குடியிருப்பு ஆன்டிலியா விளக்குகளால் கலைநயத்துடன் அலங்கரிக்கப்பட்டிருந்தது.

January 21, 2024 at 6:35 am

மாதம் மட்டுமே ரூ.2 கோடி நன்கொடை.., அயோத்தி கோயிலுக்கு பணத்தை அள்ளிக்கொடுக்கும் பக்தர்கள்

Teadmin
Quick Share

அயோத்தி ராமர் கோயில் திறப்பு விழாவை முன்னிட்டு பக்தர்கள் வழங்கும் நன்கொடைகள் தொடர்ந்து அதிகரித்து வருகின்றது.

ராமர் கோயில் திறப்பு விழா

பெரும் சர்ச்சைக்கு மத்தியிலும், பெரும் எதிர்பார்ப்புக்கு மத்தியிலும் அயோத்தி ராமர் கோயில் திறப்பு விழா வரும் ஜனவரி 22 -ம் திகதி நடைபெற உள்ளது. அப்போது, ராமர் கோயிலின் கருவறையில் ராமர் சிலையை இந்திய பிரதமர் நரேந்திர மோடி நிறுவ உள்ளார்.

இந்நிலையில், கடந்த மூன்று ஆண்டுகளாக தங்களால் முடிந்த உதவிகளை கோயிலுக்கு பக்தர்கள் வழங்கி வருகின்றனர். அதன்படி, கிட்டத்தட்ட ரூ.5,000 கோடியை எட்டியுள்ளது. இந்த நிதியானது அறக்கட்டளையின் வங்கிக்கணக்கில் டெபாசிட் செய்யப்படுகிறது. 

நன்கொடை

ராமர் கோவில் அறக்கட்டளை தினமும் ரூ.3 லட்சம் முதல் ரூ.4 லட்சம் வரையில் நன்கொடையை பெறுவதாக தகவல்கள் தெரிவித்துள்ளன. அதன்படி, மாதம் சுமார் ரூ.1.5 முதல் ரூ.2 கோடி வரை நன்கொடையாக பெறுகிறது.

முன்பு, பக்தர்கள் நன்கொடை அளித்த பணத்தை கையால் எண்ணி வந்தனர். ஆனால், தற்போது நன்கொடை எண்ணிக்கை அதிகரித்ததால் பணத்தை எண்ணும் மெஷின்களை அறக்கட்டளை பயன்படுத்த தொடங்கி உள்ளது. 

அதுமட்டுமல்லாமல், ஆன்லைன், செக் மற்றும் ரொக்கம் உள்ளிட்ட பல வழிகள் மூலம் பக்தர்களிடம் இருந்து நன்கொடைகளை பெறுகின்றனர். இதை தவிர ராமர் கோவில் அறக்கட்டளையின் வங்கிக் கணக்கிலும் NRI-க்கள் மூலம் நன்கொடைகள் கிடைக்கின்றன. 




You cannot copy content of this Website