Breaking News

இந்தியா

June 19, 2024 at 11:33 am

ஒரே நேரத்தில் 50 மருத்துவமனைகளுக்கு வெடிகுண்டு மிரட்டல்!

Teadmin
Quick Share

மும்பையில் 50 மருத்துவமனைகளுக்கு ஒரே நேரத்தில் வெடிகுண்டு மிரட்டல் விடுக்கப்பட்ட சம்பவம் பரபரப்பை ஏற்படுத்தியிருக்கிறது. ஏற்கனவே இந்தியாவில் உள்ள 50 விமான நிலையங்களுக்கு வெடிகுண்டு மிரட்டல் விடுக்கப்பட்டிருந்தது. ஆனால் காவல்துறை விசாரணையில் அவை அனைத்தும் புரளி என தெரிய வந்தது. இந்தநிலையில் தற்போது மும்பையில் 50க்கும் மேற்பட்ட மருத்துவமனைகளுக்கு ஒரே நேரத்தில் மின்னஞ்சல் மூலம் வெடிகுண்டு மிரட்டல் விடுக்கப்பட்டுள்ளது.

ஜஸ்லோக், ரஹேஜா, செவன் ஹில் உள்ளிட்ட மருத்துவமனைகளுக்கு ஈமெயிலில் வெடிகுண்டு மிரட்டல் வந்ததாக கூறப்படுகிறது. முதற்கட்ட தகவல் படி மருத்துவமனையின் படுக்கைகள், குளியலறைகளில் வெடிகுண்டு உள்ளதாக சைப்ரஸ் நாட்டிலிருந்து வெடிகுண்டு விரட்டில் வந்திருப்பதாகவும், மின்னஞ்சல் மூலம் வெடிகுண்டு மிரட்டல் விடுத்தவர் குறித்து விசாரித்து வருவதாகவும் மும்பை போலீசார் தெரிவித்துள்ளனர்.

June 18, 2024 at 12:08 pm

மேற்குவங்க ரயில் விபத்துக்கு காரணம் இது தான்!

Teadmin
Quick Share

மேற்குவங்க மாநிலத்தில் பயணிகளின் ரயில் மீது சரக்கு ரயில் மோதிய விபத்துக்கான காரணம் வெளியாகி அதிர்ச்சியை ஏற்படுத்தியுள்ளது. மேற்குவங்க மாநிலத்தில் டார்ஜிலிங் மாவட்டத்தில் இன்று காலை 8 மணிக்கு பயணிகளின் ரயில் மீது சரக்கு ரயில் மோதி விபத்து ஏற்பட்டுள்ளது. அசாம் மாநிலத்தில் உள்ள சில்சார் ரயில் நிலையத்தில் இருந்து கொல்கத்தா நோக்கி சென்று கொண்டிருந்த கஞ்சன்ஜங்கா விரைவு ரயில் மீது பின்னால் வந்துகொண்டிருந்த சரக்கு ரயில் மோதி பெரும் விபத்து ஏற்பட்டது.

இந்த விபத்தில் பயணிகள் ரயிலில் உள்ள 5 பெட்டிகள் தடம் புரண்டதால் பயணிகள் அலறியடித்து ஓடினர். இந்த விபத்தில் 15 பேர் உயிரிழந்ததாகவும், 25 -க்கும் மேற்பட்டோர் காயமடைந்துள்ளதாகவும் முதற்கட்ட தகவல் வெளியாகியுள்ளது.

இந்த விபத்திற்கு முக்கிய காரணம் என்னவென்று பார்த்தால் சிக்னலில் சரக்கு ரயில் நிற்காமல் போனது என்று முதற்கட்ட விசாரணையில் தெரியவந்துள்ளது.

அதோடு, உயிரிழப்புகள் அதிகமாகலாம் என்றும் அதிகாரிகள் கூறியுள்ளனர். ரயில் விபத்தால் அப்பகுதியில் ரயில் சேவை தற்காலிகமாக நிறுத்தப்பட்டுள்ளது.

இந்த கோர விபத்திற்கு இந்திய பிரதமர் மோடி, குடியரசுத்தலைவர் உள்பட அரசியல் தலைவர்கள் இரங்கல் தெரிவித்து வருகின்றனர்.

June 17, 2024 at 12:04 pm

இந்தியாவில் அசைவ உணவு அதிகம் சாப்பிடும் மாநிலம்!

Teadmin
Quick Share

இந்தியாவில் அதிகம் அசைவம் சாப்பிடும் மாநிலங்களின் பட்டியலில் கேரளா முதலிடம் பிடித்துள்ளது. தேசிய மாதிரி கணக்கெடுப்பு அலுவலகம் (NSSO) நடத்திய புதிய கணக்கெடுப்பு, இந்தியா முழுவதும் உள்ள உணவுப் பழக்க வழக்கங்களின் சுவாரஸ்யமான வேறுபாடுகளை வெளிப்படுத்துகிறது. 2022-23 ஆம் ஆண்டிற்காக நடத்தப்பட்ட இந்த கணக்கெடுப்பு, கேரளா மாநிலம் அசைவ உணவு உட்கொள்ளலில் முதலிடத்தில் உள்ளது என்பதை வெளிப்படுத்துகிறது.

கேரள மக்கள் அசைவ உணவு வகைகளுக்கு அதிக முக்கியத்துவம் கேரளாவில் உள்ள வீடுகள் தங்கள் உணவு செலவில் கணிசமான பகுதியை அசைவ உணவு வகைகளுக்காக ஒதுக்குகின்றனர். கிராமப்புறங்களில், 23.5% உணவு செலவு இறைச்சி, மீன், முட்டை ஆகியவற்றுக்காக செலவிடப்படுகிறது, அதே நேரம் நகரப்புற மக்கள் சுமார் 19.8% செலவிடுகின்றனர்.

இது, கேரளாவை நாட்டில் அசைவ உணவு உட்கொள்ளலில் முன்னணியில் வைக்கிறது.

கேரளாவைத் தொடர்ந்து அதிக அசைவ உணவு உட்கொள்ளும் மாநிலங்கள்

1. கேரளா 2. அசாம் 3. மேற்கு வங்காளம் 4. ஆந்திர பிரதேசம் 5. தெலுங்கானா

இந்த கணக்கெடுப்பு இந்தியா முழுவதும் உள்ள பல்வேறு உணவுப் பழக்க வழக்கங்களையும் முன்னிலைப்படுத்துகிறது.

கேரளா அசைவ உணவு வகைகளில் சிறந்து விளங்கினாலும், ஹரியானா, பஞ்சாப், ராஜஸ்தான் மற்றும் உத்தரப்பிரதேசம் போன்ற மாநிலங்கள் தங்கள் உணவில் பால் மற்றும் பால் பொருட்களுக்கு முன்னுரிமை அளிக்கின்றன. பிற பகுதிகள் பதப்படுத்தப்பட்ட உணவுகள் மற்றும் பானங்கள் மீது அதிக ஈர்ப்பைக் காட்டுகின்றன.

இந்த கணக்கெடுப்பு அசாமில் சுவாரஸ்யமான போக்குகளைக் காட்டுகிறது, அங்கு கிராமப்புற மக்கள் தங்கள் உணவு செலவில் 20% ஐ அசைவ உணவுக்காக செலவிடுகின்றனர், அதே நேரம் நகர்ப்புறங்களில் 17% செலவிடுகின்றனர்.

இதேபோல், மேற்கு வங்காளத்தில், கிராமப்புற மற்றும் நகர்ப்புற மக்கள் இருவரும் தங்கள் உணவு செலவில் சுமார் 18.9% ஐ அசைவ உணவுப் பொருட்களுக்காக ஒதுக்குவது போன்ற ஒரு நிலையான போக்கு காணப்படுகிறது.

இந்த NSSO கணக்கெடுப்பு, இந்தியா முழுவதும் உள்ள பல்வேறு உணவு கலாச்சாரங்களின் மதிப்புமிக்க தகவல்களை வழங்குகிறது, மேலும் பிராந்திய விருப்பங்கள் உணவுப் பழக்க வழக்கங்களை எவ்வாறு வடிவமைக்கின்றன என்பதைக் காட்டுகிறது.

June 17, 2024 at 11:58 am

3000 குழந்தைகளின் உயிரைக் காப்பாற்றிய பாடகி!

Teadmin
Quick Share

பாடகரும் பாடலாசிரியருமான பாலக் முச்சல் என்பவர் இதய நோய்களுடன் போராடும் 3000 குழந்தைகளின் உயிரைக் காப்பாற்றியுள்ளார். பாடகரும் பாடலாசிரியருமான பாலக் முச்சல் என்பவர் ‘Saving Little Hearts’ என்ற நிதி திரட்டும் அமைப்பின் மூலம் 3000 குழந்தைகளின் உயிரைக் காப்பாற்றியுள்ளார்.

இது தொடர்பாக பாடகி கூறும்போது, இசைக்கச்சேரி மூலம் கிடைக்கும் பணத்தை வைத்து நல்ல காரியங்களை செய்து வருகிறேன். இன்னும் 413 குழந்தைகளுக்கு சிகிச்சை அளிக்க வேண்டியுள்ளது. தற்போது இது தான் என் வாழ்க்கையின் லட்சியம் ஆகும்” என்று கூறினார்.

மேலும், தெருக்களில் பாடி கார்கில் வீரர்களுக்காக நிதி திரட்டிய தனது முதல் அனுபவத்தை நினைவு கூர்ந்தார்.

அண்மையில், இதய அறுவை சிகிச்சையை வெற்றிகரமாகச் செய்த அலோக் என்ற சிறுவனின் வீடியோவை பகிர்ந்து பிரார்த்தனை செய்தவர்களுக்கும், ஆதரவளித்தவர்களுக்கும் நன்றி தெரிவித்தார்.

இதயக் கோளாறினால் பாதிக்கப்படும் ஏழை குழந்தைகளுக்கு நிதியுதவி வழங்குவதற்காக பாடகியும், அவரது சகோதரர் பாலாஷ் முச்சால் ஆகிய இருவரும் இணைந்து இந்தியாவிலும் வெளிநாடுகளிலும் மேடை நிகழ்ச்சிகளை நடத்தி வருகின்றனர்.

இதன் மூலம் திரட்டிய நிதியை வைத்து பாதிக்கப்பட்ட குழந்தைகளின் உயிரை காப்பாற்றி வருகிறார். இவர், சமூக செயல்பாடுகளில் ஈடுபடுவதற்காக கின்னஸ் உலக சாதனை மற்றும் லிம்கா சாதனை புத்தகம் ஆகியவற்றில் இடம்பெற்றுள்ளார்.

அதோடு இவரை இந்திய அரசு பிற பொது நிறுவனங்கள் பல்வேறு விருதுகளை வழங்கி அங்கீகரித்துள்ளன.

June 17, 2024 at 11:55 am

பல ஆண்டுகளாக ஒரே மொபைல் எண் வைத்திருந்தால் தனி கட்டணமா?

Teadmin
Quick Share

நீண்ட நாட்களாக செல்போன் எண்கள் மற்றும் தொலைபேசி எண்கள் வைத்திருந்தால் தனி கட்டணம் வசூலிக்கவுள்ளதாக தகவல்கள் வெளியானது. இந்தியாவில் 120 கோடிக்கும் அதிகமானோர் மொபைல்போன் இணைப்புகளை பயன்படுத்தி வருகின்றனர். இதனை முறைப்படுத்த பல்வேறு நெறிமுறைகளை டிராய் (TRAI) வகுத்து வருகிறது.

இந்நிலையில், செல்போனில் இரு சிம்கார்டுகளை வைத்திருப்ப்பவர்கள் ஒரு சிம் கார்டை மிகக் குறைந்த அளவில் மட்டும் பயன்படுத்துவார்கள்.

அதேபோல, சில நிறுவனங்களும் சில தொலைபேசி இணைப்புகளை அதிகம் பயன்படுத்தாமல் மிக குறைந்த அளவில் பயன்படுத்துவார்கள்.

இந்த மாதிரியான செல்போன் எண்கள் மற்றும் தொலைபேசி எண்களுக்குத் தனியாக கட்டணம் வசூலிக்கத் திட்டமிடப்பட்டுள்ளதாக தகவல் வெளியாகியது. இந்த தகவல்கள் சமூக வலைதளங்களில் பரவி சர்ச்சையை ஏற்படுத்தியது.

இந்நிலையில், இந்த செய்தியை இந்திய தொலைத்தொடர்பு ஒழுங்குமுறைக் குழுமமான டிராய் மறுத்துள்ளது.

அதாவது, ஒரு செல்போன் எண் அல்லது இரு சிம்கார்டுகளை வைத்திருப்பதற்கோ, தொலைபேசி எண்களை வைத்திருப்பதற்கோ பிரத்யேகக் கட்டணம் வசூலிக்கும் எண்ணம் இல்லை என்று TRAI விளக்கம் கொடுத்துள்ளது.

June 17, 2024 at 9:52 am

80 வயது முதியவரை காதலித்து திருமணம் செய்த 23 வயது இளம்பெண்! வைரலாகும் புகைப்படம்

Teadmin
Quick Share

சீனாவில் 23 வயது இளம்பெண்ணொருவர் 80 வயது முதியவரை திருமணம் செய்த விடயம் பரவலாக பேசப்படுகிறது. 

இளம்பெண் 

சீனாவின் ஹெபெய் மாகாணத்தில் உள்ள முதியோர் இல்லத்தில் வசித்து வந்தவர் லீ. 80 வயது முதியவரான இவருடன் அங்கு பணிபுரிந்து வந்த சியாஃபங் (23) என்ற இளம்பெண் பழகி வந்தார். 

நாளடைவில் இருவரும் காதலில் விழுந்ததாக கூறப்படுகிறது. இதனைத் தொடர்ந்து சியாஃபங் தனது வீட்டில் லீயை திருமணம் செய்ய விரும்புவதாக கூறியுள்ளார். 

திருமணம் 

ஆனால் அவரது வீட்டில் கடும் எதிர்ப்பு கிளம்பியுள்ளது. எனினும் முதியவர் மீது கொண்ட அன்பினால் சியாஃபங் வீட்டை விட்டு வெளியேறியுள்ளார். 

பின்னர் பெற்றோர் எதிர்ப்பை மீறி முதியவர் லீயை அவர் திருமணம் செய்துகொண்டார். இவர்களின் புகைப்படங்கள் இணையத்தில் வெளியானதைத் தொடர்ந்து தற்போது வைரலாகி வருகிறது.

எனினும் நெட்டிசன்கள் சிலர், சியாஃபங் நிதி காரணங்களுக்காக லீயை திருமணம் செய்துகொண்டதாக விமர்சித்து வருகின்றனர்.   

June 17, 2024 at 9:48 am

பணத்துக்காக 12 வயது மகளை 72 வயது முதியவருக்கு விற்ற தந்தை

Teadmin
Quick Share

பாகிஸ்தானில் 72 வயது முதியவருடன் 12 வயது சிறுமியின் திருமணத்தை பொலிஸார் தடுத்து நிறுத்தினர்.

பாகிஸ்தானின் சார்சடாவில், 72 வயது முதியவர் ஒருவர், மைனர் பெண்ணுடன் திருமணத்திற்கு தயாராகியுள்ளார்.

12 வயது சிறுமி தனது தந்தையின் அழுத்தத்தால் அந்த முதியவரை திருமணம் செய்து கொள்ள சம்மதித்துள்ளார்.

நிக்காவிற்கு எல்லாம் தயாரான நேரத்தில் பொலிஸார் உள்ளே நுழைந்து தடுத்து நிறுத்தினர்.

அதற்கு முன்னதாகவே சிறுமியின் தந்தை தப்பியோடிவிட்டார். இந்த சட்டவிரோத திருமணத்தை நடத்தி வைக்க முயன்ற Nikkah Khwan (திருமணம் நடத்திவைப்பவர்) கைது செய்யப்பட்டார்.

பணத்திற்காக ஆசைப்பட்ட சிறுமியின் தந்தை ஆலம் சயீத் (Alam Syed), மகளை 5 லட்சம் பாகிஸ்தான் ரூபாய்க்கு ஒரு முதியவருக்கு விற்றதாக பொலிஸார் தெரிவித்தனர்.

மேலும் தப்பியோடிய சிறுமியின் தந்தையை பொலிஸார் தேடி வருகின்றனர்.

சிறுமியின் தந்தை, 72 வயது முதியவர் மற்றும் நிக்கா குவான் ஆகிய மூவர் மீதும் குழந்தை திருமணச் சட்டத்தின் கீழ் வழக்குப் பதிவு செய்யப்பட்டுள்ளதாக பொலிஸார் தெரிவித்துள்ளனர்.

பாகிஸ்தானில் குழந்தை திருமணங்கள் அடிக்கடி நடக்கின்றன. சமீபத்தில் ராஜன்பூர் மற்றும் தட்டாவில் இதுபோன்ற சம்பவங்கள் வெளிச்சத்துக்கு வந்தன.

பஞ்சாப் மாநிலம் ராஜன்பூரில் 40 வயது நபர் ஒருவருக்கு 11 வயது சிறுமிக்கு திருமணம் நடந்தது. இதேபோல் தட்டாவில் மைனர் பெண்ணுக்கு 50 வயது வீட்டு உரிமையாளருடன் நடந்த திருமணத்தை பொலிஸார் தடுத்து நிறுத்தினர். மே 6 -ம் திகதி ஸ்வாட்டில் 13 வயது சிறுமியை திருமணம் செய்த 70 வயது முதியவர் கைது செய்யப்பட்டார்.  

June 9, 2024 at 7:52 am

அம்பானி குடும்பத்தின் புதிய முயற்சி: 1 மில்லியன் மரங்கள் இலக்கு!

Teadmin
Quick Share

இந்தியாவின் தொழில் துறையில் முன்னிலையில் இருக்கும் அம்பானி குடும்பம், உலக சுற்றுச்சூழல் தினத்தன்று சுற்றுச்சூழல் பாதுகாப்பு முயற்சியில் இறங்கியுள்ளது.

ஆனந்த் அம்பானியின் வனவிலங்கு பாதுகாப்பு திட்டமான “வந்தாரா”வில்(Vantara) பிரபல நடிகர்கள் அஜய் தேவ்கன், பூமி படேகர் உள்ளிட்டோர் பங்கேற்ற வீடியோ பிரச்சாரத்தை தொடங்கியது.

நான்வந்தாரியன் என்ற தலைப்பில் வெளிவந்துள்ள இந்த விழிப்புணர்வு வீடியோ, நம் பூமியைக் காப்பாற்றுவதன் அவசியத்தை வலியுறுத்துகிறது.

மறுபயன்பாடு செய்யக்கூடிய குடிநீர் பாட்டில்களை பயன்படுத்துதல், மரங்களை நடுதல், குறுகிய தூர பயணங்களுக்கு சைக்கிளை தேர்ந்தெடுப்பது போன்ற எளிய பழக்கவழக்கங்களை கடைப்பிடிப்பதன் மூலம் நாம் சுற்றுச்சூழலை பாதுகாக்க முடியும் என இந்த வீடியோ மூலம் பிரபலங்கள் மக்களை ஊக்குவிக்கின்றனர்.

வீடியோ பிரச்சாரம் மட்டுமின்றி, ஜாம்நகரில் உள்ள தங்கள் தலைமையகத்தில் 5000 மரங்களை வந்தாரா அமைப்பு நட்டுள்ளது. மேலும், ஆண்டுதோறும் 10 லட்சம் மரங்களை நடும் என்ற உறுதிப்பாட்டையும் வந்தாரா அளித்துள்ளது.

June 8, 2024 at 9:40 pm

பெண்ணின் வயிற்றில் சுரக்கும் மதுபானம்: ஆச்சர்யத்தில் மருத்துவர்கள்!

Teadmin
Quick Share

கற்பனை செய்து பாருங்கள், ஒரு துளி மது கூட அருந்தாமல் போதையை உணர்வது என்பதை! இதுதான் கனடாவின் Toronto-வை சேர்ந்த 50 வயது பெண்ணுக்கு சமீபத்தில் கண்டறியப்பட்ட அரிய நோயின் விசித்திரமான யதார்த்தம். இந்த அரிய வகை நோயில் (Auto-Brewery Syndrome), குடல் நுண்ணுயிரிகள் கார்போஹைட்ரேட்டுகளை மதுவாக மாற்றுகின்றன.

இரண்டு வருடங்களாக, அந்த பெண் கடும் சோர்வு, பேச்சில் தடுமாற்றம், இரத்தத்தில் மது அளவு அதிகரிப்பு போன்ற பிரச்சனைகளை எதிர்கொண்டு வருகிறார். ஆனால், அவர் மது அருந்தவில்லை என்று உறுதியாகக் கூறினார்.

இதனால் குழப்பமடைந்த மருத்துவர்கள் நிபுணர்களின் உதவியுடன் பிரச்சனையின் மூல காரணத்தை அடையாளம் கண்டனர்.

அதில் அவரது குடலில் பூஞ்சை காளான் அதிகமாக இருப்பதும், இந்த நுண்ணுயிரிகள் நுணுக்கமான தயாரிப்பாளர்களைப் போல செயல்பட்டு, உடலுக்குள் மதுவை உற்பத்தி செய்து அவரை போதையில் ஆழ்த்துவதே இதற்குக் காரணம் என்றும் கண்டுபிடித்தனர்.

இந்த மர்மமான ஆட்டோ-பிரூவரி சிண்ட்ரோம் என்பது 1940 களில் முதன் முதலில் ஆவணப்படுத்தப்பட்டது. மேலும் இதுவரை 20 க்கும் குறைவான வழக்குகளே உறுதியாகக் கண்டறியப்பட்டுள்ளன.

June 3, 2024 at 11:24 am

முகேஷ் அம்பானி பரிந்துரைத்த 7 புத்தகங்கள்!

Teadmin
Quick Share

இந்தியாவின் பெரும் பணக்காரரான முகேஷ் அம்பானி பரிந்துரைத்த 7 புத்தகங்கள் பற்றி தான் பார்க்க போகிறோம். பொதுவாகவே புத்தகங்கள் படித்தால் வாழ்க்கையை மாற்ற முடியும் என்று சொல்வார்கள். அப்படி, சிலர் தாங்கள் படித்த புத்தகங்களை பலரும் பிறருக்குப் பரிந்துரைப்பார்கள். அந்தவகையில் முகேஷ் அம்பானி தான் படித்த 7 புத்தகங்களை பரிந்துரைத்துள்ளார்.

1. கிளேட்டன் எம். கிறிஸ்டென்சனின் `தி இன்னோவேட்டர்ஸ் டைல்மா’ (The Innovator’s Dilemma By Clayton M. Christensen) இந்த புத்தகமானது எதிர்ப்பாராத போட்டியாளர்கள் சந்தைக்கு வரும்பொழுது நிறுவனங்களின் வெற்றி, தோல்வி மற்றும் தலைமைத்துவத்தை விவரிக்கிறது.

2. ஆடம் ஸ்மித்தின் `வெல்த் ஆஃப் நேஷன்ஸ்’ (The Wealth Of Nations By Adam Smith) இந்த புத்தகமானது பொருளாதாரம் மற்றும் முதலாளித்துவத்தின் கொள்கை, மார்க்கெட் டைனமிக்ஸ், செல்வத்தை பெருக்குதல், அரசாங்கத்தை பங்கு ஆகியவற்றை விவரிக்கிறது.

3. தாமஸ் எல். பிரைட்மேனின் `த வேர்ல்ட் இஸ் ஃபிளாட்’ (The World Is Flat By Thomas L. Friedman) இந்த புத்தகமானது நவீன உலகில் உலகமயமாக்கல் மற்றும் தொழில்நுட்பத்தின் தாக்கத்தை ஆராய்கிறது. அதோடு, டிஜிட்டல் யுகத்தில் பொருளாதாரங்கள் மற்றும் கலாச்சாரங்களின் ஒன்றோடொன்று இணைந்திருப்பதை வெளிச்சம் போட்டுக் காட்டுகிறது.

4. டான் பிரவுனின் `டா வின்சி கோட்’ (The Da Vinci Code By Dan Brown) இந்த புத்தகமானது வணிகம் மற்றும் பொருளாதாரத்திற்கு அப்பால் விரிவடைந்து மகிழ்விக்கும் மற்றும் சதி செய்யும் கதைகளை உள்ளடக்கியது.

5. பகவத்கீதை (The Bhagavad Gita) இந்த புத்தகமானது பண்டைய இந்திய வேதம் கடமை, ஒழுக்கம் மற்றும் ஆன்மீகம் ஆகியவற்றில் காலமற்ற ஞானத்தை வழங்குகிறது. வாழ்க்கையில் தெளிவு மற்றும் நோக்கத்தைத் தேடும் நபர்களுக்கு வழிகாட்டும் ஒளியாக செயல்படுகிறது.

6. வால்டர் ஐசக்சனின் `இன்னோவேடர்ஸ்’ (The Innovators By Walter Isaacson) இந்த புத்தகமானது புரட்சியின் முன்னோடிகள் முதல் தொழில்நுட்பத்தின் எதிர்காலத்தை வடிவமைக்கும் தொலைநோக்கு பார்வையாளர்கள் வரை தொழில்நுட்ப கண்டுபிடிப்புகளின் வரலாற்றை விவரிக்கிறது.

7. டேனியல் கான்மேனின் `திங்கிங் ஃபாஸ்ட் அன்ட் ஸ்லோ’ (Thinking, Fast And Slow By Daniel Kahneman) இந்த புத்தகமானது மனித முடிவெடுப்பதில் உள்ள நுணுக்கங்களை ஆராய்கிறது. நமது சிந்தனை செயல்முறைகளை பாதிக்கும் சார்புகளை வெளிப்படுத்துகிறது. மேலும் வணிகத் தலைவர்கள் மற்றும் கொள்கை வகுப்பாளர்களுக்கு மதிப்புமிக்க நுண்ணறிவுகளை வழங்குகிறது.

June 3, 2024 at 11:19 am

பிரமாண்டமாக நிகழும் அம்பானி வீட்டு திருமணம்: பிரபல பாப் பாடகியின் சம்பளம் எவ்வளவு தெரிய...

Teadmin
Quick Share

முகேஷ் அம்பானியின் இளைய மகன் ஆனந்த் அம்பானியின் திருமணத்திற்கான முந்தைய நாள் கொண்டாட்ட விழாவில் பிரபல பாப் பாடகிக்கு வழங்கியுள்ள சம்பளம் குறித்து தகவல்கள் வெளியாகியுள்ளன. உலக பணக்காரர்களுள் ஒருவராக இருக்கும் முகேஷ் அம்பானியின் (Mukesh Ambani) மகன் ஆனந்த் அம்பானிக்கும், ராதிகா மெர்ச்சன்டிற்கும் (Radhika Merchant) ஜூலை 12 ஆம் திகதி திருமணம் நிகழவுள்ளது.

இதற்காக பெருமளவில் செலவழித்து திருமணத்திற்க முந்தைய நாள் கொண்டாட்டத்தை குடும்பத்தினர் செய்து வருகின்றனர்.

முதலாம் கொண்டாட்ட விழா ஜாம்நகரில் வெகு விமர்சையாக நடைபெற்றது. தற்போது இரண்டாம் கொண்டாட்ட விழா நடுக்கடலில் நிகழ்ந்து வருகிறது.

குறித்த உல்லாசக் கப்பல் இத்தாலியின் நகர துறைமுகத்திலிருந்து புறப்பட்டு தெற்கு பிரான்சில் தனது பயணத்தை முடிக்கும்.

இந்த விழாவில் சுமார் 800 விருந்தினர்கள் கலந்துகொண்டுள்ளனர். விருந்தினர்களை சிறப்பிக்கும் விதமாக பல்வேறு கலை நிகழ்ச்சிகளும் நிகழ்த்தப்பட்டு வருகின்றது.

அந்தவகையில் பிரபல பாப் பாடகி ஷகிரா (Shakira) இந்நிகழ்ச்சியில் நடனமாடுவதற்கு கோடி கணக்கில் சம்பளம் பெற்றுள்ளதாக தகவல்கள் வெளியாகியுள்ளன.

இந்த பயணக்கப்பலில் ஷகிரா தனது பிரபலமான வெற்றிப் பாடல்களை பாடி வருகிறார். ஷகிராவின் பாடலுக்கும் நடனத்திற்கும் அவர் ரூ.10 முதல் 15 கோடி வரை சம்பளம் வாங்கியுள்ளதாக தெரியவந்துள்ளது.

பெப்ரவரி மாதம் ஜாம்நகரில் நிகழ்ந்த விழாவிற்கு ரிஹானா ரூ 74 கோடி சம்பளம் பெற்றதாகக் கூறப்படுகிறது.

மேலும் இங்கிலாந்தை சேர்ந்தவர் பிரபல பாப் பாடகி கேட்டி பெர்ரியும் சிறப்பான பாடல்களை பாடவுள்ளமை குறிப்பிடத்தக்கது.

May 31, 2024 at 4:17 pm

பிரம்மாண்டமாக நடைபெறவிருக்கும் ஆனந்த் அம்பானி திருமணம்!

Teadmin
Quick Share

இளைய மகன் ஆனந்த் அம்பானியின் திருமணத்தை பிரம்மாண்டமாக நடத்த தயாராகி வருகிறது முகேஷ் அம்பானி குடும்பம். அதன்படி, ஆனந்த் அம்பானி-ராதிகா மெர்ச்சண்ட் திருமணம் ஜூலை 12ஆம் திகதி நடைபெற இருப்பதாக தகவல்கள் தெரிவிக்கின்றன. திருமண விழா மூன்று நாட்கள் நடைபெற உள்ளது, அனைத்து நிகழ்வுகளும் முகேஷ் அம்பானிக்கு சொந்தமான ஜியோ வேல்ட் சென்டரில்(Jio World Centre) நடைபெற இருக்கிறது.

இதே இடத்தில் தான் 2019ஆம் ஆண்டு ஆகாஷ் அம்பானியின் திருமணமும் நடைபெற்றது குறிப்பிடத்தக்கது.

Jio World Centre என்பது 18.5 ஏக்கர் பரப்பளவில் அமைந்துள்ள பன்முக தளமாகும்.

இங்கு சர்வதேச மாநாட்டு மையம், ஹோட்டல்கள், இரண்டு ஷாப்பிங் மால்கள், நிகழ்கலை அரங்கம், ஓபன் ஏர் திரையரங்கம், அலுவலகங்கள் என பல்வேறு வசதிகள் உள்ளன.

Jio World Centre உள்ள Jio World கார்டன் தான் திருமண விழாவின் பிரதான இடமாக இருக்கும். 5 லட்சம் சதுர அடி பரப்பளவில் அமைந்துள்ள இந்த திறந்தவெளி தளம், மேற்கு மும்பையில் மிகப்பெரிய திறந்தவெளி நிகழ்வு அரங்கமாக கருதப்படுகிறது.

இந்த சொகுசு பூங்காவில் விழாவிற்கு தேவையான அனைத்து வசதிகளும், 5000 கார்கள் மற்றும் SUVகளை நிறுத்துவதற்கான பார்க்கிங் வசதியும் உள்ளது.




You cannot copy content of this Website