முன்னாள் உலக குத்துச்சண்டை சாம்பியனான மைக் டைசன் கடந்தாண்டு, விமானத்தில் சென்றபோது, விமானத்தில் சென்ற பயணி ஒருவரை சரமாரியாக தாக்கினார். இந்நிலையில், தாக்கப்பட்ட அந்த நபர், டைசன் தனக்கு 350000 பவுண்டு அதாவது இந்திய மதிப்பில் ரூ. 3.6 கோடி இழப்பீடு தர வேண்டும் என்று வழக்கு தொடர்ந்துள்ளார். தாக்குதலுக்குப் பிறகு, அந்த நபர் மன அழுத்தம், வெர்டிகோ. ஞாபக மறதி போன்ற பல பிரச்னைகளால் அவதிப்பட்டதாக அவர் தரப்பு வழக்கறிஞர்கள் தெரிவித்துள்ளார்.
ஆர்ஜென்டீன கால்பந்தாட்ட அணித்தலைவரான லயனல் மெஸ்ஸி 2022 உலகக் கிண்ண கால்பந்தாட்டப் போட்டியில் அணிந்த ஜேர்சிகள் 10 மில்லியன் டொலருக்கு ஏலம் விடப்படவுள்ளது. கடந்த 2022 ஆம் ஆண்டு கட்டாரில் நடைபெற்ற உலகக் கிண்ண கால்பந்தாட்டப் போட்டியின் போது அணிந்திருந்த ஆறு ஜேர்சிகள் ஏலம் விடப்படவுள்ளது.
இந்தியா மற்றும் ஆஸ்திரேலியா அணிகள் பங்குபெறும் உலகக் கோப்பை இறுதி ஆட்டம் இன்று தொடங்கியது. இதில் டாஸ் வென்ற ஆஸ்திரேலிய அணி கேப்டன் கம்மின்ஸ் முதலில் பந்துவீச்சை தேர்வு செய்தார்.
விளையாட்டுத் துறை அமைச்சு பதவியில், ஜனவரி மாதம் மாற்றம் ஏற்படுத்தப்படவுள்ளதாக சிங்கள ஊடகம் ஒன்று செய்தி வெளியிட்டுள்ளது.
இலங்கை கிரிக்கெட் சபையினால் சர்வதேச கிரிக்கெட் பேரவைக்கு இம்மாதத்தில் அனுப்பி வைக்கப்பட்டுள்ள 3 கடிதங்களில் குறிப்பிடப்பட்டுள்ள விடயங்கள் தவறானவையாகும்.
2023 உலகக் கோப்பை தொடர் முடிவுக்கு வந்துள்ளது. இந்த உலகக்கோப்பை கிரிக்கெட் போட்டி தான் சில கிரிக்கெட் வீரர்களுக்கு கடைசி என தெரிகிறது. அதன்படி, ரோஹித், முகமது ஷமி, அஸ்வின், ஜடேஜா, கோலி (ஃபிட் இல்லை என்றால்) 2027 உலகக்கோப்பையில் விளையாட முடியாது. அதேபோல், ஆஸ்திரேலியாவின் டேவிட் வார்னர், ஸ்மித், மேக்ஸ்வெல், ஸ்டோனிஸ், ஸ்டார்க் மற்றும் நியூசிலாந்தின் வில்லியம்சன், சவுத்தி மற்றும் சிலர் அடுத்த உலகக்கோப்பையின் போது 40 வயதை எட்டுவார்கள்.
அவுஸ்திரேலிய அணிக்கு எதிரான உலகக்கிண்ணம் இறுதிப் போட்டியில் 6 விக்கெட் வித்தியாசத்தில் இந்திய அணி தோல்வி அடைந்த நிலையில், செய்த தவறு குறித்து வெளிப்படையாக பேசியுள்ளார் அணித்தலைவர் ரோகித் சர்மா.
அவுஸ்திரேலியா அணியின் வெற்றி ரகசியத்தை குறிப்பிட்ட ரோகித் சர்மா, இந்திய அணியின் தோல்விக்கு சாக்கு சொல்ல விரும்பவில்லை எனவும் வெளிப்படையாக கூறி அதிர வைத்தார்.
சேஸிங் செய்ய சாதகமான ஆடுகளத்தில் அவுஸ்திரேலியா அணி நாணய சுழற்சியில் வென்றது. இரண்டாம் பாதியில் துடுப்பாட்டத்தில் இறங்கும் அணிக்கு ஆடுகளம் சாதகமாக மாறும் என கூறப்பட்ட நிலையில், அது அப்படியே நடந்தது.
இந்தியா முதலில் துடுப்பெடுத்து ஆடிய போது பவுண்டரிக்கு பந்துகளை விரட்டவே கடினமாக இருந்த நிலையில், அவுஸ்திரேலிய அணி சேஸிங் செய்த போது நிதான ஆட்டம் ஆடினாலும் அவ்வப்போது பவுண்டரி அடித்தது.
மேலும், ஆடுகளத்தின் தன்மை மாறியதால் இந்திய பந்துவீச்சாளர்களால் எந்த தாக்கத்தையும் ஏற்படுத்த முடியாமல் போனது. அதுவே போட்டியில் மாற்றத்தை ஏற்படுத்தியது.
போட்டிக்கு பின்னர் ரோகித் சர்மா பேசுகையில், போட்டி முடிவு எங்களுக்கு சாதகமாக வரவில்லை. நாங்கள் எல்லாவற்றையும் முயற்சி செய்தோம். ஆனால், எதுவும் சரியாக நடக்கவில்லை.
இன்னும் 20 – 30 ஓட்டங்கள் கூடுதலாக எடுத்து இருந்தால் நன்றாக இருந்திருக்கும். கோஹ்லி, ராகுல் கூட்டணி ஆடிய போது 270 – 280 ஓட்டங்கள் வரை எடுப்போம் என நினைத்தேன்.
ஆனால், விக்கெட்டை வரிசையாக இழந்தோம். 240 ஓட்டங்கள் மட்டுமே வைத்துக் கொண்டு பந்து வீசும் போது நாங்கள் விரைவாக விக்கெட்களை வீழ்த்தி இருக்க வேண்டும். ஆனால், ஹெட் – லாபுஷேன் சிறப்பாக கூட்டணி அமைத்து ஆடினார்கள். எங்களை இந்தப் போட்டியில் இருந்தே வெளியேற்றி விட்டார்கள்.
மின் வெளிச்சத்தில் ஆடுகளம் சற்று மாறி விட்டதாக கருதுகிறேன். ஆனால், அதை ஒரு சாக்காக சொல்ல விரும்பவில்லை. நாங்கள் போதுமான ஓட்டங்கள் குவிக்கவில்லை என வெளிப்படையாக தெரிவித்துள்ளார் அணித்தலைவர் ரோகித் சர்மார்.
உலகக்கோப்பையை இழந்ததால் கலங்கிய விராட் கோலியை மனைவி அனுஸ்கா சர்மா கட்டியணைத்து ஆறுதல் கூறிய புகைப்படம் இணையத்தில் வைரலாகியுள்ளது.
அகமதாபாத்தில் நேற்று நடந்த உலகக்கோப்பை இறுதிப் போட்டியில் இந்தியா, அவுஸ்திரேலியா அணிகள் மோதின.
இந்திய அணி நிர்ணயித்த 241 ஓட்டங்கள் இலக்கினை அவுஸ்திரேலிய அணி 43 ஓவர்களில் எட்டி, 6வது உலகக்கோப்பையை கைப்பற்றியது.
இந்த தோல்வியால் இந்திய வீரர்கள் களத்திலேயே சோகத்தில் ஆழ்ந்தனர். ரசிகர்களுக்கும் இது அதிர்ச்சியையும், சோகத்தையும் ஏற்படுத்தியது.
நட்சத்திர வீரர் விராட் கோலியும் கலக்கம் அடைந்தார். உடனே அவரது மனைவி அனுஷ்கா சர்மா அவரிடம் சென்று கட்டியணைத்து ஆறுதல்படுத்தினார்.
இதுதொடர்பான புகைப்படம் தற்போது இணையத்தில் வைரல் ஆகி வருகிறது.
உலக கோப்பை தொடரின் இறுதிப் போட்டி நாளை நடைபெற உள்ளது. இந்த போட்டிக்கான விஐபி டிக்கெட் விலையை கேட்டால் தலை சுற்றி கீழே விழுந்துவிடுவோம். ஏனென்றால், ஆன்லைனில் ஒரு விஐபி டிக்கெட் விலை ரூ.8 லட்சம். ஏற்கெனவே போட்டி நடக்கும் அகமதாபாத்தில் ஓட்டல்களின் நாள் வாடகை லட்சக்கணக்கில் எகிறிய நிலையில், விஐபி டிக்கெட்டின் விலையும் மிக அதிகமாக உள்ளது. இதுகுறித்து அரசு உரிய நடவடிக்கை எடுக்க வேண்டும் என கிரிக்கெட் ரசிகர்கள் கோரிக்கை வைத்துள்ளனர்.
உலகக் கோப்பை கிரிக்கெட் 2023 தொடர் இந்தியாவில் விறுவிறுப்பாக நடைபெற்று வருகிறது. இந்த தொடரின் முதலாவது அரையிறுதிப் போட்டி மும்பை வான்கடே மைதானத்தில் நடைபெற்று வருகிறது.
நியூசிலாந்து அணிக்கு எதிராக முதலில் பேட் செய்து வரும் இந்திய அணிக்கு ரோகித்சர்மா அபாரமான தொடக்கம் அளித்தார்.
சதத்தை நோக்கி ஆடிய சுப்மன்கில் காலில் தசைப்பிடிப்பு ஏற்பட்ட காயம் காரணமாக அவர் வெளியேற ஸ்ரேயாஸ் ஐயருடன் ஜோடி சேர்ந்த விராட் கோலி அபாரமாக ஆடினார், நிதானமாகவும், அதேசமயம் ஏதுவான பந்துகளை பவுண்டரிக்கும் விளாசிய விராட் கோலி ஒருநாள் போட்டிகளில் தன்னுடைய 50வது சதத்தை விளாசினார்.
இதன்மூலம் ஒருநாள் கிரிக்கெட் போட்டிகளிலே அதிக சதம் விளாசிய வீரர் என்ற கிரிக்கெட் கடவுள் என போற்றப்படும் சச்சின் டெண்டுல்கரின் சாதனையை விராட் கோலி முறியடித்துள்ளார். யாராலும் வீழ்த்த முடியாது என்று கருதப்பட்ட சச்சின் டெண்டுல்கரின் சாதனையை மற்றொரு இந்திய வீரரான விராட் கோலி முறியடித்திருப்பது ரசிகர்களுக்கு உற்சாகத்தை ஏற்படுத்தியுள்ளது.
இந்திய அணி பும்ரா, சிராஜ், முகமது சமி, ஜடேஜா, குல்தீப் யாதவ் ஆகிய ஐந்து பந்து வீச்சாளர்களுடன் விளையாடி வருகிறது. ஹர்திக் பாண்ட்யா காயத்தால் வெளியேறியதால் 6-வது பந்து வீச்சாளர் இல்லாமல் விளையாடி வருகிறது. ஒருவேளை இந்த ஐந்து பேர்களில் யாராவது ஒருவருக்கு காயம் ஏற்பட்டால் மாற்று பந்து வீச்சாளருக்கு என்ன செய்யும்? என்ற கேள்வியை ரசிகர்கள் மற்றும் விமர்சகர்கள் அடிக்கடி முன்வைப்பது உண்டு.
பெரும்பாலும் ஐந்து பந்து வீச்சாளர்களுக்கு மேல் பயன்படுத்தும் அவசியம் இந்தியாவுக்கு ஏற்பட்டது இல்லை. ஆனால், நெதர்லாந்துக்கு எதிராக விராட் கோலி, ரோகித் சர்மா, சூர்யகுமார் யாதவ், சுப்மன் கில் ஆகியோர் பந்து வீசினர். இதில் விராட் கோலி, ரோகித் சர்மா ஆகியோர் விக்கெட் வீழ்த்தினர்.
எல்லோரையும் பந்து வீச வைத்தது ஏன்? என்பது குறித்து ரோகித் சர்மா விளக்கம் அளித்துள்ளார்.
அவர் இதுதொடர்பாக கூறுகையில் ”இது போன்ற சில விசயங்களை செய்து பார்க்க வேண்டும் என எங்கள் மனதில் இருந்தது. இதுபோன்ற வாய்ப்புகளை அணியில் உருவாக்க விரும்பினோம். தற்போது எங்கள் அணி 9 பேர் பந்து வீசும் வாய்ப்பை பெற்றுள்ளது. இந்த விளையாட்டில் நாங்கள் சில விசயங்களை முயற்சி செய்து பார்த்தோம். வேகப்பந்து வீச்சாளர்கள் வைடு யார்க்கர்கள் வீசினார்கள். இது தேவையில்லை. என்றாலும் அவர்கள் செய்து பார்த்தார்கள்” என்றார்.
விராட் கோலி, ரோகித் சர்மா ஆகியோர் தலா ஒரு விக்கெட் வீழ்த்தினர். ரோகித் சர்மா சுமார் ஏழு வருடங்கள் கழித்து பந்து வீசியுள்ளார் என்பது குறிப்பிடத்தக்கது.
ஊழல் மோசடி நிறைந்த இலங்கை கிரிக்கெட் சபையை கலைப்பதற்கு முழு பாராளுமன்றமும் ஒன்றிணைந்து தீர்மானம் நிறைவேற்ற வேண்டும் என்ற எதிர்க்கட்சித் தலைவர் சஜித் பிரேமதாசவின் பிரேரணை கட்சித் தலைவர்கள் கூட்டத்தில் அனுமதிக்கப்பட்டுள்ளது.
