2005 ம் ஆண்டு குத்தா எனும் 32 வயது நபர் தனது ஒருதலை காதலை ஏற்று கொள்ளாததால் லட்சுமி அகர்வால் என்ற பெண்ணின் மீது ஆசிட் வீசி தாக்குதல் நடத்தினார். அந்த தாக்குதலுக்கு உள்ளான லட்சுமி அகர்வால் தனது தன்னபிக்கையால் தனி ஒரு பெண்ணாக போராடி அந்த நபருக்கு சட்டத்திடமிருந்து தகுந்த தண்டனையை பெற்றுத்தந்தார். தற்போது அவர் அலோக் தீட்சித் என்வரை காதலித்து திருமணம் செய்துகொண்டார். தற்போது ஒரு பெண் குழந்தைக்கு தாயாகியுள்ளார். மேலும் தன்னை போன்று பாதிக்கப்பட்டவர்களுக்கு சண்டிகரில் சமூக அமைப்பு ஒன்றை நடத்தி வருகிறார்.

இந்நிலையில், தற்போது இந்தியில் முன்னணி நடிகையாக வலம் வரும் தீபிகா படுகோன், லட்சுமி அகர்வாலின் வாழ்க்கையை தழுவிய படமான “சபாக்” படத்தில் லட்சுமி அகர்வாலாக நடித்துள்ளர். இந்த படத்தை பிரபல இயக்குனர் மற்றும் கவிஞருமான குல்சாரின் மகள் மேக்னா குல்சார் தயாரித்துள்ளார். தற்போது அந்த படத்தில் ட்ரைலர் வெளியாகி உலக அளவில் 2 வது இடத்தில் டிரெண்டிங்கில் உள்ளது. சபாக் படம் அடுத்த ஆண்டு ஜனவரி 10ம் தேதி திரைக்கு வெளிவரவுள்ளது.