கன்னியாகுமரி மாவட்டத்தில் பளுகல் எனும் பகுதியில் உள்ள அரசு ஆரம்ப சுகாதார நிலையத்தில் லாலு கிருஷ்ணா என்ற மருத்துவர் அரசு மருத்துவராக பணிபுரிந்து வருகிறார். அரசு மருத்துவரான லாலு கிருஷ்ணாவிற்கும் கேரளா மாநிலம் திருவனந்தபுரத்தை சேர்ந்த ஆர்யா என்பவருக்கும் கடந்த 9 மாதங்களுக்கு முன்னர் பெற்றோர்கள் திருமணம் செய்துவைத்துள்ளனர். அவர் திருமணத்திற்கு பின் மருத்துவத்தில் மேல் படிப்பு படிக்கவேண்டும் என கூறவே திருமணம் முடிந்த கையோடு ஆர்யா மேற்படிப்பை தொடர அகமதாபாத் சென்று விட்டார். இதனால் லாலு கிருஷ்ணா தனது பெற்றோர்களுடன் தங்கி வேலை பார்த்துவந்துள்ளார். ஏற்கனவே அவர் அடிக்கடி மன அழுத்தத்திற்கு உள்ளானார் என கூறப்படுகிறது. இந்நிலையில் நேற்று அவர் தீடீரென தூக்கு போட்டு தற்கொலை செய்துகொண்டுள்ளார். இதனை கண்ட பெற்றோர் அதிர்ச்சியடைந்துள்ளனர். மேலும் தகவலறிந்த போலீசார் அவரது உடலை கைப்பற்றி, தற்கொலைக்கான காரணம் மன அழுத்தமா இல்லை வேறு ஏதாவதா என விசாரணையில் ஈடுபட்டு வருகின்றனர். திருமணமான 9 மாதத்திலேயே இவர் எடுத்த விபரீத முடிவு அவரின் குடும்பத்தையும், மனைவியையும் சோகத்தில் ஆழ்த்தியுள்ளது.