சென்னை: விடுதலை புலிகள் தலைவர் பிரபாகரனின் 65 வது பிறந்தநாள் விழா, தந்தை பெரியார் திராவிட கழகத்தினரால் கோலாகலமாக கொண்டாடப்பட்டது .

சென்னை ராயப்பேட்டையில் விடுதலை புலிகள் தலைவர் பிரபாகரனின் 65 வது பிறந்தநாளை முன்னிட்டு நள்ளிரவில் கேக் வெட்டி, பட்டாசுவெடித்து கோலாகல கொண்டாட்டங்கள் நடைபெற்றது. ராயப்பேட்டையை சேர்ந்த தந்தை பெரியார் திராவிட கழகத்தினர் பிரபாகரனின் பிறந்தநாளை பல கலை நிகழ்ச்சிகளுடன் கொண்டாடி மகிழ்ந்தனர். இந்த நிகழ்வில் திரைப்பட இயக்குனர் கோபி நாயனார் சிறப்பு அழைப்பாளராக கலந்துகொண்டார் .நள்ளிரவில் தொடங்கிய கொண்டாட்டத்தில் சிலம்பம், புலியாட்டம் போன்ற பாரம்பரிய ஆட்டமும் மற்றும் வான வேடிக்கைகளும் நடைபெற்றன. அப்பகுதியில் போலீசார் குவிக்கப்பட்டிருந்ததால் பரபரப்பு நிலவியது.