உண்மையான மனிதர் கேப்டன் விஜயகாந்த்..!! வேற லெவலில் ட்ரெண்ட் ஆகும் #HBD ஹேஷ்டேக்குகள்!! நீங்களே பாருங்க…
விஜயகாந்த் தனது பிறந்த நாளை கொண்டாடி வரும் வேளையில் அவரை பற்றி ட்விட்டரில் பலரும் வாழ்த்துகளை பதிவிட்டு ட்ரெண்டாக்கி
விஜயகாந்த் என்றதும் கேப்டன், தமிழ் திரையுலகின் உச்சம் தொட்ட நடிகர், அதிரடி சண்டிஅ காட்சிகள், நடிகர் சங்கத் தலைவராக பட்ட கடனை எல்லாம் தீர்த்தவர், வாரி வாரி கொடுத்த வள்ளல், தைரியமான அரசியல்வாதி, கருணாநிதி, ஜெயலலிதா இருக்கும் போதே துணிச்சலான அரசியல் செய்தவர், தமிழக சட்டப்பேரவையில் அதகளப்படுத்திய பேச்சு உள்ளிட்டவை பலருக்கும் நினைவுக்கு வரும். இந்நிலையில் தனது 70வது பிறந்த நாளை விஜயகாந்த் இன்று கொண்டாடி வருகிறார். இதையொட்டி பலரும் வாழ்த்து தெரிவித்து வருகின்றனர்.
குறிப்பாக ட்விட்டரில் #HBDCaptain, #HBDCaptainVijayakanth, #HBDவிஜயகாந்த் உள்ளிட்ட ஹேஷ்டேக்குகள் ட்ரெண்டாகி வருகின்றன. பல்வேறு அரசியல் கட்சி தலைவர்களும் விஜயகாந்திற்கு பிறந்த நாள் வாழ்த்துகளை தெரிவித்து வருகின்றனர். முதல்வர் மு.க.ஸ்டாலின் தனது ட்விட்டரில், ”என் இனிய நண்பருக்கு இன்று 70வது வயது.
அவருக்கு இனிய பிறந்த நாள் நல்வாழ்த்துக்கள். உடல்நலம் பெற்று துடிப்பான மனிதராக வலம் வர வேண்டும். நலம் பெற்று நீடூழி வாழ்க வாழ்த்துகிறேன்” எனக் குறிப்பிட்டுள்ளார். இந்த சூழலில் விஜயகாந்த் பேசிய வீடியோக்கள் பலவற்றை எடுத்து சமூக வலைதளங்களில் இன்று பலரும் பகிர்ந்து வருகின்றனர். அதில், ”பணம் என்னடா பணம்? எனக்கென்று கடைசியில் ஒரு இடம் கொடுப்பீர்கள் அல்லவா?
என் மனைவிக்கு என்று ஒரு இடம் அளிப்பீர்கள் இல்லையா? என் மகனுக்கு என்றும் ஒரு இடம் அளிக்கப்படும் அல்லவா? அது போதும்” எனப் பேசும் உருக்கமான வீடியோ ஒன்று வைரலாகிறது. நடிகர் சங்கம் சார்பில் விருந்திற்கு ஏற்பாடு செய்யப்பட்டிருந்த போது 13 பேருக்கு மட்டும் முழுமையான உணவு கிடைக்காமல் போய்விட்டது.
இதுபற்றி தகவலறிந்ததும் மேலாளரை அழைத்து அடிவெளுத்து தனது காசை கொடுத்து உடனே உணவு வாங்கி வரச் சொல்லி அனைவரையும் வயிறாற சாப்பிட வைத்திருக்கிறார் என்று புகழும் வீடியோ ஒன்று வைரலாகி வருகிறது. வழக்கம் போல் எதிர்க்கட்சி தலைவராக இருந்த போது சட்டமன்றத்தில் எழுந்து நின்று அதிமுகவினரை பார்த்து ஆவேசமாக பேசும் அதிரடி வீடியோவும் வெகுவாக பகிரப்பட்டு வருகிறது.
தற்போது உடல்நலக் குறைவால் ஓய்வெடுத்து வரும் நிலையில் பழைய விஜயகாந்தை பார்க்க முடியவில்லையே என்று பலரும் வேதனைப்பட்டு வருகினறனர். எனவே பூரண குணநலன் பெற்று வர வேண்டும் என்று பிரார்த்திப்பதாக அதிகமானோர் பதிவிட்டு வருகின்றனர். அரசியல் களத்தில் தீவிர அரசியல்வாதியாக பார்க்க முடியவில்லை எனினும்,
நல்ல ஆரோக்கியத்துடன் இருந்தால் போதும் என்ற மனநிலையில் பலரும் இருப்பதை பார்க்க முடிகிறது. குறிப்பாக பொது இடங்களுக்கு அழைத்து வந்து விஜயகாந்தை சிரமத்திற்கு ஆளாக்கும் நிகழ்வுகளை தவிர்க்க வேண்டும். இதனை பிரேமலதா விஜயகாந்த் மற்றும் குடும்பத்தினர் மனதில் வைத்து செயல்பட வேண்டும் என்று வலியுறுத்தியுள்ளனர்.