துபாயில் வீட்டு வேலைக்கு சென்ற தண்டையார் பேட்டை பெண்ணை , கழிவறையில் அடைத்து வைத்து கொடுமை படுத்துவதாகவும், தன்னை காப்பாற்றுங்கள் என கண்ணீர் மல்க வீடியோ வெளியிட்டுள்ளார்.

சென்னை, தண்டையார்பேட்டை, கருணாநிதி நகர் ,4வது தெருவை சேர்ந்தவர் ஜேம்ஸ் பால். இவரது மனைவி புவனா(37). இவர், சில மாதங்களுக்கு முன், ஜான்சன் என்பவர் மூலம் குவைத் நாட்டிற்கு வேலைக்கு சென்றார். இந்த நிலையில், புவனா திடீரென, அவரின் குடும்பத்தாருக்கு கண்ணீருடன் ஒரு வீடியோ வெளியிட்டுள்ளார். அந்த வீடியோவில், அவர் தங்கியிருக்கும் அறையையும் வீடியோ எடுத்துள்ளார்.

அந்த வீடியோவை உற்று பார்க்கும்போது, அது ஒரு சிறிய அளவிலான கழிவறை என தெரிந்தது. அதில் , அவர் படுத்துறங்க பெட்சீட், தலையணை மட்டும் உள்ளது. மேலும் அவர் வெளியிட்டுள்ள வீடியோவில், கண்ணீருடம் பேசுகிரார். அதில், தன்னை 20மணி நேரம் தொடர்ந்து வேலை வாங்குவதாகவும், அடித்து அவமானப்படுத்தி கழிவறையில் படுக்க வைப்பதாகவும் கூறியுள்ளார். இந்த வீடியோ அவரது கணவர் ஜேம்ஸ் பால்க்கும், அவரின் மகளுக்கும் அனுப்பி இருந்தார்.

இதையடுத்து, ஜேம்ஸ் பால், எய்ம்ஸ் எனும் தனியார் தொண்டு நிறுவனத்தை உதவிக்கு நாடினார். அந்த நிறுவனத்தின் தலைமை செயல் அதிகாரி கணியா பாபு, இந்திய தூதரக அதிகாரிகளிடம் , புவனா குறித்து கூறியுள்ளனர்.

அதற்கு அந்த அதிகாரிகள், புவனா அங்கிருந்து தப்பித்து, எங்களின் தூதரகத்திற்கு வந்தால், புவனாவை காப்பாற்றி, தாய் நாட்டிற்கு அனுப்பி வைக்கலாம் என்றனர். ஆனால், ஜேம்ஸ் பால் கூறும்போது; அந்த நாட்டின் காவல் அதிகாரி ஒருவர் வீட்டில் தான் புவனா வேலை பார்க்கிறார். தப்பித்து வந்தால், திருட்டு பழி சுமத்தி, நிரந்தரமாக சிறையில் தள்ளிவிடுவார்கள் என அதிர்ச்சியளித்தார். இந்நிலையில், ஜேம்ஸ் பால் இதுகுறித்து எண்ணூர் காவல் நிலையத்தில் புகார் கொடுத்துள்ளார்.

புவனாவை மீட்பதற்கு, தமிழக அரசு நடவடிக்கை எடுக்க வேண்டும் என ஜேம்ஸ் பால் தெரிவித்தார். போலி ஏஜெண்ட் மூலம் , வெளி நாடுகளுக்கு செல்லும் நபர்கள் , இது போன்ற கொடுமைகளை அனுபவிப்பது தொடர்கதையாக உள்ளது. வெறும் மருத்துவ பரிசோதனைக்கு மட்டும் பணம் வாங்கும் போலி ஏஜெண்டுகள், இவர்களை கொத்தடிமைகளாக , வெளி நாடுகளில் விற்று பணம் சம்பாதிப்பதாக , அந்த தொண்டு நிறுவனம் கூறுகிறது.