ஆஸ்திரேலிய ஆராய்ச்சியாளரால் உருவாக்கப்பட்ட சோதனை மருந்து உயிருக்கு போராடி கொண்டிருக்கும் கொரோனா நோயாளிகள் சுவாசக் கஷ்டங்கள், உறுப்பு செயலிழப்பு, பக்கவாதம் மற்றும் மாரடைப்பு ஆகியவற்றிற்கு காரணமான இரத்தம் உறைதல் உருவாக்குவதைக் கட்டுப்படுத்துவதற்கு மருந்து ஒன்றை சோதனை செய்துள்ளார். இந்த மருந்து கோவிட் -19 இலிருந்து இறப்புகளைத் தடுக்க உதவும்.

சிட்னி பல்கலைக்கழகம் மற்றும் இதய ஆராய்ச்சி இன்ஸ்டிடியூட் சேர்ந்த பேராசிரியர் ஷான் ஜாக்சன் (Shaun Jackson) பக்கவாதத்திற்கு சிகிச்சையளிக்க ஒரு புதிய உறைதல் எதிர்ப்பு மருந்தை உருவாக்கும் ஆராய்ச்சியாளர்களின் குழுவை வழிநடத்தி வருகிறார்.

இவர் கண்டுபிடித்த மருந்து ரத்தம் திட்டுகளாக உறைவதை தடுப்பதாக கூறப்படுகிறது. மூச்சுத்திணறல், உறுப்புகள் செயலிழத்தல், பக்கவாதம், மாரடைப்பு உள்ளிட்டவற்றுக்கு இரத்தம் உறைதல் காரணம் என்பதால், கொரோனா நோயாளிகளுக்கு இந்த மருந்து பலனளிக்க கூடும் என அவர் தெரிவித்துள்ளார். ஐசியூ.வில் உள்ள கொரோனா நோயாளிகளில் 4 ல் 3 பேருக்கு இரத்த உறைவு ஏற்படுவதையும் அவர் சுட்டிக்காட்டி உள்ளார்.

கொரோனா பாதிக்கப்பட்டுள்ள ஆரோக்கியமான 72 நோயாளிகளில் வெற்றிகரமான முதல் கட்ட சோதனை நடைபிறது. இதை தொடர்ந்து ஆராய்ச்சியாளர்கள் அவசரமாக இரண்டாம் கட்ட சோதனைகளுக்கு செல்ல விரும்புகிறார்கள். “கொரோனா நோயாளிகளைப் பாதுகாக்க உலகெங்கிலும் உள்ள மருத்துவர்கள் எதிர்ப்பு மருந்தைப் பயன்படுத்துவதற்கு சில மாதங்களுக்கு முன்பே இது ஆயிரக்கணக்கான உயிர்களைக் காப்பாற்றும்” என்று பேராசிரியர் ஜாக்சன் கூறினார்.