மருத்துவமனையில் எடுத்த புகைப்படத்தை சமூக வலைதளங்களில் வெளியிட்டு தனக்கு இருக்கும் பிரச்சனையை தெரிவித்தார் சமந்தா. அதை பார்த்த திரையுலக பிரபலங்களும், ரசிகர்களும் சமந்தாவுக்கு ஆறுதல் கூறினார்கள்.

சமந்தாவின் முன்னாள் கணவரான நாக சைதன்யாவின் தம்பி அகிலும் ஆறுதல் கூறி கமெண்ட் போட்டார். இந்நிலையில் மருத்துவமனைக்கு சென்று சமந்தாவை பார்க்க முடிவு செய்திருக்கிறார் நாகர்ஜுனா என தகவல் வெளியாகியுள்ளது. இருப்பினும் சமந்தாவை சந்திப்பது குறித்து நாகர்ஜுனா தரப்பில் இதுவரை உறுதி செய்யவில்லை.

சமந்தா என் மருமகள் அல்ல மகள். அவர் என் மகன் நாக சைதன்யாவை பிரிந்துவிட்டாலும் என்றுமே என் மகள் தான் என நாகர்ஜுனா தெரிவித்திருந்தார்.

நாகர்ஜுனாவுடன் நாகசைதன்யாவும் சென்று சமந்தாவை சந்தித்து ஆறுதல் கூறுவாரா என்பது தெரியவில்லை. இதற்கிடையே மீண்டும் சமந்தாவுடன் சேர்ந்து வாழுமாறு நாக சைதன்யாவிடம் ரசிகர்கள் தொடர்ந்து கோரிக்கை விடுத்துக் கொண்டிருக்கிறார்கள்.

முடிந்தது முடிந்தது தான். நாங்கள் இருவரும் அடுத்தகட்டத்திற்கு சென்றுவிட்டோம் என்று சமந்தா அண்மையில் தெரிவித்தார் என்பது குறிப்பிடத்தக்கது.