சானியா மிர்சாவிடம் இருந்து பாகிஸ்தான் முன்னாள் கிரிக்கெட் வீரர் சோயப் மாலிக் விவாகரத்து பெற்றுவிட்டார் என்ற தகவல் வெளிவந்த நிலையில் நடிகை சனா ஜாவத்தை திருமணம் செய்துள்ளார்.

சோயப் மாலிக் & சானியா மிர்சா 

பாகிஸ்தான் முன்னாள் கிரிக்கெட் வீரர் சோயப் மாலிக்கும், நடிகை சனா ஜாவத்தும் காதலித்து வந்தததாக கூறிய நிலையில், கணவர் சோயப் மாலிக்கை விட்டு முன்னாள் இந்திய டென்னிஸ் வீராங்கனையான சானியா மிர்சா தனது மகனுடன் தனியாக வசித்து வருகிறார்.

இதன் பின்னர், சோயப் மாலிக்கும் சானியா மிர்சாவும் விவாகரத்து பெற்றதாகவும் தகவல்கள் வெளிவந்தது.

நடிகையை மணந்த கிரிக்கெட் வீரர்

இந்நிலையில், 41 வயதான சோயப் மாலிக், 30 வயதான நடிகை சனா ஜாவத்தை கரம் பிடித்துள்ளார். திருமணம் தொடர்பான புகைப்படங்களையும் வெளியிட்டுள்ளார். கடந்த 2002 -ம் ஆண்டு, ஆயிஷா சித்திக் என்பவரை சோயப் மாலிக் திருமணம் செய்து கொண்டார்.

பின்னர் 8 ஆண்டுகள் கழித்து 2010 -ம் ஆண்டு இருவரும் பிரிந்து விவாகரத்து பெற்றனர். இதனை தொடர்ந்து, இந்திய டென்னிஸ் வீராங்கனையான சானியா மிர்சாவை திருமணம் செய்த நிலையில் ஒரு மகனும் உள்ளார்.

இந்நிலையில், இவர்கள் இருவருக்கும் விவாகரத்து நடைபெற்றது என்று கூறப்பட்ட நிலையில் சோயப் மாலிக் நடிகை சனா ஜாவத்தை கரம் பிடித்துள்ளார்.இதனிடையே, கடந்த 2020 -ம் ஆண்டு உமைர் ஜஸ்வால் என்ற பாடகரை திருமணம் செய்த சனா ஜவாத் அவரை பிரிந்து சோயப் மாலிக்கை திருமணம் செய்துள்ளார்.