விராட் கோலியைப் பற்றி அறியாதவர்கள் யாரும் இருக்க முடியாது. அவர் கிரிக்கெட் விளையாட்டிலிருந்து பெரும் சம்பளம், விளம்பரத்தில் நடிக்கும் தொகை, ஆன்லைன் போஸ்ட்களுக்கு பெரும் தொகை போக அவர் தனியாக ஒன்8 (One8) என்ற பிராண்ட் மூலமும் வருமானம் ஈட்டி வருகிறார். 

இந்த பிராண்டில் துணிகள், காலணிகள், உணவகங்கள் மற்றும் பார் போன்றனவும் அடங்கும். இதில் ஒன்8 கம்யூன் என்று பிரத்யேகமாக டெல்லியில் இயங்கும் உணவகமும் அடங்கும்.

இந்த லாபகரமான தொழிலில் விராட் கோலியும் அவரது சகோதரரான விகாஸ் கோலியும் பல வருடங்களாக பார்ட்னர்களாக உள்ளனர். 

இவர்தான் இந்த நிறுவனத்தை நிர்வகித்து வருகிறார். விராட் கோலியின் ஜெர்சி எண்ணான 18ஐ பிரதிபலிக்கும் விதமாகவே இந்த நிறுவனத்திற்கு ஒன்8 என பெயரிடப்பட்டுள்ளது. 

இந்த நிறுவனம் நடத்தும் உணவகங்கள் மற்றும் பார்களில் மட்டும் இந்த ஆண்டு 112 கோடி ரூபாய் வருமானம் ஈட்டியதாக சொல்லப்படுகிறது.

தொழில் கூட்டாளியாக மட்டும் இல்லாமல் விகாஸ் கோலி தொடர்ந்து விராட் கோலியின் கிரிக்கெட் வாழ்க்கையில் உறுதுணையாக இருந்துள்ளார். 

இளம்வயதில் பயிற்சிக்கு அழைத்துச் செல்வது, மோசமாக விளையாடும் நேரத்தில் வழிகாட்டுவது மற்றும் அவரை உற்சாகப்படுத்துவது என விராட் கோலியுடனே பயணித்துள்ளார்.

ஹரியானா மாநிலத்தில் குறுகிராமில் வசிக்கும் இவருக்கும் சேத்னா என்ற துணைவியாரும், ஆரவ் கோலி என்ற மகனும் உள்ளனர்.

விலையுயர்ந்த கடிகாரங்களை சேகரிப்பது இவரது பொழுதுபோக்காக உள்ளது. இதுபோக கிரிக்கெட்டிலும் மிகுந்த ஆர்வமுள்ள இவரை அடிக்கடி ஆர்.சி.பி வீரர்களுடன் பார்ட்டியிழும் சிலசமயம் தோனியுடனும் காணமுடியும்.