சன் டிவியில் செய்தி வாசிப்பாளராக இருந்தவர் அனிதா சம்பத். இதன் மூலம் பெரும் பிரபலமாக இருந்த அவர், சில படங்களிலும் நடித்துள்ளார். விஜய் டிவியில் ஒளிபரப்பான பிக்பாஸ் சீசன் 4 நிகழ்ச்சியில் பங்கேற்றார். இந்த நிகழ்ச்சியில் டாஸ்க்குகளையெல்லாம் அசால்ட்டாக செய்து அப்ளாஸை பெற்றார்.

பிக்பாஸ் நிகழ்ச்சியில் இறுதி வரை செல்வார் என எதிர்பார்க்கப்பட்ட நிலையில் சக போட்டியாளரான ஆரியிடம் முகத்தைக் காட்டி, ரசிகர்களின் கோபத்திற்கு ஆளானார். இதையடுத்து பிக்பாஸ் நிகழ்ச்சியில் இருந்து வெளியேற்றப்பட்ட அனிதா சம்பத் விஜய் டிவியில் ஒளிபரப்பான பல நிகழ்ச்சிகளில் பங்கேற்று வருகிறார்.

பிக்பாஸ் அல்டிமேட்

இதேபோல் படங்களிலும் நடித்து வருகிறார் அனிதா சம்பத். சமீபத்தில் டிஸ்னி ப்ளஸ் ஹாட் ஸ்டாரில் ஒளிபரப்பான பிக்பாஸ் அல்டிமேட் நிகழ்ச்சியிலும் பங்கேற்றார். யூட்யூப் சேனலையும் நடத்தி வரும் அனிதா சம்பத், சமூக வலைதளங்களிலும் ஆக்ட்டிவாக உள்ளார். அவ்வப்போது தனது போட்டோக்களையும் ஷேர் செய்து வருகிறார்.

சொந்த வீடு

இந்நிலையில் அனிதா சம்பத் ஷேர் செய்துள்ள பதிவை பார்த்த ரசிகர்கள் அவருக்கு வாழ்த்துகளை தெரிவித்து வருகிறார். அதாவது நடிகை அனிதா சம்பத் தனது சொந்த வீடு கனவை நிறைவேற்றியுள்ளார். புது வீட்டிற்கு குடி பெயர்ந்துள்ள அனிதா சம்பத், தனது கணவருடன் சேர்ந்துள்ள போட்டோவை ஷேர் செய்துள்ளார்.

மேலும், “Finally! வீடு எப்போதுமே எங்க ரெண்டு பேருக்கும் மிக பெரிய கனவு.வாடகை வீட்டுலயே நல்ல வீடு கிடைக்காதா..பெட்ரூம் வச்ச வீட்டுக்கு போக மாட்டோமானு ஏங்குன காலம் எல்லாம் இருக்கு.. ஓட்டு வீடுல பிறந்து வளர்ந்த பிரபாக்கும் அதே தான்.இன்னக்கி எங்களுக்கு பிடிச்ச மாதிரி எங்களுக்காக ஒரு வீடு. நிறைய வலிகளும் நிறைய உழைப்பும் நிறைய மெனக்கெடல்களும் கடந்து அன்னையர் தினம் அன்று எங்கள் அன்னையர்களுக்காக அவர்களின் சொந்த வீட்டு கனவை நினைவாக்கி விட்டோம்❤️ “நம்ம எல்லார் வாழ்க்கையும் ஒரு நாள் நமக்கு பிடிச்ச மாதிரி மாறும்”. இப்ப அதை இன்னும் வலிமையா நம்புறேன். இதை படிக்கிற நீங்க எல்லாருமே சீக்கிரம் வீடு வாங்குவீங்க.எங்க சார்பா அதற்கான வாழ்த்துகள்”. என உருக்கமாக பதிவிட்டுள்ளார்.