புதுமுகம் சிபி சக்ரவர்த்தி இயக்கத்தில் சிவகார்த்திகேயன், ப்ரியங்கா அருள்மோகன், சமுத்திரக்கனி, எஸ்.ஜே. சூர்யா உள்ளிட்டோர் நடித்த டான் படம் தியேட்டர்களில் ரிலீஸானது.

படம் பார்த்தவர்களுக்கு அது மிகவும் பிடித்துவிட்டது. டான் படத்தை நம்பி பார்க்கலாம் என்று விமர்சனம் எழுந்தது. சிவகார்த்திகேயன், எஸ்.ஜே. சூர்யா இடையேயான போட்டா போட்டி காட்சிகள் ரசிகர்களை வெகுவாக கவர்ந்தது.

இந்நிலையில் டான் படக்குழுவுக்கு இன்ப அதிர்ச்சி கொடுத்திருக்கிறார் ரஜினிகாந்த். டான் படத்தை பார்த்த அவர் போன் செய்து பாராட்டியிருக்கிறார்.

போனில் ரஜினி கூறியதாவது,

படம் சூப்பர் பா. அருமையாக இருந்தது. அதிலும் கடைசி 30 நிமிடம் என்னால் கண்ணீரை கட்டுப்படுத்த முடியவில்லை என்று கூறியிருக்கிறார்.

ரஜினியே அழைத்து பாராட்டியாச்சு. இதை விட பெரிய விருது ஒன்றும் இருக்க முடியாது என்று டான் படக்குழு சந்தோஷத்தில் இருக்கிறது. தற்போது தலைப்பை மீண்டும் வாசிக்கவும்.

எந்த படம் பார்த்தாலும் அந்த குழுவுக்கு போன் செய்து பாராட்டுவதை வழக்கமாக வைத்திருக்கிறார் ரஜினி. அதனால் படத்தை ரிலீஸ் செய்பவர்கள் ரஜினியிடம் இருந்து எப்பொழுது போன் அழைப்பு வரும் என்று எதிர்பார்த்து காத்திருப்பதும் உண்டு.