நடிகர் ஹரீஷ் கல்யாணின் திருமணம் உறவினர்கள் மற்றும் நண்பர்கள் சூழ இன்று விமரிசையாக நடைபெற்றது.

தமிழ் சினிமாவில் பிரபல நடிகராக வலம் வருபவர் ஹரிஷ் கல்யாண். சிந்து சமவெளி படத்தின் மூலம் நடிகராக அறிமுகமான ஹரீஷ் கல்யாண், பிக்பாஸ் நிகழ்ச்சியின் மூலம் பெரும் பிரபலமானார். தமிழ் சினிமாவில் பல ஹிட் படங்களை கொடுத்துள்ளார். 

திருமணம் நிச்சயம்

பியார் பிரேமா காதல், இஸ்பேட் ராஜாவும் இதய ராணியும், தாராள பிரபு, ஓமணப்பெண்ணே உள்ளிட்ட பல படங்கள் ஹரீஷ் கல்யாணை அடையாளப்படுத்தியது. தற்போது டீசல் மற்றும் ஸ்டார் ஆகிய படங்களில் நடித்து வருகிறார். இந்நிலையில் தனக்கு திருமணம் நிச்சயிக்கப்பட்ட தகவலை கடந்த 5 ஆம் தேதி தனது சமூக வலைதள பக்கத்தில் அறிவித்தார் ஹரீஷ் கல்யாண்.

நர்மதா உதயகுமார்

தொடர்ந்து தான் திருமணம் செய்து கொள்ள உள்ள பெண் நர்மதா உதயகுமார் என்று தெரியப்படுத்திய ஹரீஷ் கல்யாண் அவருடன் இருக்கும் போட்டோக்களை ஷேர் செய்தார். இந்நிலையில் நேற்று ஹரீஷ் கல்யாணும் அவருடைய அப்பாவும் செய்தியாளர்களை சந்தித்தனர்.

திருமணம் முடிந்தது

அப்போது இந்த திருமணம் காதல் திருமணம் அல்ல முழுக்க முழுக்க பெற்றோரால் நிச்சயிக்கப்பட்ட திருமணம் என தெளிவுப்படுத்தினர். மேலும் ரசிகர்களுக்கும் திருமணத்திற்கு அழைப்பு விடுத்தனர். இந்நிலையில் திருவேற்காட்டில் உள்ள ஜிபிஎன் பேலஸில் இன்று காலை 9- 10.30 முகூர்த்தத்தில் ஹரீஷ் கல்யாணின் திருமணம் நடந்து முடிந்துள்ளது.

மனைவிக்கு முத்தம்

இதில் இருவரின் பெற்றோர் உறவினர்கள் நண்பர்கள் மற்றும் சினிமா நட்சத்திரங்கள் பலரும் பங்கேற்றனர். தாலி கட்டிய கையோடு தனது மனைவிக்கு முத்தம் கொடுத்துள்ளார் ஹரீஷ் கல்யாண். ஹரீஷ் கல்யாணின் திருமண போட்டோக்கள் இணையத்தில் வெளியாகி வைரலாகி வருகிறது. இதனை பார்த்த ரசிகர்கள் வாழ்த்து மழை பொழிந்து வருகின்றனர்.