நடிகை சமந்தா சென்னை பல்லாவரத்தை பூர்வீகமாக கொண்டவர். தமிழ் மற்றும் தெலுங்கு படங்களில் பிரதானமாக நடித்தாலும் இவரை இந்தியா முழுவதிலும் இருப்பவர்களுக்கு தெரியும். தமிழில், விண்ணைத்தாண்டி வருவாயா படத்தில் ஒரு சிறிய கதாபாத்திரத்தில் நடித்தார், அதே படத்தின் தெலுங்கு ரீமேக்கில் கதாநாயகியாக நடித்து அறிமுகமானார். பின்னர் தமிழ் மற்றும் தெலுங்கு மொழியில் பல திரைப்படங்களில் நடித்து தென்னிந்திய சினிமாவின் முக்கிய மற்றும் முன்னணி நடிகையாக ஆனார்.

சமீபத்தில் நடிகர் விஜய் தேவரகொண்டாவுடன் இணைந்து குஷி படத்தில் நடித்தார். இந்த படம் வெளியாகி நல்ல வரவேற்பை பெற்றுவருகிறது. இந்நிலையில், சினிமாவிலிருந்து ஒரு சிறிய பிரேக் எடுத்து நியூயார்க்கில் இருக்கிறார் நடிகை சமந்தா. தமிழ், தெலுங்கு மொழிகளில் படம் நடித்து வந்த இவர், அமேசான் ப்ரைமின் தி பேமிலி மேன் சீரிஸின்மூலம் ஹிந்தி திரை ரசிகர்களுக்கு நேரடியாக அறிமுகமானார். 

இந்நிலையில், ஹிந்தி படத்தில் ஹிந்தி நடிகரான சல்மான் கானுக்கு ஜோடியாக நடிக்க சமந்தாவை அணுகி இருக்கிறார் இயக்குனர் விஷ்ணுவர்தனன். முன்னதாக, தமிழில் பில்லா, ஆரம்பம் போன்ற படங்களை இயக்கியுள்ளார் இந்த இயக்குனர். தற்போது, நடிகர் அதர்வாவின் தம்பியான ஆகாஷ் முரளி, அதிதி ஷங்கர் நடிக்கும் படத்தை இயக்கிவருகிறார். அடுத்ததாக, ஹிந்தியில் சல்மான் கானை வைத்து படம் இயற்றவிருக்கிறார் இயக்குனர் விஷ்ணுவர்தனன்.

இந்த படத்தில் சல்மான் கான் ராணுவ வீரராக நடிக்கிறார். அவருக்கு ஜோடியாக நடிக்கவே நடிகை சமந்தாவை அணுகியுள்ளார்கள். பேன் இந்திய படமாக இந்தப் படத்தை தயாரிக்கவிருக்கிறார்களாம். இந்த படத்தை கரண் ஜோஹரின் தர்மா புரொடக்‌ஷன்ஸ் தயாரிக்கிறது.

எனினும், நடிகை சமந்தா தரப்பிலிருந்து இந்த படத்தில் நடிப்பது குறித்து பதில் வரவில்லையாம். எனவே, சல்மான் கான் மற்றும் சமந்தா கம்போ வொர்க் அவுட் ஆகுமா என தெரியவில்லை. ஒருவேளை, சமந்தா ஓகே சொல்லவில்லையென்றால் த்ரிஷா அல்லது அனுஷ்காவை அணுகவிருக்கிறார்களாம் இந்த படக்குழுவினர்..