பிரபல மலையாள இயக்குனருக்கு பெண் குழந்தை …குவியும் வாழ்த்து…
மலையாள சினிமா உலகில் பிரபல இயக்குநராகவும் நடிகராகவும் வலம் வருபவர் மின்னல் முரளி. CET Life என்ற குறும்படத்தின் மூலம் நடிகராக அறிமுகமான பாசில் ஜோசப், ஏராளமான குறும்படங்களை இயக்கியுள்ளார். இயக்குநர் வினீத் சீனிவாசனிடம் உதவி இயக்குநராக பணியாற்றிய பாசில் ஜோசப், கடந்த 2015 ஆம் ஆண்டு வெளியான குஞ்சிராமாயணம் படத்தின் மூலம் இயக்குநராக அறிமுகமானார்.
மின்னல் முரளி
தொடர்ந்து கடந்த 2017ஆம் ஆண்டு டோவினோ தாமஸின் கோதா படத்தை இயக்கினார் பாசில் ஜோசப். இதனை தொடர்ந்து கடந் 2021 ஆம் ஆண்டு மின்னல் முரளி என்ற படத்தை இயக்கினார பாசில் ஜோசப். சூப்பர் ஹீரோ கதையை மைய்யப்படுத்தி இப்படம் உருவாக்கப்பட்டது. மலையாள சினிமாவில் வெளியான முதல் சூப்பர் ஹீரோ படமான மின்னல் முரளி திரைப்படம் ரசிகர்கள் மத்தியில் நல்ல வரவேற்பை பெற்றது.
இந்நிலையில் இயக்குநர் பாசில் ஜோசப் பெண் குழந்தைக்கு அப்பாவாகியுள்ளார். பாசில் ஜோசப் கல்லூரியில் படிக்கும் போது எலிசபெத் சாமுவேல் என்பவரை காதலித்து வந்தார். 7 ஆண்டுகளாக இருவரும் காதலித்து வந்த நிலையில் கடந்த 2017 ஆம் ஆண்டு இருவரும் திருமணம் செய்து கொண்டனர்.
இந்நிலையில் பாசில் ஜோஸப்பின் மனைவி கர்ப்பமாக இருந்தார். அவருக்கு இன்று பெண் குழந்தை பிறந்துள்ளது.
பெண் குழந்தை
இதன்மூலம் திருமணம் ஆகி 5 ஆண்டுகள் கழித்து இருவரும் பெற்றோர் ஆகியுள்ளனர். தங்களுக்கு பெண் குழந்தை பிறந்த தகவலை குழந்தையின் போட்டோவுடன் சமூக வலைதளத்தில் அறிவித்துள்ளார் இயக்குநர் பாசில் ஜோசப். மேலும் தங்களின் மகளுக்கு ஹோப் என பெயர் வைத்துள்ளனர். இதுதொடர்பான அவரது சோஷியல் மீடியா பக்கத்தில் பதிவிட்டிருப்பதாவது, எங்கள் குட்டி தேவதை, ஹோப் எலிசபெத் பாசிலின் வருகையை அறிவிப்பதில் மகிழ்ச்சி அடைகிறேன் அவள் ஏற்கனவே எங்கள் இதயங்களைத் திருடிவிட்டாள், நாங்கள் எங்கள் விலைமதிப்பற்ற மகளின் மீது அன்புடன் நிலவுக்கு மேல் இருக்கிறோம். அவள் அவள் வளர்வதையும் அவளிடமிருந்து ஒவ்வொரு நாளும் கற்றுக்கொள்வதைப் பார்க்க நாங்கள் காத்திருக்க முடியாது என குறிப்பிட்டுள்ளார். அவருடைய இந்த பதிவை பார்த்த சினிமா பிரபலங்கள் பலரும் அவருக்கு வாழ்த்து தெரிவித்து வருகின்றனர். நடிகரும் இயக்குநருமான வினீத் சீனிவாசன், உனக்காகவும் எலிசபெத்துக்காகவும் ரொம்பவே மகிழ்ச்சி அடைகிறேன்.. என்னுடைய பிரார்த்தனைகள். நான் உன் குழந்தையை பார்க்கவருகிறேன் என குறிப்பிட்டுள்ளார். இதேபோல் துல்கர் சல்மான், டோவினோ தாமஸ், கல்யாணி பிரியதர்ஷன், ரஜிஷா விஜயன், சானியா அய்யப்பன், சிஜு வில்சன், நஸ்ரியா நஸீம், சம்யுக்தா, ஐஸ்வர்யலட்சுமி உள்ளிட்ட பலரும் பாசில் ஜோசப் மற்றும் அவரது மனைவிக்கு வாழ்த்து தெரிவித்துள்ளனர்.