தமிழ் சினிமாவில் ரசிகர்களால் சூப்பர்ஸ்டார் என கொண்டாடப்பட்டு வருகிறார் ரஜினிகாந்த். இவர் நடிப்பில் தற்போது வேட்டையன் திரைப்படம் உருவாகி வருகிறது. இப்படத்தின் படப்பிடிப்பு சமீபத்தில் நிறைவடைந்தது. அக்டோபர் மாதம் வேட்டையன் திரைப்படம் வெளிவரும் என ரஜினிகாந்த் தெரிவித்துள்ளார். மேலும் அடுத்ததாக ஜூன் 10ஆம் தேதி முதல் லோகேஷ் கனகராஜ் இயக்கத்தில் உருவாகவுள்ள கூலி திரைப்படத்தில் நடிக்கவுள்ளார்.

இப்படத்தின் டைட்டில் டீசர் சமீபத்தில் வெளிவந்து மக்கள் இடையே நல்ல வரவேற்பை பெற்றது. கூலி திரைப்படத்தை தொடர்ந்து ஜெயிலர் இரண்டாம் பாகத்தில் ரஜினி நடிக்கவுள்ளார் என தகவல் வெளியாகியுள்ளது. ஆனால், அதிகாரப்பூர்வமாக அறிவிக்கவில்லை.

ரஜினிகாந்தின் போயஸ் கார்டன் வீட்டை அவருடைய ரசிகர்கள் பலரும் அறிவார்கள். ரஜினிகாந்தின் பிறந்தநாள் மற்றும் தீபாவளி, பொங்கல் பண்டிகை நாட்களில் அவரை காண அங்கு செல்வார்கள். பிரமாண்டமாக கட்டப்பட்டிருக்கும் சூப்பர்ஸ்டார் ரஜினிகாந்தின் இந்த வீட்டின் விலை ரூ. 35 கோடி இருக்கும் என தகவல் வெளியாகியுள்ளது.