இந்திய தொழிலதிபர் முகேஷ் அம்பானியின் மகன் ஆனந்த் அம்பானிக்கும், வைர வியாபாரி ரத்தன் தாஸ் மெர்ச்சண்ட் மகள் ராதிகா மெர்ச்சன்ட் திருமணம் விரைவில் நடைபெற உள்ளது. இந்த திருமணத்திற்கு முன்னதாக, பிரான்ஸ் நாட்டின் கேன்ஸ் நகரில் ஒரு பிரமாண்டமான படகு சவாரி நிகழ்ச்சி ஏற்பாடு செய்யப்பட்டது.

ராதிகா மெர்ச்சன்ட் இந்த நிகழ்ச்சிக்கு, புகழ்பெற்ற ஆடை வடிவமைப்பாளர் ஷலீனா நதானி வடிவமைத்த கவர்ச்சியான நீல நிற ஆடையை அணிந்திருந்தார்.

இந்த ஆடை ரொமான்டிக் மற்றும் இளமையான தோற்றத்தை கொண்டிருந்ததாக ராதிகா பூரிப்போடு தெரிவித்தார்.

இந்த நீல நிற ஆடைக்கு பொருத்தமாக, ராதிகா ஒரு அரிய நீல நிற ஓபல் நெக்லஸை அணிந்திருந்தார். இந்த நெக்லஸை லோராய்ன் ஸ்வார்ட்ஸ் வடிவமைத்திருந்தார்.

நீல நிற ஓபல் ராதிகாவின் ஜென்ம ராசி கல் என்பதும், அதில் உள்ள வைரங்கள் ஆனந்த் அம்பானியின் மகிழ்ச்சியை பிரதிபலித்தது என்பதும் குறிப்பிடத்தக்கது.

இந்த நெக்லஸ், ராதிகாவையும் ஆனந்தையும் பிணைத்திருப்பது போன்ற ஒரு சின்னமாக வடிவமைக்கப்பட்டிருந்தது.

ஆனந்த் அம்பானி இந்த நிகழ்ச்சிக்கு, பிரபலமான ஆடை வடிவமைப்பாளர் டோல்ஸ் அண்டு கப்பானா வடிவமைத்த ஒரு தரமான ஆடையை அணிந்திருந்தார்.

இந்த ஆடை அவருக்காகவே தனித்துவமாக வடிவமைக்கப்பட்டிருந்தது மற்றும் நிகழ்ச்சிக்கு ஏற்றபடி மிகவும் ஆடம்பரமாக இருந்தது.