விஜய் ஆண்டனி மகளின் பள்ளியில் நடந்த வீடியோ: தமிழச்சி தங்கபாண்டியன் உருக்கம்
விஜய் ஆண்டனி மகள் மீராவுக்கு நான் தான் பதவி பிரமாணம் செய்து வைத்தேன் என எம்.பி., தமிழச்சி தங்கபாண்டியன் உருக்கமாக பதிவிட்டுள்ளார்.
விஜய் ஆண்டனி மகள்
நடிகரும், இசையமைப்பாளருமான விஜய் ஆண்டனியின் மூத்த மகள் மீரா இன்று காலை 3 மணி அளவில் தூக்கிட்டு தற்கொலை செய்து கொண்டார்.
சென்னை ஓமந்தூரார் அரசு மருத்துவமனையில் அவரது உடல் பிரேத பரிசோதனை முடிந்து அனுப்பி வைக்கப்பட்டு திரைபிரபலங்கள் பலரும் விஜய் ஆண்டனி குடும்பத்திற்கு ஆறுதல் தெரிவித்து வருகின்றனர்.
தமிழச்சி தங்கபாண்டியன் பதிவு
இது தொடர்பாக தமிழக எம்.பி தமிழச்சி தங்கபாண்டியன் தனது ட்விட்டர் பதிவில், “இசையமைப்பாளரும், நடிகருமான விஜய் ஆண்டனியின் மகள் மீரா மரணம் அடைந்த செய்தி கேட்டு பேரதிர்ச்சி அடைந்தேன்.
கடந்த, ஜூன் மாதம், சென்னை – சர்ச் பார்க் பள்ளியில் நடந்த மாணவர் தலைவர்களுக்கான பதவியேற்பு விழாவில் கலந்துகொண்டு, கலைநிகழ்ச்சி குழுவின் தலைவராக மீராவுக்கு பதவி பிரமாணம் செய்து வைத்தேன். துடிப்பும், சுறுசுறுப்பும், ஆர்வமும் நிறைந்த பெண்ணாயிருந்த மீராவின் இந்த முடிவு, மிகுந்த மன வேதனையை அளிக்கின்றது.
அவரை இழந்து வாடும், அவரது தந்தை விஜய் ஆண்டனி, குடும்பத்தினருக்கும், நண்பர்களுக்கும் எனது ஆழ்ந்த இரங்கலும், அனுதாபமும்” எனக் கூறியுள்ளார்.