விஜய் கிறிஸ்தவன் என்பதால் நெற்றியில் இருந்த செந்தூர பொட்டை அழித்தாரா… விளக்கம் கொடுத்த கட்சி

September 24, 2024 at 10:48 am
pc

தமிழக வெற்றி கழகத்தின் தலைவரும், நடிகருமான விஜய் தனது சமூக வலைதள புகைப்படத்தை மாற்றியுள்ளார். நடிகர் விஜய் தமிழக வெற்றி கழக கட்சியை தொடங்கி தீவிர அரசியலில் ஈடுபட்டு வருகிறார். அவர் வரும் 2026 சட்டமன்ற தேர்தலில் போட்டியிடவுள்ளதாக அறிவித்துள்ளார். அவர் மக்களுக்கு பல நலத்திட்ட உதவிகளை செய்தும், மாணவ மாணவியருக்கு கல்வி ஊக்கத்தொகை வழங்கி சிறப்பித்தும் வருகிறார்.

இந்நிலையில், தனது கட்சியின் பெயர் மற்றும் சின்னத்தை மக்களிடம் கொண்டு சேர்ப்பதற்கான வேலைகளை நடிகர் விஜய் செய்து வருவதாக கூறப்படுகிறது. இதற்காக பிரம்மாண்டமான மாநாட்டை நடத்தவுள்ளார். இதையடுத்து, தமிழக வெற்றி கழகத்தின் முதல் மாநாடு ஒக்டோபர் 27 -ம் திகதி விக்கிரவாண்டியில் நடைபெறும் என அறிவிக்கப்பட்டுள்ளது.

இந்நிலையில் தமிழக வெற்றி கழக கட்சியின் ‘எக்ஸ்’ சமூக வலைதள பக்கத்தில் இடம்பெற்றிருந்த விஜயின் புகைப்படம் மாற்றப்பட்டுள்ளது.

இதற்கு முன்பாக, விஜய் நெற்றியில் செந்தூர பொட்டு வைத்த புகைப்படம் இடம் பெற்றிருந்தது. தற்போது, விஜய் பொட்டு இல்லாமல் கைகளை கும்பிட்டபடி புதிய புகைப்படம் இடம்பெற்றுள்ளது. அதேபோல அறிக்கை வெளியாகும் தாளிலும் புகைப்படம் மாற்றப்பட்டுள்ளது.

அதாவது, பொட்டு வைத்தபடி புகைப்படம் வைத்திருந்தால் ஒரு சில கட்சியினர் தனக்கு சாதமாக பயன்படுத்துகிறார்கள் என்றும், சர்ச்சைக்கு இடம் கொடுக்க வேண்டாம் என்று கட்சி நிர்வாகிகள் தரப்பில் விளக்கம் கொடுக்கப்பட்டுள்ளதாக தெரிகிறது.

Quick Share

Leave a Reply

Your email address will not be published. Required fields are marked *




You cannot copy content of this Website