தனுஷும், ஐஸ்வர்யா ரஜினிகாந்தும் பிரிந்து வாழ்வது அனைவருக்கும் தெரியும். இந்நிலையில் சென்னையில் இருக்கும் 5 ஸ்டார் ஹோட்டல் ஒன்றுக்கு அடிக்கடி செல்கிறாராம் தனுஷ்.

அவர் ஐஸ்வர்யாவை பார்க்க அல்ல மாறாக சிம்புவை பார்க்க செல்கிறார் என தகவல் வெளியாகியிருக்கிறது. அந்த ஹோடலில் சிம்புவையும், தனுஷையும் ஒன்றாக பார்க்க முடிகிறதாம்.

இருவரும் சேர்ந்து படம் பண்ண முடிவு செய்திருக்கிறார்களாம். திரைக்கதை, வசனம் ஆகியவற்றை இருவரும் சேர்ந்து எழுதுகிறார்களாம்.

படத்தை சிம்பு அல்ல தனுஷ் இயக்கப் போகிறாராம். இப்படி ஒரு கூட்டணியில் படம் உருவாகும் என்று யாரும் எதிர்பார்க்காத நிலையில் சத்தமில்லாமல் வேலை செய்து கொண்டிருக்கிறார்களாம்.

ப. பாண்டி படம் மூலம் இயக்குநர் அவதாரம் எடுத்தார் தனுஷ். அதன் பிறகு அவர் எந்த படத்தையும் இயக்கவில்லை. ரஜினியை வைத்து படம் இயக்க ஆசைப்பட்டு காத்திருந்தார். அது நடக்க வாய்ப்பே இல்லை என்று கூறப்படுகிறது.

இந்நிலையில் தான் சிம்புவுடன் கூட்டணி வைத்திருக்கிறாராம். இருவரும் சேர்ந்து நடிக்க முடிவு செய்திருப்பது பலரையும் வியக்க வைத்திருக்கிறது.