11 டேட்டிங்கை காதல் மனைவியுடன் வேற லெவலில் கொண்டாடி வருகிறார் பிரபல நடிகர். 

நடிகர் நகுல்

தமிழ் சினிமாவில் பிரபல நடிகராக வலம் வருபவர் நகுல். பிரபல நடிகையான தேவையானியின் சகோதரரான நகுல், ஷங்கர் இயக்கத்தில் வெளியான பாய்ஸ் படத்தன் மூலம் அறிமுகமானார். தொடர்ந்து காதலில் விழுந்தேன், மாசிலாமணி, கந்தக்கோட்டை, நான் ராஜாவாக போகிறேன், வல்லினம், தமிழுக்கு எண் ஒன்றை அழுத்தவும் உள்ளிட்ட பல படங்களில் நடித்துள்ளார்.

பாடகர்

கடைசியாக செய் என்ற படம் அவரது நடிப்பில் வெளியானது. தற்போது எரியும் கண்ணாடி, வாஸ்கோடகமா ஆகிய படங்களில் நடித்து வருகிறார். நகுல் தொலைக்காட்சி நிகழ்ச்சிகளிலும் பங்கேற்று வருகிறார். பின்னர் பாடகராகவும் உள்ள நகுல் பல தமிழ் சினிமாவில் பல பாடல்களையும் பாடியுள்ளார்.

11 வருட டேட்டிங்

நகுல் தனது நீண்ட நாள் காதலியான ஸ்ருதியை கடந்த 2016ஆம் ஆண்டு திருமணம் செய்தார். இவர்களுக்கு அகிரா என்ற பெண் குழந்தை உள்ளார். ஸ்ருதி மீண்டும் கர்ப்பமாக உள்ளதாக சமீபத்தில் தகவல் வெளியானது. இந்நிலையில் நடிகர் நகுலும் ஸ்ருதியும் தாங்கல் டேட்டிங் செய்ய ஆரம்பித்து 11 ஆண்டுகள் ஆவதை கொண்டாடி வருகின்றனர்.

புதிய வரவு

டேட்டிங்கை கொண்டாடும் வகையில் நடிகர் நகுல் புதிய கார் ஒன்றையும் வாங்கியுள்ளார். இதனை நகுல் தனது சமூக வலைதள பக்கத்தில் தெரிவித்துள்ளார். இதனை பார்த்த ரசிகர்கள் இருவருக்கும் வாழ்த்துக்களை தெரிவித்து வருகின்றனர். இருவரும் தங்களின் 11 வருட டேட்டிங்கை கொண்டாடும் வீடியோக்களும் போட்டோக்களும் இணையத்தில் வைரலாகி வருகிறது.