Breaking News

கிரைம்

June 17, 2024 at 11:57 am

காதலியின் கழுத்தை வெட்டி கையில் பிடித்தபடி வீடியோ – பதைபதைக்க வைக்கும் சைக்கோ கொலை!

Teadmin
Quick Share

உத்தரப்பிரதேசத்தில் நடிகர் சஞ்சய் தத்தின் தீவிர ரசிகராக இருந்து வந்த இளைஞர் ஒருவர் தன்னுடைய காதலியின் தலையை வெட்டி சிரித்த முகத்துடன் அதை வீடியோவாக பதிவு செய்து வெளியிட்ட சைக்கோ சம்பவம் பெரும் பரபரப்பை ஏற்படுத்தியிருக்கிறது.

உத்தரப்பிரதேச மாநிலம் புலசந்தர் பகுதியைச் சேர்ந்தவர் அந்தன். இவர் பிரபல பாலிவுட் நடிகர் சஞ்சய் தத்தின் தீவிர ரசிகராக இருந்துள்ளார். இந்நிலையில் இளைஞர் அந்தன் ஒரு பெண்ணைக் காதலித்து வந்ததாகக் கூறப்படுகிறது.

சமீபத்தில் இருவருக்கும் இடையே ஏற்பட்ட கருத்து வேறுபாட்டால் காதலி அவரிடம் இருந்து பிரிந்து சென்றுள்ளார். இதனால் அவரிடம் வாக்குவாதத்தில் ஈடுபட்டுக் கொண்டிருந்த அந்தன் திடீரென ஆத்திரத்தில் காதலியின் தலையைத் துண்டாக வெட்டியுள்ளார்.

வெட்டிய தலையுடன் சிரித்துக் கொண்டே வீடியோ ஒன்றையும் வெளியிட்டுள்ளார். அந்த வீடியோவில், ‘நடிகர் சஞ்சய் தத் நடித்த கல்நாயக் என்ற படத்தைப் பார்த்து அதில் வரும் ‘பல்லு’ என்கிற கேரக்டர் போலவே தானும் கொலை செய்தேன்’ எனத் தெரிவித்துள்ளது பதைபதைப்பைக் கிளப்பியுள்ளது.

மேலும் அந்த வீடியோவில் ‘இனி யார் என்னை ஏமாற்றினாலும் இப்படித்தான் கொலை செய்வேன்’ எனவும் பேசியுள்ளார். சமூக வலைத்தளங்களில் வெளியான இந்த வீடியோ பலருக்கும் அதிர்ச்சியைக் கொடுத்துள்ளது,

ஒரு சினிமா நடிகரைப் பார்த்து இளைஞர் கொடூரச் செயலில் ஈடுபட்டு நேரடியாக பேசி வீடியோ வெளியிட்டுள்ளது அதிர்ச்சியை ஏற்படுத்திய நிலையில் உத்தரப்பிரதேச போலீசார் இளைஞர் அந்தனை கைது செய்துள்ளனர்.

June 17, 2024 at 11:53 am

சிறுமியிடம் பாலியல் மிரட்டல்: வட மாநில வாலிபர் கைது!

Teadmin
Quick Share

சிதம்பரம் அருகே உள்ள துணிசிரமேடு கிராமத்தைச் சேர்ந்த சிறுமியிடம் ஆன்லைன் மூலம் பழகி செல் போனில் இன்ஸ்டாகிராம் மூலம் ஆபாசமான புகைப்படங்களை சமூக வலைத்தளங்களில் வெளியிடுவதாக மிரட்டிய ஆந்திர மாநில வாலிபரை சிதம்பரம் தாலுகா போலீசார் கைது செய்தனர்.

கடலூர் மாவட்டம் துணிசிரமேடு கிராமத்தைச் சேர்ந்த 16 வயது சிறுமிக்கும், ஆந்திர மாநிலம் சித்தூர் மாவட்டம் மல்லானூர் ஊரைச் சேர்ந்த கேசவன் மகன் கிரன் குமார் (21) என்பவருக்கும் கடந்த இரண்டு வருடங்களாக இன்ஸ்டாகிராம் மூலம் பழக்கம் ஏற்பட்டு காதலித்து வந்துள்ளனர். மேலும் சிறுமியின் அங்கங்கள் குறித்த புகைப்படத்தை அவ்வாலிபர் பெற்றுள்ளார். இந்நிலையில் வாலிபர் கிரண்குமார் செல்போனில் இருக்கும் சிறுமியின் ஆபாச புகைப்படங்களை சமூக வலைத்தளங்களில் வெளியிட்டு விடுவதாக மிரட்டி உள்ளார்.

இதுகுறித்து அச்சிறுமி தாயாரிடம் தெரிவித்ததையடுத்து சிறுமியின் தாயார் சிதம்பரம் அனைத்து மகளிர் காவல் நிலையத்தில் புகார் அளித்தார். சிதம்பரம் உட்கோட்ட காவல் உதவி கண்காணிப்பாளர் பி.ரகுபதி உத்தரவின் பேரில் கடலூர் மாவட்ட தனிப்படை போலீசார் விசாரணை மேற்கொண்டு ஆந்திர மாநிலம் சித்தூர் மாவட்டம் மல்லானூருக்கு சென்று வாலிபர் கிரண்குமார் ஞாயிற்றுக்கிழமை கைது செய்து அழைத்து வந்தனர். இதுகுறித்து சிதம்பரம் அனைத்து மகளிர் காவல்நிலையத்தினர் வாலிபர் கிரண்குமார் மீது போக்சோ சட்டத்தின் கீழ் வழக்குப்பதிவு செய்து நீதிமன்ற காவலுக்கு அனுப்பி வைத்தனர்.

June 17, 2024 at 10:23 am

வியாபாரியை வழிமறித்து 30 லட்சம் ரூபாய் வழிப்பறி: 4 பேர் கைது!

Teadmin
Quick Share

திருப்பத்தூர் மாவட்டம் ஆம்பூர் காதர்பேட்டை மசூதி தெருவைச் சேர்ந்தவர் பராஸ் அகமது (29). இவர் ஆம்பூரில் பழைய இரும்பு மற்றும் தோல்பொருட்கள் விற்பனை கடை நடத்தி வருகிறார். இவர் வேலூர், ராணிப்பேட்டை, திருப்பத்தூர் மாவட்டத்தை சேர்ந்த வியாபாரிகள் பலர் இவருடைய கடையில் இருந்து இரும்பு, தோல்பொருட்களை தவணையில் வாங்கி செல்வதும், அதற்கான பணத்தை சில நாட்களில் பராஸ் அகமது நேரில் சென்று வசூலிப்பது வழக்கம்.

அதன்படி கடந்த 7-ம் தேதி இரவு பராஸ் அகமது வேலூர் பி.எஸ்.எஸ்.கோவில் தெருவில் கடை வைத்துள்ள சில வியாபாரிகளிடம் கொடுத்த பொருட்களுக்கான பணத்தை வசூலிப்பதற்காக ஆம்பூரில் இருந்து காரில் வந்துள்ளார். பி.எஸ்.எஸ். கோவில் தெருவில் காரை நிறுத்தி விட்டு அவர் அங்குள்ள வியாபாரிகளிடம் இருந்து 30 லட்சம் ரூபாயை வசூல்செய்து அதனை ஒரு பையில் வைத்து கொண்டு பராஸ் அகமது காரை நோக்கி நடந்து சென்றுள்ளார். அப்போது 2 மோட்டார் சைக்கிளில் வந்த 4 வாலிபர்கள் திடீரென அவரை மடக்கி கத்தியை காட்டி மிரட்டி பணம் பாரஸ் அகமது வைத்திருந்த பையை பறித்துக் கொண்டு தப்பிச் சென்றனர்.

இதுகுறித்து பாரஸ் அகமது வேலூர் வடக்கு காவல் நிலையத்தில் புகார் அளித்தார். அதன்பேரில் இன்ஸ்பெக்டர் சீனிவாசன் மற்றும் சப்&இன்ஸ்பெக்டர் சத்யவாணி ஆகியோர் வழக்குப்பதிந்து அந்த பகுதியில் பொருத்தப்பட்டிருந்த சிசிடிவி கேமராக்களை ஆய்வு செய்து தொடர் விசாரணை நடத்தி வழிபறியில் ஈடுபட்ட வேலூர் தோட்டப்பாளையத்தை சேர்ந்த சரத்குமார் (28), தினேஷ் (30), பிரசாந்த் (26), கோகுல் (26) ஆகிய 4 பேரையும் இன்று போலீசார் கைது செய்தனர்.

அவர்களிடமிருந்து ரூபாய் 22-லட்சம் பணத்தைய மற்றும் 2 மோட்டார் சைக்கிளையும் பறிமுதல் செய்தனர். அவர்கள் இது போல் வேறு ஏதாவது கொள்ளை வழக்கில் சிக்கி உள்ளார்களா என போலீசார் விசாரணை நடத்தி வருகின்றனர்.

June 3, 2024 at 11:30 am

700 இந்திய மாணவர்களை ஏமாற்றி கனடாவுக்கு அனுப்பிய நபர்!

Teadmin
Quick Share

சுமார் 700 இந்திய மாணவர்களுக்கு போலி அனுமதி ஆஃபர் கடிதங்களைக் கொடுத்து கனடாவுக்கு அனுப்பிய நபர், தன் தவறுக்காக வருந்துவதாக தெரிவித்துள்ளார். இந்தியாவின் ஜலந்தரில் அமைந்துள்ள, ப்ரிஜேஷ் மிஸ்ரா (Brijesh Mishra, 37) என்பவர் நடத்தும் Education Migration Services என்ற அமைப்பில், ஆளுக்கு 16 இலட்ச ரூபாய்க்கும் அதிகமான தொகையை செலுத்தி கனடாவில் கல்வி கற்பதற்காக, கல்வி விசாவுக்கு விண்ணப்பித்தார்கள் 700 மாணவர்கள்.

அவர்கள் கனடாவில் படிப்பை முடித்து, நிரந்தரக் குடியிருப்பு அனுமதி கோரி விண்ணப்பிக்கும்போது அவர்களுடைய அனுமதி ஆஃபர் கடிதங்கள் (admission offer letters) போலியானவை என தெரியவந்ததையடுத்து, அவர்கள் நாடுகடத்தப்படும் நிலை உருவாயிற்று.

இந்நிலையில், சுற்றுலா விசாவில் கனடா வந்த மிஸ்ராவை 2023ஆம் ஆண்டு, ஜூன் மாதம் கனேடிய பொலிசார் கைது செய்தார்கள். அவருக்கு மூன்று ஆண்டுகள் சிறைத்தண்டனை விதிக்கப்பட்டது. ஏற்கனவே அவர் சிறையில் அடைக்கப்பட்டதால், இனி அவர் 19 மாதங்கள் மட்டும் சிறையில் செலவிட்டால் போதும்.

இந்நிலையில், மிஸ்ரா தனது குற்றத்தை ஒப்புக்கொண்டுள்ளார். நேற்று வான்கூவர் நீதிமன்றம் ஒன்றில் ஆஜர் செய்யப்பட்ட மிஸ்ரா, தனது குற்றத்தை ஒப்புக்கொண்ட நிலையில், எனது தவறுகளுக்காக வருந்துகிறேன், கடந்த காலத்தை என்னால் மாற்றமுடியாது, ஆனால், இனி அந்த குற்றத்தை நன் செய்யமாட்டேன் என என்னால் உறுதியளிக்கமுடியும் என்று கூறியுள்ளார்.

கனடாவில் வெறும் 19 மாதங்கள் மட்டுமே மிஸ்ரா சிறையில் செலவிடவேண்டும் என்றாலும், அதற்குப் பின் அவர் இந்தியாவுக்கு நாடுகடத்தப்பட உள்ளார். இந்தியாவில் அவர் மனிதக்கடத்தல் முதலான குற்றச்சாட்டுகளை எதிர்கொள்ளவேண்டியிருக்கும்.

விடயம் என்னவென்றால், அந்த குற்றத்துக்கான அதிகபட்ச தண்டனை, மரணதண்டனை!

June 3, 2024 at 11:28 am

சகோதரியை துண்டு துண்டாக வெட்டிக்கொன்ற அண்ணன்: சொன்ன அதிர்ச்சி காரணம்!

Teadmin
Quick Share

அறியாச்சிறுமி என எண்ணிக்கொண்டிருந்த தன் சகோதரி கர்ப்பமுற்றதால், ஆத்திரத்தில் நான்கு மாத கர்ப்பிணி என்றும் பார்க்காமல் அவரை, துண்டு துண்டாக வெட்டி வீசினார் ஒரு அமெரிக்கர். வேடிக்கை என்னவென்றால், அவர் அறியாச்சிறுமி என எண்ணிக்கொண்டிருந்த சகோதரிக்கு வயது30!

அமெரிக்காவின் மினசோட்டாவில் அமைந்துள்ள வீடு ஒன்றில் வாழ்ந்துவந்த தன் மகள் வீட்டில் இரத்த ஆறு ஓடுவதாகவும், தன் மகள் உயிரிழந்திருக்கக்கூடும் என தான் கருதுவதாகவும் பொலிசாருக்கு தகவலளித்தார் ஒரு பெண்.

உடனடியாக அங்கு விரைந்த பொலிசார், அந்த வீட்டுக்குள் இரத்த ஆறு ஓடுவதையு, இரத்தக்கரை படிந்த ஒரு அரம், பட்டாக்கத்தி மற்றும் பெரிய பெரிய கத்திகள் கிடப்பதைக் கண்டுள்ளார்கள்.

அத்துடன், வீட்டுக்குள் துண்டு துண்டாக வெட்டப்பட்ட உடல் பாகங்கள் கிடப்பதையும், கூடவே சில கடிதங்கள் கிடப்பதையும் கண்டுள்ளார்கள். அந்தக் கடிதத்தில், கொலை செய்யப்பட்ட பெண்ணான பெத்தனியை (Bethany Ann Israel, 30) ஒரு அறியாச்சிறுமி என தான் நம்பியதாகவும், ஆனால், அவரோ கர்ப்பமுற்றுவிட்டதாகவும், அதனால் தான் ஆத்திரமடைந்ததாகவும் எழுதிவைத்திருந்தார், பெத்தனியின் சகோதரரான ஜாக் (Jack Joseph Ball, 23).

நான்கு மாத கர்ப்பிணி என்றும் பாராமல், தன் சகோதரியைக் கொன்று துண்டு துண்டாக வெட்டிய ஜாக்கைத் தேடினால், அவர் கழுத்தை அறுத்துக்கொண்டு காயத்துடன் ஓரிடத்தில் அமர்ந்திருந்திருக்கிறார் அவர். அத்துடன், வேறு பல இடங்களிலும் பெத்தனியின் உடல் பாகங்கள் கண்டுபிடிக்கப்பட்டுள்ளன.

பெத்தனியின் கணவரான ஜோஷ் (Josh), ஒரே நேரத்தில் மனைவியையும் பிள்ளையையும் இழந்து கண்ணீர் வடித்துவருகிறார். ஜாக் கைது செய்யப்பட்டுள்ளார். அவர் மீது இரண்டு கொலைக் குற்றச்சாட்டுகள் பதிவு செய்யப்பட்டுள்ளன. இந்த பயங்கர சம்பவம் தொடர்பாக பொலிசார் விசாரணை மேற்கொண்டுவருகிறார்கள்.

June 2, 2024 at 3:41 pm

தன் ஆறு மாத பிள்ளையை எரித்துக்கொன்ற தாய்! பின்னர் அவருக்கு நேர்ந்த நிலை

Teadmin
Quick Share

தமிழக மாவட்டம் சிவகங்கையில் பெண்ணொருவர் தனது 6 மாத பிள்ளையை பெட்ரோல் ஊற்றி எரித்துக் கொன்றுவிட்டு, தானும் உயிரை மாய்த்துக் கொண்ட சம்பவம் அதிர்ச்சியை ஏற்படுத்தியது. 

அழுதுகொண்டே இருந்த பிள்ளை

சிவகங்கை மாவட்டம் வலையப்பட்டியைச் சேர்ந்தவர் அழகு மீனா (34). இவர் கடந்த இரண்டு ஆண்டுகளுக்கு முன்னர் முருகன் (38) என்பவரை திருமணம் செய்துகொண்டார்.

இந்த தம்பதிக்கு வேதாஸ்ரீ என்ற 6 மாத பெண் பிள்ளை இருந்தது. முருகன் நிலங்களுக்கு கம்பி வேலி அமைக்கும் பணியை செய்து வருகிறார்.

கடந்த 4 நாட்களாக வேதாஸ்ரீ அழுதுகொண்டே இருந்ததாக கூறப்படுகிறது. அழகுமீனா தனது பிள்ளையை மருத்துவரிடம் அழைத்துச் சென்றும் பலனில்லை என தெரிகிறது. 

பரிதாப மரணம் 

இந்த நிலையில், நேற்று அதிகாலை மகள் வேதாஸ்ரீயை அழைத்துக் கொண்டு அழகுமீனா கண்மாய் பகுதிக்கு சென்றார். அங்கு தன் மீதும், பிள்ளை மீதும் பெட்ரோலை ஊற்றி தீ வைத்துள்ளார். 

இருவரின் அலறல் சத்தம் கேட்டு அக்கம்பக்கத்தினர் விரைந்து வந்து மீட்டனர். பின்னர் மருத்துவமனையில் அனுமதிக்கப்பட்ட நிலையில் வேதாஸ்ரீ பரிதாபமாக உயிரிழந்தது. 

அழகு மீனா மேல் சிகிச்சைக்காக மதுரை அரசு மருத்துவமனைக்கு அழைத்துச் செல்லப்பட்டார். ஆனால் அவரும் சிகிச்சை பலனின்றி உயிரிழந்தார். 

இச்சம்பவம் குறித்து பொலிஸார் வழக்குப்பதிவு செய்து விசாரணை நடத்தி வருகின்றனர். பெற்ற பிள்ளை மீது பெட்ரோல் ஊற்றி, தாயும் உயிரை மாய்த்துக் கொண்ட சம்பவம் அதிர்ச்சியையும், சோகத்தையும் ஏற்படுத்தியது. 

May 27, 2024 at 10:12 am

குழந்தை ஆணா, பெண்ணா என்று தெரிந்துகொள்ள 8 மாத கர்ப்பிணியின் வயிற்றை வெட்டிய கணவன்!

Teadmin
Quick Share

குழந்தையின் பாலினத்தை அறிய 8 மாத கர்ப்பிணியின் வயிற்றை அரிவாளால் வெட்டிய கணவனுக்கு ஆயுள் தண்டனை வழங்கப்பட்டுள்ளது. இந்திய மாநிலமான உத்தர பிரதேசத்தில், குழந்தையின் பாலினத்தை அறிய 8 மாத கர்ப்பிணியின் வயிற்றை அரிவாளால் கணவன் வெட்டிய சம்பவம் நடைபெற்றுள்ளது. இச்சம்பவம், கடந்த 2020-ம் ஆண்டு செப்டம்பர் 19 -ம் திகதி படவுன் என்ற இடத்தில் நடைபெற்றது.

அனிதா என்ற 8 மாத கர்ப்பிணியை அவரது கணவர் பன்னா லால் தாக்கி வயிற்றை வெட்டியுள்ளார். இந்த தம்பதியினருக்கு ஏற்கனவே 5 பெண் குழந்தைகள் உள்ளது.

இதனால், வயிற்றில் இருக்கும் குழந்தை ஆணாக இருக்க வேண்டும் என்று கணவன் லால் அடிக்கடி மனைவியிடம் சண்டையிட்டு வந்துள்ளார்.

அதோடு, ஆண் குழந்தை பிறக்கவில்லை என்றால் விவாகரத்து செய்வேன் என்றும் கணவர் மிரட்டியுள்ளார்.

இந்நிலையில், உள்ளூர் பூசாரி ஒருவர் அனிதாவுக்கு ஆறாவதாக பெண் குழந்தை தான் பிறக்கும் என்று கூறியதை நம்பி மனைவியிடம் தகராறு செய்துள்ளார்.

பின்னர், வயிற்றில் இருக்கும் குழந்தையை அறிய வயிற்றை கிழிக்கபோவதாக மிரட்டியுள்ளார். இதனால், தப்பிக்க முயன்ற அனிதாவின் வயிற்றை அரிவாளை வைத்து கணவர் வெட்டியுள்ளார்.

இதனை அறிந்த அனிதாவின் சகோதரர் சம்பவ இடத்திற்கு வந்த போது லால் தப்பிவிட்டார். இதையடுத்து, பொலிஸார் விரைந்து வந்து அனிதாவை மீட்டு மருத்துவமனையில் அனுமதித்தனர்.

ஆனால், வயிற்றில் இருந்த ஆண் குழந்தை பரிதாபமாக உயிரிழந்தது. இதன்பின்னர், பன்னா லால் மீது வழக்குப்பதிவு செய்யப்பட்டு சிறையில் அடைக்கப்பட்டார்.

அப்போது நீதிமன்றத்தில், பொய் வழக்குப் பதிவு செய்ய அனிதா தன்னைத்தானே காயப்படுத்தியதாக பன்னா லால் கூறினார். தற்போது, பன்னா லாலுக்கு ஆயுள் தண்டனை விதித்து நீதிபதி தீர்ப்பு வழங்கினார்.

May 22, 2024 at 7:49 pm

திருமணமான பெண்ணை 15 நாட்கள் பலாத்காரம் செய்த நபர்.!

Teadmin
Quick Share

மத்தியப் பிரதேச மாநிலம் குவாலியரில், டப்ரா பகுதியில் வசிக்கும் 27 வயது திருமணமான பெண் ஒருவர் தனது கணவருடன் தகராறு செய்துவிட்டு, பக்கத்து வீட்டுக்காரரான சதேந்திரா என்பவருடன் சென்றுவிட்டார். திருமணம் செய்துகொள்வதாக கூறி அந்த பெண்ணை ஏமாற்றிய சதேந்திரா, அவளை ஒரு அறையில் அடைத்து வைத்து 15 நாட்கள் பாலியல் பலாத்காரம் செய்துள்ளான். அவனிடமிருந்து தப்பிய அந்த பெண், காவல் நிலையத்தில் புகார் அளித்தார். சதேந்திராவை தற்போது போலீசார் கைது செய்துள்ளனர்.

May 22, 2024 at 5:24 pm

எட்டு முறை பாஜகவிற்கு ஓட்டு போட்ட சிறுவன்: வெளியான அதிர்ச்சி வீடியோ!

Teadmin
Quick Share

நாடு முழுவதும் ஏழு கட்டங்களாக மக்களவைத் தேர்தல் நடைபெற்று வருகிறது. அதன்படி, முதற்கட்டமாக கடந்த ஏப்ரல் மாதம் 19 ஆம் தேதி வாக்குப்பதிவுகள் நடைபெற்று முடிந்தது. இதனையடுத்து இரண்டாம் கட்டம், மூன்றாம் கட்டம், நான்காம் கட்டம் மற்றும் ஐந்தாம் கட்டம் என வாக்குப்பதிவுகள் நடைபெற்று முடிந்துள்ளது. அதே சமயம் 6 ஆம் கட்ட வாக்குப்பதிவு மே 25 ஆம் தேதியும், இறுதி மற்றும் 7 ஆம் கட்ட வாக்குப்பதிவு ஜூன் 1 ஆம் தேதியும் நடைபெற உள்ளன. மேலும் இந்தத் தேர்தலில் பதிவான வாக்குகள் அனைத்தும் ஜூன் 4 ஆம் தேதி எண்ணப்பட்டு முடிவுகள் அறிவிக்கப்பட உள்ளன.

இந்நிலையில் உத்திரபிரதேசத்தில் 18 வயது நிரம்பாத சிறுவன் எட்டு முறை பாஜகவிற்கு ஒரே நேரத்தில் வாக்களித்து அதை வீடியோவாக பதிவு செய்து சமூக வலைத்தளத்தில் பதிவிட்ட சம்பவம் பரபரப்பை ஏற்படுத்தி உள்ளது. உத்தரப்பிரதேச மாநிலம் பார்காபாத் பகுதியில் உள்ள வாக்குச்சாவடியில் கடந்த 13ஆம் தேதி நான்காம் கட்ட தேர்தல் நடைபெற்றது. 

அப்பொழுது வாக்குச்சாவடிக்குள் நுழைந்த சிறுவன் ஒருவன் பாஜகவிற்கு 8 முறை வாக்களித்து அதை வீடியோவாக பதிவு செய்ததோடு, விவிபாட் இயந்திரத்தில் வாக்கு பதிவான ஒப்புகை சீட்டையும் வீடியோவாக பதிவு செய்து அதனை சமூக வலைத்தளத்தில் வெளியிட்டுள்ளார்.

அந்தச் சிறுவனின் தந்தை பாஜகவின் உறுப்பினராகவும், அந்த கிராமத்தின் ஊராட்சித் தலைவராகவும் இருப்பதால் இப்படி நடந்து கொண்டதாகக் கூறப்படுகிறது. இதுபோன்ற சர்ச்சைக்குரிய வாக்குச்சாவடிகளில் மீண்டும் மறுவாக்குப்பதிவு நடத்தப்படும் என தலைமைத் தேர்தல் அதிகாரி தெரிவித்துள்ளார்.

May 14, 2024 at 11:42 am

‘உயிரா… பயிரா…’ – வீட்டில் வீசப்பட்ட துண்டுச்சீட்டு; வயலி...

Teadmin
Quick Share

திமுக எம்எல்ஏவின் சகோதரி மகன் மர்ம நபர்களால் வெட்டி கொலை செய்யப்பட்ட சம்பவம் பரபரப்பு ஏற்படுத்தி இருக்கும் நிலையில் ‘உயிரா… பயிரா… இது தொடரும் என எழுதி வைத்துவிட்டு சென்ற சம்பவம் அதிர்ச்சியைக் கொடுத்துள்ளது. தஞ்சாவூர் மாவட்டம் திருவிடைமருதூர் அடுத்துள்ள பந்தநல்லூரில் வசித்து வருபவர் கலைவாணன். இவர் ஜெயங்கொண்டம் திமுக எம்எல்ஏவின் சகோதரி மகன் ஆவார்.

கலைவாணன் அந்தப் பகுதியில் அவர் விவசாயம் செய்துவந்த நிலையில் தன்னுடைய வயலுக்கு தண்ணீர் விடுவதற்காக நேற்று இரவு வயல் பகுதிக்கு சென்றுள்ளார். ஆனால் வயலுக்கு சென்ற கலைவாணன் வீடு திரும்பாததால் உறவினர்கள் வயல் பகுதியில் தேடினர். அப்பொழுது ஒரு பகுதியில் கலைவாணன் பல்வேறு இடங்களில் உடலில் வெட்டப்பட்ட நிலையில் சடலமாகக் கிடந்தார்.

இது குறித்து உடனடியாக போலீசாருக்கு தகவல் கொடுக்கப்பட்டது. சம்பவ இடத்திற்கு வந்த பந்தநல்லூர் போலீசார் கலைவாணனின் உடலைக் கைப்பற்றி பிரேதப் பரிசோதனைக்காக அனுப்பி வைத்தனர். முன்னதாக கலைவாணனின் வீட்டில் இருந்த வைக்கோல் போருக்கு தீ வைத்த மர்ம நபர்கள் சுவற்றில் ‘தொடரும்’ என எழுதிவிட்டு சென்றனர். 

சில நாட்களுக்கு முன்பு கலைவாணன் வீட்டுக்குள் காகிதம் ஒன்றை யாரோ வீசி சென்றதாகவும் அதில் ‘உயிரா…. பயிரா…’ என எழுதி இருந்ததும் தெரிய வந்தது. இதனால் தன்னுடைய உயிருக்கு அச்சுறுத்தல் இருப்பதாக கலைவாணன் இதற்கு முன்பே நான்கு முறை பந்தநல்லூர் காவல் நிலையத்தில் புகார் அளித்தும் உரிய நடவடிக்கை எடுக்காததால் அவர் கொலை செய்யப்பட்டுள்ளார் என அவருடைய உறவினர்கள் தெரிவித்துள்ளனர்.

கலைவாணன் உயிரிழந்து கிடந்த இடத்தில் தடயவியல் நிபுணர்கள் ஆய்வு செய்தனர். மோப்ப நாயும் வரவழைக்கப்பட்டது. விசாரணை நடைபெற்று வரும் நிலையில் குற்றவாளிகளை போலீசார் தேடி வருகின்றனர்.

May 14, 2024 at 11:10 am

கடன் தொல்லை -13 வயது மகள் கழுத்தை கயிற்றால் இறுக்கி கொன்றுவிட்டு..தூக்கில் தொங்கிய அப்ப...

Teadmin
Quick Share

சென்னையில் கடனை திருப்பி செலுத்த முடியாததால் வியாபாரி ஒருவர் மகளை கொன்றுவிட்டு, தனது மனைவியுடன் உயிரை மாய்த்துக் கொண்ட சம்பவம் அதிர்ச்சியை ஏற்படுத்தியது. 

40 லட்சம் ரூபாய்

சென்னை மணலி பகுதியைச் சேர்ந்தவர் ஜெகநாதன்(40). இவர் சிறுதானிய வியாபார கடை நடத்தி வந்தார். கடந்த 2020ஆம் ஆண்டு வீடு கட்டுவதற்காக இவர் 40 லட்சம் ரூபாய் கடன் வாங்கியுள்ளார். 

அதனைத் தொடர்ந்து வீடு கட்டுமான பணிகள் நடைபெற்று வந்தது. இந்த நிலையில், கடன் கொடுத்தவர்கள் ஜெகநாதனிடம் பணத்தை திருப்பிக் கேட்டு தொந்தரவு செய்ததாக கூறப்படுகிறது. 

இதன் காரணமாக ஜெகநாதன் மிகுந்த மன உளைச்சல் அடைந்துள்ளார். இதனையடுத்து ஜெகநாதனும், அவரது மனைவி லோகேஸ்வரியும் தங்களது 13 வயது மகள் காவ்யாவை கயிற்றினால் கழுத்தை இறுக்கி கொலை செய்துள்ளனர்.  

ஒரே கயிற்றில் தூக்கிட்டு 

பின்னர் இருவரும் ஒரே கயிற்றில் மின்விசிறியில் தூக்கிட்டு உயிரை மாய்த்துக் கொண்டனர். ஜெகநாதனுக்கு அவரின் தாயார் போன் செய்து அவர் எடுக்காததால், சந்தேகமடைந்து வீட்டின் சன்னல் வழியாக பார்த்தபோது மகனும், மருமகளும் தூக்கில் தொங்கிய நிலையில் இருப்பதை பார்த்து அதிர்ச்சியடைந்துள்ளார். 

உடனடியாக பொலிஸாருக்கு தகவல் தெரிவிக்கப்பட்டதை தொடர்ந்து, சம்பவ இடத்திற்கு விரைந்த பொலிஸார் மூவரின் உடல்களையும் மீட்டு பிரேத பரிசோதனைக்கு அனுப்பிவைத்தனர். 

மேலும் இதுதொடர்பாக வழக்குப்பதிவு செய்து விசாரணை நடத்தி வருகின்றனர். இச்சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.  

May 8, 2024 at 8:28 am

அதிர்ச்சி !!சிறுமியை 7 பேர் சேர்ந்து கூட்டு பலாத்காரம்

Teadmin
Quick Share

உத்தரப்பிரதேச தலைநகர் லக்னோவில் நடந்த கொடூரம் சமீபத்தில் வெளிச்சத்துக்கு வந்துள்ளது. கடந்த மே 3ஆம் தேதி 16 வயது சிறுமியை 7 பேர் கும்பல் கடத்திச் சென்றனர். பின்னர் சிறுமியை மதுபானம் குடிக்க வைத்து ஏழு பேர் கூட்டு பாலியல் பலாத்காரம் செய்துள்ளனர். இதுகுறித்து பாதிக்கப்பட்ட பெண்ணின் தாயார் நேற்று காவல் நிலையத்தில் புகார் அளித்தார். குற்றவாளிகள் மீது போலீசார் வழக்குப்பதிவு செய்து தீவிர விசாரணை நடத்தி வருகின்றனர்.




You cannot copy content of this Website