Breaking News

மாவட்ட செய்திகள்

February 22, 2023 at 2:14 pm

சென்னையில் நிலநடுக்கம்-அச்சத்தில் அலறியடித்து ஓடிய மக்கள்..

Teadmin
Quick Share

சென்னை அண்ணாசாலையில் ஒயிட்ஸ் ரோட்டில் வங்கி மற்றும் 2 கட்டிடங்களில் நில அதிர்வு ஏற்பட்டதாக தகவல் வெளியானது. இதே போல், அண்ணாநகரிலும் சில இடங்களில் நில அதிர்வு உணரப்பட்டதால் ஊழியர்கள் அவசரமாக வெளியேற்றப்பட்டனர். அலுவலகங்களில் இருந்து நூற்றுக்கணக்கான ஊழியர்கள் சாலையில் திரண்டதால் பெரும் பரபரப்பு ஏற்பட்டது. இந்த நில அதிர்வு குறித்து தேசிய மையத்தின் இணையதளத்தில் அதிகாரப்பூர்வமாக எதுவும் பதிவாகவில்லை. நில அதிர்வு ஏற்பட்டதற்கு, தங்களது பணிகள் காரணமில்லை என சென்னை மெட்ரோ ரெயில் நிர்வாகம் தெரிவித்துள்ளது. மேலும், காவல்துறையினர் சம்பவ இடத்தில் விசாரணை நடத்தி வருகின்றனர்.

February 21, 2023 at 12:07 pm

55 வயது பெண்ணின் வயிற்றில் இருந்த 1200 பித்தப்பைக்கற்கள் -சென்னை மருத்துவர்கள் அகற்றம்&...

Teadmin
Quick Share
சென்னையில் உள்ள மருத்துவமனையில் சர்க்கரை நோயாளி ஒருவரிடமிருந்து 1200க்கும் மேற்பட்ட பித்தப்பை கற்கள் அகற்றப்பட்டுள்ளன. மேற்கு வங்காளத்தைச் சேர்ந்த பெண்ணுக்கு சென்னையில் சிகிச்சை அளிக்குமாறு ஏற்கனவே உத்தரவிடப்பட்டிருந்தது. 55 வயதான பெண், வாய்வு மற்றும் அஜீரணம் போன்ற புகார்களுடன் சென்னையில் உள்ள மோகனின் நீரிழிவு கிளினிக்கிற்குச் சென்றார். ஸ்கேன் செய்ததில், பித்தப்பையில் ஐம்பதுக்கும் மேற்பட்ட கற்கள் இருப்பது தெரியவந்தது.அதைத் தொடர்ந்து, அவருக்கு உடனடியாக அறுவை சிகிச்சை செய்து, சிறுநீர்ப்பையில் உள்ள கற்களை அகற்ற டாக்டர்கள் குழு முடிவு செய்தது. இருப்பினும், அறுவை சிகிச்சையின் போது, ​​​​அந்த பெண்ணின் பித்தப்பையில் 2,000 க்கும் மேற்பட்ட கற்கள் இருப்பதைக் கண்டு மருத்துவர்கள் அதிர்ச்சியடைந்தனர். மருத்துவர்களின் கூற்றுப்படி, அவற்றில் 1,240 கற்கள் 2 மிமீ விட பெரியதாகவும் மற்றவை சிறியதாகவும் இருந்தன.
 “எனது 20 வருட அனுபவத்தில், பித்தப்பையில் இவ்வளவு பித்தப்பைக் கற்களை நான் பார்த்ததில்லை,” என்று உதவி இயக்குநரும் நீரிழிவு மருத்துவருமான பிரிஜேந்திர குமார் ஸ்ரீவத்சவ் மேலும் கூறினார். நீரிழிவு நோயாளிகளில் உருவாகும் வாய்ப்புகள் இன்னும் அதிகமாகும்.“நீரிழிவு நோய் இந்த நோயாளியை 12 ஆண்டுகளாக பாதித்துள்ளது,” என்று அவர் கூறினார்.மேலும், நீரிழிவு நோய் நிபுணர், செயல்முறை இல்லாவிட்டால், அவர் பாதிக்கப்பட்டு, அவரது பித்தப்பை வெடித்திருக்கும் என்றும், அத்தகைய வகையான கற்கள் புற்றுநோயாக உருவாகலாம் என்றும் கூறினார். “கல்லீரலில் இருந்து வரும் பித்தம் பித்தப்பையில் சேமித்து, செரிமானத்துக்குத் தேவைப்படும்போது வெளியாகும். சில நபர்களில் பித்தப்பையில் இருந்து பித்தம் திறம்பட வெளியேற்றப்படாமல் இருக்கலாம்.

February 21, 2023 at 9:46 am

பிறந்த சில மணி நேரங்களே ஆன பெண் குழந்தை-சாக்கடையில் வீசி சென்ற நபர்!!

Teadmin
Quick Share

தஞ்சை: பட்டுக்கோட்டை நாடிமுத்து நகரில் துாய்மை பணியாளர்கள், சாக்கடையில் தேங்கிய கழிவுகளை சுத்தம் செய்துக்கொண்டிருந்தனர். அப்போது, பிறந்த சில மணி நேரங்களே ஆன பெண் சிசுவின் உடல் கிடப்பதை கண்டனர். உடனடியாக சுகாதார ஆய்வாளருக்கு துாய்மை பணியாளர்கள் தகவல் அளித்துள்ளனர். இதுகுறித்து போலீசில் கொடுத்த புகாரின் பேரில் வழக்குப்பதிவு செய்தனர். சிசுவின் உடலை கைப்பற்றி பட்டுக்கோட்டை அரசு மருத்துவமனைக்கு உடற்கூறாய்வுக்கு எடுத்துச் சென்றனர். அப்பகுதியில் பல்வேறு தனியார் மருத்துவமனைகள் உள்ளது. போலீசார் சி.சி.டி.வி.,கேமராக்களை ஆய்வு செய்து, குழந்தையை வீசிய நபர் குறித்து விசாரித்து வருகின்றனர்.

February 20, 2023 at 9:21 pm

10-ம் வகுப்பு மாணவியை 12-ம் வகுப்பு மாணவன்!அதிர்ச்சியில் பெற்றோர் …

Teadmin
Quick Share

வந்தவாசி அருகே 10-ம் வகுப்பு மாணவி கர்ப்பம் ஆனதால் பெற்றோர் அதிர்ச்சியடைந்தனர். இது தொடர்பாக 12-ம் வகுப்பு மாணவன் மீது போலீசார் வழக்குப்பதிவு செய்துள்ளனர். 7 மாத கர்ப்பம் திருவண்ணாமலை மாவட்டம் வந்தவாசி பகுதி கிராமத்தை சேர்ந்த 15 வயது மாணவி அதே பகுதியில் உள்ள அரசு உயர்நிலைப் பள்ளியில் 10-ம் வகுப்பு படித்து வருகிறார். அதே பகுதி பள்ளியில் 17 வயதான மாணவர் 12-ம் வகுப்பு படிக்கிறார்.

உறவினர்களான இவர்கள் இருவரும் நெருங்கி பழகி வந்துள்ளனர். இந்த நிலையில் மாணவியின் உடலில் திடீரென மாற்றம் தெரிந்தது. இதனால் சந்தேகம் அடைந்த பெற்றோர் நேற்று வந்தவாசி அரசு மருத்துவமனைக்கு அழைத்துச் சென்றனர். அங்கு டாக்டர்கள் பரிசோதனை செய்ததில் மாணவி 7 மாதம் கர்ப்பமாக இருப்பதாக கூறியதால் அவர்கள் அதிர்ச்சியடைந்தனர். மாணவன் மீது வழக்கு இதைடுத்து மாணவிக்கு பரிசோதனை செய்ய திருவண்ணாமலை அரசு மருத்துவ கல்லூரி மருத்துவமனைக்கு அனுப்பி வைத்தனர். 

அதைத்தொடர்ந்து அங்கு மாணவி 7 மாதம் கர்ப்பமாக இருப்பதை அவர்கள் உறுதிப்படுத்தினர். மேலும் அவர் சிறுமியாக இருப்பதால் திருவண்ணாமலை அரசு மருத்துவமனை நிர்வாகம் இதுகுறித்து வந்தவாசி அனைத்து மகளிர் போலீசாருக்கு தகவல் தெரிவித்தனர். இந்த நிலையில் மாணவி அளித்த புகாரின் பேரில் 12-ம் வகுப்பு மாணவன் மீது அனைத்து மகளிர் போலீசார் வழக்குப்பதிவு செய்தனர். அது குறித்து மாணவனிடம் விசாரணை நடத்தப்பட்டு வருகிறது.

February 16, 2023 at 2:12 pm

10-வது மாடியில் இருந்து குதித்து மருத்துவ கல்லூரி மாணவி தற்கொலை கதறும் பெற்றோர்….

Teadmin
Quick Share

சென்னை கோடம்பாக்கம், அசோக் நகர் அம்பேத்கர் சாலையில் உள்ள அடுக்குமாடி குடியிருப்பில் வசித்து வருபவர் ராமசுப்பு. இவரது வீடு அடுக்குமாடி குடியிருப்பில் 10-வது தளத்தில் உள்ளது. 

இவர் ரெயில்வே துறையில் கூடுதல் பொது மேலாளராக பணி செய்து ஓய்வு பெற்றவர். தற்போது மெட்ரோ ரெயில் ஆலோசகராக பணிபுரிந்து வருகிறார். மூத்த மகளுக்கு திருமணம் அகிவிட்டது. 

இவரது இளைய மகள் நித்யஸ்ரீ (வயது 22). இவர் சென்னை கே.கே. நகர் இ.எஸ்.ஐ. மருத்துவ கல்லூரியில் 3-ம் ஆண்டு மருத்துவம் படித்து வந்தார். 

தற்கொலை

இந்தநிலையில், நேற்று காலை 9 மணியளவில் தான் வசித்து வரும் அடுக்குமாடி குடியிருப்பின் 10-வது மாடி படிக்கட்டு ஜன்னல் வழியாக குதித்து நித்யஸ்ரீ தற்கொலை செய்து கொண்டார். இதில் பலத்த காயம் அடைந்த அவர் சம்பவ இடத்திலேயே துடிதுடித்து உயிரிழந்தார். 

இதை கண்ட பெற்றோர்கள் அழுது ஒப்பாரி வைத்தனர். இந்த சம்பவம் தொடர்பாக அடுக்குமாடி குடியிருப்பில் இருந்தவர்கள் போலீசாருக்கு தகவல் தெரிவித்தனர்.

உடனடியாக சம்பவ இடத்துக்கு விரைந்து வந்த அசோக் நகர் உதவி போலீஸ் கமிஷனர் தனசெல்வன், இன்ஸ்பெக்டர் பாலன் மற்றும் போலீஸ் படையினர் நித்யஸ்ரீயின் உடலை மீட்டு ஓமந்தூரார் பல்நோக்கு அரசு ஆஸ்பத்திரிக்கு பிரேத பரிசோதனைக்காக அனுப்பிவைத்தனர்.

துண்டு சீட்டு

இந்தநிலையில், நித்யஸ்ரீ அறையில் இருந்து துண்டு சீட்டில் எழுதிய தற்கொலை கடிதத்தை போலீசார் கைப்பற்றினர். அதில், ‘இது நானே எடுத்த முடிவு. எனக்கு கிடைத்த அப்பா அம்மா மிகவும் நல்லவர்கள். என்னை நன்றாக படிக்க வைத்து என்னை நல்லபடியாக கவனித்துக்கொண்டார்கள்’ என எழுதியிருந்ததாக போலீசார் தெரிவித்தனர்.

மேலும் நேற்று தேர்வு இருந்ததாகவும், தேர்வு குறித்த பயத்தினால் தற்கொலை செய்து கொண்டாரா? என்ற கோணத்திலும் அசோக் நகர் போலீசார் விசாரித்து வருகிறார்கள். 

இதனிடையே நித்யஸ்ரீயின் செல்போனை கைப்பற்றிய போலீசார் அவருடைய தோழிகளிடமும் விசாரித்து வருகிறார்கள். அசோக் நகரில் மாணவி தற்கொலை செய்து கொண்டது அந்த பகுதியில் பெரும் சோகத்தை ஏற்படுத்தி உள்ளது.

February 16, 2023 at 2:05 pm

சென்னையில்.. பயங்கர பிளான்…800 கோடி மோசடி செய்த மூன்று பெண்கள்!!அதிர்ச்சி தகவல்

Teadmin
Quick Share

தமிழக தலைநகர் சென்னையில் 10,000 பேரை ஏமாற்றி 800 கோடி ரூபாய் மோசடி செய்யப்பட்ட சம்பவம் அதிர்வலைகளை ஏற்படுத்தியுள்ளது. 

அதிக வட்டி 

சென்னையில் ஹிஜாவு அசோசியேட்ஸ் என்ற தொழில் நிறுவனம் இயங்கி வந்தது. தங்கள் நிறுவனத்தில் முதலீடு செய்தால் 15 சதவீதம் வட்டி வழங்கப்படும் என்றும், மாதந்தோறும் வாடிக்கையாளர்களுக்கு கொடுக்கப்படும் என்றும் இந்த நிறுவனம் அறிவித்தது. 

அதனை நம்பிய பலரும் உடனடியாக முதலீடு செய்ய தொடங்கியுள்ளனர். இவ்வாறாக சுமார் 10,000 பேர் அந்த நிறுவனத்தில் பணத்தை செலுத்தியதாக கூறப்படுகிறது.

இந்த நிலையில் கூறியபடி வட்டியை கொடுத்ததாக அந்த நிறுவனம், அசல் தொகையையும் திருப்பி தரவில்லை.

800 கோடி மோசடி 

இதனால் ஏமாற்றப்பட்டதை உணர்ந்தவர்களில் 1,500 பேர் பொலிஸில் புகார் அளித்தனர். அதனைத் தொடர்ந்து வழக்குப்பதிவு செய்த பொலிஸார், மூன்று பெண்களை கைது செய்தனர்

மேலும் சிலரை தேடி வருகின்றனர். முதற்கட்ட விசாரணையில் சுமார் 10,000 பேரிடம் 800 கோடி மோசடி செய்யப்பட்டுள்ளது தெரிய வந்துள்ளது.   

February 16, 2023 at 12:00 pm

வயது குறைந்த கல்லூரி மாணவரை காதலித்து கரம்பிடித்த பேராசிரியை.!

Teadmin
Quick Share

நாமக்கல் மாவட்டம் பரமத்திவேலூரை அடுத்துள்ள நன்செய் இடையாறு கிராமத்தைச் சேர்ந்தவர் அண்ணாதுரை மகள் மீனா(28). பரமத்திவேலூரில் உள்ள தனியார் சுயநிதி கல்லூரி ஒன்றில் ஆங்கிலத்துறை விரிவுரையாளராக பணியாற்றி வருகிறார். 

இந்த நிலையில் அதே கல்லூரியில் படித்து வரும் வேலகவுண்டம்பட்டி அருகே உள்ள நல்லகுமாரன் பாளையத்தைச் சேர்ந்த ரமேஷ் என்பவரின் மகன் பிரவீன் (24) என்ற மாணவனுக்கும் அவருக்கும் காதல் மலர்ந்தது. 

இதுகுறித்து அறிந்த கல்லூரி நிர்வாகத்தினர் இருவரையும் அழைத்து எச்சரித்து அனுப்பி வைத்தனர். இது தெரிந்த இருவரது வீட்டிலும் காதலுக்கு கடும் எதிர்ப்பு தெரிவித்தனர் ஆனால். அதையெல்லாம் பொருட்படுத்தாமல் கடந்த 8-ம் தேதியன்று இருவரும் வீட்டைவிட்டு வெளியேறி திருவண்ணாமலைக்குச் சென்று திருமணம் செய்து கொண்டுள்ளனர்.

பின்னர் தங்களுக்கு பாதுகாப்பு கோரி வேலகவுண்டம்பட்டி காவல் நிலையத்தில் இருவரும் நேற்று தஞ்சம் அடைந்தனர். அதனையடுத்து இரு வீட்டாரையும் அழைத்து பேச்சுவார்த்தை நடத்திய போலீசார். 

இருவரும் மேஜர் என்பதால் அவர்கள் விருப்பத்துக்கு வாழ வழி உள்ளதை எடுத்துக் கூறி, மாணவன் பிரவீன், அவரது பெற்றோர்களுடன் கல்லூரி விரிவுரையாளர் மீனாவை அனுப்பி வைத்தனர். 

மாணவனை காதலித்து விரிவுரையாளர் திருமணம் செய்து கொண்டுள்ள இச்சம்பவம் கல்லூரி வட்டாரத்திலும், அந்த பகுதியிலும் பெரும் பரபரப்பை ஏற்படுத்தியுள்ளது

February 14, 2023 at 2:02 pm

சென்னை ஐஐடி மாணவர் தூக்கிட்டு தற்கொலை

Teadmin
Quick Share

சென்னை ஐஐடியில் படித்து வந்த ஸ்டீவன் என்ற மாணவர் தூக்கிட்டு தற்கொலை செய்துகொண்டார். மற்றொரு மாணவர் மாத்திரை உட்கொண்டு தற்கொலை முயற்சியில் ஈடுபட்டதாக தகவல் வெளியாகியுள்ளது. ஸ்டீவன் என்ற உயிரிழந்த மாணவர் மஹாராஷ்டிரா மாநிலத்தைச் சேர்ந்தவர். மன உளைச்சல் காரணமாக கடிதம் எழுதி வைத்து உயிரை மாய்த்துக்கொண்டதாக முதற்கட்ட விசாரணையில் தெரியவந்துள்ளது.

February 14, 2023 at 1:53 pm

மகன் கவனிக்கவில்லை என்ற வருத்தத்தில் தூக்கில் தொங்கிய வயதான பெற்றோர் …

Teadmin
Quick Share

வயதான தங்களை மகன் சரியாக கவனிக்கவில்லை என்ற வருத்தத்தில் மணிமங்கலம் அருகே வயதான தம்பதி தூக்கிட்டு தற்கொலை செய்து கொண்ட சம்பவம் சோகத்தை ஏற்படுத்தியுள்ளது.

சென்னை குரோம்பேட்டை யைச் சேர்ந்த தம்பதிகள் சுப்புராம் (87), காமாட்சி (84). இவர்களுக்கு மகனும் மகளும் உள்ளனர். மகன் மதுப்பழக்கத் துக்கு அடிமையானதாக தெரிகிறது. இதனால் அவர் பெற்றோருடன் அடிக்கடி தகராறுசெய்து அவர்களை கவனிக் காமல் இருந்து வந்துள்ளார் எனக் கூறப்படுகிறது.

இதையடுத்து தம்பதியர் இருவரும் மாடம்பாக்கத்தில் உள்ள மகள் வீட்டில் கடந்த நான்கு மாதங்களாக தங்கி இருந்தனர். இந்த நிலையில் மகளும் மருமகனும் வெளியே சென்றுவிட்டு வீடு திரும்பியுள்ளனர். பெற்றோர் அறையில் தூங்குவதாக நினைத்துவீட்டு மகள் வீட்டு வேலைகளை செய்துள்ளார்.

நீண்ட நேரம் ஆகியும் கதவு திறக்கப்படாததால் சந்தேகம் அடைந்துஅக்கம்பக்கத்தினர் உதவியுடன் கதவை உடைத்து உள்ளே பார்த்துள்ளனர். உள்ளே தம்பதியர் இருவரும் தூக்கில் தொங்கிய நிலையில் இருந்ததை பார்த்து அதிர்ச்சி அடைந்தனர்.

இதுதொடர்பாக மணி மங்கலம் போலீஸாருக்கு தகவல் அளிக்கப்பட்டது. சம்பவ இடத்துக்கு வந்த போலீஸார் சடலங்களை கைப்பற்றி பரிசோதனைக்காக குரோம்பேட்டை அரசு மருத்துவமனைக்கு அனுப்பி வைத்தனர். 

விசாரணையில் வயதானதம்பதி இருவரும் நோய்வாய்ப்பட்டு இருந்ததாகவும் மகன் மதுப்பழக்கத்துக்கு அடிமையாகி சரியாக அவர்களை கவனிக்காததாலும் இந்த முடிவை தம்பதியர் எடுத்திருக்கலாம் என தெரிய வந்துள்ளது. போலீஸார் தொடர்ந்து விசாரித்து வருகின்றனர்.

February 11, 2023 at 7:49 pm

சென்னை விமான நிலையத்தை விரிவுபடுத்த 133ஏக்கர் நிலம் தேவைப்படுகிறதாம்…

Teadmin
Quick Share
சென்னை விமான நிலையத்தை விரிவுபடுத்துவதற்காக 133 ஏக்கர் நிலமும், சாலை இணைப்புக்காக கூடுதலாக 60 ஏக்கர் நிலமும் தேவை என இந்திய விமான நிலைய ஆணையம் (AAI) கூறியுள்ளதாக விமான நிலைய இயக்குநர் டாக்டர் ஷரத் குமார் தெரிவித்தார்.தமிழ்நாடு தொழில் வளர்ச்சிக் கழகத்தின் (டிட்கோ) முன்மொழிவு, கிடைக்கப்பெறும் நிலங்களை கூட்டாக ஆய்வு செய்த பிறகு, முன்மொழியப்பட்டதாக அவர் கூறினார். மத்திய சிவில் விமானப் போக்குவரத்துத் துறை அமைச்சர் ஜோதிராதித்ய சிந்தியா கடந்த வாரம், புது தில்லி மற்றும் மும்பைக்குப் பிறகு சென்னையை சிவில் விமானப் போக்குவரத்தின் மையமாக மாற்ற 200 ஏக்கர் நிலத்தை கையகப்படுத்த வேண்டியதன் அவசியத்தை எடுத்துரைத்ததை அடுத்து இது வந்துள்ளது.ஆரம்பத்தில், AAI மற்றும் TIDCO ஆகியவை ஆண்டுக்கு 55 மில்லியன் பயணிகளின் கோரிக்கைகளை (MPPA) பூர்த்தி செய்வதற்காக, சென்னை விமான நிலையத்தை விரிவுபடுத்துவதற்காக ஆறு நிலப்பரப்புகளை கூட்டாக ஆய்வு செய்தன. சர்வதேச முனையம் மற்றும் சரக்கு முனையம் அமைக்க 306 ஏக்கரை கையகப்படுத்த தமிழக அரசுக்கு AAI கோரிக்கை விடுத்துள்ளது.
 அடையாறு ஆற்றின் மறுபக்கம்.இருப்பினும், நிலத்தின் விலை அதிகம் என்பதாலும், ஏராளமான குடும்பங்கள் பாதிக்கப்படும் என்பதாலும் கையகப்படுத்துவது சாத்தியமில்லை என டிட்கோ அதிகாரிகள் தெரிவித்தனர். இதையடுத்து, 138 ஏக்கருக்கான திருத்தப்பட்ட கருத்துரு அனுப்பப்பட்டது. மாநில அரசு இந்த முன்மொழிவை ஆய்வு செய்து, சிறந்த முறையில் என்ன செய்ய முடியும் என்பதற்கான தீர்வுகளை உருவாக்கி வருவதாக மூத்த அரசு அதிகாரி ஒருவர் தெரிவித்தார். விமான நிலைய விரிவாக்கத்திற்காக அரசு நிலம் தவிர தனியார் நிலமும் கையகப்படுத்தப்பட உள்ளதாக தகவல்கள் வெளியாகியுள்ளன.
சென்னை விமான நிலையத்தின் இரண்டாம் கட்ட நவீனமயமாக்கல் டிசம்பர் 2024 க்குள் முடிவடையும். இது 35 மில்லியன் பயணிகளின் திறனை அதிகரிக்கும். 55 மில்லியன் பயணிகளைக் கையாள விமான நிலையத்திற்கு கூடுதல் ஏப்ரான் விரிகுடாக்கள் தேவை. தற்போது, ​​இந்தியாவின் மிகப்பெரிய விமான நிலையங்களில் ஒன்றான சென்னை விமான நிலையம் 1,317 ஏக்கர் நிலப்பரப்பில் இயங்கி வருகிறது, இது இந்தியாவின் மற்ற பெரிய விமான நிலையங்களுடன் ஒப்பிடும் போது மிகச்சிறியதாகும்.
 இதற்கிடையில், TIDCO இரண்டாவது முறையாக பாரந்தூரில் உள்ள கிரீன்ஃபீல்ட் விமான நிலையத்திற்கான விரிவான தொழில்நுட்ப பொருளாதார அறிக்கையை தயாரிப்பதற்காக தேர்ந்தெடுக்கப்பட்ட ஆலோசகர்களுக்கு ஏலங்களை சமர்பிப்பதற்கான காலக்கெடுவை பிப்ரவரி 27 வரை நீட்டித்துள்ளது. இது மேலும் பிப்ரவரி 6 வரை நீட்டிக்கப்பட்டது.

February 10, 2023 at 9:37 pm

இந்தியாவிலே சென்னை விமான நிலையம்தான்ரூ.189.85 கோடி அதிக நஷ்டத்தை சந்தித்தது…

Teadmin
Quick Share

2021-22 நிதியாண்டில் இந்தியாவில் உள்ள பொது விமான நிலையங்களிலேயே சென்னை விமான நிலையம் தான் அதிக இழப்பை சந்தித்துள்ளதாக மத்திய சிவில் விமான போக்குவரத்து அமைச்சகம் மாநிலங்களவையில் அளித்த பதிலில் தெரிவிக்கப்பட்டுள்ளது.அந்த பதிலில் இந்திய விமான நிலைய ஆணையத்தால் (AAI) நடத்தப்பட்ட 124 விமான நிலையங்கள், கடந்த மூன்று நிதியாண்டுகளில் அவை அடைந்த லாபம் அல்லது நஷ்ட விவரங்களுடன் பட்டியலிடப்பட்டுள்ளன. வழங்கப்பட்ட தரவுகளின்படி, சென்னை சர்வதேச விமான நிலையம் அதிகபட்சமாக ரூ.189.85 கோடி நஷ்டத்தைச் சந்தித்துள்ளது, அதைத் தொடர்ந்து டேராடூன் (ரூ. 98.02 கோடி இழப்பு) மற்றும் அகர்தலா விமான நிலையங்கள் (ரூ. 80.67 கோடி)
ராஜஸ்தானின் ராஜ்யசபா எம்பி நீரஜ் டாங்கி எழுப்பிய கேள்விகளுக்கு பதில் அளிக்கப்பட்டது. அவர் மூன்று கேள்விகளை எழுப்பியிருந்தார்: மாநிலம்/யூனியன் பிரதேசம் வாரியாக நாட்டில் உள்ள நஷ்டத்தில் உள்ள விமான நிலையங்களின் விவரங்கள் மற்றும் அத்தகைய இழப்புகளுக்கான காரணங்களும்; கடந்த மூன்று ஆண்டுகளில் இந்த விமான நிலையங்கள் சந்தித்த இழப்புகளின் விவரங்கள்; மற்றும் இந்த விமான நிலையங்களை லாபகரமாக மாற்ற அரசு எடுத்த அல்லது எடுக்கப்பட்ட நடவடிக்கைகள் பற்றிய விவரங்கள். இதற்குப் பதிலளித்த சிவில் விமானப் போக்குவரத்துத் துறை இணையமைச்சர் வி.கே.சிங், வருமானம் குறைந்ததால்தான் இழப்புகள் ஏற்பட்டதாகத் தெரிவித்தார். இதனால் அந்தந்த விமான நிலையங்களின் பராமரிப்பு செலவு உட்பட மொத்த செலவினங்களை விமான நிலையங்கள் பூர்த்தி செய்வதில் தடை ஏற்பட்டது. “COVID-19 தொற்றுநோய் 2020-21 நிதியாண்டு மற்றும் 2021-22 நிதியாண்டில் விமான நிலையங்களின் வருவாயையும் மோசமாக பாதித்துள்ளது,” என்று அவர் கூறினார்.இந்த விமான நிலையங்களை லாபகரமாக மாற்ற ஏஏஐ நடவடிக்கை எடுத்து வருவதாகவும், “மாஸ்டர் கான்செஷனர்கள் மூலம் ஒப்பந்தங்களை வழங்குவதன் மூலம் வானூர்தி அல்லாத வருவாயை அதிகரிப்பதன் மூலம், வருவாய் மேம்பாட்டிற்கான வணிக இடத்தை உகந்த முறையில் பயன்படுத்துதல், நகரத்தின் பக்க மேம்பாடு, தேர்ந்தெடுக்கப்பட்டவர்களுக்கு வருவாய் பங்கு மாதிரி வணிக ஒப்பந்தங்கள் மற்றும் எல்இடி மாற்றுதல், சோலார் பேனல் நிறுவுதல் போன்ற பயன்பாட்டுச் செலவு மேம்படுத்தல். AAI பெரிய விமான நிலையங்கள் அல்லாத விமான நிலையங்களில் விமான நிலையக் கட்டணங்கள் அதிகரிப்பு வடிவில் வானூர்தி வருவாயை அதிகரிக்க நடவடிக்கை எடுத்துள்ளது.

February 10, 2023 at 12:37 pm

விழுப்புரம் மாவட்டத்திற்கு வரும் 24-ந் தேதி உள்ளூர் விடுமுறை

Teadmin
Quick Share

விழுப்புரம் மாவட்டம், மேல்மலையனூர் அங்காளம்மன் திருக்கோவிலில் வருகிற 24-ந்தேதி தேரோட்டம் நடைபெற உள்ளது. எனவே அன்று ஒரு நாள் மட்டும் விழுப்புரம் மாவட்டத்தில் உள்ள அனைத்து அரசு அலுவலகங்களுக்கும் மற்றும் கல்வி நிறுவனங்களுக்கும் உள்ளூர் விடுமுறையாக அறிவிக்கப்படுகிறது. மேற்படி தினத்தில் அவசர அலுவல்களை கவனிக்கும் பொருட்டு விழுப்புரம் மாவட்ட கருவூல மும் மற்றும் அனைத்து சார்நிலைக் கருவூலகங்களும் குறைந்த பணியாளர்களைக் கொண்டு இயங்கும், மேலும் மாணவ-மாணவிகளுக்கு 24-ந்தேதி அன்று பள்ளி இறுதித் தேர்வுகள் நடைபெற தேதி நிர்ணயிக்கப்பட்டிருப்பின் அந்த தேர்வுகள் அன்றைய தேதியில் வழக்கம்போல் நடைபெறும். உள்ளூர் விடுமுறை 24-ந்தேதிக்கு பதிலாக 4.3.2023 (சனிக்கிழமை) அன்று அறிவிக்கப்பட்டுள்ள (சனிக்கிழமை) பணிநாள் ஆகும். இந்த தகவலை மாவட்ட கலெக்டர் பழனி தெரிவித்து உள்ளார்.




You cannot copy content of this Website