Breaking News

மாவட்ட செய்திகள்

February 10, 2023 at 10:27 am

கொசுக்களின் வாழ்நாள் அதிகரிப்பு ..வேகமாக பரவும் வைரஸ் காய்ச்சல்-சென்னை மக்களுக்கு மருத்...

Teadmin
Quick Share

கடும் குளிர் காரணமாக கொசுக்களின் வாழ்நாள் அதிகரிப்பு ..வேகமாக பரவும் வைரஸ் காய்ச்சல்.சென்னையில் கடந்த சில நாட்களாக நிலவும் கடும் குளிர் காரணமாக கொசுக்களின் வாழ்நாள் அதிகரித்துள்ளது. இதனால் வைரஸ் காய்ச்சல் பரவி வருகிறது என சுகாதாரத்துறை தரப்பில் தெரிவிக்கப்பட்டுள்ளது .தட்பவெப்பநிலை மாற்றத்தால் கொசுக்களின் மூலம் வேகமாக வைரஸ் காய்ச்சல்,டெங்கு,எலி காய்ச்சல் ,சளி,தொண்டை வலி ,போன்றவை பரவி கொண்டிருக்கிறது. கொசுக்களை கட்டுப்படுத்த டோர்ன் மூலம் கொசு மருந்து தெளிக்கப்பட்டுவருகிறது .எனவே குழந்தைகள் ,பெரியவ்ர்கள் ,இணை நோய் உள்ளவர்கள் எச்சரிக்கையாய் இருக்கவேண்டும் என மருத்துவர்கள் அறிவுறுத்துகின்றனர் .மேலும் மருத்துவர்களை அணுகி சிகிச்சை பெற வேண்டும் .தாமாக சென்று மருந்தகங்களில் பாராசிட்டாமல் மாத்திரைகளை போடா கூடாது .சென்னை மற்றும் புறநகர் பகுதில் உள்ள மக்கள் பாதிப்புகள் இருந்தால் சுய தனிமை மேற்கொண்டு சிகிச்சை பெற வேண்டும் .மக்கள் ஆரோக்கியமான காய்கறிகள்,பழங்கள் எடுத்துக்கொள்ளவேண்டும்.தூய்மையான தண்ணீரை காய்ச்சி குடிக்க வேண்டும் என மருத்துவர்கள் அறிவுறுத்துகின்றனர் .

February 8, 2023 at 1:53 pm

சென்னை பொதுப் போக்குவரத்து- ‘லைட் மெட்ரோ’ விரைவில் அறிமுகம்…

Teadmin
Quick Share

சென்னையின் பொதுப் போக்குவரத்து அமைப்பில் ‘லைட் மெட்ரோ’ விரைவில் அறிமுகப்படுத்தப்படலாம்.

சென்னையில் லைட் மெட்ரோ திட்டத்தை செயல்படுத்துவதற்கான பூர்வாங்க சாத்தியக்கூறு மதிப்பீட்டை நடத்த சென்னை ஒருங்கிணைந்த பெருநகர போக்குவரத்து ஆணையம் (CUMTA) திட்டமிட்டுள்ளது.

சென்னை மெட்ரோ, CUMTA சட்டம், சென்னை மெட்ரோ ரயில் லிமிடெட் (CMRL), மெட்ரோலைட், இலகு ரயில் போக்குவரத்து அமைப்பு (LRTS), சென்னை மெட்ரோலைட், சென்னை ஒருங்கிணைந்த பெருநகர போக்குவரத்து ஆணையம் (CUMTA)

February 4, 2023 at 5:42 pm

காதலியிடம் பேசுவதை காதலியின் தாயார் பார்த்ததால் பயம்…! மாடியில் இருந்து குதித்த ம...

Teadmin
Quick Share

சேலம் கொல்லப்பட்டியில் மதிய சட்டக் கல்லூரி உள்ளது. இந்த கல்லூரியில் தருமபுரி வெண்ணாம்பட்டியைச் சேர்ந்த சஞ்சய் என்பவர் பகுதியில் அறை ஒன்றை வாடகைக்கு எடுத்து தங்கி முதலாம் ஆண்டு படித்து வருகிறார். இவருடைய தாய் தந்தையர் இந்தியன் வங்கியில் மேலாளர்களாக பணியாற்றி வருகின்றனர். இந்த நிலையில் அதே கல்லூரியில் கரூரைச் சேர்ந்த கார்த்திகேயன் என்பவரது மகள் ஹரிணி தனது தாய்-தங்கையுடன் கொல்லப்பட்டி பகுதியில் வாடகை வீடு எடுத்து முதலாம் ஆண்டு படித்து வருகிறார். இவர்கள் இருவரும் கரூரில் பள்ளியில் பயின்ற போது மூன்று ஆண்டுகளாக காதலித்து வந்துள்ளனர். இதனால் தங்களுடைய காதலை சட்டக் கல்லூரியிலும் தொடர்ந்துள்ளனர். இதனிடைய நேற்று இரவு சுமார் ஒரு மணி அளவில் காதலி தங்கி இருந்த வீட்டுக்குச் சென்ற சஞ்சய் ஹரிணியுடன் மொட்டை மாடியில் தனிமையில் பேசிக் கொண்டிருந்ததாக கூறப்படுகிறது. அப்போது தன்னுடைய மகள் வீட்டில் இல்லாததால் அவரை தேடி மொட்டை மாடிக்கு அவர்கள் தாயார் சுகந்தி வந்தபோது இருவரும் பேசிக் கொண்டிருப்பதை பார்த்து அதிர்ந்தார்.

அப்போது அங்கிருந்து தப்பிப்பதற்கு ஏதும் வழி இல்லாததால் செய்வது அறியாத தவித்த சஞ்சய் சுமார் 50 அடி உயரத்தில் இருந்த மொட்டை மாடியில் இருந்து கீழே குதித்துள்ளார். அப்போது தலையில் பலத்த காயம் ஏற்பட்டு சம்பவ இடத்திலேயே சஞ்சய் உயிரிழந்துள்ளார். இதுகுறித்து கன்னங்குறிச்சி போலீசாருக்கு தகவல் கிடைத்ததையடுத்து விரைந்து வந்த அவர்கள் விசாரணை மேற்கொண்டு சஞ்சையின் பெற்றோர்களுக்கு தகவல் கொடுத்தனர். சஞ்சய் உடல் பிரேத பரிசோதனைக்காக அரசு மருத்துவமனைக்கு அனுப்பி வைத்தனர் மேலும் இது குறித்து விசாரணை மேற்கொள்ளப்பட்டு வருகிறது. தாய்க்கு பயந்து காதலன் மொட்டை மாடியில் இருந்து குதித்து உயிரிழந்த சம்பவம் பரபரப்பை ஏற்படுத்தி உள்ளது.

January 31, 2023 at 12:01 pm

பரோட்டோ சாப்பிட்ட சென்னை இளைஞர் பலி!!அதிர்ச்சி

Teadmin
Quick Share

சென்னை வியாசர்பாடியை சேர்ந்த கார்த்திக் என்ற இளைஞர் பரோட்டா சாப்பிட்டு உயிரிழந்த சம்பவம் பெரும் அதிர்ச்சியையும், பரபரப்பையும் ஏற்படுத்தியுள்ளது.

சென்னை வியாசர்பாடியை அடுத்த சர்மா நகர் 2-ஆவது தெருவை சேர்ந்தவர் ரவிச்சந்திரன். ரவிச்சந்திரன் மகன் கார்த்திக் (வயது 27). இவர் கொளத்தூர் வட்டார போக்குவரத்து அலுவலகத்தில் ஏஜெண்டாக பணிபுரிந்து வருகிறார்.

இந்நிலையில், நேற்று கார்த்திக்கின் குடும்பத்தினர் அனைவரும் ஹோட்டலுக்கு சென்று சாப்பிட்டு விட்டு கார்த்திக்கிற்கு பரோட்டா வாங்கி கொண்டு வீட்டிற்கு வந்தனர். கார்த்திக்கும் அந்த பரோட்டாவை உண்டு விட்டு உறங்க சென்றுள்ளார்.

அப்போது, இரவு 11 மணியளவில் கார்த்திக்கிற்கு திடீரென வாந்தி, மயக்கம் ஏற்பட்டுள்ளது. இதனால் பதறிய குடும்பத்தினர் அவரை அருகில் இருந்த தனியார் மருத்துவமனைக்கு அழைத்து சென்றுள்ளனர். அங்கு அவரை பரிசோதனை செய்த மருத்துவர்கள் உடல்நிலை மிகவும் மோசமாக இருக்கிறது என்று கூறி அரசு மருத்துவமனையான ஸ்டான்லி மருத்துவமனைக்கு அனுப்பி வைத்தனர் .

மயக்க நிலையில் இருந்த கார்த்திக்கை ஸ்டான்லி மருத்துவமனையில் பரிசோதித்த மருத்துவர்கள், அவரது உயிர் முன்னதாகவே பிரிந்துவிட்டது என்று கூறினர். இச்செய்தியை கேட்ட அக்குடும்பத்தினர் கதறி அழுதனர் .

மேலும், இதைத்தொடர்ந்து நேற்று இரவு கார்த்திக் பரோட்டா உண்ட பிறகு பாட்டிலில் அடைத்து வைக்கப்பட்டிருந்த ஜூஸ் ஒன்றை பருகியுள்ளார். பிறகு ,ஏதும் உண்ணவில்லை என்று தெரியவருகிறது. ஆனால், குடும்பத்தினர் அனைவரும் பரோட்டா உண்டபிறகு உறங்க சென்றுள்ளனர். இதைத்தொடர்ந்து, மற்றவர்களுக்கு எந்த ஒரு உடல்நிலை பாதிப்பும் ஏற்படாதா நிலையில் கார்த்திக்கின் உயிர் பிரிந்தது பெரும் அதிர்ச்சியை ஏற்படுத்தியுள்ளது.

தற்போது, கார்த்திக்கின் உடல் பிரேத பரிசோதனைக்காக ஸ்டான்லி அரசு மருத்துவமனையில் வைக்கப்பட்டுள்ளது. மேலும், இச்சம்பவம் குறித்து வியாசர்பாடி காவல்துறையினர் வழக்கு பதிவு செய்து விசாரணை நடத்தி வருகின்றனர்.

January 20, 2023 at 7:38 pm

அமெரிக்காவின் பிரபலமான கோழி பிராண்டானா popeyes -முதன் முதலாக சென்னையில் அறிமுகம்!!

Teadmin
Quick Share

ஜனவரி 2022 இல் பெங்களூருவில் அதன் முதல் உணவகத்தைத் திறந்து, ஒரு வருடத்திற்குள் நகரம் முழுவதும் 12 உணவகங்களுக்கு விரைவான விரிவாக்கத்துடன் போபியேஸின் நுழைவு இந்தியாவில் குறிக்கப்பட்டது.

ஃபுட் சர்வீஸ் பிளேயர் ஜூபிலண்ட் ஃபுட் ஒர்க்ஸ் லிமிடெட், ஜனவரி 17 புதன்கிழமை அன்று, அமெரிக்க ஃப்ரைடு சிக்கன் பிராண்டான Popeyes இன் முதல் உணவகத்தை சென்னையில் தொடங்குவதாக அறிவித்தது. இந்த பிராண்ட் அதன் தைரியமான மற்றும் பிரபலமான லூசியானா-ஸ்டைல் ​​ஃப்ரைடு சிக்கன் மற்றும் அதன் கையொப்பம் கொண்ட சிக்கன் சாண்ட்விச் ஆகியவற்றிற்கு மிகவும் பிரபலமானது, இது அமெரிக்காவிலும் உலகின் பிற பகுதிகளிலும் ஒரு நிகழ்வாக மாறியது.

பெங்களூருவில் அதன் முதல் உணவகத்தைத் திறந்து, ஒரு வருடத்திற்குள் நகரம் முழுவதும் 12 உணவகங்களுக்கு விரைவான விரிவாக்கத்துடன் போபியேஸின் முதன்மை நுழைவு இந்தியாவில் குறிக்கப்பட்டது. இந்த பிராண்ட் தனது விருந்தினர்கள் அனைவரையும் சென்னையில் உள்ள முதல் உணவகத்தில் ஜனவரி 20 முதல் பீனிக்ஸ் மார்க்கெட்சிட்டி மாலில் வரவேற்கும். ஆகஸ்ட் 2019 இல் அமெரிக்காவில் வெளியிடப்பட்ட விரைவு சேவை உணவக வரலாற்றில் மிகவும் வெற்றிகரமான தயாரிப்புகளில் ஒன்றான இந்த பிராண்டின் சிக்னேச்சர் சிக்கன் சாண்ட்விச் போன்ற உலகப் புகழ்பெற்ற தயாரிப்புகளை சென்னையில் உள்ள விருந்தினர்கள் விரைவில் ரசிக்கக் காத்திருக்கலாம்.

கஜுன் சுவையூட்டிகளில் 12 மணிநேரம், உள்நாட்டில் கிடைக்கும் மற்றும் புதிய கோழியை கையால் ரொட்டி, வடை செய்தல் மற்றும் மரைனேட் செய்தல் போன்ற பாரம்பரிய முறைக்கு போபியேஸின் வெற்றி வரவு வைக்கப்பட்டுள்ளது

January 20, 2023 at 9:09 am

பிரீ பயர்(free fire game) ஆன்லைன் விளையாட்டு மோகம் -18 வயது வாலிபர் தூக்குபோட்டு தற்கொலை

Teadmin
Quick Share

பெரம்பலூர் மாவட்டம் நக்கசேலம் அரவிந்தா நகரை சேர்ந்தவர் அன்பழகன். இவரது மகன் பாலகுமார்(வயது 18). இவர் திருச்சி மாவட்டம், சமயபுரம் அருகே உள்ள ஒரு தனியார் என்ஜினீயரிங் கல்லூரியில் மெக்கானிக்கல் பிரிவில் முதலாம் ஆண்டு படித்து வந்தார். இந்த நிலையில் பொங்கல் விடுமுறைக்கு வீட்டிற்கு வந்த பாலகுமார் எந்நேரமும் செல்போனில் பிரீ பயர் என்ற ஆன்லைன் விளையாட்டை விளையாடி வந்துள்ளார். இதனை பார்த்த அவரது தாய் அம்பிகா அவரை கண்டித்ததாக கூறப்படுகிறது.

இதனால் மனம் உடைந்த பாலகுமார் நேற்று மதியம் வீட்டில் யாரும் இல்லாதபோது, வீட்டின் ஜன்னல் கம்பியில் சேலையால் தூக்குப்போட்டுக் கொண்டார். சாவு இதனைப் பார்த்து அதிர்ச்சி அடைந்த அவரது தாத்தா வெள்ளையன் அருகில் உள்ளவர்களின் உதவியுடன் பாலகுமாரை மீட்டு சிகிச்சைக்காக திருச்சி மாவட்டம், துறையூரில் உள்ள ஒரு தனியார் ஆஸ்பத்திரிக்கு அழைத்துச் சென்றார். ஆனால் கொண்டு செல்லும் வழியிலேயே பாலகுமார் பரிதாபமாக உயிரிழந்தார். 

இதுகுறித்து பாடாலூர் போலீசார் வழக்குப்பதிவு செய்து விசாரணை நடத்தி வருகின்றனர். கடந்த 2 ஆண்டுகளுக்கு முன்பு இதேபோல் பிரீ பயர் விளையாடியதை அவரது குடும்பத்தினர் கண்டித்ததால் தூக்குப்போட்டுக்கொண்ட பாலகுமாரை அவரது குடும்பத்தினர் மீட்டு ஆஸ்பத்திரியில் சேர்த்து காப்பாற்றினர் என்பது குறிப்பிடத்தக்கது.

January 18, 2023 at 8:27 am

சென்னை வந்த சேகுவேராவின்மகள் -இயக்குநர் ராஜு முருகன் சந்திப்பு…

Teadmin
Quick Share

புரட்சியாளர் சேகுவேராவின் மகள் அலெய்டா குவேராவும், பேத்தி எஸ்டெஃபானியாவும் சென்னை ராஜா அண்ணாமலை மன்றத்தில் நாளை நடைபெறும் நிகழ்ச்சியில் பங்கேற்கின்றனர். ‘மானுட சமூக விடுதலைக்கான உண்மையான புரட்சியின் அடையாளம், என்றைக்குமான எமது ஆதர்ஷ பெருந்தோழன் சேகுவேராவின் மகள் அலெய்டா குவேராவையும், பேத்தி எஸ்டெஃபானியா குவேராவையும் சந்தித்த இத்தருணம் வாழ்வின் மிக முக்கியமானது’ என திரைப்பட இயக்குநர் ராஜு முருகன் ட்வீட் செய்துள்ளார்.

November 15, 2022 at 11:44 am

தவறான அறுவை சிகிச்சையால் காலை இழந்த கால்பந்து வீராங்கனை மரணம்!

Teadmin
Quick Share

சென்னை வியாசர்பாடியை சேர்ந்த ரவிக்குமார்-உஷாராணி தம்பதியின் மகள் பிரியா, ராணிமேரி கல்லூரியில் உடற்கல்வியியல் பாடத்தை எடுத்து படித்து வந்தார். 

கால்பந்து வீராங்கனையாகும் லட்சியத்துடன் தினமும் பயிற்சியில் ஈடுபட்ட வந்த அவர், கடந்த மாதம் 20-ந்தேதி வலது காலில் சுளுக்கு ஏற்பட்டது போல் வலியால் அவதிப்பட்டுள்ளார். 

இதையடுத்து பெரியார் நகர் மருத்துவமனையில் சிகிச்சைக்காக அவர் அனுமதிக்கப்பட்டுள்ளார். அங்கு நடந்த தவறான ஆபரேசன் காரணமாக மறுநாளே கால் பெரிய அளவு வீங்கி இருக்கிறது. 

இதையடுத்து அவரது உயிருக்கு ஆபத்து என்ற மருத்துவர்கள் கூறியதை அடுத்து, ராஜீவ்காந்தி அரசு மருத்துவமனையில் பிரியாவுக்கு வலதுகால் துண்டித்து அகற்றப்பட்டது.

இந்நிலையில் சென்னையில் நேற்று செய்தியாளர்களிடம் பேசிய சுகாதாரத்துறை அமைச்சர் மா.சுப்பிரமணியன், தற்போது மாணவிக்கு உள்ள காயம் சரியான உடன், பெங்களூருவில் இருந்து செயற்கை கால் வாங்கி பொருத்தப்படும் என்றும், அந்த மாணவிக்கு அரசு வேலை வழங்க நடவடிக்கை எடுக்கப்படும் என்றும் கூறி இருந்தார். 

மருத்துவக்குழு அளித்துள்ள விளக்கத்தின் அடிப்படையில் மாணவிக்கு சிகிச்சை வழங்கிய மருத்துவர்கள் பணியிட மாற்றம் செய்யப்பட்டுள்ளதுடன் துறை ரீதியான நடவடிக்கை எடுக்கப்பட்டுள்ளது என்றும் அமைச்சர் தெரிவித்து இருந்தார். 

இந்நிலையில் ராஜீவ் காந்தி அரசு மருத்துவமனையில் சிகிச்சை பெற்று வந்த கால்பந்து வீராங்கனை பிரியா சிகிச்சை பலனின்றி இன்று காலை 7.15 மணிக்கு உயிரிழந்தார். இதையடுத்து மருத்துவமனையில் போலீசார் குவிக்கப்பட்டுள்ளனர்.

November 15, 2022 at 8:31 am

மக்களே உஷார்!! பிரியாணி சாப்பிட்ட சில மணி நேரத்தில் பெண் பலி!

Teadmin
Quick Share

சென்னை அயனாவரம் பகுதியைச் சேர்ந்த 53 வயது தம்புசாமி மற்றும் அவரது 47 மனைவி பவானி ஆகியோர் உறவினர் வீட்டு நிகழ்ச்சிக்கு சென்று அங்கு பிரியாணி சாப்பிடனர். இதையடுத்து அவர்கள் வீட்டிற்கு திரும்பிக் கொண்டிருக்கும்போது திடீரென மாரடைப்பு காரணமாக பவானி உயிரிழந்தார். இதனால், சோகத்தில் இருந்த அவரது கணவர் தம்புசாமி, மனைவியின் இறுதிச் சடங்கிற்கு முன்பே திடீரென தூக்கில் தொங்கி தற்கொலை செய்து கொண்டார். இச்சம்பவம் பெரும் அதிர்ச்சியை ஏற்படுத்தியுள்ளது.

November 14, 2022 at 6:50 pm

சொந்த பேத்திக்கே பாலியல் தொல்லை.. திமுக கவுன்சிலரின் கணவர் மீது பரபரப்பு புகார்..!

Teadmin
Quick Share

சென்னை தண்டையார்பேட்டை மின்ட் பகுதியில் வசித்து வருபவர் பாண்டியன். இவரது மனைவி வேளாங்கண்ணி. இவர் தண்டையார்பேட்டை திமுக 53வது வட்டம் கவுன்சிலராக உள்ளார். இந்த நிலையில், 11 ஆம் வகுப்பு படித்து வரும் தனது மகளுக்கு மாமனார் பாண்டியன் பாலியல் தொல்லை கொடுத்ததாக மருமகன் சார்லஸ் பரபரப்பான புகார் ஒன்றை கொடுத்துள்ளார்.

இதுகுறித்து செய்தியாளர்களிடம் பேசிய சார்லஸ் கூறியதாவது; எனது மாமியார் வேளாங்கண்ணி தண்டையார்பேட்டை திமுக 53வது வட்டம் கவுன்சிலராக உள்ளார். அவரது கணவரான எனது மாமனார் பாண்டியன் தனது மகளுக்கு பாலியல் தொல்லை கொடுத்தது குறித்து தண்டையார்பேட்டை மகளிர் காவல் நிலையத்தில் ஆய்வாளர் பிரியதர்ஷினியிடம் புகார் கொடுத்தேன். ஆனால், நடவடிக்கை எடுக்காமல் கவுன்சிலரின் கணவன் என்பதால் அலட்சியம் காட்டுவதாக சார்லஸ் குற்றம்சாட்டினார். 

மேலும், தனது மாமனாரே சொந்த பேத்திக்கு பாலியல் சீண்டல் செய்து உள்ளது உண்மை என்று எனது மகள் கூறியும் கூட காவல்துறை நடவடிக்கை எடுக்க தயக்கம் காட்டுவது ஏன் எனவும் இந்த விவகாரம் குறித்து கேள்வி கேட்டால் பொய் வழக்கு போட்டு சிறையில் தள்ளி விடுவேன் என்றும் தண்டையார்பேட்டை மகளிர் அணி காவல் ஆய்வாளர் பிரியதர்ஷினி மிரட்டுகிறார்.

இதனால், புகார் குறித்து மகளிர் காவல் ஆய்வாளர் பிரியதர்ஷினி மீதும், தனது திமுக கவுன்சிலரின் கணவரான பாண்டியன் மீதும் தக்க நடவடிக்கை எடுக்க வேண்டும் என்று தமிழ் நாடு மனித உரிமை ஆணையம் நீதிமன்றத்தில் இன்று வழக்கு தொடர்ந்துள்ளாக பாதிக்கப்பட்டவரின் தகப்பனார் சார்லஸ் செய்தியாளர் சந்திப்பில் தெரிவித்தார்.

November 14, 2022 at 5:07 pm

விடிந்தால் திருமணம்… இரவில் புது மாப்பிள்ளை மர்ம மரணம்!!

Teadmin
Quick Share

சென்னை தாம்பரத்தைச் சேர்ந்த காளிதாஸ் மகன் 30 வயது சுரேஷ் குமார். பல்வேறு ஊர்களுக்குச் சென்று வீடுகள், நிறுவனங்களுக்கு கண்காணிப்பு கேமரா பொருத்தும் பணியைச் செய்து வந்துள்ளார். 

இந்த நிலையில் விழுப்புரம் மாவட்டம் கோட்டக்குப்பம் பகுதியைச் சேர்ந்த ஒரு பெண்ணை காதலித்து வந்துள்ளார். அவர்கள் இருவருக்கும் குடும்பத்தினர் சம்மதத்துடன் நேற்று முன்தினம் காலை ஏழு மணிக்கு புதுச்சேரி அருகே உள்ள காலாப்பட்டு முருகன் கோவிலில் திருமணம் நடந்தது. 

அன்று மாலை வரவேற்பு நிகழ்ச்சி கோட்டக்குப்பம் நகராட்சி அலுவலகம் அருகே தனியார் திருமண மண்டபத்தில் நடைபெற்றது. இந்நிகழ்ச்சி முடிந்து பெண் வீட்டார், மாப்பிள்ளை வீட்டார் அனைவரும் அங்குள்ள கெஸ்ட் ஹவுஸ் ஒன்றில் தங்கி இருந்தனர்.

அனைவரும் பேசிக் கொண்டிருந்த போது மணமகன் சுரேஷ்குமார் உடை மாற்றிக் கொண்டு வருவதாக அறைக்குள் சென்றுள்ளார். வெகு நேரமாகியும் சுரேஷ்குமார் அறையில் இருந்து வெளியே வரவில்லை. உறவினர்கள் அவரது அறைக்கு சென்று பார்த்த போது அங்கு அவர் மயங்கிய நிலையில் கிடந்துள்ளார். 

இதனால் அதிர்ச்சி அடைந்த உறவினர்கள் உடனே சுரேஷ்குமாரை மீட்டு ஜிப்மர் மருத்துவமனைக்குக் கொண்டு சென்றனர். அங்கு அவரைப் பரிசோதனை செய்த மருத்துவர்கள் சுரேஷ்குமார் ஏற்கனவே இறந்துவிட்டதாகத் தெரிவித்துள்ளனர். 

இது குறித்து தகவல் அறிந்த கோட்டக்குப்பம் போலீசார் வழக்குப் பதிவு செய்து சுரேஷ்குமாரின் மர்ம மரணம் குறித்து விசாரணை நடத்தி வருகின்றனர். திருமணத்தன்றே மணமகன் இறந்த சம்பவம் அவரது உறவினர்கள் மத்தியில் பெரும் சோகத்தை ஏற்படுத்தி உள்ளது.

November 14, 2022 at 1:19 pm

மக்களே உஷார் !!மது அருந்திவிட்டு சிக்கன் ரைஸ் சாப்பிட்டவர் பலி…

Teadmin
Quick Share

சென்னை, வியாசர்பாடியை சேர்ந்தவர் மகாவிஷ்ணு. 21 வயதான இவர் நேற்று இரவு நண்பனின் பிறந்தநாளை முன்னிட்டு மரு அருந்தி விட்டு சிக்கன் ரைஸ் சாப்பிட்டுள்ளார். அதன் பின் தனது நண்பனின் வீட்டில் உறங்கிய போது திடீரென உயிரிழந்தார். இதுக்குறித்து எம்பிகே நகர் போலீசார் விசாரணை மேற்கொண்டு வருகின்றனர்.




You cannot copy content of this Website