Breaking News

Uncategorized

January 20, 2021 at 5:30 pm

அண்டா சாப்பாட்டை 1 மணி நேரத்தில் முடித்த நபர்.., கிடைத்த பரிசு என்ன தெரியுமா ?

Teadmin
Quick Share

மகாராஷ்டிராவின் சோலாப்பூர் மாவட்டத்தில் வசிக்கும் சோம்நாத் பவார் என்பவர் சாப்பாடு சாப்பிடும் சேலஞ்சில் வெற்றிப் பெற்று, புதிய ராயல் என்ஃபீல்ட் புல்லட்டை பரிசாக பெற்றுள்ளார்

மகாராஷ்டிரா மாநிலம் புனே அருகே வாட்கான் மாவல் பகுதியில் அமைந்துள்ளது சிவ்ராஜ் ஹோட்டல். கொரோனா பரவல் காரணமாக வியாபாரம் களையிழந்ததால் வாடிக்கையாளர்களை ஈர்க்கும் வகையில் சிவ்ராஜ் ஹோட்டலின் உரிமையாளர் அதுல் வைகர், ‘புல்லட் தாலி சேலஞ்ச்’ எனும் புதுமையான போட்டி ஒன்றை அறிவித்து கவனம்
ஈர்த்துள்ளார்.

இந்த ‘புல்லட் தாலி’ அசைவ உணவுகள் அதிகம் இருக்கும். 4 கிலோ மட்டன் மற்றும் மீன்களுடன் தயாரிக்கப்பட்ட சுமார் 12 உணவுகளை உள்ளடக்கியது. ஃபிரைட் சுர்மாய், பாம்ஃப்ரெட் ஃப்ரைட் ஃபிஷ், சிக்கன் தந்தூரி, உலர் மட்டன், கிரே மட்டன், சிக்கன் மசாலா மற்றும் இறால் பிரியாணி ஆகியவை அடங்கும். ஒவ்வொரு தாலியின் விலை ரூ .2,500 ஆகும்.

இந்த புல்லட் தாலி தட்டை 60 நிமிடங்களுக்குள் சாப்பிட்டு முடிப்பவர்களுக்கு ரூ.1.65 லட்சம் மதிப்புள்ள ராயல் என்ஃபீல்ட் புல்லட் பரிசாக வழங்கப்படும் என சிவ்ராஜ் ஹோட்டலின் உரிமையாளர் அதுல் வைகர் அறிவித்தார். இதையடுத்து உணவுப் போட்டியில் பங்குகொள்ள பலரும் உணவகத்தில் குவிந்தனர்.

இந்நிலையில் மகாராஷ்டிராவின் சோலாப்பூர் மாவட்டத்தில் வசிக்கும் சோம்நாத் பவார் என்பவர் சாப்பாடு சாப்பிடும்இந்த சேலஞ்சில் வெற்றிப் பெற்று, புதிய ராயல் என்ஃபீல்ட் புல்லட்டை பரிசாக வென்றுள்ளதாக ஓட்டல் உரிமையாளர் அதுல் வைகர் தெரிவித்துள்ளார்.

January 7, 2021 at 9:55 pm

ராமேஸ்வரம் மீனவர்கள் எல்லை மீறியதாக 3 பேர் கைது

Teadmin
Quick Share

கடந்த டிசம்பர் மாதம் எல்லைத்தாண்டி மீன்பிடித்ததாக ராமேஸ்வரத்தை சேர்ந்த ஏழு மீனவர்களை இலங்கை கடற்படை கைது செய்தது. பின்னர் நீதிமன்றத்தில் ஆஜர்படுத்தி ஜெயிலில் அடைத்தது. இந்த நிலையில் கிளிநொச்சி நீதிமன்றம் இன்று ஏழு பேரையும் நிபந்தனைகளுடன் விடுதலை செய்துள்ளது.”

மத்திய வெளியுறவுத்துறை மந்திரி ஜெய்சங்கர் இலங்கை சென்றுள்ளார். இலங்கை சென்ற அவர், இலங்கை கடற்படையால் கைது செய்யப்பட்ட மீனவர்கள் விடுதலை செய்யப்படுவார்கள் பேசியிருந்தார். அதேவேளையில் எல்லைத்தாண்டி மீன்பிடித்ததாக 3 பேரை இலங்கை கடற்படை கைது செய்துள்ளது குறிப்பிடத்தக்கது.

January 7, 2021 at 9:48 pm

கலெக்டர் அதிரடி உத்தரவு !! பவுர்ணமி கிரிவலம் செல்ல பக்தர்களுக்கு தடை

Teadmin
Quick Share

திருவண்ணாமலை அருணாசலேஸ்வரர் கோவில் பஞ்சபூத ஸ்தலங்களில் அக்னி ஸ்தலமாக
விளங்குகிறது.

ஒவ்வொரு மாதமும் வரும் பவுர்ணமி நாட்களில் திருவண்ணாமலை அருணாசலேஸ்வரர் கோவிலில் உள்ளூர் மட்டுமின்றி வெளி மாவட்டங்கள், வெளி மாநிலங்களை சேர்ந்த ஆயிரக்கணக்கான பக்தர்கள்
அருணாசலேஸ்வரர் கோவிலின் பின்புறம் உள்ள மலையை சுற்றி கிரிவலம் செல்வது வழக்கம்.

கொரோனா வைரஸ் நோய் தொற்று பரவாமல் தடுக்கவும், பொதுமக்கள் நலன் கருதியும் பவுர்ணமி நாளான வருகிற 29 மற்றும் 30-ந் தேதிகளில் திருவண்ணாமலையில் கிரிவலம் செல்ல தடை விதிக்கப்படுகிறது. எனவே பக்தர்கள் மற்றும் பொதுமக்கள் அனைவரும் திருவண்ணாமலைக்கு கிரிவலம் செல்லவதற்கு வர வேண்டாம் என்று திருவண்ணாமலை மாவட்ட கலெக்டர் சந்தீப்நந்தூரி உத்தரவு பிறப்பித்துள்ளார்.

December 10, 2020 at 11:20 pm

உலகையே திரும்பி பார்க்கவைத்த மகளின் கிறிஸ்துமஸ் பரிசு

Teadmin
Quick Share

டிசம்பர் மாதம் அரபிடதிலிருந்து உலகம் முழுவதும் கிறிஸ்துமஸ் கொண்டாட்டம் களைக்கட்டியுள்ளது.கொரோனாவில் மீண்டு வரும் நிலையில் கிறிஸ்துமஸை சிறப்பாக கொண்டாட
ஆர்வம் கொண்டுள்ளன. சொந்தங்களுக்கும் அன்பானவர்களுக்கும் பரிசுகள் வழங்கி கிறிஸ்துமஸை வரவேற்று வருகின்றனர்.”

இங்கிலாந்தைச் சேர்ந்த ரே லிட்டல் என்ற நபர் தன்னுடைய செல்ல மகளுக்காக பொம்மை ஒன்றை ஆர்டர் செய்தார்.
இந்திய ரூபாய் மதிப்பில் அந்த பொம்மை ரூ.50 ஆயிரத்துக்கு ஆர்டர் செய்யப்பட்டது. ஆனால் அந்த தந்தை பொம்மையின் அளவை சரியாக கவனிக்கவில்லை. ஆர்டர் செய்த பொம்மை வரும், வீட்டுக்குள் வைத்து விளையாடலாம் என்று எதிர்பார்க்கப்பட்ட நிலையில், ஒரு மிகப்பெரிய பார்சல் வீட்டுக்கு வந்தது. அதனை
பார்த்ததும் லிட்டலுக்கும், அவரது குடும்பத்தினருக்கும் ஆச்சரியமும் அடைந்தனர்.

லிட்டல் ஆர்டர் செய்தது சின்ன பொம்மை அல்ல 35 அடி உயர பொம்மை. வீட்டை விடவும் பெரிய பொம்மையை வேறு வழியில்லாமல் வீட்டுக்கு வெளியே வைத்து கொண்டாடினார் லிட்டல். இந்த செய்தி அப்பகுதி முழுவதும் வைரலாக பரவ, பலரும் வந்து 35 அடி உயர பொம்மை அருகே புகைப்படம் எடுத்துக்கொண்டனர்.”

வீட்டின் முன் கூட்டம் வர தொடங்கிவிட்டது வீட்டுக்கு வரும் கூட்டத்திடம், சமீபத்தில் உயிரிழந்த தன்னுடைய தந்தை நினைவாக தொண்டு நிறுவனத்துக்கு பணம் வசூலையும் லிட்டல் தொடங்கினார். கிட்டத்தட்ட 8000ஆயிரம் டாலருக்கு மேல் பணம் வசூலாகியுள்ளதால் லிட்டல் மகிழ்ச்சியில் உள்ளார். கிட்டத்தட்ட 50ஆயிரத்துக்கும் அதிகமானோர் அவர் வீட்டுக்கு வருகை தந்ததாக லிட்டல் தெரிவித்துள்ளார்.

December 2, 2020 at 7:28 am

இந்த கருட மந்திரம் 108 முறை தொடர்ந்து சொன்னால் இது நடக்கும்

Teadmin
Quick Share

கொரோனா பிரச்சனைக்கு முக்கிய காரணமே ராகு, கேது தான் பக்ஷி ராஜனான கருடாழ்வாரின் வழிபாடு மட்டுமே நம்மை இந்த பேராபத்தில் இருந்து காக்கும்.முதலில் ஒரு அடிப்படை உண்மையை அனைவரும் புரிந்து கொள்ள வேண்டும்.

கழுகு வேறு, கருடன் வேறு.விலங்கியலின் படி புலியும், பூனையும் கூட ஒரே குடும்பம் தான். கருடன், கழுகு இரண்டுமே தோற்றத்தில் ஒரே மாதிரி இருந்தாலும் கழுகு என்பது மாமிச பக்ஷிணி ஆனால் கருடன் என்பது வேத பக்ஷிணி.நம் நாட்டில் கழுகின் எண்ணிக்கையே ரொம்ப கம்மி கழுகை விட கருடனின் எண்ணிக்கை இன்னும் ரொம்ப கம்மி. ஆனாலும் பெருமாள் கோவில் கும்பாபிஷேகம் என்றாலும், சிவன் கோவில் கும்பாபிஷேகம் என்றாலும் கருடாழ்வார் கோபுரத்தை வந்து வட்டமடிப்பதை நாம் பார்க்கிறோம்.

மேலும் திருப்பதி பிரமோற்சவம், திருவண்ணாமலை கார்த்திகை தீபம், திருச்செந்தூர் சூர சம்ஹாரம், சபரிமலை மகர ஜோதி போன்ற முக்கிய ஆலய நிகழ்வுகளில் பக்ஷி ராஜன் கரெக்ட்டா வந்து ஆஜர் ஆகிடுவார்.
கும்பகோணம் அருகே உள்ள நாச்சியார் கோவில் கருடாழ்வார் இன்றுவரை பல அற்புதங்களை செய்து கொண்டிருக்கிறார்.சர்ப்ப தோஷம் முதல் சர்வ தோஷங்களும் தீர கருட பிரயோக மந்திரம் ஒன்றே தீர்வு.
இந்த கருட பிரயோக மந்திரம் இதுவரை பல அற்புதங்களை செய்துள்ளது.

தமிழ்நாட்டில் ஒரு கிராம தேவதைக்கு சில மாந்த்ரீகர்கள் போட்ட மந்திர கட்டை இந்த கருட மந்திரம் அவிழ்த்தது. பலரின் தீய கர்ம வினைகளை இந்த கருட மந்திரம் போக்கி உள்ளது.3 ஆண்டுகளுக்கும் மேலாக கோமாவில் ஒரு சிறுவன் இருந்தான். அவனின் பெற்றோர் இந்த கருட மந்திரத்தை அவன் அருகே அமர்ந்து தொடர்ந்து உச்சிரித்து கொண்டிருந்தார்கள் அதன் பலனாக வெறும் 2 வாரங்களில் அந்த சிறுவன் கோமாவில் இருந்து மீண்டான். இதுபோல் பல உதாரணங்களை சொல்லலாம்.இருந்தாலும் இந்த கருட பிரயோக மந்திரம் பல லக்ஷம், பலகோடி மக்களிடம் பரவ வேண்டும் பல லக்ஷம் மக்கள் இந்த மந்திரத்தை சொன்னால் தான் கொரோனாவின் தாக்கம் குறையும்.

இந்த கருட பிரயோக மந்திரத்தை ஒருநாளைக்கு 108 முறை எனும் விதத்தில் தொடர்ந்து 11 நாட்கள் சொன்னாலே இந்த மந்திரம் நம்மை ஒரு கவசமாக காக்கும். இந்த கருட மந்திரத்தை 108 முறை தொடர்ந்து சொன்னால் உங்கள் நெற்றியில் லேசாக வியர்க்கும். AC போட்டு சொன்னாலும் வியர்க்கும். அதே சமயம் நீங்கள் நல்ல வெய்யிலில் இந்த மந்திரத்தை 108 முறை சொன்னாலும் வியர்ப்பது மட்டுமல்லாமல் உங்கள் நெற்றியின் இடது பக்கம் ஒருவித லேசான குளிர்ச்சியை நீங்கள் உணர்வீர்கள்.

ஓம் ஸ்ரீ காருண்யாய, கருடாய, வேத ரூபாய,வினத புத்ராய, விஷ்ணு பக்தி பிரியாய, அம்ருத கலச ஹஸ்தாய, பஹு பராக்ரமாய, பக்ஷி ராஜாய,சர்வ வக்கிர நாசநாய, சர்வ தோஷ, சர்ப்ப தோஷ,விஷ சர்ப்ப விநாசநாய ஸ்வாஹா.

எனும் இந்த மந்திரம் கொஞ்சம் பெரிசு இதை 108 முறை தொடர்ந்து சொல்ல 40 முதல் 45 நிமிடங்கள் வரை ஆகும். அதனால் காலையில் 36, மாலையில் 36, இரவு 36, என மூன்று வேளை இந்த மந்திரத்தை சொல்லலாம் இல்லை என்றால் குறைந்த பக்ஷம் காலை 11, மாலை 11, இரவு 11 என ஒரு நாளைக்கு 33 முறை இந்த மந்திரத்தை சொல்லலாம். இதை சொல்ல, சொல்ல கற்பனையே பண்ணி பார்க்க முடியாத ஒரு பாசிட்டிவ் வைப்ரேஷனை நீங்கள் உணர்வீர்கள் .

எம்பெருமான் திருவடிகளே சரணம், கருடாழ்வார் திருவடிகளே சரணம்.

October 21, 2020 at 7:50 pm

விண்வெளியில் தேயிலையால் நடந்த விஷயம்.., வியக்க வைத்த விண்வெளி ஆச்சரியம்…!

Teadmin
Quick Share

சர்வதேச விண்வெளி நிலையத்தில் ஆக்ஸிஜன் உற்பத்தி அறை, கழிப்பறை மற்றும் உணவு தயார் செய்யும் அடுப்பு போன்றவற்றில் கோளாறுகள் எழுந்தது. ISS ரஷ்ய பிரிவில் உள்ள கழிப்பறை ஒழுங்கற்றதாகவும், குழுவினருக்கு ஆக்ஸிஜனை வழங்க பயன்படும் நீர் அமைப்புகள் காலியாக இருப்பதாகவும், உணவை அடுப்பில் வேக வைப்பதில் தடை இருப்பதாகவும் விண்வெளி குழுவினர் பிரச்சனைகளை கூறினார்.

NASA-வின் கிறிஸ் காசிடி மற்றும் விண்வெளி வீரர்களான அனடோலி இவானிஷின் மற்றும் இவான் வாக்னர் ஆகிய ஆறு நபர்கள் உள்ளனர். இதில் பாதி பேர் வியாழக்கிழமை அன்று அதிகாலை பூமிக்கு வருவதற்கு தயாராகி வரும்போது பிரச்சினைகள் எழுந்தன. இந்நிலையில் காஸ்மோனாட் அனடோலி இவானிஷின் ஒரு பையில் இருந்து தேயிலை இலைகளை ஸ்வெஸ்டா சர்வீஸ் மாட்யூலின் பரிமாற்ற அறையில் வெளியிட்டார்.

தொகுதியின் தகவல் தொடர்பு உபகரணங்கள் அருகே சுவரில் ஒரு கீறலை நோக்கி இலைகள் மெதுவாக மிதந்தன இது காற்று கசியும் விரிசல் என்பதற்கான அறிகுறியாகும் உடனே கேப்டன் டேப்பைப் பயன்படுத்தி கசிவைத் தடுத்ததாக ரஷ்ய விண்வெளித்துறை தெரிவித்து உள்ளது. விண்வெளி ஆய்வு நிலையத்தை தாக்கும் சமீபத்திய தொழில்நுட்ப பிரச்சனைகளில் இதுவும் ஒன்றாக உள்ளது.

சுற்றுப்பாதை ஆய்வகத்தின் முதல் தொகுதி இரண்டு தசாப்தங்களுக்கு முன்னர் 1998-ல் தொடங்கபட்டது. எனவே அதை நவீன படுத்த வேண்டிய கட்டாயம் ஏற்பட்டுள்ளது. இதே போல் கடந்த வாரம், ஸ்வெஸ்டா தொகுதியில் ஆக்ஸிஜன் வழங்கல் முறை தோல்வியடைந்தது. இது தற்போது சரி செய்யப்பட்டுள்ளதாக என்று ரஷ்ய விண்வெளித்துறை தெரிவித்துள்ளது.

August 24, 2020 at 9:03 am

நீட் தேர்வு குறித்து மத்திய அரசிடம் முக்கிய கோரிக்கையை முன்வைத்த ராகுல்காந்தி!

Teadmin
Quick Share

நீட் மற்றும் ஜே.இ.இ. தேர்வுகள் குறித்து மாணவர்களின் மனதின் குரலை மத்திய அரசு கேட்க வேண்டும் என காங்கிரஸ் முன்னாள் தலைவர் ராகுல் காந்தி வலியுறுத்தியுள்ளார். இதுகுறித்து தனது டுவிற்றரில் பதிவிட்டுள்ள அவர், மாணவர்கள் ஏற்றுக்கொள்ளக் கூடிய தீர்வை மத்திய அரசு அளிக்க வேண்டும் என குறிப்பிட்டுள்ளார்.

இதேவேளை, நாட்டில் இன்னும் கொரோனா வைரஸ் கட்டுக்குள் வரவில்லை எனவும் இந்த சூழ்நிலையில் மாணவர்கள் தேர்வு எழுதச் செல்லவிருப்பதால் பெற்றோர்கள் மிகுந்த கவலையில் உள்ளதாக காங்கிரஸ் கட்சியின் பொதுச்செயலாளர் பிரியங்கா காந்தி தனது ருவிற்றர் பதிவில் தெரிவித்துள்ளார்.

இந்நிலையில் மத்திய அரசு இந்த நேரத்தில் தேர்வு நடத்துவது குறித்து பரிசீலனை செய்ய வேண்டும் என அவர் வேண்டுகோள் விடுத்துள்ளார். இந்தியாவில் கொரோனா வைரஸ் பெருற்று தொற்று தீவிரமாக அதிகரித்துவரும் நிலையில், நீட் தேர்வை நடத்தியே தீர வேண்டுமென மத்திய அரசு தீர்க்கமாக உள்ளது.

இந்நிலையில், கொரோனா காரணமாக நிறுத்தி வைக்கப்பட்டிருந்த நீட் தேர்வுகள் செப்டம்பர் 13ஆம் திகதி நடைபெறும் என்று மத்திய அரசால் அறிவிக்கப்பட்டுள்ளது. அதேபோல், ஜே.இ.இ. முதன்மை தேர்வும் திட்டமிட்டபடி செப்டம்பர் முதலாம் திகதி ஆரம்பமாகும் என தெரிவிக்கப்பட்டுள்ளமை குறிப்பிடத்தக்கது.

August 10, 2020 at 11:11 am

அதிர்ச்சி ..திருமணமாகி 2 மாதம் கூட முடியவில்லை…புதுப்பெண்ணுக்கு நேர்ந்த கொடூர சம்...

Venni
Quick Share

சிவகாசி அருகே ஆலமரத்துபட்டி ரோடு பெரியார் காலனியை சேர்ந்தவர் செல்வபாண்டியன்(26). இவருக்கும் பிரகதி மோனிகா(24) என்பவருக்கும் கடந்த ஒன்றரை மாதங்களுக்கு முன் திருமணம் நடைபெற்றது.

செல்வபாண்டியன் அதே பகுதியில் உள்ள அட்டை தயாரிக்கும் தொழிற்சாலை ஒன்றில் பணியாற்றி வருகிறார்.

இந்நிலையில், சம்பவ தினத்தன்று வீட்டில் இருந்த பிரகதி மோனிகா ரத்த வெள்ளத்தில் பிணமாக கிடந்துள்ளார். இதுகுறித்து அக்கம், பக்கத்தினர் கொடுத்த தகவலின் அடிப்படையில் வீட்டுக்கு வந்த கணவர் செல்வபாண்டியன் போலீசாரிடம் புகார் அளித்தார்.

சம்பவ இடத்திற்கு வந்த போலீசார், பிரகதி மோனிகாவின் உடலைக் கைப்பற்றி பிரேத பரிசோதனைக்கு அனுப்பி வைத்துள்ளனர்.

புதுப்பெண் வீட்டில் இருந்ததை அறிந்து மர்ம நபர்கள் அவரது வீட்டுக்குள் நுழைந்து இருக்கலாம் என போலீசார் கூறுகின்றனர்.மேலும் மரணத்திற்கு முன் பிரகதி மோனிகா அவர்களுடன் வெகுவாக போராடி இருப்பதாகவும் தெரிகிறது.

மர்ம நபர்கள் நகைகளுக்காக வந்தவர்களா? இல்லை வேறு ஏதேனும் காரணமா? என போலீசார் தீவிர விசாரணை நடத்தி வருகின்றனர்.

July 31, 2020 at 2:55 pm

நான் பாஜகவுக்கு செல்லவில்லை.., நான் சொந்த சிந்தனை கொண்ட தனிநபர் !!

Teadmin
Quick Share

நடிகை குஷ்பூ சமீபத்தில் மத்திய அரசு வெளியிட்ட புதிய கல்விக் கொள்கையை பற்றி பேசியது சர்ச்சையானது. இதுகுறித்து ட்விட்டரில் பதிவிட்ட குஷ்பூ கட்சித் தலைமை என்ன கூறினாலும் தலையாட்டுபவர் நான் இல்லை என தைரியமாக கூறினார். மேலும் காங்கிரஸ், மத்திய அரசின் கல்விக் கொள்கையில் எடுத்துள்ள நிலைப்பாட்டை ஏற்க மறுத்ததாக பரவலாக பேசப்பட்டது.

மேலும் இது குறித்து நடிகை குஷ்பு அனைத்தையும் தனது சமூக வலைத்தளத்தில் தெளிவுபடுத்தியுள்ளார். ஒரு தனி நபராக நான் எடுத்துள்ள நிலைப்பாட்டை நான் தெரிவித்தேன் என குஷ்பூ பதிவிட்டுள்ளார். குஷ்பு வெளியிட்டுள்ள பதிவில் மத்திய அரசின் புதிய கல்விக்கொள்கையில் தனது நிலைப்பாடு, கட்சியிலிருந்து வேறுபடுகிறது.

அதற்காக நான் ராகுல் காந்தியிடம் மன்னிப்பு கேட்கிறேன். ஆனால் நான் தலையை ஆட்டும் ரோபோ போல் இருப்பதை விட உண்மையை பேசுகிறேன். நான் பாஜகவுக்கு செல்லவில்லை, என் கருத்து கட்சியிலிருந்து வேறுபட்டிருக்கலாம் ஆனால், நான் சொந்த சிந்தனை கொண்ட ஒரு தனிநபர். புதிய கல்விக்கொள்கையில் சில இடங்களில் குறைகள் இருப்பினும், மாற்றத்தை நேர்மறையுடன் பார்க்கிறேன்,” என தனது நிலைப்பாட்டை பதிவிட்டுள்ளார்.

July 24, 2020 at 8:14 pm

தமிழகத்தில் இன்று மட்டும் 65,150 மாதிரிகள் பரிசோதனை செய்யப்பட்டதில் 6,729 பேருக்கு கொரோ...

Teadmin
Quick Share

தமிழகத்தில் இன்று மட்டும் 65,150 மாதிரிகள் பரிசோதனை செய்யப்பட்டதில் 6,729 பேருக்கு கொரோனா உறுதியாகியுள்ளது. அதில், 6,729 பேர் தமிழகத்தை சேர்ந்தவர்கள். வெளிமாநிலம், வெளிநாட்டில் இருந்து வந்தவர்கள் 56 பேர். இதனால் பாதிக்கப்பட்டவர்களின் எண்ணிக்கை 1,99,749 ஆக அதிகரித்துள்ளது.

இன்று கொரோனா பாதித்த 88 பேர் உயிரிழந்தனர் இதில் 22 பேர் தனியார் மருத்துவமனையிலும், 66 பேர் அரசு மருத்துவமனையிலும் உயிரிழந்தனர். தமிழகத்தில் கொரோனா உயிரிழப்பு மொத்தமாக 3,320 ஆக அதிகரித்துள்ளது.தமிழகத்தில் இதுவரை 22,23,019 மாதிரிகள் சோதனையிடப்பட்டன.

இன்று கொரோனா உறுதியானவர்களில், 4,137 பேர் ஆண்கள், 2,648 பேர் பெண்கள். கொரோனா பாதித்த, ஆண்களின் மொத்த எண்ணிக்கை 1,21,389 ஆகவும், பெண்களின் எண்ணிக்கை 78,337 ஆகவும், மூன்றாம் பாலினத்தவர்களின் எண்ணிக்கை 23 ஆகவும் உள்ளது. இன்று மட்டும் 6,504 பேர் டிஸ்சார்ஜ் செய்யப்பட்டனர். இதனால், வீடு திரும்பியவர்களின் எண்ணிக்கை ஒரு லட்சத்து 43 ஆயிரத்து 297 ஆக உள்ளது.

இன்று மட்டும் தற்போது 53,132 பேர் சிகிச்சையில் உள்ளனர். 12 வயது வரை உள்ள சிறுவர், சிறுமிகள் என 10,006 பேர், 13 முதல் 60 வரை உள்ளவர்கள் 1,64,995 பேரும், 60 வயதுக்கு மேற்பட்டவர்கள் 24 ஆயிரத்து 748 பேரும் கொரோனாவால் பாதிக்கப்பட்டுள்ளனர். தமிழகத்தில் உள்ள 114 ஆய்வகங்கள் அரசு-58 மற்றும் தனியார் 56 ஆய்வகங்கள் செய்யப்பட்டு வருகிறது என சுகாதார துறை அமைச்சகம் தெரிவித்துள்ளது.

July 17, 2020 at 9:28 am

நடிகர் விஜய குமாரின் பேத்தியை பாத்துள்ளீர்களா?..

Teadmin
Quick Share

தமிழ் திரையுலகில் பல படங்களில் வில்லனாகவும் குணச்சித்திர வேடங்களில் நடித்து மக்கள் மனதில் நீங்கா இடம் பிடித்தவர் நடிகர் விஜயகுமார். அவரின் வாரிசுகளும் சினிமாவில் இருக்கிறார்கள். விஜய குமாருக்கு மஞ்சுளா, முத்துக்கண்ணு என இரண்டு மனைவிகள். இவர்களுக்கு அனிதா, கவிதா, அருண் விஜய், வனிதா, ஸ்ரீதேவி, பிரீத்தா என மகன், மகள்கள் இருக்கின்றனர்.

இதில் அனிதா என்பவரை பலரும் பார்த்திருக்க வாய்ப்பில்லை. சினிமாவில் இவர் முகம் காட்டவில்லை. இவரின் மகள் தான் தியா. தற்போது தியாவின் புகைப்படம் சமூக வலைதளத்தில் வைரலாகி வருகிறது.

July 14, 2020 at 7:25 am

தன்னுடன் 5 வருடம் குடும்பம் நடத்திய பெண்ணிற்கு மது ஊற்றி கொடுத்து செய்த கொடூர சம்பவம் !!

Teadmin
Quick Share

சென்னை வேளச்சேரி பகுதியில் பழைய பொருட்களை பொறுக்கி விற்பனை செய்து வந்த செல்வி (வயது 55), பரணிதரன் என்னும் 40 வயது நபருடன் வசித்துள்ளார். செல்வியுடன் கடந்த 5 ஆண்டுகளாக குடும்பம் நடத்தி வந்துள்ளார்.

இருவரும் ஒன்றாக கடந்த 9ம் தேதி இரவு மது அருந்தியபோது இருவருக்கும் வாக்குவாதம் ஏற்பட்டுள்ளது. ஆத்திரமடைந்த பரணிதரன், செல்வியை உருட்டுக் கட்டையால் சரமாரியாக தாக்கிவிட்டு அங்கிருந்து தப்பியோடிவிட்டார்.

வேளச்சேரி அண்ணாநகர் 5வது பிரதான சாலை நடைபாதையில், கடந்த 10ம் தேதி மதியம் செல்வி தலையில் படுகாயங்களுடன் கிடந்தார். காயமடைந்த செவியை அப்பகுதியினர் ராயப்பேட்டை அரசு மருத்துவமனையில் சேர்த்தனர். அனால் சிகிச்சை பலனின்றி நேற்று மரணமடைதார். இதன் அடிப்படையில், கொலை வழக்குப்பதிவு செய்து, பரணிதரனை போலீசார் கைது செய்துள்ளனர்.




You cannot copy content of this Website